Chorshanba, 01-oktyabr, 2014 Toshkent vaqti: 10:58

AQSh-Markaziy Osiyo

Islom Karimov tashqi siyosati na izchil va na ishonchli, deydi tahlilchilar

Prezident Karimov Yevropa Ittifoqi Tashqi ishlar vazirasi Ketrin Eshton bilan, Toshkent, 2012
Prezident Karimov Yevropa Ittifoqi Tashqi ishlar vazirasi Ketrin Eshton bilan, Toshkent, 2012

Multimedia

Audio
Amerika Ovozi
Bu hafta Nyu-Yorkdagi Kolumbiya Universitetida (Columbia University)  O’zbekistondagi ichki vaziyat va uning tashqi siyosati muhokamada bo’ldi. Bu mavzularni yoritib kelayotgan jurnalistlar, tahlilchilar va vaziyatni kuzatib kelayotgan xalqaro tashkilotlarning vakillari Kolumbiya universiteti qoshidagi Garriman institutida (Harriman Institute) o’z fikr va mulohazalarini bildirdi. Maqsad – Amerika ilmiy va siyosiy doiralarini dolzarb masalalardan ogoh etish, ularga mamlakatni tushunishga yordamlashish. 

Kolumbiya Universitetida O'zbekiston haqida anjuman, 2-qism/Navbahor Imamova
Islom Karimov, O'zbekiston tashqi siyosati/Navbahor Imamovai
|| 0:00:00
...
 
🔇
X

Anjuman Garriman instituti va Ochiq Jamiyat Jamg’armasi tomonidan tashkil etildi. Unda so’zlash uchun "Amerika Ovozi" jurnalisti Navbahor Imamova ham taklif qilindi. Mutaxassis o'z faoliyati, 15 yildan oshiq davrdan beri yoritgan mavzulariga asoslanib, O’zbekiston tashqi siyosati ortidagi omillar, tuzum tabiati, Islom Karimovning Vashington va Moskvaga qanday yondashishini tahlil qilib berdi.
 
"Mustaqillikning 22-yilida ham O’zbekiston aniq tashqi siyosat doktrinasiga ega emas. Davlat xalqaro sahnada o’z boy tarix va madaniyatini targ’ib qilgan holda tanilishga, o’z nufuziga ega bo’lishga urinadi. Toshkent yirik davlatlar, jumladan AQSh va Rossiyadan nima istaydi? O’zbekiston bilan hamkorlikdan bu mamlakatlar qanday foyda ko’radi? E’tibor bunga emas, asosan O’zbekistonni tanqid ostiga olayotgan tomonlarga qaratiladi. Aloqalarni mustahkamlash, respublikaga nisbatan ishonchni oshirish uchun nima qilish kerak deb o’ylash o’rniga, Karimov ma’muriyati “uni nishonga olayotgan qora kuchlarga” qarshi harakat bilan mashg’ul. O’zbekiston rasmiylari hamisha “ajnabiy kuchlardan” shubhalanadi. Bu bilan davlat o’ziga bo’lgan ishonchi naqadar past ekanini namoyish etadi. Tashqi dunyoda Toshkentga nisbatan yangragan har bir tanqid shaxsiy tanqiddek qabul qilinadi. Xalqaro maydondagi munosabatlarni tahlil qilib, tegishli xulosa chiqarib, o’zaro ishonch-hurmatni kuchaytirish o’rniga, O’zbekiston rahbariyati  “tanqidchilarni” jazolash bilan ovora. Mag’rur va kuchli davlat tanqidga chidaydi, o’z kamchiliklarini bartaraf etishga, yil sayin olg’a qadam tashlashga harakat qiladi",- dedi Imamova.
 
Prezident Islom Karimov tashqi siyosat tamoyillari haqida qanchalar bong urmasin, dunyo sahnasida, ayniqsa G’arbda uni tushunishga qiynalishadi. 

"Nima uchun deb so’raganimizda, Amerika va Yevropa diplomatlari Toshkent tashqi siyosatida izchillik, barqaror asos yo’q deb aytishadi",- deydi jurnalist.
 
O’zbekiston kutilmagan qadamlar tashlashga o’rgangan. Vashington yoki Bryusselda tanqid yangrasa, Karimov birdaniga Rossiya bag’riga qaytishi mumkin yoki Moskvadan bosim oshsa, G’arb bilan apoq-chapoq bo’lishga harakat qilib qoladi.

"Ertaga nima bo’ladi, buni hech kim aniq aytolmaydi. Yakkahokimlikka asoslangan tuzumlarga xos illat bu. Markaziy Osiyoning boshqa davlatlari ham shunisi bilan ajralib turadi, chunki ularning barida hokimiyat bir shaxs qo’lida, tashqi siyosatni ham u belgilaydi",- deydi Imamova.
 
"Vashington Toshkent bilan munosabatlarda ehtiyotkorlik bilan qadam bosishga majbur. Davlat departamenti rasmiylari orasida “aks holda boridan ham quruq qolamiz” degan xavotir bor",- deydi jurnalist. 

AQSh uchun ustuvor masala – Markaziy Osiyo, xususan, O’zbekiston orqali Afg’onistonga kirib-chiqishni ta’minlash. Zarur ta’minot yo’llari ochiq turishi kerak.  
 
Toshkent ham o’z navbatida 2014-yildan keyingi vaziyat qanday rivojlanishidan xavotirda. AQSh ketishini kutayotgan Rossiya Markaziy Osiyodagi ta’sirini kuchaytirish ilinjida. Karimov muvozanatni saqlab qolish va o’z manfaatlarini yanada himoya qilishga intilishi tabiiy.
 
Britaniyalik mutaxassis, Markaziy Osiyo bo’yicha qator kitob va maqolalar muallifi Deyvid Luis (David Lewis) terrorizm va qoradori savdosiga qarshi kurash asosiy o’rinda qoladi degan fikrda. Vaholanki, hozirgi kunda bu tahdidlar uncha katta emas.
 
“O’zbekiston Islomiy Harakatini oladigan bo’lsak, u bundan 5-6 yil avvalgi vaziyatga qiyoslaganda Tolibonning uzviy qismiga aylanib bo’lgan, Pokistonda ancha faol. Uni moliyalaydigan kuchlar uchun harakatning Afg’oniston hukumatiga qarshi faoliyati muhimroq”.
 
Karimov hukumati o’z repressiyasini oqlash uchun terrorizm tahdidini bo’rttirib ko’rsatadi, deydi Luis.
 
“O’zbekiston fuqarosi bo’lsangiz, hukumat tomonidan o’ldirilishingiz ehtimoli terrorchilar qo’lidan nobud bo’lish ehtimolidan kattaroq. Qanchalik dahshatli tuyulmasin, bu haq gap”, - deydi ingliz olimi.
 
Qoradori savdosi haqida gapirar ekan, Luis 2014-yilda xalqaro qo’shinlar Afg’onistonni tark etganidan keyin bu muammo ancha  jiddiylashishini aytadi.

"Hamma xavotirda. Biroq O’zbekiston orqali o’tadigan traffikka hukumat rasmiylari ham aralashgan. Kelajakda bu vaziyat o’zgarishiga ishonmayman. Rasmiylar uyushgan jinoiy guruhlar bilan yaqin aloqada va narkotiklar savdosi ustidan nazorat ular qo’lida,” - deydi Deyvid Luis.  
 
Anjumanda so’zga chiqqan Alan Deletroz, Bryusselda asoslangan va xalqaro bo’hronlarni o’rganuvchi tashkilot (International Crisis Group) vitse-prezidenti nazarida, Yevropa Ittifoqining O’zbekiston bilan aloqalari bugungi kunda juda pragmatik.
 
“Andijon fojiasidan keyin joriy etilgan sanksiyalar ko’p o’tmay bekor qilindi. Ular natija bermadi, aksincha, Yevropa Ittifoqining zaifligini namoyish qildi. Hozirda Yevropaning Markaziy Osiyoga nisbatan uyg’un, uzoq kelajakni ko’zlaydigan strategiyasi yo’q”, - deydi Deletroz.
 
“Shunisi hammaga oydek ravshanki, Islom Karimov rejimi bilan aloqalarni rivojlantirish juda qiyin”, - deydi ekspert.
 
NATO qo’shinlarining Afg’onistondan olib chiqilishi katta mablag’ hamda qo’shni mamlakatlar hamkorligini talab qiladi. Demak, Yevropa Ittifoqi O‘zbekistonga muhtoj. Bryussel Karimov bilan muloqotni davom ettiradi, deydi Deletroz.
 
Hozirda Toshkent G’arb bilan xalqaro qo’shinlarga tegishli harbiy asbob-uskunaning bir qismini O’zbekistonda qoldirilishi yuzasidan muzokaralar olib bormoqda.  
 
“Karimov pozitsiyasi juda mustahkam. Yevropa Ittifoqining bu rejimga ta’sir vositalari juda cheklangan. Afsuski, bu vaziyat G’arb davlatlari shu kungacha olib borgan siyosat mahsuli,” - deydi Deletroz.
 
Lekin, deydi mutaxassis, hozirda Yevropa Karimovga nisbatan zaif  pozitsiyada ko’rinsa-da, kelajakda shunday qoladi deb bo’lmaydi. Demokratik tuzumlarning xotirasi yaxshi, kelajakda inson huquqlari va erkinlik borasidagi talablar yangilanadi deb ishonch bilan aytish mumkin, deya xulosa qiladi Alan Deletroz.  



Kolumbiya Universitetida O'zbekiston haqida anjuman, 1-qism/Shohruh Hamro
Kolumbiya Universitetida O'zbekiston haqida anjuman, 1-qism/Shohruh Hamroi
|| 0:00:00
...
 
🔇
X

Anjumandagi ma'ruzalar - original audio/Conference audio, original:

Columbia-OSF conference on Uzbekistan, Feb 20, 2013 Part 1
Columbia-OSF conference on Uzbekistan, Feb 20, 2013 Part 1i
|| 0:00:00
...
 
🔇
X

Columbia-OSF conference on Uzbekistan, Feb 20, 2013 Part 2
Columbia-OSF conference on Uzbekistan, Feb 20, 2013 Part 2i
|| 0:00:00
...
 
🔇
X

Columbia-OSF conference on Uzbekistan, Feb 20, 2013 Part 3
Columbia-OSF conference on Uzbekistan, Feb 20, 2013 Part 3i
|| 0:00:00
...
 
🔇
X
Mazkur forum yopiq.
Izohlarni tartiblashtirish
Izohlar
     
Fikr bildiruvchi: O'quvchi
24.02.2013 02:48
Ko'krak kerishga asoslangan siyosat bu. Hammadan shubhalanib yashash, chunki Karimov uchun hokimiyatdan ayrilmaslik asosiy doktrina. Nima qilasiz o'zingizni aldab, Sherali? Karimov bu o'zbekchiligingiz uchun bir tiyin ham bermaydi. Siz uning uchun sariq chaqasiz.


Fikr bildiruvchi: Sherali
24.02.2013 02:37
Ўзбекистон ташқи сиёсат доктринаси Ўзбекистон Коститутсиясида аниқ белгилаб қўйилган. БУ ҲАҚДА ОШИҚЧА БОШ ҚОТИРИШГА ХОЖАТ ЙЎҚ. Ўзбекистон на Вашингтон ва на Москва қўл остида бўлади, буни хам Конститутсиядан тушиниб олиш мумкин хар қандай кучли давлат бўса хам Ўзбекистон хеч қайси давлат қўли остига тушиб қолмаслиги ва тенг манфиатлар олиб борилиши Конститутсиянинг бу борадаги меъёрлари ижроси таминланаётганлигидан далолатдир. Керак бўса Ўзбекистон эмас балким Москва ва Вашингтон Тошкентнинг тасири остига тушади. Улар ЎЗБЕКнинг ким эканлигини бир вақти келиб англаб олади.

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Sportchilar va oilaviy zo'ravonlik - US/Sports/Domestic Violencei
X
30.09.2014 23:12
AQSh Futbol Ligasi sportchilar axloqiga ko’z-quloq bo’lishga va’da berayapti. Yaqinda sportchi yulduz o’zining rafiqasini mushtlab hushidan ketkazgani aks etgan video tarqalishi ortidan ligaga bosim oshgan. Obama ma’muriyati esa jabrdiydalarni jim o’tirmaslikka, guvohlarni oraga tushishga undayapti.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
  • Ashraf G'ani( markazda) prezidentlikni qabul qilib olish marosimiga kelmoqda, 29-sentabr, 2014-yil.

  • Prezident Ashraf G'ani Kobuldagi Amani maktabiga tashrif buyurdi, 30-sentabr, 2014-yil.

  • Prezident Ashraf G'ani Kobuldagi Amani maktabiga tashrif buyurdi, 30-sentabr, 2014-yil.

  • Prezident Ashraf G'ani Kobuldagi Amani maktabiga tashrif buyurdi, 30-sentabr, 2014-yil.

  • Abdulla Abdulla bosh vazirlik lavozimini qabul qilib olish uchun tantanali marosimga tashrif buyurmoqda, 29-sentabr, 2014-yil.

  • Sobiq prezident Hamid Karzay o'z lavozimini Ashraf G'aniga topshirish uchun tantanali marosimga tashrif buyurmoqda, 29-sentabr, 2014-yil.

  • Ashraf G'ani (chapda) prezident sifatida qasamyod keltirmoqda, 29-sentabr, 2014-yil.

  • Prezident sifatida qasamyod keltirgan Ashraf G'ani Afg'oniston Oliy sudi raisi Abdul Salom Azimiy bilan qo'l berib ko'rishmoqda, 29-sentabr, 2014-yil.

Fotogalereya

Fotogalereya Ashraf G'ani - Afg'onistonning yangi prezidenti

Uzoq davom etgan saylov mashmashasidan so'ng Ashraf G'ani Afg'onistonning yangi prezidenti deb e'lon qilindi. Saylovda unga qarshi kurash olib borgan Abdulla Abdulla, o'zaro siyosiy kelishuvdan so'ng, yangi hukumatning bosh vaziri etib tayinlandi. Yangi hukumat ishga tushishi bilan Hamid Karzay davrida AQSh bilan tuzilgan xavfsizlik bitimini imzoladi.
Fotogalereya

Fotogalereya Gonkongda norozilik namoyishlari

Gonkong politsiyasi ko'zdan yosh oqizuvchi gaz qo'llab, namoyishchilarni tarqatishga urinishiga qaramay, aholi ko'chalarni tark etmayapti. Ular Pekinning siyosiy islohotni cheklashga qaratilgan choralaridan norozi.
Fotogalereya

Fotogalereya Ebola epidemiyasi suratlarda

Ebola epidemiyasi kengayishda davom etmoqda. BMT Bosh Assambleyasi yig'inida ham shu mavzuga alohida e'tibor qaratildi.
Fotogalereya

Fotogalereya Varshava, Polsha: O'zbekistonda inson huquqlari va siyosiy mahbuslar

Nyu-Yorkda asoslangan xalqaro tashkilot, inson huquqlari bo'yicha "Human Rights Watch" (HRW) o'zining 121 betlik yangi hisobotida tahlil qilishicha, O’zbekiston inson huquqlari keng ko’lamda poymol etiladigan davlat; so'z va fikr erkinligi faqat qog'ozda; bu huquqlarni amalda qo'llash - qamoq va qiynoq tomon yo'l. Tahlilnoma Varshavada e'lon qilindi. Yevropada Xavfsizlik va Hamkorlik Tashkiloti u yerda inson huquqlari bo'yicha yillik majlisini o'tkazmoqda. Unda O'zbekistonning taniqli huquq himoyachilari Vasila Inoyatova va Mo'tabar Tojiboyeva singari faollar so'zga chiqqan va qamoqxonalardagi vaziyat haqida tanqidiy hisobotlar bergan. Konferensiya doirasida siyosiy mahbuslarning ozod etilishiga chaqiruvchi namoyishlar ham o'tmoqda.
Fotogalereya

Fotogalereya Minglab odamlar iqlim himoyasiga otlandi

Yakshanba kuni minglab odamlar namoyishga chiqib, siyosat ahlini iqlimdagi salbiy o'zgarishlarga qarshi dadilroq harakat qilishga chaqirdi.
Fotogalereya

Fotogalereya O'n minglab suriyaliklar Turkiyaga qochayapti

Suriyada "Islomiy davlat" jangari guruhining hamlasi ketidan o'n minglab kurdlar Turkiyaga qochayapti. Anqara qochqinlarni kiritish uchun 19-sentabrda Suriya bilan chegarani ochgan. Hozirning o'zida Turkiyada Suriyadagi urushdan bosh olib ketgan yuz minglab suriyalik jon saqlamoqda.
Fotogalereya

Fotogalereya Jalol-Obod, Arslonbob va O'zgan

Jalol-Obod viloyati bo'ylab sayohat... Shahardan Suzoq qishlog'i tomon boramiz. So'ngra Arslonbob to'glariga chiqamiz va sharsharalar tagida dam olamiz. Qishloqlarni kezamiz. Jamoatchilik bilan muloqotda bo'lamiz. Bozorlar, ko'chalar va hayot. Qirg'iziston janubida shu yilning avgustida olingan suratlarni tomosha qiling. Tafsilotlar mana bu blogda: http://blogs.voanews.com/uzbek/yoshlariston/2014/09/20/jalol-obod-arslonbob-va-ozgandagi-bebaho-lahzalar/
Fotogalereya

Fotogalereya "Islomiy davlat"ga qarshi kurash

Iroq va Suriyadagi "Islomiy davlat" jangarilariga qarshi xalqaro koalitsiya tuzish jarayoni davom etmoqda. Ko'plab davlatlar o'q-dori va qurollar yetkazish, shuningdek, Iroq va kurd askarlarini harbiy tayyorgarlikdan o'tkazish ishlarida yordam berishga va'da berdi.

Interaktiv

SAYTGA KIRISHNING XAVFSIZ YO’LI