Shanba, 01-noyabr, 2014 Toshkent vaqti: 16:37

Amerika

Kongressda ayol qonunchilar ko'paydi

Yangi a'zolar Kongress oldida
Yangi a'zolar Kongress oldida
Amerika Ovozi
Amerika qonunchilik organi Kongressga bu yili har qachongidan ko’p xotin-qizlar saylandi. 


Endi 435 o'rinlik Vakillar Palatasida 80, 100 o'rinlik Senatda esa 20 ayol arbob bo’ladi. Aksariyati Demokratik partiya a’zolari.
 
Vakillar palatasida demokratlar sardori Nensi Pelosi deydiki, bu qadar ko’p demokrat ayol saylangani uni ruhlantirgan.
 
“Shunday ekan, quyi palatada demokratlar sardori lavozimida qolmoqchiman. Shu haqda ariza yozdim”, - dedi u.
 
Nensi Pelosi Vakillar palatasi spikeri lavozimida ikki muddat xizmat qildi. Amerika tarixidagi ilk spiker ayol u.
 
Yangi Senatdagi 20 ayolning 16 nafari demokrat, qolgani respublikachi.
 
Quyi palataning yangi vakilasi, Florida shtatidan demokrat Luis Frankel nazarida ayol siyosatchilar yondashuvi boshqacha.

“Erkaklardan farqli, ayollar ham oila, ham ishni birday olib borishga o’rgangan. Ota-onaga ham e’tibor asosan ular bo’ynida”, - deydi u.
 
Tahlilchi Jess Makintosh fikricha, katta lavozimga chiqqan ayollar murosaga moyilroq bo’ladi. Amerika byudjet kamomadi bilan yuzlashib turgan bir pallada bu muhim.

“Siyosiy tarqoqlik bu qadar kuchli bir paytda kompromissga boradigan arboblar saylangani yaxshi. Mamlakat joyidan siljishi osonroq bo’ladi”, - deydi Makintosh.
 
Amerika Universiteti olimasi Jennifer Loless Kongressda ayollar qo’llab-quvvatlanayotganidan mamnun. 

Lekin hali qilinadigan ishlar ko’p. Qo’shma Shtatlarda aholining 50 foizi xotin-qizlar, lekin boshqaruv lavozimlarida ular hamon ozchilik, deydi u.

Qonunchi ayollar soni jihatidan Amerika boshqa rivojlangan davlatlardan orqada. Xotin-qizlarning Kongressning atigi 17 foizini tashkil etadi.

Nensi Pelosi fikricha, u singari avvalo bolalarini katta qilib, ularni oliygohlarga kuzatib, keyingina siyosatga vaqt topgan onalarni tushunsa bo'ladi.

Ayol zoti uchun oila har narsadan muqaddas, deydi u, ammo xotin-qizlar ham teng huquqli fuqarolar va siyosiy qarorlar ularning hayotiga har tomonlama ta'sir ko'rsatadi. Bu degani ayollar ham jamiyatda muhimroq rol o'ynay olishi lozim.  

Pelosi xonim besh farzandning onasi. Sakkiz nabirasi bor. 72 yoshni qarshilagan qonunchi Kongressga 47 yoshida, eng kenja qizi maktabni bitirgan yili saylangan.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Otalar uyda, bola boqadi; onalar ishda - Today's dadsi
X
31.10.2014 22:03
Bugun ko'plab erkaklar uyda bola tarbiyasi bilan band, onalar esa ishlab pul topadi. Buning nimasi yomon, deya so'raydi "Amerika Ovozi" bilan gaplashgan amerikaliklar.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Fotogalereya

Fotogalereya Quddus: arab va yahudiylar orasida to'qnashuvlar

Quddusdagi al-Aqsa masjidi bugun qisman ochiq. Isroil politsiyasi chorshanba kuni inshootni butunlay yopib qo'ygach, Falastin ma'muriyati buni urush e'lon qilishga qiyoslagan edi. Hududda hafta boshida ro'y bergan otishmada avval isroillik ruhoniy jarohatlangan; ketidan politsiya falastinlik bir shaxsni otib o'ldirgan edi. To'polon ko'tarilmasligi uchun musulmon va yahudiylar uchun muqaddas sanalgan masjid va uning atrofini vaqtincha to'sib qo'ydik, deydi Isroil huquq-tartibot xodimlari. 50 yoshgacha bo'lgan erkaklar hududga hamon yo'latilmayapti. G'azoda hukmron HAMAS va Isroil o'rtasida shu yil ro'y bergan ikki oylik urush ortidan yahudiy va falastinliklar munosabati hanuz tarang. Ixtilof 21 mingdan ziyod odam, asosan, g'azolik tinch aholini hayotdan olib ketgan edi.
Fotogalereya

Fotogalereya Burkina Fasoda xalq isyon ko'tardi, prezident ishdan ketdi

G'arbiy Afrikadagi davlat, Burkina Fasoda prezident Bleyz Kompraore 27 yillik boshqaruvdan keyin ishdan ketdi. Mamlakatda o'n minglab odamlar namoyishga chiqib, rahbarning iste'fosini talab qilayotgan edi. Chiqishlar qonli tus olgach, kecha armiya parlamentni tarqatib yuborib, muvaffaq hukumat tuzilishini ma'lum qilgan. 1987-yildan beri Burkina Fasoni boshqarayotgan Kompraore sal oldin parlamentda yangi qonunni olg'a surib, hokimiyatda uzoqroq qolishni ko'zlayotgan edi. Omma bundan norozi bo'lib isyon ko'targan. Sobiq rahbar hozir qayerda ekani, o'rniga kim tayinlanishi hali ma'lum emas. Ayrim manbalarda general Luame Loug vaqtli hukumatga bosh bo'lishi mumkin deyilmoqda. Kecha, payshanba kuni poytaxt Uagaduguda odamlar parlamentga o't qo'yib, boshqa davlat idoralariga bostirib kirgan. Politsiyaning aytishicha, o'lganlar va yaradorlar bor. Xalqni tinchlantirish uchun rasmiylar parlamentda olg'a surilgan konstitutsion o'zgarishlarni va bir necha soat oldin e'lon qilingan favqulodda holatni bekor qildi. Birlashgan Millatlar Tashkiloti Bosh kotibi Pan Gi Mun G'arbiy Afrikadagi bu davlatda vaziyatni xavotir bilan kuzatayapmiz, deydi. Bosh kotib tomonlarni tinchlanishga va zo'ravonlikdan tiyilishga chaqirmoqda.
Fotogalereya

Fotogalereya Peshmerga kuchlari Kobaniga yetib keldi

Iroq Kurdistonidan peshmerga jangchilarining bir qismi Suriyaning Kobani shahriga yetib borgan. Ular "Islomiy davlat" jangari guruhiga qarshi kurashda mahalliy kurdlar va xalqaro koalitsiyaga yordam beradi.
Fotogalereya

Fotogalereya Gavayi vulqoni aholi turar joylariga yetib keldi

Gavayida otilib chiqqan vulqon lavalari bir necha hafta o'tib Paxoa shaharchasiga yetib keldi. Sekin harakatlanayotgan lava "daryosi" yo'lda uchragan har qanday narsani kuydirib kulga aylantirmoqda. Shaharcha aholisi xavfsiz joyga evakuatsiya qilingan.
Fotogalereya

Fotogalereya Ebolaga qarshi global kurash

Dunyo bo'ylab Ebolaga qarshi kurash choralari kuchaytirilmoqda. Eboladan ogohlik oyligi doirasida turli mamlakatlarda xavfli kasallikka qarshi tayyorgarlik mashg'ulotlari o'tkazilmoqda.
Fotogalereya

Fotogalereya Afg'onistondagi missiya nihoyasiga yetayapti

Afg'onistonning Hilmand viloyatidagi yirik harbiy baza mahalliy armiya nazoratiga o'tdi. AQSh va Britaniya qo'shinlari missiyani yakunlab, o'lkani tark etishga hozirlik ko'rmoqda. 2015-yilda Afg'onistonda 12 ming xorijiy askar qoladi.
Fotogalereya

Fotogalereya Suriya va Iroq

G'arb qo'llab-quvvatlovini olgan kurd jangchilari Turkiya orqali Suriyaga 1300 safdoshini jo'natishga hozirlik ko'rayapti. Iroqda va Suriyada janglar davom etmoqda.
Fotogalereya

Fotogalereya Turkiya kurdlari qo'shni davlatdagi urushda o'lgan elatdoshlariga motam tutmoqda

Suriyaning Kobani shahri bir necha kundan beri jang maydoni. "Islomiy davlat" bilan qonli urush ketmoqda.
Fotogalereya

Fotogalereya Kanada parlamentida otishma, Ottavadan suratlar

Kanada poytaxtida urush qahramonlariga qo'yilgan yodgorlik oldida turgan askar otib ketilgan. Bu inshoot yaqinidagi parlament binosi ham xavf ostida degan ogohlantirishdan keyin evakuatsiya ishlari boshlangan. Harbiy soqchini nishonga olgan shaxs parlament tomon qochdi, deydi guvohlar. Imoratdan o'q ovozlari eshitilgan. Askarni otgan odam politsiya o'qidan o'lgan. Yaralangan askar ham kasalxonada jon bergan.

Interaktiv

SAYTGA KIRISHNING XAVFSIZ YO’LI