Shanba, 01-noyabr, 2014 Toshkent vaqti: 08:52

Huquq va qonun

Kongressmen Berton: Markaziy Osiyoga nisbatan loqaydlik AQSh uchun katta xato bo'ladi

Kongressmen Den Berton "Amerika Ovozi" bilan suhbatda
Kongressmen Den Berton "Amerika Ovozi" bilan suhbatda
Yaqinda O’zbekiston, Tojikiston, Qirg’iziston va Qozog’istonda bo’lib qaytgan respublikachi kongressmen Den Berton (Dan Burton) fikricha, Markaziy Osiyoga nisbatan amaldagi siyosat samara bermoqda, lekin hamkorlikni muvozanatlash kerak. Ya’ni, deydi u, sheriklik asosan Afg’onistonga bog’lanib qolmasligi, boshqa sohalar, jumladan iqtisod va sarmoya, huquq va demokratiya targ’iboti, ta’lim va madaniy aloqalarga ham e’tiborni oshirish kerak.

Amerika Ovozi: Amerika Afg’oniston deb Markaziy Osiyoning avtoritar rahbarlari, diktatorlik tuzumlari bilan apoq-chapoq, oddiy xalq dardi Vashingtonga bir tiyin degan tanqidga nima deysiz?
 
Kongressmen Berton: “Albatta dunyoning istagan nuqtasida muammo bor. Markaziy Osiyo bag’oyat muhim mintaqa. Qozog’iston, O’zbekiston, Tojikiston va Qirg’iziston prezidentlari bilan uchrashgach, shunga iymonim komil bo’ldiki, Markaziy Osiyoga nisbatan faol siyosat yuritishdan manfaatdormiz. Birinchidan, bu mintaqa tezlikda o’sayapti va nazarimda, taraqqiy ham etayapti. Bunga safarim davomida guvoh bo’ldim. Ko’p narsani o’rgandik. Kongress delegatsiyasini juda iliq kutib olishdi. Amerika biznes va sanoatlari uchun imkoniyatlar katta. Bilaman, uzoq yillardan beri hokimiyat o’zgarmagan, liderlar anchadan beri o’tiribdi. Lekin ular biz bilan ochiq muloqot qilishdi. Bu tuzumlar, hukumat strukturasi bizga ma’qul bo’lmasligi mumkin, lekin ular biz bilan ishlamoqchi bo’lsa, bizning kompaniyalarimiz sarmoya kiritishini istasa, ular bilan hamkorlik qilishimiz kerak. Bu bilan mintaqada ijobiy o’zgarishlar bo’lishiga, oshkoralik sari, demokratik taraqqiyot va inson huquqlari e’zozlanishiga o’z hissamizni qo’shamiz. 
 
Amerika Ovozi:  Siz “muvozanatli aloqa” deb bong urayapsiz, lekin bunga qanday erishish mumkin? Hozirgi sheriklik ko’proq Afg’oniston bilan bog’liqligi sir emas.

Kongressmen Berton: “Afg’oniston butun mintaqa uchun katta muammo. Afg’oniston Tolibon yoki al-Qoida qo’liga o’tsa va Pokistonda ham vaziyat shunga yaqinlashsa, butun mintaqa tahdid ostida qoladi. Shu sabab biz, Amerika, barqarorlikni saqlashga harakat qilishimiz, bu borada hukumatlar bilan ishlashimiz kerak. Afg’onistondagi muammolar hammaga ayon. Qo’shni mintaqada Qozog’iston va O’zbekiston singari davlatlar kelajakdan xavotirda. Shu bois AQSh hamkorlikni kengaytirishi zarur, xoh biznes, xoh harbiy sohada bo’lsin”.

Amerika Ovozi: Markaziy Osiyoning to’rt davlatiga borganingizda, asosan, rahbarlar va qonunchilar bilan uchrashdingiz. Fuqaro jamiyati a’zolari va faollar, nohukumat tashkilotlarning vakillari bilan nima uchun muloqot qilmadingiz?
 
Markaziy Osiyodagi rolimizni oshirish kerak, deydi AQSh kongressmeniMarkaziy Osiyodagi rolimizni oshirish kerak, deydi AQSh kongressmeni
x
Markaziy Osiyodagi rolimizni oshirish kerak, deydi AQSh kongressmeni
Markaziy Osiyodagi rolimizni oshirish kerak, deydi AQSh kongressmeni
Kongressmen Berton: “Biz imkon qadar bu mamlakatlar bilan yaqindan tanishishga harakat qildik. Yetakchi biznesmenlar, siyosiy rahbarlar va parlamentlarning a’zolari bilan uchrashdik. Vaqtga qarab, jamoatchi faollar bilan ham ko’rishdik. Afsuski, vaqt juda oz edi. 8-9 kun ichida 6 davlatda (Markaziy Osiyoda to’rt va Yevropada ikki) bo’ldik. Juda ko’p odamlar bilan muloqot qilishni xohlar edik, ammo fursat yetmadi”.
 
Kapitoliy, AQSh Kongressi joylashgan bino (Suratni kattalashtirish mumkin)Kapitoliy, AQSh Kongressi joylashgan bino (Suratni kattalashtirish mumkin)
x
Kapitoliy, AQSh Kongressi joylashgan bino (Suratni kattalashtirish mumkin)
Kapitoliy, AQSh Kongressi joylashgan bino (Suratni kattalashtirish mumkin)
Amerika Ovozi: Amerika erkinlik elchisi bo’lib qolishi kerak deyapsiz. Kongress, xususan, siz a’zo qo’mita, siz rais quyi qo’mita mintaqada inson huquqlari va demokratiya targ’ibotini oshirish uchun nima qilmoqda?

Kongressmen Berton: “Biz bu mamlakatlar bilan yaqindan muloqot qilishimiz, hamkorlikni kengaytirishimiz va ular bilan huquq va erkinlik, demokratiya xususida ko’proq gaplashishimiz zarur. Rahbarlar bilan fikr almashib, bir-birimizni yaxshiroq bila boshlasak, bora-bora bu ijobiy natija beradi. Bu mintaqaga nisbatan loqaydlik eng katta xato bo’ladi. Bu tezlikda o’sayotgan mintaqa. Xitoy va Rossiya o’z ta’sir kuchini mustahkamlashga harakat qilmoqda. Qo’shma Shtatlar qo’l qovushtirib o’tirsa, ulkan imkoniyatlarni boy beramiz”.
 
Amerika Ovozi: Katta rahmat sizga!
 
Kongressmen Berton:: Arzimaydi, bajonidil.

AQSh-Markaziy Osiyo/Kongressmen Den Berton (Dan Burton) bilan suhbat, Navbahor Imamova
AQSh-Markaziy Osiyo/Kongressmen Den Berton (Dan Burton) bilan suhbat, Navbahor Imamovai
|| 0:00:00
...
 
🔇
X


Congressman Dan Burton R-Indiana talks to Navbahor Imamova VOA Uzbek
Congressman Dan Burton R-Indiana talks to Navbahor Imamova VOA Uzbeki
|| 0:00:00
...
 
🔇
X


Kongressmen Berton (Dan Burton): Markaziy Osiyoga nisbatan loqaydlik AQSh uchun katta xato bo'ladi i
|| 0:00:00
X
28.07.2012 05:38
Yaqinda O’zbekiston, Tojikiston, Qirg’iziston va Qozog’istonda bo’lib qaytgan respublikachi kongressmen Den Berton (Dan Burton) fikricha, Markaziy Osiyoga nisbatan amaldagi siyosat samara bermoqda, lekin hamkorlikni muvozanatlash kerak. Ya’ni, deydi u, sheriklik asosan Afg’onistonga bog’lanib qolmasligi, boshqa sohalar, jumladan iqtisod va sarmoya, huquq va demokratiya targ’iboti, ta’lim va madaniy aloqalarga ham e’tiborni oshirish kerak. Navbahor Imamova qonunchi bilan suhbatda bo’ldi.



Watch the interview (original):

Congressman Dan Burton talks to VOA Uzbek i
|| 0:00:00
X
23.07.2012 22:51
Rep.Burton (R-Indiana), who chairs Subcommittee on Europe and Eurasia (Committee on Foreign Affairs), recently led a delegation to four countries of Central Asia: Kazakhstan, Kyrgyzstan, Tajikistan and Uzbekistan. VOA's Navbahor Imamova talked to him following a hearing on US engagement in the region. ------ Yaqinda O’zbekiston, Tojikiston, Qirg’iziston va Qozog’istonda bo’lib qaytgan respublikachi kongressmen Den Berton (Dan Burton) fikricha, Amerika Markaziy Osiyoga nisbatan barcha sohalarda faol siyosat yuritishi kerak. Nafaqat Afg’oniston, balki iqtisod va sarmoya, huquq va demokratiya targ’iboti, ta’lim va madaniy aloqalarga ham e’tiborni oshirish lozim. Navbahor Imamova qonunchi bilan suhbatda bo’ldi.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Otalar uyda, bola boqadi; onalar ishda - Today's dadsi
X
31.10.2014 22:03
Bugun ko'plab erkaklar uyda bola tarbiyasi bilan band, onalar esa ishlab pul topadi. Buning nimasi yomon, deya so'raydi "Amerika Ovozi" bilan gaplashgan amerikaliklar.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Fotogalereya

Fotogalereya Quddus: arab va yahudiylar orasida to'qnashuvlar

Quddusdagi al-Aqsa masjidi bugun qisman ochiq. Isroil politsiyasi chorshanba kuni inshootni butunlay yopib qo'ygach, Falastin ma'muriyati buni urush e'lon qilishga qiyoslagan edi. Hududda hafta boshida ro'y bergan otishmada avval isroillik ruhoniy jarohatlangan; ketidan politsiya falastinlik bir shaxsni otib o'ldirgan edi. To'polon ko'tarilmasligi uchun musulmon va yahudiylar uchun muqaddas sanalgan masjid va uning atrofini vaqtincha to'sib qo'ydik, deydi Isroil huquq-tartibot xodimlari. 50 yoshgacha bo'lgan erkaklar hududga hamon yo'latilmayapti. G'azoda hukmron HAMAS va Isroil o'rtasida shu yil ro'y bergan ikki oylik urush ortidan yahudiy va falastinliklar munosabati hanuz tarang. Ixtilof 21 mingdan ziyod odam, asosan, g'azolik tinch aholini hayotdan olib ketgan edi.
Fotogalereya

Fotogalereya Burkina Fasoda xalq isyon ko'tardi, prezident ishdan ketdi

G'arbiy Afrikadagi davlat, Burkina Fasoda prezident Bleyz Kompraore 27 yillik boshqaruvdan keyin ishdan ketdi. Mamlakatda o'n minglab odamlar namoyishga chiqib, rahbarning iste'fosini talab qilayotgan edi. Chiqishlar qonli tus olgach, kecha armiya parlamentni tarqatib yuborib, muvaffaq hukumat tuzilishini ma'lum qilgan. 1987-yildan beri Burkina Fasoni boshqarayotgan Kompraore sal oldin parlamentda yangi qonunni olg'a surib, hokimiyatda uzoqroq qolishni ko'zlayotgan edi. Omma bundan norozi bo'lib isyon ko'targan. Sobiq rahbar hozir qayerda ekani, o'rniga kim tayinlanishi hali ma'lum emas. Ayrim manbalarda general Luame Loug vaqtli hukumatga bosh bo'lishi mumkin deyilmoqda. Kecha, payshanba kuni poytaxt Uagaduguda odamlar parlamentga o't qo'yib, boshqa davlat idoralariga bostirib kirgan. Politsiyaning aytishicha, o'lganlar va yaradorlar bor. Xalqni tinchlantirish uchun rasmiylar parlamentda olg'a surilgan konstitutsion o'zgarishlarni va bir necha soat oldin e'lon qilingan favqulodda holatni bekor qildi. Birlashgan Millatlar Tashkiloti Bosh kotibi Pan Gi Mun G'arbiy Afrikadagi bu davlatda vaziyatni xavotir bilan kuzatayapmiz, deydi. Bosh kotib tomonlarni tinchlanishga va zo'ravonlikdan tiyilishga chaqirmoqda.
Fotogalereya

Fotogalereya Peshmerga kuchlari Kobaniga yetib keldi

Iroq Kurdistonidan peshmerga jangchilarining bir qismi Suriyaning Kobani shahriga yetib borgan. Ular "Islomiy davlat" jangari guruhiga qarshi kurashda mahalliy kurdlar va xalqaro koalitsiyaga yordam beradi.
Fotogalereya

Fotogalereya Gavayi vulqoni aholi turar joylariga yetib keldi

Gavayida otilib chiqqan vulqon lavalari bir necha hafta o'tib Paxoa shaharchasiga yetib keldi. Sekin harakatlanayotgan lava "daryosi" yo'lda uchragan har qanday narsani kuydirib kulga aylantirmoqda. Shaharcha aholisi xavfsiz joyga evakuatsiya qilingan.
Fotogalereya

Fotogalereya Ebolaga qarshi global kurash

Dunyo bo'ylab Ebolaga qarshi kurash choralari kuchaytirilmoqda. Eboladan ogohlik oyligi doirasida turli mamlakatlarda xavfli kasallikka qarshi tayyorgarlik mashg'ulotlari o'tkazilmoqda.
Fotogalereya

Fotogalereya Afg'onistondagi missiya nihoyasiga yetayapti

Afg'onistonning Hilmand viloyatidagi yirik harbiy baza mahalliy armiya nazoratiga o'tdi. AQSh va Britaniya qo'shinlari missiyani yakunlab, o'lkani tark etishga hozirlik ko'rmoqda. 2015-yilda Afg'onistonda 12 ming xorijiy askar qoladi.
Fotogalereya

Fotogalereya Suriya va Iroq

G'arb qo'llab-quvvatlovini olgan kurd jangchilari Turkiya orqali Suriyaga 1300 safdoshini jo'natishga hozirlik ko'rayapti. Iroqda va Suriyada janglar davom etmoqda.
Fotogalereya

Fotogalereya Turkiya kurdlari qo'shni davlatdagi urushda o'lgan elatdoshlariga motam tutmoqda

Suriyaning Kobani shahri bir necha kundan beri jang maydoni. "Islomiy davlat" bilan qonli urush ketmoqda.
Fotogalereya

Fotogalereya Kanada parlamentida otishma, Ottavadan suratlar

Kanada poytaxtida urush qahramonlariga qo'yilgan yodgorlik oldida turgan askar otib ketilgan. Bu inshoot yaqinidagi parlament binosi ham xavf ostida degan ogohlantirishdan keyin evakuatsiya ishlari boshlangan. Harbiy soqchini nishonga olgan shaxs parlament tomon qochdi, deydi guvohlar. Imoratdan o'q ovozlari eshitilgan. Askarni otgan odam politsiya o'qidan o'lgan. Yaralangan askar ham kasalxonada jon bergan.

Interaktiv

SAYTGA KIRISHNING XAVFSIZ YO’LI