Seshanba, 03-mart, 2015 Toshkent vaqti: 04:05

Amerika

Amerikalik xonanda: Markaziy Osiyo safari hayotimizni o’zgartirib yubordi

AQShning blugrass musiqiy janrida qo’shiq aytib tanilgan “Della Mey” ayollar ansambli o’tgan yilning kuzida O’zbekistonda bo’ldi.


Guruh vakillari maktablarga borib, o’z san’atidan so’zladi, darslar va konsertlar berdi. Bu AQSh Davlat departamentining Amerika va O’zbekiston ahli o’rtasida rishtalarni mustahkamlashga qaratilgan dasturi (American Music Abroad) doirasida uyushtirgan safar edi.

Davlat departamenti bir yilda 12 musiqiy jamoani saralab olib, dunyoning turli burchaklariga jo’natadi. Ularning vazifasi, oddiy qilib aytganda, kuy-qo’shiq ijro etib, do’stlar orttirish, mahalliy sozanda va xonandalar bilan hamkorlik qilish.

“Unda ishtirok etganimizdan boshimiz osmonga yetdi, hayotimiz, dunyoqarashimiz butkul o’zgardi”, - deydi Siliya (Sisiliya) Vuds-Smit (CeCelia Woods-Smith), “Della Mae” ansambli a’zosi.

“Ochig’i, O’zbekiston, Markaziy Osiyo haqida umuman tushuncham yo’q edi. O’zi, Amerikada aksariyat dunyoning u qismidan bexabar. Yo’lga chiqishimdan oldin bu mintaqa va uning tarixi haqida kitoblar sotib olib, o’qidim”, - deydi Sisiliya.

Guruh tashrif chog’ida “Turkiston” saroyida katta konsert berdi. Mahalliy sozandalar bilan birga milliy qo’shiqlarni ham chalishdi.

“Auditoriya bizni juda zo’r qarshi oldi. Markaziy Osiyoga safarimiz doirasida avvalo O’zbekistonda to’xtadik. Birinchi borgan maktabimiz esimda. Bolalar ochiq chehra bilan, doiralar bilan kutib olishdi. Ularni ko’rib, biz o’yinga tushib ketdik! O’zbekiston xalqiga xos mehmondo’stlik bilan mana shunaqa qilib tanishdik”.

Blugrass tarixi bu davlatga kelib qo’nim topgan ilk ingliz, shotland, irland muhojirlariga borib taqaladi. Janr mana shu elatlarning musiqiy an’analaridan kurtak otgan.
Toshkentdagi maktab, kollejlar bo'ylab safar paytidaToshkentdagi maktab, kollejlar bo'ylab safar paytida
x
Toshkentdagi maktab, kollejlar bo'ylab safar paytida
Toshkentdagi maktab, kollejlar bo'ylab safar paytida

“O’zbekistonliklarda blugrass janri haqida ma’lumot ko’p emas. Aslida Amerikada ham bu janrni hamma ham tushunavermaydi. Tor bir yo’nalish-da. Menimcha, biz O’zbekiston ahlida blugrass haqida ozmi-ko’pmi tasavvur paydo qila oldik. Safarimiz yakunida ayrim jurnalistlar bu yo’nalishni blu-uz-grass deya atay boshladi”, - deydi Sisiliya.

Uning nazarida tashrif mazmunli, omadli kechdi. Ko’zlagan maqsadga erisha oldik, deb hisoblaydi u.

“Odamlar bir-birini tushunishi qiyin. Davlat arboblari, siyosatchilar ko’rishib gaplashadi. Muzokaralar o’tkazadi, rasmiy gaplar aytiladi. Lekin qo’shiq kuylab, kuy chalib, ko’z-ko’zga tushgan boshqa. Bu safar paytida Amerika va Markaziy Osiyo o’rtasida ko’prik rolini o’tagandek, bu xalqlarni yaxshiroq tushungandek sezdik. Odamlar bilan o’tirib, birga ovqat tanovul qilish, gaplashib, qo’shiq aytish – oraga iliqlik olib kiradi oddiy ko’ringan bu narsalar”, - deydi blugrass ustasi.

Biz sozanda va xonandalarmiz, siyosatchi emasmiz, deydi suhbatdosh.
"Turkiston" saroyida repetitsiya paytida
x
"Turkiston" saroyida repetitsiya paytida

“Shodlik, ko’tarinki kayfiyat, tinchlik ulashish uchun bordik biz O’zbekistonga. Birovni tanqid qilib, qo’zg’olon boshlash uchun borganimiz yo’q edi u yerga. Vazifamiz musiqa ijro etish edi. Men xonandaman va aynan shu kasbim orqali xalqlar bilan bog’lanishni xohlayman”, - deydi Sisiliya.

Bu safar hayotini tubdan o’zgartirib yubordi.

“Hozir suratlarga ko’z yugurtirib chiqayapman, ajoyib insonlar bilan uchrashdik. Maktablar, bolalarni aytmaysizmi? Sozlarnichi? Hammamiz bir-birimizga juda o’xshab ketamiz. Odam taftini odam oladi. Davlatlar o’rtasida katta-katta ko’priklardan ko’ra, mana shunday kichik qadamlar qancha ko’p bo’lsa, afzaldir. O’zbekistonga va o’sha mintaqaga yana boraman degan umidim bor”, - deydi “Della Mae” vakilasi Sisiliya Vuds-Smit.

"Turkiston" saroyidagi konsertdan parcha:



Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Amerika Manzaralari/Exploring America, March 2, 2015i
X
02.03.2015 16:00
Har dushanba Toshkent vaqti bilan 15:30 da sun'iy yo'ldosh orqali uzatiladigan 30 daqiqali ko'rsatuv Amerikadagi siyosiy, iqtisodiy va ijtimoiy manzara bilan tanishtiradi. Qolaversa, Qo'shma Shtatlar - Markaziy Osiyo davlatlari orasidagi aloqalarni tahlil qiladi.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
  • An American Robin perches on a tree branch enjoying snowflakes in freezing weather in Virginia, Feb. 26, 2015. (Diaa Bekheet/VOA)
  • Iraqi government forces and allied militias fire weaponry from a position in the northern part of Diyala province, bordering Salaheddin province, as they take part in an assault to retake the city of Tikrit from jihadists of the Islamic State (IS) group.
  • Student protesters shout inside a monastery compound after police surrounded the monastery apparently to prevent them from proceeding with a protest march against an academic law to Yangon from Letpadan, north of Yangon, Myanmar, to protest against an academic law.
  • Performers spray molten iron against a concrete wall to celebrate the upcoming Lantern Festival in Nuanquan town of Yuxian County, Hebei province, China, March 1, 2015.
  • A woman holds a sign reading "I am not afraid" during a march in Moscow, Russia, in memory of opposition leader Boris Nemtsov who was shot and killed near the Kremlin on Feb. 27, 2015. (Photo taken by Vladimir Zablitsky from Moscow on March 1, 2015)
  • A harbor light on Lake Michiganis at the 31st Street Harbor in Chicago, Illinois, is covered by snow and ice, March 1, 2015.
  • A woman looks at Hina dolls and thousands of hanging decorations marking Girls' Day at a hotel in Tokyo, Japan. March 3 is celebrated as Girls' Day to pray for the vigorous growth of girls in the family.
  • Expedition 42 Flight Engineer Terry Virts and Commander Barry "Butch" Wilmore venture outside the International Space Station for their third spacewalk in eight days. Virts and Wilmore completed installing 400 feet of cable and several antennas associated with the Common Communications for Visiting Vehicles system known as C2V2.
  • The beautiful tones of the morning sunrise over lower Manhattan as reflected in the icy waters of the Hudson river made waiting outside in the frosty 7° C air all worth it! (Photo taken by Daniel Leavey of Jersey City in New Jersey on Feb. 21, 2015)
  • A farmer pulls an old fishing net over a rice field to protect it from birds in Cilacap, Central Java, Indonesia.
  • A participant in the Chicago Polar Plunge is engulfed by the partially frozen waters of Lake Michigan in Chicago, Illinois, March 1, 2015.
  • A man shields himself from women playfully beating him with sticks as part of Holi celebrations at Gokul village in Mathura district in the northern Indian state of Uttar Pradesh.
  • Children react with their faces covered in cream from a 450-meter-long cake that was prepared as part of celebrations to mark the 450th anniversary of the city of Rio de Janeiro, Brazil, March 1, 2015.
  • A woman uses Samsung Gear vr during the Mobile World Congress, the world's largest mobile phone trade show in Barcelona, Spain, Monday, March 2, 2015. (AP Photo/Manu Fernandez)
  • Grumpy Cat attends the World Premiere of Cinderella in Los AngelesMarch 1, 2015.

Interaktiv

SAYTGA KIRISHNING XAVFSIZ YO’LI