Breaking News

Chegara bilmas shifokorlar: Ebolani eplay olmayapmiz


Siyerra-Leone
Siyerra-Leone

Chegara bilmas shifokorlar tashkiloti rahbarining tan olishicha, G’arbiy Afrikada xatarli Ebola virusi shu qadar tez tarqalayaptiki, tibbiyot xodimlari chora ko’rishga ulgurmayapti.

Tashkilot prezidenti Joan Lyu so’zlariga ko’ra, Jahon sog’liqni saqlash tashkiloti epidemiyani jilovlash uchun dadilroq harakat qilishi kerak.

Lyu G’arbiy Afrikaga 10 kunlik safari ortidan Jenevada so’zladi. Virus qamragan davlatlarda ahvol urush holatini eslatadi, deydi u.

“Odamlar qo’rquvda, qayerda bormang, vahima hukm surayapti. Nimalar ro’y berayotganini hech kim tushunmayapti”, - deydi Chegara bilmas shifokorlar rahbari.

Uning taxminicha, epidemiyani nazoratga olish uchun yarim yil vaqt ketadi.

Payshanba kuni Jahon sog’liqni saqlash tashkiloti Ebola bilan bog’liq ahvol avval o’ylanganidan xavfli ekanini tan oldi.

BMT hisob-kitobiga ko’ra, Gvineya, Liberiya, Nigeriya va Siyerra-Leoneda Eboladan 1069 odam nobud bo’ldi. Yana chamasi ikki ming kishida virus aniqlandi.

Ebolaga davo topilganicha yo’q.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG