Yakshanba, 26-oktyabr, 2014 Toshkent vaqti: 03:45

Yaqin Sharq

Misr. Inqilobdan ikki yil o'tib

Tahrir maydoni yonida prezident Muhammad Mursiyga qarshi namoyishlar, Qohira, Misr, 25-yanvar, 2013-yil.
Tahrir maydoni yonida prezident Muhammad Mursiyga qarshi namoyishlar, Qohira, Misr, 25-yanvar, 2013-yil.
Amerika Ovozi
Misrda tarixiy inqilobga ikki yil to’libdiki, xalq yutuqlar va muammolarni sarhisob qilmoqda. Amerika Ovozining Qohiradagi muxbiri Elizabet Errot turli kasb egalari va tabaqa vakillarining fikrini o’rgandi. 
Misr inqilobidan ikki yil o'tib/Shohruh Hamro
Misr inqilobidan ikki yil o'tib/Shohruh Hamroi
|| 0:00:00
...
 
🔇
X

Inqilobdan keyingi davr oddiy misrliklar uchun ham shodiyonalarga, ham sinovlarga boy davr bo’ldi. Eng muhimi, deydi ular, xalq kuch ekaniga ishondi.

“Inqilobdan oldin o’zimizni erkin his etmas edik. Endi esa videokameraning qarshisida turib, prezidentga uning vazifalarini eslatishim mumkin”, - deydi Ehab Gavhar ismli bir fuqaro.

Yozuvchi Alaa al-Asvaniy vatandoshlarining kurashi, orzu-umidlari va dardini o’z kitoblarida bitdi. 30 yillik rahbarga qarshi isyon paytida u ham millionlar qatori ko’chaga chiqqan.

“Xalq ongi o’zgargani, qo’rquv yo’qolgani - inqilobning eng katta yutug’i. Eski holga qaytish yo’q endi. Bundan keyin odamlarni qo’rqitib bo’lmaydi”, - deydi adib.

Ayrimlar inqilob ruhi so’nib bormoqda deya, namoyishlarni hanuz davom ettirmoqda. Ularning xavotiri shuki, islomiy partiya vakili Muhammad Mursiyning prezidentlikka saylangani va munozaraga sabab bo’lgan yangi konstitutsiyaning qabul qilingani kelajakda yangi to’qnashuvlarga sabab bo’lishi, xalqni bo’lib qo’yishi mumkin.

Nil daryosi bo’ylab yuradigan kema kapitani Mustafo Siam “Musulmon Birodarlar” partiyasiga ishonmaydi.

“Ular faqat o’z manfaatlari haqida qayg’uradi. Rahbarlar butun mamlakat oldida javobgar ekanini tushunishi lozim”, - deydi u.

Alaa al-Asvaniy ham o’tmishda faoliyati taqiqlanib, endi hokimiyatga kelgan “Musulmon Birodarlar” ning tanqidchilaridan. Uning aytishicha, harakat mamlakat infratuzilmasini tiklash va ish o’rinlarini yaratish kabi saylov paytida bergan va’dalarining ustida chiqmadi.

"“Birodarlar” ishni eplolmay, xalq nazaridan qolmoqda", - deydi yozuvchi.

Xalq orasida sabrli bo’lishga da’vat etayotganlar ham bor. Masalan, novvoy Ashraf al-Husayniy iqtisodiy hayot og’ir, ammo prezident Mursiyga vaqt kerak, deydi.

"Hukumat oldida ko’plab muammolar bor. “Musulmon Birodarlar” ularni hal qilish yo’lida ko’p ter to’kmoqda", - deydi u.

Tanqidlarga qaramay partiya Misrda eng uyushgan siyosiy guruh hisoblanadi. “Musulmon Birodarlar” o’z tarafdorlarini hukumat himoyasiga qisqa vaqt ichida shay qilish salohiyatiga ega.

Al-Asvaniy nazarida muxolifat orasida tarqoqlik mavjud. Har bir guruh o’z manfaatlarini o’ylaydi, ammo tizimni maromiga yetkazish uchun vaqt kerak, deydi u. Yozuvchi Fransiya va Amerika singari davlatlar inqilobdan so’ng bosib o’tgan yo’lni misol tariqasida keltiradi.

“Agar inqilob ikki yilda haqiqiy o’zgarishlar olib keladi deb o’ylasangiz, demak inqiloblar tarixi haqida bilimingiz sayoz ekan”, - deydi u.

Muhimi, deydi misrliklar, to’g’ri yo’ldan borish va ular mamlakat hozir aynan to’g’ri yo’ldan ketayotganiga ishonadi.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Sonora sahrosi - AQSh-Meksika chegarasida - Water for Migrantsi
X
24.10.2014 23:59
Sonora dashti Shimoliy Amerikadagi eng issiq joylardan. Shunga qaramay Meksikadan chegarani kesib o’tmoqchi bo’lganlar ko’p hollarda aynan shu yerni tanlaydi. Safarga chiqqanlar orasida chanqoqlikdan nobud bo’lganlar kam emas. Bir mahalliy tashkilot suv ulasha boshlagan.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
  • Kobani

  • Kobani

  • Turkiya-Suriya chegarasida

  • Bag'dod

  • Kanadalik askarlar Iroqqa yo'l olayapti.

Fotogalereya

Fotogalereya Suriya va Iroq

G'arb qo'llab-quvvatlovini olgan kurd jangchilari Turkiya orqali Suriyaga 1300 safdoshini jo'natishga hozirlik ko'rayapti. Iroqda va Suriyada janglar davom etmoqda.
Fotogalereya

Fotogalereya Turkiya kurdlari qo'shni davlatdagi urushda o'lgan elatdoshlariga motam tutmoqda

Suriyaning Kobani shahri bir necha kundan beri jang maydoni. "Islomiy davlat" bilan qonli urush ketmoqda.
Fotogalereya

Fotogalereya Kanada parlamentida otishma, Ottavadan suratlar

Kanada poytaxtida urush qahramonlariga qo'yilgan yodgorlik oldida turgan askar otib ketilgan. Bu inshoot yaqinidagi parlament binosi ham xavf ostida degan ogohlantirishdan keyin evakuatsiya ishlari boshlangan. Harbiy soqchini nishonga olgan shaxs parlament tomon qochdi, deydi guvohlar. Imoratdan o'q ovozlari eshitilgan. Askarni otgan odam politsiya o'qidan o'lgan. Yaralangan askar ham kasalxonada jon bergan.
Fotogalereya

Fotogalereya Joko Vidodo, Indoneziya prezidenti qasamyod keltirdi

Indoneziyaning yangi rahbari, armiya yoki siyosiy elitaga aloqasi bo'lmagan, oddiy xalqdan chiqqan Joko Vidodo qasamyod keltirdi. 53 yoshli arbobni fuqaro Jokovi deb biladi, o'tmishda uy jihozlari sotib kun ko'rgan. Jakarta meri lavozimida islohotchi sifatida tanilgan.
Fotogalereya

Fotogalereya Kobanida janglar davom etmoqda - 20-oktabr, 2014-yil

Suriyaning Turkiya chegarasi yaqinidagi Kobani shahrida kurdlar va "Islomiy davlat" jangarilari o'rtasida kurash davom etmoqda. Turkiya Tashqi ishlar vaziri Mevlut Chavusho'g'lining aytishicha, Iroq kurdlarining "Islomiy davlat"ga qarshi kurashda Suriya kurdlariga ko'mak berish uchun Turkiya orqali chegarani kesib o'tishiga ruxsat berilmoqda.
Fotogalereya

Fotogalereya Gonkongda minglab namoyishchilar politsiya bilan yuzma-yuz, tarqalmoqchi emas

Bu yoshlar Gonkongda demokratik saylovlar talab qilmoqda. Pekin siyosatini qoralab, rahbarni mahalliy xalqning o'zi tanlashi shart, deydi ular. Talabalar chodirlar qurib olgan, shu yerda tunashayapti. Maqsad tinchlik, deydi ular, "hukumat bizning dardimizni eshitsin". Pekin nazarida ularning talabi asossiz.
Fotogalereya

Fotogalereya Kobani uchun janglar davom etmoqda

Suriyaning Kobani shahrida "Islomiy davlat" va kurd jangchilari o'rtasida qonli janglar davom etmoqda. Tinch aholining katta qismi qo'shni Turkiyaga qochib o'tgan.
Fotogalereya

Fotogalereya AQShda Ebola bilan xastalanganlar soni ikkitaga yetdi

O'tgan hafta AQShning Texas shtati kasalxonasida bir bemor Ebola virusidan vafot etgan edi. Unga qaragan ikki hamshira ham virusni yuqtirgani aniqlandi. Ayni paytda dunyo bo'ylab kasallikka qarshi kurash choralari kuchaytirilmoqda.
Fotogalereya

Fotogalereya Kobani shahri uchun janglar avjida, Suriya

Suriyaning Turkiya bilan chegaradosh Kobani shahri "Islomiy davlat" bilan olishmoqda. Amerika havo hujumlari orqali kurd jangchilariga ko'maklashmoqda. Turkiya bu urushga aralashmoqchi emas, lekin "Islomiy davlat" ga qarshi AQSh boshliq xalqaro koalitsiyaga kirgan.

Interaktiv

SAYTGA KIRISHNING XAVFSIZ YO’LI