Payshanba, 27-noyabr, 2014 Toshkent vaqti: 22:00

Markaziy Osiyo

Markaziy Osiyo ahli Yevropa Ittifoqidan nima kutmoqda?

Yevropa Ittifoqining tashqi ishlar va xavfsizlik bo’yicha oliy vakili Ketrin Eshton (Catherine Ashton) bu hafta Bishkekda mintaqa davlatlari tashqi ishlar vazirlari bilan uchrashib, hamkorlikni kengaytirish xususida gaplashdi.

Xo’sh, bu borada qanday imkoniyatlar bor? To’siqlar-chi?


Ketrin Eshton xonimning Bishkekdagi uchrashuvlarida mintaqaviy hamkorlik haqida so’z bordi. Asosiy masalalardan biri suv energetikasi borasidagi hamkorlik.

Yevropa mamlakatlari energetikaning turli manbalaridan foydalanishda katta tajribaga ega. Diplomatning aytishicha, ittifoq ushbu tajriba bilan bo’lishishga tayyor.

Qirg’izistonlik siyosatshunos, sobiq davlat kotibi Ishenbay Abdrazaqov fikricha, Markaziy Osiyo mintaqasining ahamiyati oshdi. Buning sabablaridan biri Afg’oniston bilan chegaradosh ekanidir.

“Tabiiyki, Yevropa Ittifoqi Markaziy Osiyoda vaziyat qanday rivojlanishiga qiziqish bilan qaraydi. Bu o’rinda imkon qadar ayrim masalalarning yechilishiga hissa qo’shishga intilmoqda. Albattam Eshton xonim tomonidan berilgan taklif-mulohazalardan unumli foydalanish maqsadga muvofiq”, - deydi u.

Suhbatdoshga ko’ra, Yevropa suv resurslaridan, elektr quvvatining turli manbalaridan foydalanish masalasida o’z tajribasiga ega. Ayni paytda Markaziy Osiyodagi vaziyatning o’zgachaliklari bor.

“Ne bo’lsada, ularning tajribasini o’rganish va keragini, maqsadga muvofig’ini, tomonlarni qondiradiganini olish mumkin”, - deydi Qirg’izistonning sobiq davlat kotibi Ishenbay Abdrazaqov.

Xalqaro tashkilotlardan birining Qirg’izistondagi vakolatxonasi xodimi Sanjar Azimjonovning aytishicha, mintaqaviy hamkorlikni rivojlantirishda Yevropa Ittifoqi birinchi navbatda konsultativ ishlarni olib borishi mumkin.

“Yevropa davlatlari o’z tajribalari bilan, o’zlarida sinalgan yangi texnologiyalar yordamida mintaqa davlatlariga suvdan to’g’ri foydalanishni, yangi energiya manbalaridan elektr quvvatini qanday ishlab chiqarish yo’llarini o’rgatsa bo’ladi. Bu kabi loyihalar bilan kelsa, yaxshiroq bo’ladi. Unchalik katta bo’lmasa ham, aytaylik, qishloq xo’jaligi, chorvadorlik borasida loyihalar amalga oshirilishi, menimcha, maqsadga muvofiq. Ayni paytda Markaziy Osiyoda bir qancha yechilmagan dolzarb masalalar mavjud, masalan chegara. Yevropa Ittifoqi davlatlari bu kabi muammolarni o’z hududlarida yechgan bo’lsa, biz bilan tajribasi, mutaxassislari bilan almashsa yaxshi bo’lardi”, - deydi Sanjar Azimjonov.

Rasmiy ma’lumotlarga ko’ra, so’nggi 15 yilda Yevropa Ittifoqi Qirg’izistonga 450 million yevro miqdorida yordam ko’rsatgan. Mablag’ asosan ijtimoiy masalalarni yechish hamda mamlakat byudjetini to’ldirishga yo’naltirilgan.

Mulozimlarning aytishicha, joriy yil Yevropa va Qirg’iziston o’rtasida savdo-sotiq ko’lami 42 foizga oshib, 433 million dollarni tashkil etgan.

Tadqiqotchilar nazarida, Yevropa Ittifoqi Markaziy Osiyoda mintaqaviy hamkorlikni rivojlantirish yo’lida nafaqat tajriba, balki mutaxassislarni tayyorlash, boshqaruvni takomillashtirish yo’nalishlarida faolroq ko’mak ko’rsatishi darkor. Ittifoq ayrim masalalarda vositachilik imkoniyatlarini ham ishlatsa bo’lar edi, deydi mutaxassislar.

Qirg’iziston va blok o’rtasidagi iqtisodiy aloqalarga kelsak, hozircha tomonlar yirik loyihalarga kirishmagan. Asosiy to’siq sarmoyalar yaxshi muhofaza etilmaganida.

“Buning uchun o’lkada ijobiy investitsion muhit yaratish lozim. Qonun ustuvorligini, bahsli masalalar adolatli yechilishi ta’minlanishi kerak, korrupsiya jilovlanishi darkor, toki sarmoyador bu o’lkada ishlay olishini bilsin”, - deydi  siyosatshunos Ishenbay Abdrazaqov.

Suhbatdoshlar nazarida, Yevropa Ittifoqi va Markaziy Osiyo o’rtasida hamkorlik imkoniyatlari talay. Ammo hozircha bu imkoniyatlardan samarali foydalanilmoqda deyish qiyin.

Eshtonning Toshkentga safari suratlarda:



Eshtonning Bishkekka safari suratlarda:



Eshtonning Dushanbega safari suratlarda:

Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Ateistlar va cherkov - Atheist Church?i
X
27.11.2014 09:09
Odatda, xudoga ishonmaydigan odamlar dahriy deyiladi. Demak, ularning ibodatxonalarga borishini tasavvur qilish qiyin. Ammo ikki yil muqaddam britaniyalik ikki qiziqchi ateist uchun cherkov ochishga qaror qildi. Londonda boshlangan bu harakat hozir boshqa mamlakatlarga yoyilgan, xususan Amerikaga.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
  • Oq uy... Prezident tarixiy odatga ko'ra, shu kuni bir kurkaning qonidan kechadi.
  • Oq uy... Prezident tarixiy odatga ko'ra, shu kuni bir kurkaning qonidan kechadi.
  • Shukronalik kuni 17-asr boshidan beri bayram qilinadi
  • Kurka - Shukronalik kuni pishiriladigan asosiy taom
  • Bayram dasturxoni
  • Bayram oldidan va uning ketidan savdo qiziydi. Los-Anjeles.
  • Hamma oilasi bilan bo'lishga shoshadi. Vashington.
  • Hamma oilasi bilan bo'lishga shoshadi. Vashington.
  • Nyu-York vokzali
  • Nyu-York
  • Nyu-York
  • Bayramdan keyin savdo qiziydi. Los-Anjeles.
  • Bayram munosabati bilan uyga qaytayotgan harbiy. Mayami.
Fotogalereya

Fotogalereya Shukronalik kuni, Amerika - Thanksgiving holiday in America

Noyabrning oxirgi payshanbasi Shukronalik kuni. Yangi vatandagi noz-ne'matlardan shukur qilgan, hosilidan rozi bo'lgan odamlar shunday bayramga asos solgan. Keyinchalik tub aholiga qarshi qonli urushlar olib borgan yevropalik kelgindilar boshida ular bilan bir dasturxondan non yegan. Hindu qabilalar o'z ovqatlarini tanishtirgan bo'lsa, kelgindilar ham o'z taomlarini tortgan. Kurka Shukronalik kuni asosiy taom hisoblanadi. Chunki bu parranda Amerikada serob bo'lgan.
Fotogalereya

Fotogalereya Amerikada Shukronalik kuni

Har yili noyabr oyining so'nggi payshanbasida o'tadigan bu bayram ko'pchilik amerikaliklar uchun oilaviy yig'ilish va kurkali taom demakdir.

Interaktiv

SAYTGA KIRISHNING XAVFSIZ YO’LI