Payshanba, 30-oktyabr, 2014 Toshkent vaqti: 18:39

Xalqaro

Fransiya maxsus kuchlari Afrikada jangarilar bilan olishmoqda

Amerika Ovozi
Fransiya Afrikaning ikki davlatida islomiy radikal guruhlarga qarshi harbiy operatsiya o’tkazib, uch askaridan ayrilgan. Mali janubida vertolyot uchuvchisi, Somalida esa yana ikki zobit nobud bo’lgan.

Rasmiylarning aytishicha, Fransiya havo hujumlari natijasida jangarilar Mali shimolidagi Konna shahridan haydab chiqarildi. Qo’shni davlatlardan ham zudlik bilan qo’shin safarbar etilmoqda.

Bunga javoban, al-Qoidaga aloqador Ansar Din guruhi butun musulmon dunyosi bo’ylab fransuz fuqarolarini nishonga olishi haqida ogohlantirdi. Ayni paytda Fransiyada xavfsizlik choralari kuchaytirilgan.

Mudofaa vaziri Jan-iv Le Drianning ta’kidlashicha, radikal kuchlar Mali shimolidagi hududlarni bosib olgani nafaqat mintaqani balki Yevropa xavfsizligini tahdid ostiga qo’yadi. Bir paytlar Fransiya koloniyasi bo’lgan Mali hujumni qaytarishda yordam so’ragan edi.

“Mali terrorist davlatga aylanishi xavfi bor ekan, biz chetdan qarab tura olmaymiz. Xalqaro qonunlarga muvofiq holda hamda Mali hukumati bilan hamkorlikda chora ko’ramiz”, - deydi Fransiya prezidenti Fransua Olland.

So’nggi ma’lumotlarga qaraganda, jangarilar chekinganidan so’ng Konna shahrida Mali qurolli kuchlari nazorat o’rnatgan.

O’tgan yilning bahorida Malida harbiy to’ntarish amalga oshirilganidan beri mamlakat shimolini terrorchi guruhlar egallab olib, shariat qonunlarini joriy etgan. Markaziy hukumat shimolda birgina shaharni nazorat qiladi. 

Sal avval, Mali muvaqqat rahbari Diunkunda Traore favqulodda holat e’lon qilib, xalqini, yoshu qarini terrorizmga qarshi kurashga da’vat etgan edi. Islomiy jangarilar poytaxt Bamakoga yurish rejalayotgani haqidagi razvedka ma’lumotlari bunga sabab bo’lgani aytiladi.

Fransiya Mudofaa vaziri Jan-iv Le Drianning bayon qilishicha, fransuz zobitlari hududda qancha kerak bo’lsa shuncha vaqtgacha qoladi.

“Maqsad nafaqat jangari hujumlarini qaytarish, balki Malida barqarorlikni ta’minlash, Fransiya va Yevropaning boshqa mamlakatlari fuqarolarini himoya qilishdir”, - deydi vazir.

Afrika sharqidagi Somali davlatida esa garovda saqlangan fransuz fuqarosini ozod etish bo’yicha harbiy operatsiya muvaffaqiyatsiz yakunlangan.
Deni AleksDeni Aleks
x
Deni Aleks
Deni Aleks

Al-Shabab jangarilari tomonidan 2009-yildan beri garovda saqlangan Deni Aleks reyd paytida halok bo’lgani taxmin qilinmoqda.

Lekin jangarilar Deni Aleks tirik ekani va xavfsiz bir joyda saqlanayotganini da’vo qilayapti. Uning taqdirini kelasi ikki kun ichida hal qilamiz, deydi ular.

Somali boshqaruvi ishdan chiqqan davlatlar sirasiga kiradi. Fransuz maxsus kuchlari janubdagi Bula Marer shahriga tunda vertolyotlar bilan hujum qilib, jangarilarning kuchli qarshiligiga uchragan.

Qariyb bir soat davom etgan otishmada 17 jangari yo’q qilindi, deydi harbiylar. Ikki fransuz aksari ham nobud bo’lgan.

Fransiya hukumati razvedka xodimi Deni Aleksni ozod etish uchun 3,5 yil davomida al-Shabab bilan muzokaralar olib borgan. Bu harakatlar samara bermagach, qutqaruv operatsiyasini o’tkazishga jazm qilgan.
Mazkur forum yopiq.
Izohlarni tartiblashtirish
Izohlar
     
Fikr bildiruvchi: bekzod E-mail adresingiz: osh
13.01.2013 11:19
Bu bari yolg'on. Aslida terroristlar fransuzlar Afrikani 1800 yildan qirg'inbarot qilgan. Ana o'shalar fransuzlar musulmonlar birlashishidan qo'rqib bu nayranglarni uyushtirishyabdi. Bu so'zni eshitganlar meni ham terrorist deyishadi, ularga to'g'ri so'z yoqmaydi.

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Kongressga saylovlar - US Midterm Electionsi
X
30.10.2014 07:50
4-noyabr kuni Amerikada Kongress va mahalliy hokimiyatlarga saylovlar bo'lib o'tadi.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
  • Lava oqimi devor-to'siqni buzib o'tmoqda, Gavayi, 28-oktabr, 2014-yil.

  • Yuqoridan olingan bu suratda lavaning Paxoa shaharchasiga yaqinlashib kelayotgani aks etgan, Gavayi, 28-oktabr, 2014-yil.

  • Palma daraxti lavaning navbatdagi qurboniga aylanish arafasida, Gavayi, 28-oktabr, 2014-yil.

  • Gavayi vulqonni kuzatish geologiya markazi xodimi lava oqimini kuzatmoqda, Gavayi, 28-oktabr, 2014-yil.

  • Lava "daryo"si Paxoa shaharchasi tomon harakatlanmoqda, Gavayi, 26-oktabr, 2014-yil.

  • Lava oqimi Paxoa qabristoni simto'sig'idan o'tmoqda, Gavayi, 25-oktabr, 2014-yil.

  • Lava Paxoa shaharchasiga eltuvchi Apaa ko'chasidan oqib kelmoqda, Gavayi, 24-oktabr, 2014-yil.

Fotogalereya

Fotogalereya Gavayi vulqoni aholi turar joylariga yetib keldi

Gavayida otilib chiqqan vulqon lavalari bir necha hafta o'tib Paxoa shaharchasiga yetib keldi. Sekin harakatlanayotgan lava "daryosi" yo'lda uchragan har qanday narsani kuydirib kulga aylantirmoqda. Shaharcha aholisi xavfsiz joyga evakuatsiya qilingan.
Fotogalereya

Fotogalereya Ebolaga qarshi global kurash

Dunyo bo'ylab Ebolaga qarshi kurash choralari kuchaytirilmoqda. Eboladan ogohlik oyligi doirasida turli mamlakatlarda xavfli kasallikka qarshi tayyorgarlik mashg'ulotlari o'tkazilmoqda.
Fotogalereya

Fotogalereya Afg'onistondagi missiya nihoyasiga yetayapti

Afg'onistonning Hilmand viloyatidagi yirik harbiy baza mahalliy armiya nazoratiga o'tdi. AQSh va Britaniya qo'shinlari missiyani yakunlab, o'lkani tark etishga hozirlik ko'rmoqda. 2015-yilda Afg'onistonda 12 ming xorijiy askar qoladi.
Fotogalereya

Fotogalereya Suriya va Iroq

G'arb qo'llab-quvvatlovini olgan kurd jangchilari Turkiya orqali Suriyaga 1300 safdoshini jo'natishga hozirlik ko'rayapti. Iroqda va Suriyada janglar davom etmoqda.
Fotogalereya

Fotogalereya Turkiya kurdlari qo'shni davlatdagi urushda o'lgan elatdoshlariga motam tutmoqda

Suriyaning Kobani shahri bir necha kundan beri jang maydoni. "Islomiy davlat" bilan qonli urush ketmoqda.
Fotogalereya

Fotogalereya Kanada parlamentida otishma, Ottavadan suratlar

Kanada poytaxtida urush qahramonlariga qo'yilgan yodgorlik oldida turgan askar otib ketilgan. Bu inshoot yaqinidagi parlament binosi ham xavf ostida degan ogohlantirishdan keyin evakuatsiya ishlari boshlangan. Harbiy soqchini nishonga olgan shaxs parlament tomon qochdi, deydi guvohlar. Imoratdan o'q ovozlari eshitilgan. Askarni otgan odam politsiya o'qidan o'lgan. Yaralangan askar ham kasalxonada jon bergan.
Fotogalereya

Fotogalereya Joko Vidodo, Indoneziya prezidenti qasamyod keltirdi

Indoneziyaning yangi rahbari, armiya yoki siyosiy elitaga aloqasi bo'lmagan, oddiy xalqdan chiqqan Joko Vidodo qasamyod keltirdi. 53 yoshli arbobni fuqaro Jokovi deb biladi, o'tmishda uy jihozlari sotib kun ko'rgan. Jakarta meri lavozimida islohotchi sifatida tanilgan.
Fotogalereya

Fotogalereya Kobanida janglar davom etmoqda - 20-oktabr, 2014-yil

Suriyaning Turkiya chegarasi yaqinidagi Kobani shahrida kurdlar va "Islomiy davlat" jangarilari o'rtasida kurash davom etmoqda. Turkiya Tashqi ishlar vaziri Mevlut Chavusho'g'lining aytishicha, Iroq kurdlarining "Islomiy davlat"ga qarshi kurashda Suriya kurdlariga ko'mak berish uchun Turkiya orqali chegarani kesib o'tishiga ruxsat berilmoqda.
Fotogalereya

Fotogalereya Gonkongda minglab namoyishchilar politsiya bilan yuzma-yuz, tarqalmoqchi emas

Bu yoshlar Gonkongda demokratik saylovlar talab qilmoqda. Pekin siyosatini qoralab, rahbarni mahalliy xalqning o'zi tanlashi shart, deydi ular. Talabalar chodirlar qurib olgan, shu yerda tunashayapti. Maqsad tinchlik, deydi ular, "hukumat bizning dardimizni eshitsin". Pekin nazarida ularning talabi asossiz.

Interaktiv

SAYTGA KIRISHNING XAVFSIZ YO’LI