Juma, 21-noyabr, 2014 Toshkent vaqti: 07:14

Matbuot

O'zbekistonda jurnalistlar va matbuot kishanda

Prezident Islom Karimov global tarmoq kuzatuvi bobida mahoratini oshirib, ommaviy axborot vositalarini mahkam changallab olgan, o’nlab jurnalistlar qo’rqinchli bir sharoitda qamoqxonalarda saqlanmoqda, deyiladi hisobotda.
Prezident Islom Karimov global tarmoq kuzatuvi bobida mahoratini oshirib, ommaviy axborot vositalarini mahkam changallab olgan, o’nlab jurnalistlar qo’rqinchli bir sharoitda qamoqxonalarda saqlanmoqda, deyiladi hisobotda.
Amerika Ovozi
Matbuot erkinligini kuzatuvchi xalqaro guruh xulosasiga ko’ra, Shimoliy Afrika va Yaqin Sharqda, arab bahoriga qaramasdan, ommaviy axborot vositalari hamon erkin emas.


"Chegara bilmas muxbirlar" tashkiloti bugun Matbuot erkinligi bo’yicha yillik hisobotini e’lon qildi.

Hujjat 179 davlatni o’z ichiga oladi. Unga ko’ra, qo’zg’olon va to’qnashuvlar tinmayotgan Afrika shimoli va Yaqin Sharq jahonda eng xatarlisi.
 
Tunis, Misrda bu borada ahvol ayanchli. Suriyada jurnalistlar va internetda axborot uzatayotgan oddiy fuqarolar urush qilayotgan hukumat va muxolifatning qurboniga aylanmoqda. Xususan, Suriya 2012-yilda jurnalistlar uchun eng xavfli manzil deya tan olingan.
 
Ro’yxatda eng yuqori pog’onani egallagan uch davlat – matbuot chuqur hurmat qilinadigan Finlyandiya, Niderlandiya va Norvegiya. Bu uchtalik o’tgan yili ham a’lo baholangan edi.

Qo’shma Shtatlar 32-o’rinda. Eng quyi nuqtalarda diktatura hukmron Turkmaniston, Shimoliy Koreya va Eritreya.
 
“Izlanishlardan xulosa qilish mumkinki, demokratiya e’zozlangan jamiyatlarda xolis axborot uzatish protsessi himoyalangan. Inson huquqlari ayovsiz poymol qilinadigan davlatlarda buning aksi”, - deydi "Chegara bilmas muxbirlar" bosh kotibi Kristof Delor.
 
Qozog’iston 179 davlat sirasida 160-o'rinda. O’tgan yil bilan qiyoslaganda mamlakat olti qator pastlagan. Prezident Nursulton Nazarboyev hukumati repressiyani qurol qilib, avtoritar qo’shnilari O’zbekiston va Turkmanistonga yetib oldi, hisob, deyiladi hujjatda. Qozog’iston mustaqil jurnalistlar hayotiga suiqasdlar, hibsga olishlar va tahqirlashlarga guvoh bo’ldi.
 
123-o’rinni egallagan Tojikiston internet ustidan kuzatuvni oshirish uchun butun boshli “ko’ngillilar armiyasi”ni tuzdi, deyiladi "Chegara bilmas muxbirlar" xulosasida. Bu davlatda mustaqil axborot saytlari va Facebook sahifasi tez-tez to’sib turiladi.
 
Deyarli har yili past baho olib kelayotgan O’zbekiston (164-o'rinda) va Turkmanistonda (177-o'rinda) matbuot kishanda.

75-yoshini qarshilagan va mamlakatni 1989-yildan beri temir panja bilan boshqarib kelayotgan prezident Islom Karimov global tarmoq kuzatuvi bobida mahoratini oshirib, ommaviy axborot vositalarini mahkam changallab olgan. O’nlab jurnalistlar qo’rqinchli bir sharoitda qamoqxonalarda saqlanmoqda, deyiladi hisobotda.

So'z va matbuot erkinligi haqida gap ketganda, O'zbekiston rasmiylari hozirda qancha telekanal va radio, gazeta va jurnal borligini misol qilib keltiradi. Vaholanki, gap sonda emas, sifatda. Respublikada mavjud biror axborot vositasi amaldagi siyosatni savolga tuta olmaydi. Jamiyatni qiynayotgan muammolar yoritilmaydi. Chet el axborot vositalari, jumladan "Amerika Ovozi", "Ozodlik" va "Bi-Bi-Si" singari o'zbek tilida xabarlar uzatuvchi teleradiolar uchun O'zbekiston yopiq. Ularning internet sahifalariga to'siqlar qo'yilgan.

Ko’ppartiyaviylik, fikr erkinligi targ’ib qilinayotgan Turkmanistonda totalitar rejim o’zgaradigan emas. Prezident Qurbonguli Berdimuhammedov o’z shaxsiga sig’inish siyosatini yo’lga qo’yib olgan, deyiladi "Chegara bilmas muxbirlar" hisobotida.
 
Qirg’iziston jadvalda 106-o'rinda. Matbuoti xilma xil, senzuradan nisbatan xoli sanalgan bu mamlakatda jurnalistlar hayoti xavf ostida va turli hukmron hamda muxolifat guruhlar tomonidan muntazam siquvda.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Uysizlar uchun mobil hammom - Homeless Shower Busi
X
20.11.2014 10:57
Kaliforniya shtatining San-Fransisko shahrida bir avtobus haftasiga uch marta g’ayrioddiy xizmatlar ko’rsatadi. Uysiz odamlar unga kirib, cho’milib chiqishi mumkin. Bu mobil dushxonalarni xayriya tashkiloti yo’lga qo’ygan.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
  • NATO harbiy samolyotlari Litva osmonida
  • Ukraina osmonidan urib tushirilgan Malayziya samolyoti qoldiqlari
  • Donetsk bozorida
  • Indoneziyada yonilg'i narxi oshganidan norozi omma ko'chada... Bir yigit portlovchi modda ishlatganida o'z yonib ketgan.
  • Indoneziyada toshqinlar
  • Vinoda cho'milayotgan yaponlar
  • Satguru Rampalji Maharaj - o'zini xudo deb e'lon qilgan hind - qamoqqa olindi
  • Nyu-York shtatida bir yarim metr qor yog'di
  • Londonda tirnog'ini ko'z-ko'z qilayotgan xonim
  • Robotlar ko'rgazmasida, Ispaniya
  • Germaniyada ishlangan yangicha velosiped
  • Braziliya
Fotogalereya

Fotogalereya Sterilizatsiya hind ayollarini o'ldirdi

Hindistonda tug'ishning oldini olish uchun o'tkazilgan jarrohlik amaliyotidan so'ng 13 ayol jon bergan. Aholi sonini nazorat qilishga urinayotgan hukumat sterilizatsiyaga zo'r bermoqda. Hibsga olingan jarrohning aytishicha, ayollarning o'limiga amaliyotdan keyin berilgan dorilar sabab bo'lgan.
Fotogalereya

Fotogalereya Vashingtonda global festival

Poytaxtdagi Vashington markazida (The Washington Center) Global fuqaro kuni bayram qilinib, o'nlab davlatdan talabalar madaniyati, taomlari, kuy-qo'shiqlarini namoyish qildi.
Fotogalereya

Fotogalereya Nigeriyada portlash, o'lganlarning ko'pi o'quvchilar

Nigeriya shimoli-sharqidagi Potiskum shahrida suiqasd xurujida kamida 48 odam o'lgan, aksariyati o'quvchilar. Voqea o'rta maktabda sodir bo'lgan. Bomba bolalar bir joyga to'planganda portlagan. Xabarlarga qaraganda, kamida 79 odam jarohat olgan, aksariyati og'ir ahvolda. Guvohlarning aytishicha, xudkush bombachi o'quvchi kiyimida bo'lgan. Xuruj kimning ishi ekani ma'lum emas, ammo mamlakatda Boko Haram jangari guruhi faol. Boko Haram bir hafta oldin Potiskumdagi bir xurujni uyushtirgan edi. O'shanda diniy marosim paytida 20 dan ziyod odam o'lgan.

Interaktiv

SAYTGA KIRISHNING XAVFSIZ YO’LI