Payshanba, 17-aprel, 2014 Toshkent vaqti: 11:52

Amerika

Qurol nazoratiga doir tortishuvlar. Kimning qo'li baland keladi?

Qurol va jamiyat, AQSh/US Gun Violencei
X
13.02.2013
Amerikada qurolli hujumlar atrofidagi qo’rquv va hayrat jamiyatdagi bu illatni qanday hal qilish masalasiga oydinlik kirita olganicha yo’q. Kongressda o’tayotgan tinglovlar bunga misol. Senat Adliya qo’mitasida qurolga egalik tarafdorlari va qarshilardan o’rtasida osmon va yerchalik farq bor da’volar yangradi.

Qurol va jamiyat, AQSh/US Gun Violence

Matn hajmi - +
Amerika Ovozi
AQShda qurol nazoratiga doir tortishuvlar va munozaralar tingani yo’q. Prezident Barak Obama masalaga jiddiy yondashib, alohida diqqat qaratishini bildirgan. Kongressdagi yillik murojaatida ham mavzuga to’xtalishi kutilmoqda.

Qurolga egalik qilish Amerikada bu mamlakat tashkil topgan paytdan beri an’anaga aylangan. Shu sabab qurol savdosini cheklash haqida gap ochilganda bu siyosat tarafdorlari ham, unga qarshilar ham befarq bo’la olmaydi.

"Yangi qoidalar qonunga amal qilayotgan fuqarolarni qurolsiz qoldiradi, ammo bu qurol bilan jinoyat sodir etayotganlarni to’xtata olmaydi", - deydi qurol sotuvchisi Bryus Bumgarner.

"Chora ko’rish zarur. Agar boshimga bu hol tushmaydi, qurolli zo’ravonlik meni chetlab o’tadi deb o’ylayotgan bo’lsangiz, xato qilasiz", - deya qarama-qarshi fikr bildiradi Sendi Fillips. O’tgan yoz Koloradodagi otishmada Fillipsning qizi o’lgan edi.

Qonunchilar va lobbichilar ham o’zaro tortishmoqda.

“Oddiy narsalarni tushunmayapsiz”, - deydi senator Richard Durbin Milliy qurol uyushmasi rahbari Ueyn Lapyerga.

“Menimcha esa siz tushunmayapsiz”, - deya javob qaytaradi unga Lapyer.

Boshqa bir senator Patrik Lexi ularni tinchlantirishga harakat qiladi.

O’tgan yil dekabr oyida Konnektikut shtatining Nyutaun shahrida bir odam 20 o’quvchini otib o’ldirgach, iyul oyida esa Kolorado shtatida kinoteatrdagi otishmada 12 odam nobud bo’lgach, qurol savdosini nazorat qilishga qaratilgan choralar ishlab chiqildi.

Prezident Obama qo’l qovushtirib o’tirishdan foyda yo’q, dedi.

"Urush maydonida qo’llaniladigan qurollarga kinoteatrda o’rin yo’q. Amerikaliklarning aksariyati bu fikrimga qo’shiladi", - dedi davlat rahbari.

Biroq qurolga egalik huquqini himoya qiluvchi Milliy qurol uyushmasi kabi guruhlar yangi qoidalardan norozi bo’lib, prezidentga reklama orqali hujum qildi.

Uyushma ijrochi vitse-prezidenti Ueyn Lapyerning aytishicha, amaldagi qonunlar ijrosi qolib ketib, yangilarini taklif qilish bilan jinoyatchilik kamayib qolmaydi.

"Hukumat oilalarimizni himoya qilish uchun qonun doirasida qurol saqlashimizga g’ov bo’la olmaydi", - deydi u.

Qurol do’konining egasi Endryu Reymond baribir nimadir o’zgaradi, degan fikrda.

"Qurol uyushmasi qanchalik qudratli bo’lmasin, qatliomda 20 ta bola o’lganini hisobga olish kerak. Shuning o’zi qurol nazoratiga doir qattiqroq qonunlarning qabul qilinishi uchun yetarli desak mubolag’a bo’lmaydi", - deydi u.

Munozara qizib borar ekan, tomonlar o’qlanib, siyosiy otishmaga hozirlik ko’rmoqda.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Bostondagi o'zbek oilalari - Uzbeks in Boston - Marina Bay, MAi
X
17.04.2014
Boston va uning atrofida o’zbeklar boshqa katta shaharlarga qaraganda unchalik ko’p emas. Dunyoning bu qismlariga asosan talabalar kelib ketadi. Lekin bugun o’zbekistonlik oilalar yetib bormagan joy yo’q.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Fotogalereya

Fotogalereya Boston fojiasini eslab

O'tgan yilning 15-aprelida 25 mingga yaqin kishini bir joyga to'plagan marafon paytida yuz bergan portlash uch kishini hayotdan olib ketgan va 260 dan ortiq odam jarohatlangan edi.
Fotogalereya

Fotogalereya Nigeriyada qonli kun

Fotogalereya

Fotogalereya Ukrainadan suratlar

Fotogalereya

Fotogalereya Vashingtonda olcha gulladi

Har yili aprel oyida Vashington shahri olcha gullari bilan burkanadi. Bir asr muqaddam Yaponiya tomonidan hadya qilingan ko’chatlar bugun Vashingtonning ramziy ko’rkiga aylangan. Olchaning gullash mavsumi har yili 10 kuncha davom etadi. Yilning bu davrida Vashington sayyohlar bilan to’ladi. Chunki ayni shu kunlarda poytaxt Olcha guli festivalini tashkil qiladi. Vashington bo’ylab yapon madaniyati kunlari o’tkaziladi. Musiqa va raqs, me’morchilik san’ati, urf-odatlar, kinolar namoyish etiladi. Yapon tili va adabiyoti ham targ’ib qilinadi. Yaponiyadan mehmonlar kelib, sahnada amerikaliklarni xushnud qiladi. Ikki xalq san’atini ifodalovchi asarlar namoyish etiladi.
Fotogalereya

Fotogalereya Janubiy Afrika Respublikasi notinch

BMT Xavfsizlik Kengashi tobora notinch Janubiy Afrika Respublikasiga keng ko’lamli tinchlikparvar qo’shin safarbar etadi. Salkam 12 ming kishilik missiya tinch aholini himoya qilib, insonparvarlik yordami qatnovini ta’minlaydi. Mamlakatda mazhablararo adovat va zo’ravonlik minglab odamlarni hayotdan olib ketdi. Afrikalik olti ming va fransiyalik ikki ming qo’shin tinchlikni saqlay oladi, deydi BMT rasmiylari. Xalqaro qo’shinlar 15-sentabrda ishga kirishadi. AQShning BMTdagi elchisi Samanta Pauer shu hafta Markaziy Afrika Respublikasida bo’ldi. Qo’shma Shtatlar Afrika ittifoqi qo’shinlarini qo’llab quvvatlaydi; jahon hamjamiyati bu davlatga dadilroq yordam berishi lozim, deydi elchi. BMT, xususan, Markaziy Afrika Respublikasida 19 ming musulmon hayoti jiddiy tahdid ostida va ular mamlakatning xavfsiz hududlariga yoki xorijiy davlatga ko’chirilishi kerak, deya ogohlantiradi. Nasroniy jangarilar musulmon aholiga qarshi qonli hujumlarni boshlagandan beri o’n minglab musulmon poytaxtni va g'arbiy viloyatlarni tark etgan. Ayrim mahalliy rasmiylarning aytishicha, aholini ko’chirish choralari ixtilofni yanada kuchaytirib, mamlakatni parchalab yuborishi mumkin.
Fotogalereya

Fotogalereya Pensilvaniyadagi maktabda fojea

Pensilvaniya shtati, Murisvil shahridagi Franklin o'rta maktabida o'quvchi 19 bola va yana bir kishini pichoqlagan. To'rt odamning ahvoli og'ir, deydi politsiya.
Fotogalereya

Fotogalereya Pokistonda yo'lovchi poyezdi portladi

Pokiston janubi-g'arbidagi temiryo'l bekatida yo'lovchi poyezdi portlab, o'nlab odamlar halok bo'lgan.

Interaktiv

SAYTGA KIRISHNING XAVFSIZ YO’LI