Juma, 19-dekabr, 2014 Toshkent vaqti: 08:55

Amerika

Lobbichilar qurol bozorini tartibga solishga yo’l bermayapti

Qurol va jamiyat, AQSh/US Gun Violencei
X
13.02.2013 06:26
Amerikada qurolli hujumlar atrofidagi qo’rquv va hayrat jamiyatdagi bu illatni qanday hal qilish masalasiga oydinlik kirita olganicha yo’q. Kongressda o’tayotgan tinglovlar bunga misol. Senat Adliya qo’mitasida qurolga egalik tarafdorlari va qarshilardan o’rtasida osmon va yerchalik farq bor da’volar yangradi.
Qurol va jamiyat, AQSh/US Gun Violence

Multimedia

Audio
Amerika Ovozi
So’nggi yillarda AQShda qurol vositasida ro’y bergan qatliomlar bu mamlakatni larzaga soldi. AQSh konstitutsiyasi fuqaroga haqiqatdan ham istagan qurolga egalik qilish huquqini berganmi? Ba’zilar “ha”, boshqalar “yo’q” deydi.
Lobbichilar qurol bozorini tartibga solishga yo’l bermayapti/Shohruh Hamro
Lobbichilar qurol bozorini tartibga solishga yo’l bermayapti/Shohruh Hamroi
|| 0:00:00
...    
🔇
X

Shu kungacha zo’ravonlik muammosini hal qilishga qaratilgan puxta ilmiy tadqiqotlar o’tkazilgan emas. Ammo so’rovlardan omma kayfiyatini bilib olish mumkin.

Yaqinda Vashingtonda minglab odam qurol-aslaha bozorini tartibga soling, deb namoyish qildi. Undan oldin esa qurol egalari konstitutsiyaviy huquqlarini e’tirof etib, mamlakat bo’ylab ko’rgazmalar tashkil etdi.  

Konnektikut shtatida birinchi sinf o’quvchilari va muallimlar otib o’ldirilganidan beri asablar tarang. Obama ma’muriyati harbiy turdagi qurollar savdosini taqiqlash harakatida.

Jons Xopkins tibbiyot oliygohi yaqinda bir izlanish natijalarini e’lon qildi. Bu bahsli masalaning ayrim jihatlari bo’yicha omma yakdil, deyiladi unda.

Tadqiqotchilardan biri Kollin Berri “Amerika Ovozi” bilan suhbatda bo’ldi:  

“Xulosa shuki, siyosiy qarashlari va qaysi partiyaga mansubligidan qat’i nazar aksar fuqarolar qurollarni xavfli shaxslardan uzoqroqda saqlash kerak, deb aytishdi. Jumladan, oilaviy zo’ravonlikda ayblanib, sud hukmini buzganlar; narkotik yoki alkogol bilan bog’liq jinoyatga qayta qo’l urgan odamlar; yoshligida jiddiy jinoyat sodir etganlar; terrorda gumon qilinganlar va hokazo”, - deydi u.

Izlanishga ko’ra, qurol egalarining 74 foizi xaridorlar puxtaroq tekshirilsin degan taklifni yoqlaydi.

Lekin qonli hodisalarni qanday kamaytirish masalasi shu kungacha hukumat idoralari tomonidan jiddiy o’rganilgan emas. Chunki AQSh Qurol uyushmasi, ya’ni lobbichilar bosimi bilan Kongress bunga ruxsat bermaydi.  

Natijada qurol-aslaha va o’q-dorilarni uyda qanday saqlash bo’yicha aniq ko’rsatma va talablar belgilanmagan, deydi doktor Jorjes Benjamin, AQSh Sog’liqni saqlash uyushmasi vakili. 

“Savollarga javob topish u yoqda tursin, savol berishga qo’rqib qolganmiz”.

Amerika konstitutsiyasi qurolga egalik huquqini kafolatlasa-da, 18-asrdan beri harbiy texnologiya qanchalik taraqqiy etgani e’tibordan chetda qolyapti. Bugun tepkini bosganda mo’ljalga to’xtovsiz o’q yog’dirish mumkin. Jismni tilka-pora qiladigan maxsus o’qlar bor.

“Odamlarga ko’proq ma’lumot berish kerak”, - deydi doktor Benjamin.

Uning fikricha, qurol xavfsizligi bilan bog’liq masalalar obdon o’rganilib, natija ommaga taqdim etilsa, tortishuvlar hal bo’ladi qo’yadi. Bunday jumboqlar bilan ham oldin ham yuzlashganmiz va bir yo’lini topganmiz, deydi u.

“Bahslashib, yoqalashib, baribir bir to’xtamga kelamiz. Oson bo’ladi demayapman. Lekin qo’limizdan keladi, bunga ishonchim komil. Boshqa yo’l yo’q”.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Osiyolik muhojirlar - Amerika hayotii
X
18.12.2014 21:25
Immigratsiya va deportatsiya haqida gap ketganda, AQShda asosan latinolar tilga olinadi. Holbuki, 1,3 milliondan oshiq osiyolik noqonuniy muhojir bor.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
  • Nangarhor viloyati, Afg'oniston
  • O'lgan rafiqasini topshirgisi kelmayotgan er, Xitoyning Liaoning viloyati
  • Massachussetts shtatida harbiy mashq
  • Keniyada hukumatga qarshi namoyishlar kuch bilan bostirildi
  • Ingliz shahzodasi Garri Lesoto davlatida bolalar bilan muloqotda
     
  • Italiya yangi yilga tayyor
  • Angliya ko'chalarida
  • Vladimir Putin xalq bilan muloqotda
  • Moskva
  • Sankt-Petersburg

Interaktiv

SAYTGA KIRISHNING XAVFSIZ YO’LI