Shanba, 23-may, 2015 Toshkent vaqti: 01:37

Amerika

AQSh mudofaa va razvedka sohasida katta o’zgarishlar kutilmoqda

Amerika Ovozi
Prezident Barak Obama mudofaa vaziri lavozimiga sobiq respublikachi senator Chak Xeyglni tanlagan. Agar Kongress tasdig’idan o’tsa, Xeygl oldidagi asosiy vazifa Afg’onistondagi urushni nihoyasiga yetkazishdir.


AQSh Markaziy Razvedka boshqarmasida ham o’zgarishlar kutilmoqda.   

Mudofaa vazirligi byudjetini qisqartirish, Afg’onistondan zobitlarni uyga qaytarish murakkab masalalar. Chak Xeygl bu ishga tanlangani bejiz emas.

Sobiq senator mavhum maqsadli urushlarda amerikaliklar qoni to’kilmasin, Pentagonni isloh qilaylik, deb keladi.

Vietnam urushi qahramoni Chak Xeygl urush nima ekanini biladi. Dangal, to’g’riso’z, mudofaa vaziri bo’lishga loyiq, deyishadi uni bilganlar. Urushlarni tugatish tarafdori u. 

“Mamlakat xavfsizligi va ittifoqchilar bilan rishtalarni mustahkamlash barobarida erkinlik va vijdoniylikni targ’ib etishni ham o’z vazifam deb bilaman”, - deydi Xeygl.

Respublikachi Xeygl fikrlarini ro’y-rost aytishi bilan tanilgan.

AQShning Afg’oniston strategiyasi haliyam xom ekan, u prezident Obamaning qarorlariga ta’sir eta oladi, deydi tahlilchi Maykl Oxenlon.  

“Afg’onistondagi missiya cho’zilib ketdi, maqsaddan chalg’idik, deb shikoyat qilgan aynan senator Xeygl edi. Ehtimol, vitse-prezident Jo Bayden singari u ham askarlarni u yerdan tezroq olib chiqishga undaydi”, - deydi u.

11 yildan beri davom etayotgan afg’on mojarosini oxiri ko’rinmas urush deyishadi. Afg’onistonning katta hududlari hamon jangarilar nazoratida. Frederik Kemp Chak Xeygl bilan Atlantika Kengashi nomli tadqiqot markazida birga ishlagan:

Bir narsani aniq aytishim mumkin, u murakkab savollarni o’rtaga tashlaydi. Afg’oniston bilan nimani muzokara qilyapmiz, muddao nima? Mintaqada ahvol qanday? U yerda qancha askarni qoldirgan ma’qul va shunga arziydimi?”

Xeygl mudofaa vaziri bo’lishiga uning ayrim sobiq partiyadoshlari qarshi. Ular ta’rificha, Xeygl Isroilga xayrixoh emas, Eron yuzasidan ham qattiqqo’llik ko’rsatmagan.

AQSh Markaziy Razvedka boshqarmasi rahbarligiga esa Jon Brennan ko’rsatilyapti. Prezidentning kontr-terrorizm bo’yicha maslahatchisi jangarilarni uchuvchisiz samolyotlar bilan yo’q qilish programmasini ishlab chiqqan.  

Maykl Oxenlonning aytishicha, Brennan sahna ortida xavfsizlik bilan bog’liq eng qaltis masalalar bilan shug’ullangan. AQShda tahdid solayotgan Al-Qoida yetakchilarini nest qilish shular jumlasidan. Omma buni tushunadi. Uning nomzodi oson o’tsa kerak.    

Prezident Obamaga ko’ra, AQSh armiyasi kelajakda ixcham, yanada tezkor bo’ladi. Maxsus operatsiyalar va pilotsiz vositalarga ko’proq tayanadi.

U tanlagan arboblar ana shunday yangicha yondashuv AQSh xavfsizligini ta’minlay olishini isbotlashi kerak.

Urush va siyosat/Kerry, Hagel and Vietnami
X
12.02.2013 05:59
Prezident Barak Obama ikkinchi muddatga kirishishi bilan vazirlar almashyapti. Davlat kotibi etib demokrat qonunchi Jon Kerri tayinlandi. Mudofaa vaziri lavozimiga esa sobiq senator Chak Xeygl tanlangan. Har ikkala arbob o’tgan asr o’rtalarida Vyetnamda xizmat qilgan, urush dahshatini o’z ko’zi bilan ko’rgan.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Ayol siyosatchilari
X
21.05.2015 23:15
AQSh Kongressida shu paytgacha bunchalik ko’p ayol a’zo bo’lmagan. Lekin ular ko’p emas, qonunchilarning atigi 20 foizi. Amerika aholisining yarmidan ko’pi xotin-qizlar. Umuman olganda siyosatda ayollar muhim rol o’ynaydi, saylovchi va fuqaro sifatida. Biroq qudratli lavozimlarda ular ozchilik.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
  • Urugvay ahli 1973-1985 yillarda hukmronlik qilgan harbiy tuzum paytida daraksiz ketgan insonlarni eslamoqda
  • Janubiy Koreya
  • Bostonda xotira kuni, AQSh
  • Ispaniya
  • Janubiy Koreya
  • Nyu-Yorkdagi yangi osmono'par binoda
  • Xitoy
  • Suriya
  • Assam shtati, Hindiston
  • Germaniya ko'chalarida
  • Tinch okeani sohillarida... Neft quvuridagi muammo sabab sizib chiqqan neft suvni bulg'amoqda

Interaktiv

SAYTGA KIRISHNING XAVFSIZ YO’LI