Shanba, 01-noyabr, 2014 Toshkent vaqti: 03:49

Amerika

AQSh mudofaa va razvedka sohasida katta o’zgarishlar kutilmoqda

Amerika Ovozi
Prezident Barak Obama mudofaa vaziri lavozimiga sobiq respublikachi senator Chak Xeyglni tanlagan. Agar Kongress tasdig’idan o’tsa, Xeygl oldidagi asosiy vazifa Afg’onistondagi urushni nihoyasiga yetkazishdir.


AQSh Markaziy Razvedka boshqarmasida ham o’zgarishlar kutilmoqda.   

Mudofaa vazirligi byudjetini qisqartirish, Afg’onistondan zobitlarni uyga qaytarish murakkab masalalar. Chak Xeygl bu ishga tanlangani bejiz emas.

Sobiq senator mavhum maqsadli urushlarda amerikaliklar qoni to’kilmasin, Pentagonni isloh qilaylik, deb keladi.

Vietnam urushi qahramoni Chak Xeygl urush nima ekanini biladi. Dangal, to’g’riso’z, mudofaa vaziri bo’lishga loyiq, deyishadi uni bilganlar. Urushlarni tugatish tarafdori u. 

“Mamlakat xavfsizligi va ittifoqchilar bilan rishtalarni mustahkamlash barobarida erkinlik va vijdoniylikni targ’ib etishni ham o’z vazifam deb bilaman”, - deydi Xeygl.

Respublikachi Xeygl fikrlarini ro’y-rost aytishi bilan tanilgan.

AQShning Afg’oniston strategiyasi haliyam xom ekan, u prezident Obamaning qarorlariga ta’sir eta oladi, deydi tahlilchi Maykl Oxenlon.  

“Afg’onistondagi missiya cho’zilib ketdi, maqsaddan chalg’idik, deb shikoyat qilgan aynan senator Xeygl edi. Ehtimol, vitse-prezident Jo Bayden singari u ham askarlarni u yerdan tezroq olib chiqishga undaydi”, - deydi u.

11 yildan beri davom etayotgan afg’on mojarosini oxiri ko’rinmas urush deyishadi. Afg’onistonning katta hududlari hamon jangarilar nazoratida. Frederik Kemp Chak Xeygl bilan Atlantika Kengashi nomli tadqiqot markazida birga ishlagan:

Bir narsani aniq aytishim mumkin, u murakkab savollarni o’rtaga tashlaydi. Afg’oniston bilan nimani muzokara qilyapmiz, muddao nima? Mintaqada ahvol qanday? U yerda qancha askarni qoldirgan ma’qul va shunga arziydimi?”

Xeygl mudofaa vaziri bo’lishiga uning ayrim sobiq partiyadoshlari qarshi. Ular ta’rificha, Xeygl Isroilga xayrixoh emas, Eron yuzasidan ham qattiqqo’llik ko’rsatmagan.

AQSh Markaziy Razvedka boshqarmasi rahbarligiga esa Jon Brennan ko’rsatilyapti. Prezidentning kontr-terrorizm bo’yicha maslahatchisi jangarilarni uchuvchisiz samolyotlar bilan yo’q qilish programmasini ishlab chiqqan.  

Maykl Oxenlonning aytishicha, Brennan sahna ortida xavfsizlik bilan bog’liq eng qaltis masalalar bilan shug’ullangan. AQShda tahdid solayotgan Al-Qoida yetakchilarini nest qilish shular jumlasidan. Omma buni tushunadi. Uning nomzodi oson o’tsa kerak.    

Prezident Obamaga ko’ra, AQSh armiyasi kelajakda ixcham, yanada tezkor bo’ladi. Maxsus operatsiyalar va pilotsiz vositalarga ko’proq tayanadi.

U tanlagan arboblar ana shunday yangicha yondashuv AQSh xavfsizligini ta’minlay olishini isbotlashi kerak.

Urush va siyosat/Kerry, Hagel and Vietnami
X
12.02.2013 05:59
Prezident Barak Obama ikkinchi muddatga kirishishi bilan vazirlar almashyapti. Davlat kotibi etib demokrat qonunchi Jon Kerri tayinlandi. Mudofaa vaziri lavozimiga esa sobiq senator Chak Xeygl tanlangan. Har ikkala arbob o’tgan asr o’rtalarida Vyetnamda xizmat qilgan, urush dahshatini o’z ko’zi bilan ko’rgan.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Otalar uyda, bola boqadi; onalar ishda - Today's dadsi
X
31.10.2014 22:03
Bugun ko'plab erkaklar uyda bola tarbiyasi bilan band, onalar esa ishlab pul topadi. Buning nimasi yomon, deya so'raydi "Amerika Ovozi" bilan gaplashgan amerikaliklar.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Fotogalereya

Fotogalereya Quddus: arab va yahudiylar orasida to'qnashuvlar

Quddusdagi al-Aqsa masjidi bugun qisman ochiq. Isroil politsiyasi chorshanba kuni inshootni butunlay yopib qo'ygach, Falastin ma'muriyati buni urush e'lon qilishga qiyoslagan edi. Hududda hafta boshida ro'y bergan otishmada avval isroillik ruhoniy jarohatlangan; ketidan politsiya falastinlik bir shaxsni otib o'ldirgan edi. To'polon ko'tarilmasligi uchun musulmon va yahudiylar uchun muqaddas sanalgan masjid va uning atrofini vaqtincha to'sib qo'ydik, deydi Isroil huquq-tartibot xodimlari. 50 yoshgacha bo'lgan erkaklar hududga hamon yo'latilmayapti. G'azoda hukmron HAMAS va Isroil o'rtasida shu yil ro'y bergan ikki oylik urush ortidan yahudiy va falastinliklar munosabati hanuz tarang. Ixtilof 21 mingdan ziyod odam, asosan, g'azolik tinch aholini hayotdan olib ketgan edi.
Fotogalereya

Fotogalereya Burkina Fasoda xalq isyon ko'tardi, prezident ishdan ketdi

G'arbiy Afrikadagi davlat, Burkina Fasoda prezident Bleyz Kompraore 27 yillik boshqaruvdan keyin ishdan ketdi. Mamlakatda o'n minglab odamlar namoyishga chiqib, rahbarning iste'fosini talab qilayotgan edi. Chiqishlar qonli tus olgach, kecha armiya parlamentni tarqatib yuborib, muvaffaq hukumat tuzilishini ma'lum qilgan. 1987-yildan beri Burkina Fasoni boshqarayotgan Kompraore sal oldin parlamentda yangi qonunni olg'a surib, hokimiyatda uzoqroq qolishni ko'zlayotgan edi. Omma bundan norozi bo'lib isyon ko'targan. Sobiq rahbar hozir qayerda ekani, o'rniga kim tayinlanishi hali ma'lum emas. Ayrim manbalarda general Luame Loug vaqtli hukumatga bosh bo'lishi mumkin deyilmoqda. Kecha, payshanba kuni poytaxt Uagaduguda odamlar parlamentga o't qo'yib, boshqa davlat idoralariga bostirib kirgan. Politsiyaning aytishicha, o'lganlar va yaradorlar bor. Xalqni tinchlantirish uchun rasmiylar parlamentda olg'a surilgan konstitutsion o'zgarishlarni va bir necha soat oldin e'lon qilingan favqulodda holatni bekor qildi. Birlashgan Millatlar Tashkiloti Bosh kotibi Pan Gi Mun G'arbiy Afrikadagi bu davlatda vaziyatni xavotir bilan kuzatayapmiz, deydi. Bosh kotib tomonlarni tinchlanishga va zo'ravonlikdan tiyilishga chaqirmoqda.
Fotogalereya

Fotogalereya Peshmerga kuchlari Kobaniga yetib keldi

Iroq Kurdistonidan peshmerga jangchilarining bir qismi Suriyaning Kobani shahriga yetib borgan. Ular "Islomiy davlat" jangari guruhiga qarshi kurashda mahalliy kurdlar va xalqaro koalitsiyaga yordam beradi.
Fotogalereya

Fotogalereya Gavayi vulqoni aholi turar joylariga yetib keldi

Gavayida otilib chiqqan vulqon lavalari bir necha hafta o'tib Paxoa shaharchasiga yetib keldi. Sekin harakatlanayotgan lava "daryosi" yo'lda uchragan har qanday narsani kuydirib kulga aylantirmoqda. Shaharcha aholisi xavfsiz joyga evakuatsiya qilingan.
Fotogalereya

Fotogalereya Ebolaga qarshi global kurash

Dunyo bo'ylab Ebolaga qarshi kurash choralari kuchaytirilmoqda. Eboladan ogohlik oyligi doirasida turli mamlakatlarda xavfli kasallikka qarshi tayyorgarlik mashg'ulotlari o'tkazilmoqda.
Fotogalereya

Fotogalereya Afg'onistondagi missiya nihoyasiga yetayapti

Afg'onistonning Hilmand viloyatidagi yirik harbiy baza mahalliy armiya nazoratiga o'tdi. AQSh va Britaniya qo'shinlari missiyani yakunlab, o'lkani tark etishga hozirlik ko'rmoqda. 2015-yilda Afg'onistonda 12 ming xorijiy askar qoladi.
Fotogalereya

Fotogalereya Suriya va Iroq

G'arb qo'llab-quvvatlovini olgan kurd jangchilari Turkiya orqali Suriyaga 1300 safdoshini jo'natishga hozirlik ko'rayapti. Iroqda va Suriyada janglar davom etmoqda.
Fotogalereya

Fotogalereya Turkiya kurdlari qo'shni davlatdagi urushda o'lgan elatdoshlariga motam tutmoqda

Suriyaning Kobani shahri bir necha kundan beri jang maydoni. "Islomiy davlat" bilan qonli urush ketmoqda.
Fotogalereya

Fotogalereya Kanada parlamentida otishma, Ottavadan suratlar

Kanada poytaxtida urush qahramonlariga qo'yilgan yodgorlik oldida turgan askar otib ketilgan. Bu inshoot yaqinidagi parlament binosi ham xavf ostida degan ogohlantirishdan keyin evakuatsiya ishlari boshlangan. Harbiy soqchini nishonga olgan shaxs parlament tomon qochdi, deydi guvohlar. Imoratdan o'q ovozlari eshitilgan. Askarni otgan odam politsiya o'qidan o'lgan. Yaralangan askar ham kasalxonada jon bergan.

Interaktiv

SAYTGA KIRISHNING XAVFSIZ YO’LI