Juma, 19-dekabr, 2014 Toshkent vaqti: 21:27

Amerika

Garlem, Nyu-York, katta o'zgarishlarni boshdan kechirmoqda

Yangi Garlem, Nyu-York/New Harlem, NYCi
X
15.03.2013 23:18
Garlem bir asrdan ziyod davr mobaynida Nyu-York shahrining eng zich qismi bo'lgan. Asosan, qora tanli amerikaliklar yashaydigan bu hudud shaharning eng qashshoq va jinoyatchilik chuqur ildiz otgan burchagi sifatida ham nom qozongan. Ammo so'nggi yillarda Garlem o'zgardi, hozirda u iqtisodiy jihatdan gurkiramoqda. Aholi ham o'zgardi, ammo Garlem hamon afro-amerikaliklar uchun markaziy nuqtalardan biri, deydi biz bilan suhbatda bo'lgan fuqarolar.
Yangi Garlem, Nyu-York/New Harlem, NYC
Amerika Ovozi
Garlem bir asrdan ziyod davr mobaynida Nyu-York shahrining aholisi eng zich rayoni bo’lgan. Asosan, qora tanli amerikaliklar yashaydigan bu hudud shaharning eng qashshoq va jinoyatchilik chuqur ildiz otgan qismi sifatida nom qozongan. Ammo so’nggi yillarda Garlem u yerga ko’chib borayotgan turli odamlar hisobiga iqtisodiy o’sishni boshdan kechirmoqda. O’rta qatlamga mansub afro-amerikaliklar sonining oshayotgani ham shunga bir sabab.


Mahalliy aholi Garlemni “Qora Amerikaning poytaxti” deb ataydi. Yaqingacha bu yer biznes ahli uchun eng yomon joy hisoblangan. Ammo bugun qarashlar o’zgaryapti. Nikoa Evans-Xendriks 14 yildan beri Garlemda tadbirkorlarni biznes ochishga tashviq qilib keladi.
 
“96-ko’chadan buyog’i odamzot unutgan bir yer sifatida qaralardi. Ammo Garlem bugun Manxettenning oltin koni, oltin qirg’og’i darajasigacha yetdi”, - deydi u.
 
So’nggi o’n yilda garlemliklarning o’rtacha daromadi 30 foizga oshdi. Seven Braun bu yerda go’zallik salonini ochdi.
 
“O’zim uzoq yillar yashagan joyda shunday biznes ochib ishlash ajoyib tajriba bo’ldi. Qora tanlilarga tegishli ko’plab bizneslarning har kuni yopilayotganidan mamnun emasman, albatta. O’tgan hafta 60-65 ta firma yopilib ketdi”, - deydi Braun.
 
Yirik savdo va qurilish kompaniyalari Garlem uchun joriy etilgan soliq imtiyozlaridan foydalanib, yangi do’konlar ochyapti. Natijada ijara haqi ko’tarilib, kichik bizneslar raqobat qila olmayapti.
 
“Kichik baliqlar katta baliqqa yem bo’lyapti”, - deydi tadbirkor Skot.
 
Morfi Skot Garlemda 40 yildan beri mebel va eski buyumlar sotadi.
 
“Ijara pulini to’lashga qurbim yetmay qoldi. Yopishga majburman. Hozirgacha shunday do’konlarning 20 tasi yopildi”, - deydi u.
 
Xans Xegeman va uning rafiqasi Bernadet trenajer zalini ochgan. Ular o’zgarishlarga moslashish yo’lidan bormoqda. Garlemda sport zali orqali ayollar sog’lig’ini yaxshilashga hissa qo’shmoqchimiz, deydi ular.
 
“Bu yerda biznes qilishning ahamiyatli tomonlaridan biri shuki, bolalarimiz biz erishayotgan yutuqlarni ko’radi. Biz ham ularning shunday muvaffaqiyat qozonishlarini istaymiz. Ammo bu yerda kichik bizneslar uchun oson emasligi ham bor gap”, - deydi Xegeman.
 
Garlemning an’anaviy qiyofasi va qiymatli merosi qachongacha saqlanib qolishi noma’lum. Bu yerga chetdan ko’chib kelayotganlar ko’p. Ayrimlar nazarida, agar o’zgarib borayotgan rayon o’z o’tmishi va unga bog’liq merosini saqlab qolsa, bu ham biznes, ham mahalliy aholi uchun foydali bo’ladi.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Osiyolik muhojirlar - Amerika hayotii
X
18.12.2014 21:25
Immigratsiya va deportatsiya haqida gap ketganda, AQShda asosan latinolar tilga olinadi. Holbuki, 1,3 milliondan oshiq osiyolik noqonuniy muhojir bor.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
  • AQSh Prezidenti Barak Obama Kuba bo'yicha yangi siyosatini e'lon qilmoqda, 17-dekabr, 2014-yil.
  • Gavanadagi restoranda fuqarolar Kuba Prezidenti Raul Kastroning xalqqa murojaatini tomosha qilmoqda, 17-dekabr, 2014-yil.
  • Kuba Prezidenti Raul Kastro AQSh bilan munosabatlarning tiklanayotgani haqida mahalliy telekanalda xalqqa ma'lumot bermoqda, Gavana, Kuba, 17-dekabr, 2014-yil.
  • AQSh Davlat kotibi Jon Kerri Kubadagi qamoqdan ozod qilingan AQSh fuqarosi Alan Grossni aeroportda kutib olmoqda, 17-dekabr, 2014-yil.
  • Kubada besh yillik qamoqdan so'ng ozodlikka chiqqan AQSh fuqarosi Alan Gross rafiqasi bilan, 17-dekabr, 2014-yil.
  • Alan Gross (o'ngda) uni ko'rgani kelgan Kuba yahudiy jamoasi vakillari bilan, 28-sentabr, 2012-yil.
  • Ayrim faollar Oq uy oldiga yig'ilib, Prezident Obamadan Kubaga qo'yilgan blokadani tugatishni talab qildi, 17-dekabr, 2014-yil.
  • Gavana
  • Gavana
  • Gavana
  • Gavana
  • Gavana

Interaktiv

SAYTGA KIRISHNING XAVFSIZ YO’LI