Payshanba, 03-sentyabr, 2015 Toshkent vaqti: 17:50

Amerika

Yangi, bepul oyoq... Insonparvar tashkilot faoliyatidan

Bepul, yangi oyoq - OPERATION WALKi
X
27.06.2013 22:49
Suyak va bo'g'inlari kasallangan odamlar umr bo'yi og'riq bilan yashashga majbur, hatto nogironga aylanishi mumkin. Ba'zida xastalikni sun'iy son yoki tizza o'rnatish orqali yengsa bo'ladi, lekin bunday operatsiyalar odatda qimmat. Amerikadagi bir tashkilot nafaqat AQShda, balki qashshoq davlatlarda ham aynan shunday murakkab muolajani bepul taklif etmoqda.
Bepul, yangi oyoq - OPERATION WALK

Multimedia

Audio
Amerika Ovozi
Suyak va bo’g’inlari kasallangan odamlar umr bo’yi og’riq bilan yashashga majbur, hatto nogironga aylanishi mumkin. Ba’zida xastalikni sun’iy son yoki tizza o’rnatish orqali yengsa bo’ladi, lekin bunday operatsiyalar odatda qimmat.

Muhtojlarga bepul muolaja taklif etayotgan tashkilot/Shohruh Hamro
Muhtojlarga bepul muolaja taklif etayotgan tashkilot/Shohruh Hamroi
|| 0:00:00
...    
🔇
X

Amerikadagi bir tashkilot nafaqat AQShda, balki qashshoq davlatlarda ham aynan shunday murakkab muolajani bepul taklif etmoqda.

Stiven Makkellar og’riq nimaligini yaxshi biladi.

“Kuniga 24 soat og’riq bilan yashaysiz. Tinchlik yo’q,” - deydi u.

Makkelarning kasali osteoartrit, bo’g’inlar shikastlangan. Tos-son suyaklarini endoprotezlar bilan almashtirish kerak, lekin sug’urtasi yo’q.

“Taslim bo’lasiz, tushkunlikka tushasiz. Hech kim bilan gaplashmay, hech kimni ko’rmay deysiz,” - deydi u.

Ammo “Yurish Operatsiyasi” nomli klinika Stiven Makkellarga mo’jiza bilan barobar imkoniyat berdi - bepul muolaja. Og’riq ham o’tdi, depressiyadan ham chiqdim, deydi bemor.
    
“Qomati qayta tiklandi. Bo’yi 183 bo’lgan turmush ortog’im yonimga qaytgandek. Chehrasidagi azob o’rnida endi tabassum,” - deydi uning rafiqasi Velli Makkelar.

Operatsiyani kaliforniyalik ortoped-jarroh Lorens Dorr bajardi. Notijoriy, gumanitar tashkilotga u 1996-yilda asos solgan. Donorlar va ko’ngillilar yordami bilan Nepal va Tanzaniya kabi mamlakatlarda kambag’allarga bepul davolanish imkonini ham beradi.
  
“Mayib-majruh odamlarni nazar-pisand qilishmaydi u yerda. Nogiron ayol turmush qurolmaydi, erkakni hech kim ishga olmaydi,” - deydi doktor Dorr.
  
“Yurish Operatsiyasi” shifokorlari o’tgan yili iyun oyida ilk bor Tanzaniyaga borib, ahvol bilan tanishdi. Bu mamlakatda tayanch-harakat a’zolari shikastlangan bemorlarning ko’pi tibbiy xizmatdan mahrum, deydi ko’ngilli jarrohlardan biri Amir Malik:

“Aholisi qashshoq. Xususiy tibbiy kompaniyalaridan yordam olish qiyin. Odamlarning 85 foizi murojaat qilsa ham yordam ololmaydi”.

Tanzaniyada muhtojlarga ma’lumot berish - ishning muhim bir qismi. Ayrim bemorlar tanasiga protez o’rnatilishidan qo’rqadi, deydi shifokor Jeffri Kibira.
   
“Qanday qilib sun’iy narsa bilan yurish mumkin deb so’rashadi. Bemorlar operatsiyadan keyin yura boshlagani, og’riqdan xalos bo’lganini ko’rib, boshqalar ham kela boshladi", - deydi doktor Kibira.

Lorens Dorr uning qo’lida, rivojlanayotgan mamlakatlarda ishlaydigan ko’ngilli vrach-hamshiralar haqida shunday deydi:

“Ular olis davlatlarda, chorasizlik girdobida qolgan odamlarga yordam bera olishini anglab yetyapti. Bu ularni o’zgartirayotgani aniq, ijobiy tarafga”.

Ba’zilar uchun bu ish hayot mazmuniga ham aylandi, deydi jarroh.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Noqonuniy immigrantlar haydaladimi?i
X
03.09.2015 09:21
Milliarder biznesmen, prezidentlikka respublikachi nomzod Donald Tramp noqonuniy muhojirlarning AQShda tug'ilgan farzandlariga fuqarolik bermaslik kerak, deydi. U Meksika va Qo'shma Shtatlar o'rtasida devor qurish tarafdori. AQShda 11 million noqonuniy muhojir bor, yarmidan ko'pi Meksikadan.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
  • Avstraliya
  • Vyetnamda Mustaqillik bayrami
  • Hindistonda kasaba uyushmalari amaldagi siyosatga qarshi namoyishda
     
  • Xitoyda muzqaymoq
  • O'rta dengizda hayoti saqlab qolingan qochqinlar
  • Rossiya raketasi Xalqaro fazo stansiyasiga Qozog'iston fazogiri Aydin Aimbetov, Rossiya fazogiri Sergey Volkov va Daniya fazogiri Andreas Mogensenni olib ketdi.
  • Xitoy
  • Indoneziya o'rmonlarida qutqarilgan orangutan
  • Parij politsiyachilari
  • Londonning mana bu binosi - Walkie Talkie - qo'l telefoni shaklidagi obyekt - Britaniyadagi "eng xunuk" imorat deb topildi, mahalliy me'morlar o'tkazadigan tanlovda.

Interaktiv

SAYTGA KIRISHNING XAVFSIZ YO’LI