Payshanba, 27-noyabr, 2014 Toshkent vaqti: 15:25

Salomatlik

Olimlar: SPIDga qarshi kurash susaymasin

Multimedia

Audio
Amerika Ovozi
2012-yilda siyosiy rahbarlar SPIDdan xoli avlod haqida gapira boshladi. Noyabr oyida AQSh Davlat kotibasi Xillari Klinton bu maqsadga erishish rejasini dunyo ahliga taqdim etdi. Xo’sh, o’ttiz yil avval boshlangan “vabo”ga qarshi kurash 2012-yilda qanday kechdi? 

Xillary Klinton yaqin-yaqingacha SPIDdan xoli avlodni tasavvur qilib bo’lmasdi, deydi:

“Endi esa SPID dardiga chalinmagan butun bir avlod yetishib chiqishi mumkin. Bu, birinchi navbatda, VICh virusini yuqtirmagan bolalar tug’ilishini anglatadi. Ikkinchidan, bu bolalar o’smir bo’lganda, kasallikni yuqtirish ehtimoli juda past bo’ladi. Chunki buning oldini olish vositalari bor. Uchinchidan, agar ular VICh virusini yuqtirsa, davolanib, SPIDga chalinishning oldi olinadi va uni boshqalarga ham yuqtirmaydi”, - deydi AQSh Davlat kotibasi.
 
Yaqin kelajakda bunga erisha olamiz, chunki ko’riladigan choralar ma’lum, deydi AQSh rasmiysi.  

Bu choralar samarali davolash, o’g’il bolalarni sunnat qilish, kasallikka chalinganlarni ta’qib qilish hollariga chek qo’yish va VICh virusining onadan bolaga o’tmasligini ta’minlash kabi choralardan iborat.

SPIDga qarshi kurashayotgan AVAC tashkiloti rahbari Mitchell Uorren AQSh hukumati tomonidan belgilangan qadamlarni yuqori baholab, bu boshqa mamlakatlarga namuna bo’lishi kerak, deydi.  Ayni vaqtda quruq gap emas konkret ish qilish lozim, deydi u:

“2012-yil SPID atrofidagi bahslar o’zgargan yil bo’lib qoladi tarixda. Endi esa asosiy vazifa bu bahslardan real ishlarga o’tishda”, - deydi Uorren.

Xillari Klintonning ta’kidlashicha, SPIDga oid ilmiy izlanishlar davom ettirilishi kerak. AQSh hukumati bu maqsad uchun katta mablag’ ajratib keladi.
 
So’nggi yillarda olimlar kasallikni davolovchi vaksina ustida ishlamoqda. 2014-yilgacha sinovlar davom etadi. AQShning VICh-SPID bo’yicha bosh mutaxassisi doktor Entoni Fosi bemorlarni davolashda davom etamiz, deydi.

“Izlanish va sinovlarni davom ettirish kerak, davolashdan ham to’xtamaslik kerak”, - deydi u.  

SPIDga qarshi kurashuvchi tashkilot rahbari Mitchel Uorren so’zlariga ko’ra, 2012-yilda Vashingtonda bo’lib o’tgan xalqaro anjumandan so’ng SPIDni yengish borasida katta umid paydo bo’ldi. Bu umidlar ushaladimi, yoqmi, buni 2013-yil ko’rsatadi, deydi u: 

“2013-yil o’rtalarida yoki dekabr oyidagi SPIDga qarshi kurash kunida biz o’sha konferensiyani yodga olib, imkoniyat shundoq oldimizda turgan ekanu, foydalanmabmiz, desak, katta fojia bo’ladi. 2013-yilda bayonotlardan konkret ishlarga o’taylik. Ha, boshlangan yil shunday bo’lishi kerak”, deydi u.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Ateistlar va cherkov - Atheist Church?i
X
27.11.2014 09:09
Odatda, xudoga ishonmaydigan odamlar dahriy deyiladi. Demak, ularning ibodatxonalarga borishini tasavvur qilish qiyin. Ammo ikki yil muqaddam britaniyalik ikki qiziqchi ateist uchun cherkov ochishga qaror qildi. Londonda boshlangan bu harakat hozir boshqa mamlakatlarga yoyilgan, xususan Amerikaga.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
  • Oq uy... Prezident tarixiy odatga ko'ra, shu kuni bir kurkaning qonidan kechadi.
  • Oq uy... Prezident tarixiy odatga ko'ra, shu kuni bir kurkaning qonidan kechadi.
  • Shukronalik kuni 17-asr boshidan beri bayram qilinadi
  • Kurka - Shukronalik kuni pishiriladigan asosiy taom
  • Bayram dasturxoni
  • Bayram oldidan va uning ketidan savdo qiziydi. Los-Anjeles.
  • Hamma oilasi bilan bo'lishga shoshadi. Vashington.
  • Hamma oilasi bilan bo'lishga shoshadi. Vashington.
  • Nyu-York vokzali
  • Nyu-York
  • Nyu-York
  • Bayramdan keyin savdo qiziydi. Los-Anjeles.
  • Bayram munosabati bilan uyga qaytayotgan harbiy. Mayami.
Fotogalereya

Fotogalereya Shukronalik kuni, Amerika - Thanksgiving holiday in America

Noyabrning oxirgi payshanbasi Shukronalik kuni. Yangi vatandagi noz-ne'matlardan shukur qilgan, hosilidan rozi bo'lgan odamlar shunday bayramga asos solgan. Keyinchalik tub aholiga qarshi qonli urushlar olib borgan yevropalik kelgindilar boshida ular bilan bir dasturxondan non yegan. Hindu qabilalar o'z ovqatlarini tanishtirgan bo'lsa, kelgindilar ham o'z taomlarini tortgan. Kurka Shukronalik kuni asosiy taom hisoblanadi. Chunki bu parranda Amerikada serob bo'lgan.
Fotogalereya

Fotogalereya Amerikada Shukronalik kuni

Har yili noyabr oyining so'nggi payshanbasida o'tadigan bu bayram ko'pchilik amerikaliklar uchun oilaviy yig'ilish va kurkali taom demakdir.

Interaktiv

SAYTGA KIRISHNING XAVFSIZ YO’LI