Juma, 31-oktyabr, 2014 Toshkent vaqti: 18:29

Amerika

AQSh qonunchilari immigratsiya islohotiga doir takliflar bilan chiqmoqda

Amerikadagi noqonuniy muhojirlar islohotlar talab qilmoqda
Amerikadagi noqonuniy muhojirlar islohotlar talab qilmoqda
Amerika Ovozi
AQShda har ikki asosiy partiyaga a’zo senatorlardan iborat guruh bugun immigratsiya islohotiga oid takliflarini e’lon qiladi. Ular orasida ayrim noqonuniy muhojirlarga AQSh fuqaroligini olish imkonini beruvchi chora ham bor.

Besh sahifadan iborat hujjat ustida ishlagan qonunchilarning tan olishicha, AQSh immigratsiya tizimi ta’mirga muhtoj. Ertaga prezident Barak Obama shu mavzuda nutq so’zlashi kutilmoqda.

Senatorlar taklif qilayotgan islohotlarga ko’ra, noqonuniy muhojirlar amnistiya istasa, ro’yxatdan o’tishi, jinoyatchimi, yo’qmi, aniqlanishi, jarima va barcha eski soliqlarni to’lashi hamda bir qator boshqa talablarga javob berishi lozim. Shundagina ularga sinov davri belgilanib, keyinchalik mamlakatda qonuniy yashashi va ishlashi uchun imkon beriladi.

Senatorlar, shuningdek, noqonuniy muhojirlarni aniqlash uchun qo’shimcha mablag’ ajratish, chegara hududlarini havodan nazorat etish, immigratsiya masalalari bilan shug’ullanuvchi agentlar sonini oshirishni ham taklif etmoqda.

Bundan tashqari, ish joylarida yangi kadrlarning muhojirlik maqomini aniqlovchi tizim yaratiladi. Qisqa muddatli viza bilan AQShga kirgan sayyohlarning viza yakunida mamlakatni tark etishini ta’minlovchi sistema ham ishlab chiqiladi.

Komissiyaga a’zo sakkiz senator hisobiga ko’ra, AQShda 11 million odam hujjatsiz bo’lib, aksariyati ish uchun keladi.

Guruh AQSh universitetida fan, muhandislik yoki matematika bo’yicha magistrlik yoki doktorlik darajasini yoqlagan xorijliklarga mamlakatda doimiy yashash huquqini berishni taklif qilmoqda. Shuningdek, ish beruvchilar fuqarolar istamagan ishni bajarish uchun past malakali xizmatchilarni yollashi mumkin bo’ladi.

Komissiya a’zosi, demokrat senator Robert Menendezning aytishicha, immigratsiya tizimidagi muammolarni hal etish uchun hozir imkoniyat yaxshi.

Taqdim etilayotgan takliflar yangi emas, biroq oldingi siyosiy muhitda ularni qabul qilish mumkin emas edi, hozir esa sharoit o’zgargan, deydi guruhning yana bir a’zosi, respublikachi senator Jon Makkeyn.

"Respublikachilar islohot kerakligini anglab yetdi", - deydi qonunchi.

Muxolifat ko’p yillardan beri islohot takliflariga qarshilik ko’rsatib kelayotgan edi, biroq o’tgan yilgi prezident saylovlarida latinolarning uchdan ikki qismi Barak Obamaga ovoz bergach, yondashuv o’zgardi. Latino va ozchilikdagi boshqa guruhlar ovozi va ishonchi qozonilmas ekan, respublikachilar bo’lajak saylovlarda g’alaba qila olmasligini tushunib yetdi.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Urush faxriylari uchun maxsus uylar - Houses for war veteransi
X
31.10.2014 10:03
Iroq va Afg'onistondan 300 mingga yaqin askar majruhlanib qaytgan. AQSh Mudofaa vazirligi yirik bir kompaniya bilan hamkorlikda ularga qulay uylar qurib berishga kirishgan. Ruhan va jismonan nogiron insonlar uchun maxsus imoratlar.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
  • Qizil ko'knor ko'rgazmasi, London

  • Amerika saylovlar arafasida

  • Afina, Gretsiya... Harbiy mashqlar

  • Turkiya-Suriya chegarasi

  • Filippin

  • Jamna daryosi bo'yida, Hindiston

  • Fransiya

  • Kanzas shahri, Missuri

  • Los Angeles, Kaliforniya

Fotogalereya

Fotogalereya Peshmerga kuchlari Kobaniga yetib keldi

Iroq Kurdistonidan peshmerga jangchilarining bir qismi Suriyaning Kobani shahriga yetib borgan. Ular "Islomiy davlat" jangari guruhiga qarshi kurashda mahalliy kurdlar va xalqaro koalitsiyaga yordam beradi.
Fotogalereya

Fotogalereya Gavayi vulqoni aholi turar joylariga yetib keldi

Gavayida otilib chiqqan vulqon lavalari bir necha hafta o'tib Paxoa shaharchasiga yetib keldi. Sekin harakatlanayotgan lava "daryosi" yo'lda uchragan har qanday narsani kuydirib kulga aylantirmoqda. Shaharcha aholisi xavfsiz joyga evakuatsiya qilingan.
Fotogalereya

Fotogalereya Ebolaga qarshi global kurash

Dunyo bo'ylab Ebolaga qarshi kurash choralari kuchaytirilmoqda. Eboladan ogohlik oyligi doirasida turli mamlakatlarda xavfli kasallikka qarshi tayyorgarlik mashg'ulotlari o'tkazilmoqda.
Fotogalereya

Fotogalereya Afg'onistondagi missiya nihoyasiga yetayapti

Afg'onistonning Hilmand viloyatidagi yirik harbiy baza mahalliy armiya nazoratiga o'tdi. AQSh va Britaniya qo'shinlari missiyani yakunlab, o'lkani tark etishga hozirlik ko'rmoqda. 2015-yilda Afg'onistonda 12 ming xorijiy askar qoladi.
Fotogalereya

Fotogalereya Suriya va Iroq

G'arb qo'llab-quvvatlovini olgan kurd jangchilari Turkiya orqali Suriyaga 1300 safdoshini jo'natishga hozirlik ko'rayapti. Iroqda va Suriyada janglar davom etmoqda.
Fotogalereya

Fotogalereya Turkiya kurdlari qo'shni davlatdagi urushda o'lgan elatdoshlariga motam tutmoqda

Suriyaning Kobani shahri bir necha kundan beri jang maydoni. "Islomiy davlat" bilan qonli urush ketmoqda.
Fotogalereya

Fotogalereya Kanada parlamentida otishma, Ottavadan suratlar

Kanada poytaxtida urush qahramonlariga qo'yilgan yodgorlik oldida turgan askar otib ketilgan. Bu inshoot yaqinidagi parlament binosi ham xavf ostida degan ogohlantirishdan keyin evakuatsiya ishlari boshlangan. Harbiy soqchini nishonga olgan shaxs parlament tomon qochdi, deydi guvohlar. Imoratdan o'q ovozlari eshitilgan. Askarni otgan odam politsiya o'qidan o'lgan. Yaralangan askar ham kasalxonada jon bergan.
Fotogalereya

Fotogalereya Joko Vidodo, Indoneziya prezidenti qasamyod keltirdi

Indoneziyaning yangi rahbari, armiya yoki siyosiy elitaga aloqasi bo'lmagan, oddiy xalqdan chiqqan Joko Vidodo qasamyod keltirdi. 53 yoshli arbobni fuqaro Jokovi deb biladi, o'tmishda uy jihozlari sotib kun ko'rgan. Jakarta meri lavozimida islohotchi sifatida tanilgan.

Interaktiv

SAYTGA KIRISHNING XAVFSIZ YO’LI