Payshanba, 23-oktyabr, 2014 Toshkent vaqti: 23:59

Yangiliklar

O'zbekiston Islomiy Harakati bugun qanchalik tahdid solmoqda?

Panjshirdagi AQSh bazasiga hujum, 15-oktabr 2011
Panjshirdagi AQSh bazasiga hujum, 15-oktabr 2011

O’zbekiston Islomiy Harakati 15-oktabrda Afg’onistonning Panjsher viloyatida AQShga tegishli harbiy bazaga hujum qilganini tan olib, “mamlakatning bu qismlarida ham bormiz” deya bong urmoqda.

Ular faoliyatini kuzatib kelayotgan mutaxassislar fikricha, O’zbekiston Islomiy Harakatining asosi hamon Pokistonning Janubiy va Shimoliy Vaziriston hududlarida, lekin o’tgan bir yil ichida ular Afg’onistonning nisbatan tinch hisoblangan shimoliy viloyatlarida ancha faollashgan.

Sabab – Amerika butun diqqatini Pokiston bilan chegaradosh tog’li mintaqaga qaratib, jangarilarni siquvga olayotgani. Qochishga ulgurganlar endi Panjsher singari ancha barqaror mintaqalarda, deydi amerikalik tahlilchilar.

Afg'on xavfsizlik kuchlari jangarilar portlatgan bazani ko'zdan kechirmoqda. To'rt kishi o'lgan, ikki zobit jarohatlangan. Lekin O'zbekiston Islomiy Harakati bu hujumni qilganini tan olar ekan, olishuv besh soat davom etdi va kamida 50 kishining o'limi bi
Afg'on xavfsizlik kuchlari jangarilar portlatgan bazani ko'zdan kechirmoqda. To'rt kishi o'lgan, ikki zobit jarohatlangan. Lekin O'zbekiston Islomiy Harakati bu hujumni qilganini tan olar ekan, olishuv besh soat davom etdi va kamida 50 kishining o'limi bi

Bill Rojjio (Bill Roggio), harbiy jurnalist. “The Long War Journal”, terrorizmga qarshi urushni yorituvchi xalqaro jurnal bosh muharriri. Amerika razvedka ma’lumotlarini tahlil qilib keladi. Qolaversa, Pokiston mahalliy matbuotini kuzatadi.

Shuningdek, deydi u, jangarilarning propaganda vositalaridan ham ko’p narsani aniqlasa bo’ladi. Ular albatta o’zlarini qudratli kuch sifatida ko’rsatishga urinadi, ammo chiqarayotgan bayonot, video va audiolarni izchil o’rgansangiz, ko’p narsa ayon bo’ladi, deydi Bill Rojjio.

Jangarilar portlatgan harbiy baza, Panjshir viloyati
Jangarilar portlatgan harbiy baza, Panjshir viloyati

Jangarilar ingliz, turk, arab, rus va o’zbek tillarida targ’ibot olib boradi. O’zbekiston Islomiy Harakati veb saytida Panjsherdagi hujum tafsilotlari berilar ekan, besh mujohiddin qahramon sifatida tasvirlanadi.

Bazaga portlovchi modda ortilgan mashinani haydab kirgan shaxs Abdusalom ota deya ulug’lanib, uning yoshi 54 da bo’lgani va aslida Navoiy viloyatidan ekani da’vo qilinadi.

Panjshir viloyati xavfsizligi shu yilning iyul oyida xalqaro koalitsiyadan afg'on kuchlari zimmasiga o'tgan edi
Panjshir viloyati xavfsizligi shu yilning iyul oyida xalqaro koalitsiyadan afg'on kuchlari zimmasiga o'tgan edi

Bu saytlarni kim yuritadi degan savolga Bill Rojjio jangarilarning chet eldagi tarafdorlari va izdoshlari, deya javob beradi.

“Pokistonning g’orlarida yurib, shunday video va suratlar olishayaptimi deb hayron bo’lishingiz tabiiy”, - deydi u.

Panjshir viloyati
Panjshir viloyati

“Lekin bu to’dalar Germaniya va Turkiyada, masalan, o’z kompyuterchilariga ega. Internetdagi propaganda ularning ishi”, - deydi mutaxassis.

“Bugun Afg’oniston shimoli haqiqatan ham ancha notinch”, - deydi Bill Rojjio.

“Chunki Amerika boshchiligidagi xalqaro qo’shin ko’proq janubda harakat qilmoqda. Shimoldagi qo’shnilar, xususan, O’zbekiston va Tojikiston, chegara hududlarida jangarilar ko’paygani haqida biladi va xavotiri tabiiy”, - deydi harbiy jurnalist.

Ahmad Shoh Masud, Panjsher arsloni deya tanilgan xalq qahramoni, ona shahri Tapi Salarda dafn etilgan. U 2001-yilning sentabrida bomba xurujida o'ldirilgan edi. Ahmad Shoh Masud boshchiligidagi kuchlar avval Sovet Ittifoqi, keyinroq esa Tolibonga qarshi k
Ahmad Shoh Masud, Panjsher arsloni deya tanilgan xalq qahramoni, ona shahri Tapi Salarda dafn etilgan. U 2001-yilning sentabrida bomba xurujida o'ldirilgan edi. Ahmad Shoh Masud boshchiligidagi kuchlar avval Sovet Ittifoqi, keyinroq esa Tolibonga qarshi k

Saflari ancha toraygan jangarilar bu mamlakat yoshlarini o’ziga jalb etishdan to’xtamagan.

O’zbekiston Islomiy Harakati, umuman olganda, bugun mintaqa va G’arbga qanchalik tahdid soladi? “Terrorchilar qanchalik xavf tug’dirsa, shuncha”, - deydi Bill Rojjio.

“Bu harakat a’zolari bugun global terror tizimlarining bir qismi”.

Ular boshqa terrorchilar bilan qorishib ketgan. O’zbek yoki tojik jangarilar bir joyda, birgalikda harakat qilmaydi.

Panjshir viloyati
Panjshir viloyati

“Pokistonda Tolibon va al-Qoida yetakchilarini qo’riqlayotganlar orasida o’zbeklar ko’p ekani ma’lum. Al-Qoida liderlari ularning harbiy zehni va bilimidan foydalanib keladi. Ularga sodiq jangchilar sifatida qarab kelishgan. Son jihatdan qancha ekanini bilmaymiz, ammo terrorchilar orasida Markaziy Osiyodan chiqqan o’zbeklar va tojiklar ko’p”,- deydi Bill Rojjio.

O’zbekiston Islomiy Harakati haqida gap ketganda, yuqoridagi singari izohlarni ko’p eshitamiz.

Panjshir viloyati
Panjshir viloyati

Pokistonda Tolibon va chet ellik jangarilar faoliyatini yoritgan mahalliy jurnalistlarning aytishicha, o’zbek jangarilar “kallakesarlar” deya tanilgan. Eng qonli xurujlar ortida ular turib kelgan. Tillarni yaxshi bilishadi, strategik fikrlashadi.

Lekin, deydi mutaxassislar, jangarilarning avlodi yangilanmoqda. Afg’onistonda sovet askari sifatida xizmat qilib, 1990-yillar boshida Juma Namangoniy va Tohir Yo’ldoshga ergashib, islomiy harakatga kirgan o’zbekistonlik, qirg’izistonlik va tojikistonliklarning aksariyati oxirgi 10 yilda o’ldirilgan yoki bedarak ketgan.

Afg'oniston shimoli nisbatan tinch hudud hisoblanadi
Afg'oniston shimoli nisbatan tinch hudud hisoblanadi

Ularning o’rnini esa mustaqillikdan keyin esini tanigan yoshlar egallagan. Afg’oniston va Pokistonda tug’ilib, umrida otasining vatanida bormagan jangarilar bor.

AQSh nazarida hozir eng yirik xavf bu pushtun qabilasiddan chiqqan Jaloliddin Haqqoniy boshchilidagi tizimdir.

Xalqaro koalitsiya asosan bu tod’a bilan olishmoqda, uni nishonga olmoqda.

AQSh Davlat kotibasi Xillari Klinton Tojikiston va O'zbekistonda ham to'xtab o'tadi
AQSh Davlat kotibasi Xillari Klinton Tojikiston va O'zbekistonda ham to'xtab o'tadi

Davlat kotibasi Xillari Klinton mintaqaga safar qilar ekan, xavfsizlik eng nozik masala. Tashrif haqida oldindan axborot berilmadi.

AQSh bosh diplomati juma-shanba kunlari Tojikiston va O’zbekistonda kutilmoqda.

Afg’onistondagi vaziyat va bu boradagi hamkorlik Dushanbe va Toshkentda kechadigan uchrashuv va muzokaralarda asosiy mavzu bo’ladi.

Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Markaziy osiyoliklar Koloradoda. 8-qism. Central Asian Dance Clubi
X
23.10.2014 10:59
O'zbek raqs san'atini dunyoga tanitishda sobiq raqqosalarning hissasi beqiyos. Toshkentlik Adelina Kaudinova mana uch yildirki, Denver shahrida bolalar va kattalarni sharqona raqslarga o'rgatadi.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Fotogalereya

Fotogalereya Turkiya kurdlari qo'shni davlatdagi urushda o'lgan elatdoshlariga motam tutmoqda

Suriyaning Kobani shahri bir necha kundan beri jang maydoni. "Islomiy davlat" bilan qonli urush ketmoqda.
Fotogalereya

Fotogalereya Kanada parlamentida otishma, Ottavadan suratlar

Kanada poytaxtida urush qahramonlariga qo'yilgan yodgorlik oldida turgan askar otib ketilgan. Bu inshoot yaqinidagi parlament binosi ham xavf ostida degan ogohlantirishdan keyin evakuatsiya ishlari boshlangan. Harbiy soqchini nishonga olgan shaxs parlament tomon qochdi, deydi guvohlar. Imoratdan o'q ovozlari eshitilgan. Askarni otgan odam politsiya o'qidan o'lgan. Yaralangan askar ham kasalxonada jon bergan.
Fotogalereya

Fotogalereya Joko Vidodo, Indoneziya prezidenti qasamyod keltirdi

Indoneziyaning yangi rahbari, armiya yoki siyosiy elitaga aloqasi bo'lmagan, oddiy xalqdan chiqqan Joko Vidodo qasamyod keltirdi. 53 yoshli arbobni fuqaro Jokovi deb biladi, o'tmishda uy jihozlari sotib kun ko'rgan. Jakarta meri lavozimida islohotchi sifatida tanilgan.
Fotogalereya

Fotogalereya Kobanida janglar davom etmoqda - 20-oktabr, 2014-yil

Suriyaning Turkiya chegarasi yaqinidagi Kobani shahrida kurdlar va "Islomiy davlat" jangarilari o'rtasida kurash davom etmoqda. Turkiya Tashqi ishlar vaziri Mevlut Chavusho'g'lining aytishicha, Iroq kurdlarining "Islomiy davlat"ga qarshi kurashda Suriya kurdlariga ko'mak berish uchun Turkiya orqali chegarani kesib o'tishiga ruxsat berilmoqda.
Fotogalereya

Fotogalereya Gonkongda minglab namoyishchilar politsiya bilan yuzma-yuz, tarqalmoqchi emas

Bu yoshlar Gonkongda demokratik saylovlar talab qilmoqda. Pekin siyosatini qoralab, rahbarni mahalliy xalqning o'zi tanlashi shart, deydi ular. Talabalar chodirlar qurib olgan, shu yerda tunashayapti. Maqsad tinchlik, deydi ular, "hukumat bizning dardimizni eshitsin". Pekin nazarida ularning talabi asossiz.
Fotogalereya

Fotogalereya Kobani uchun janglar davom etmoqda

Suriyaning Kobani shahrida "Islomiy davlat" va kurd jangchilari o'rtasida qonli janglar davom etmoqda. Tinch aholining katta qismi qo'shni Turkiyaga qochib o'tgan.
Fotogalereya

Fotogalereya AQShda Ebola bilan xastalanganlar soni ikkitaga yetdi

O'tgan hafta AQShning Texas shtati kasalxonasida bir bemor Ebola virusidan vafot etgan edi. Unga qaragan ikki hamshira ham virusni yuqtirgani aniqlandi. Ayni paytda dunyo bo'ylab kasallikka qarshi kurash choralari kuchaytirilmoqda.
Fotogalereya

Fotogalereya Kobani shahri uchun janglar avjida, Suriya

Suriyaning Turkiya bilan chegaradosh Kobani shahri "Islomiy davlat" bilan olishmoqda. Amerika havo hujumlari orqali kurd jangchilariga ko'maklashmoqda. Turkiya bu urushga aralashmoqchi emas, lekin "Islomiy davlat" ga qarshi AQSh boshliq xalqaro koalitsiyaga kirgan.
Fotogalereya

Fotogalereya Shimoliy Koreya rahbari ommaga ko'rindi

Ikki oydan beri jamoatchilikka ko'rinmagan Kim Chen Unning yangi suratlari paydo bo'ldi. Ularni Shimoliy Koreya Markaziy Axborot Agentligi tarqatmoqda.

Interaktiv

SAYTGA KIRISHNING XAVFSIZ YO’LI