Yakshanba, 21-dekabr, 2014 Toshkent vaqti: 06:53

Amerika

Jamoatchilik Obama prezidentligining ilk to'rt yilligi haqida nima deydi?

  • Prezident Obama 2009 (chapda) va 2013-yilda.
  • Inauguratsiyani ko'rishga kelganlar
  • Vashingtonda xavfsizlik choralari qattiq
  • Inauguratsiya Kapitoliy, Kongress binosi, qarshisida o'tadi
  • Oq uydagi marosim tomosha qilinmoqda
  • Obama inauguratsiya oldidan hasharga bordi
  • Vitse-prezident Jo Bayden ham ikkinchi muddat uchun qasamyod qildi
  • Ko'chalarda inauguratsiya suvenirlarini ko'targan odamlar
  • Oq Uy, 20-yanvar, 2013.
  • Oq Uy, 20-yanvar, 2013.
Barak Obama prezidentlik uchun ikkinchi bor qasamyod keltirdi
Amerika Ovozi
Barak Obama ertaga Vashingtonda, Kapitoliy ostonalarida, minglab fuqarolar oldida prezidentlik qasamyodini keltiradi. AQShning qora tanli ilk rahbari shu tariqa ikkinchi muddatini boshlaydi. Jamoatchilik qanday kayfiyatda? Obama unga bog’langan umidlarni oqlay oldimi?


2009-yilning yanvarida Kapitoliy qarshisida ikki million odam yig’ilib, Amerikaning 44-prezidentini qutlagan edi.

“Amerikaliklar qo’rquvni chetga surib kelajakka umid bilan qaraydi, nizo va kelishmovchilikni yengib birlik va hamjihatlikni afzal biladi”, - degan edi Obama.

Oradan to’rt yil o’tib, hayajon o’rnini siyosiy reallik egallaganini darrov sezadi kishi. Murosa-kompromiss bugun Vashingtonda eng nodir ne’mat.

“Bir maqsad atrofida birlashishimiz kerak”, - deydi Nyu-yorkdan Mark Monako.

“Qani edi ikki hukmron partiya bir biriga quloq tutsa, kelishib ishlasa”, - deydi Texas shtatidan bir ayol.

“Ko’pchilik prezidentdan o’tgan yillar ichida qilingan xatolarni bir pasda tuzatishini kutayapti. Axir u ham imkon boricha harakat qilayapti”, - deydi Kaliforniyadan Debra Singlton.

Obama noyabr oyidagi saylovda g’alaba qildi, lekin Kongress bilan siyosiy janglar o’z izini qoldiradi, deydi tarixchi Richard Norton Smit.

“Katta umidlar bilan Oq uyga kirib kelasizda, vaqt o’tishi bilan fundamental o’zgarishlar qilish oson emasligini tushub yetasiz. Sizdan rozilar ham bo’ladi, norozilar ham topiladi. Bular hammasi tabiiy jarayon”, - deydi Smit.

Barak Obama birinchi muddatida nimadan ko’ngli to’lmagan bo’lsa, yana to’rt yil vaqt bor. Qisqagina muddat, deydi tahlilchi Jon Fortier.

“Qayta saylangan prezident xalq menga yana to’rt yilga vakolat berdi deb qo’l shimarishi mumkin, lekin hech bir narsa oson emas. Vaqt suvdek oqadi. Ikki yildan keyin Kongressga saylovlar, undan keyin 2016-yilgi prezident saylovlariga tayyorgarlik boshlanib ketadi”, - deydi siyosatshunos.

Tarixan AQShda prezident inauguratsiyasi hokimiyat tinch o’zgarishini, rahbar qayta saylangan taqdirda esa davomiyligini anglatadi.

Odatda inauguratsiya murojaatida prezidentlar xalqni bir yoqadan bosh chiqarishga undaydi, tarixda nom qoldirishga harakat qiladi.

Siyosiy sharhlovchi Skot Fokner so’zlariga ko’ra, Obama uchun ham o’z merosini o’ylash fursati yetdi. Yaqin orada xalqqa murojaat qilib, rejalarga batafsil to’xtaladi.  

Dushanba kungi marosimni ko’rish uchun poytaxtga 800 minggacha odam kelishi kutilmoqda.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Minimal maoshni oshirish talabii
X
20.12.2014 23:25
Amerikada fast-fud, xohlagan ovqatingizni qo'lingizga tezgina tutqazadigan kafelarining ichshilari va ularni qo'llab-quvvatlayotgan odamlar minimal ish haqini oshirishni talab qilib, namoyishlar o'tkazmoqda. Maqsad minimal ish haqini soatiga 15 dollargacha ko'tarishga erishish.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
  • AQShdan panoh topgan diniy yetakchi Fathulla Gulen tarafdorlari hukumatga qarshi namoyishda, Turkiya
  • Isroil askarlari Falastin qishlog'ida
     
  • Gavana, Kuba
  • Peshavor, Pokiston
  • Bangalor, Hindiston
  • Indoneziya
  • Xitoy
  • Chexiya
  • Tailand
  • Litva
  • Yaponiya
  • Abu Dabi, Birlashgan Arab Amirliklari
  • Quvayt
  • Germaniya

Interaktiv

SAYTGA KIRISHNING XAVFSIZ YO’LI