Shanba, 01-noyabr, 2014 Toshkent vaqti: 00:13

Amerika

Barak Obama prezidentlikning ikkinchi muddatini boshladi

Amerika Ovozi
Har to’rt yilda bir o’tadigan tantana, inauguratsiya marosimi ketidan prezident Barak Obama ikkinchi muddatini boshladi.

Prezident va rafiqasi Mishel kecha Vashingtondagi bayram oqshomida barchaning diqqat markazida bo’ldi. Ikki kunlik dabdabalarni katta ziyofat kechasi yakunlab berdi.
 
Bundan biroz avval prezident Kapitoliy ro’parasida xalq oldida qasamyod keltirib, xalqqa xolis xizmat qilishga va’da berdi.
 
Obamaning aytishicha, Qo’shma Shtatlar zamon muammolariga moslashib borishi, har bir fuqaro xavfsizligi va hurmatini ta’minlashi kerak.
 
Obama xorijda demokratik tashabbuslarni qo’llab-quvvatlashda davom etamiz, dedi.
 
“Amerika dunyoning har bir burchagida kuchli ittifoqlarning o’zagi bo’lib qoladi. Xorijda tanazzullarni hal qilish uchun mas’ul idoralar ishini yaxshilaymiz, yangilaymiz ularni. Chunki jahonda tinchlik qaror topishidan aynan eng qudratli davlat, avvalo, manfaatdor. Osiyodan Afrikagacha, Amerikadan Yaqin Sharqqacha demokratiyani yoqlaymiz, chunki ozodlik uchun kurashayotgan insonlarga ko’maklashishni biz burch deb bilamiz”, - dedi AQSh prezidenti.
 
Kun sovuq ekaniga qaramay, bu taxiriy marosimda qatnashaman deb uzoq yo’l yurib kelgan yuz minglab odamlar Obamaning so’zlarini olqishladi.
 
“Amerika fuqarosi ekanimdan mag’rurman. Prezidentning oldida hali qilinadigan ishlar talay. Vazifasini uddalashiga ishonchim komil”, - dedi mana bu amerikalik.

“Xalqni birlashtirish, baxt sari intilish haqida aytgan so’zlari ma’qul keldi menga. O’rtadagi tafovut va farqlarni chetga surib, umumiy maqsad sari harakat qilishga undadi prezident”, - dedi prezident nutqini tinglash uchun kelgan yana bir fuqaro. 
 
AQSh qonunlariga ko’ra, rahbar faqat ikki muddatga saylanishi mumkin. Inauguratsiyadan keyin bayramona parad oldidan prezident Obama va uning rafiqasi maydondan yurib o’tib, 50 shtatdan kelgan xalq bilan ko’rishdi.
 
AQShda o’tgan prezident qasamyodi xorijda ham qiziqish bilan kuzatildi. Xitoy rasmiylari prezident Obama rahbarligidagi AQSh bilan rishtalar ijobiy tomonga rivojlanishidan umidvor ekanini aytgan.
 
Davlatga qarashli “Sinxua” axborot agentligi ta’rificha, “o’rtada strategik ishonch yo’qligi Xitoy-Amerika aloqalari ravnaqiga to’sqinlik qilmoqda”.
 
Lekin Xitoy Tashqi ishlar vazirligi matbuot kotibi Xong Lining aytishicha, “sog’lom va stabil” munosabatlarni rivojlantirishdan har ikki davlat manfaatdor. Xitoy va AQSh dunyoning eng yirik ikki iqtisodiyoti, lekin savdo, milliy valyuta, Janubi-sharqiy Osiyodagi talash hududlar masalasida bot-bot tortishib keladi.
 
Afg’oniston ahli esa Barak Obama tinchlikni ustuvor yo’nalish sifatida belgilaydi degan umidda. “Amerika Ovozi” bilan gaplashgan afg’onlar, xususan, AQSh mamlakat infratuzilmasi va xavfsizligiga sarmoyani oshirishi lozim, deydi.
Osiyodan Afrikagacha, Amerikadan Yaqin Sharqqacha demokratiyani yoqlaymiz, chunki ozodlik uchun kurashayotgan insonlarga ko’maklashishni biz burch deb bilamiz.

“Obama Afg’onistonda xavfsizlik va stabillikka e’tibor qaratishi kerak”, - deydi ular. “Yurt qashshoq va xalq 2014-yildan keyin nima bo’lishini o’ylab qo’rquvda. Chunki xorij askarlari ketganidan keyin Afg’oniston o’ziga tashlab qo’yiladi degan vahima bor”, - deydi “Amerika Ovozi” bilan gaplashgan afg’onlar.
 
Afrika Ittifoqi rasmiysi, Erastus Mvencha fikriga ko’ra, bu qit’a Obamaning ikkinchi muddatidan olamshumul yangilik kutayotgani yo’q.
 
“Biz uchun ustuvor vazifa - qit’a rivojlanishini ta’minlash. Mamlakatga sarmoya erkin kirishi, savdo va hamkorlik uchun qulay muhit bo’lishini kafolatlash. Obama bilan kelasi to’rt yilda ana shu yo’nalishda ishlashda davom etamiz, degan umiddaman” , - deydi afrikalik arbob.
 
AQShda qasamyod bilan bog’liq tantanalar nihoyasiga yetdi. Oldinda esa prezident Obamani muhim vazifalar kutib turibdi.




  • AQSh Oliy Sudi raisi Jon Roberts
  • Inauguratsiya manzarasi
  • Prezident oilasi
  • Vitse-prezident Jo Bayden qasamyod keltirmoqda
  • Barak Obama prezidentlikka qasamyod keltirmoqda
  • U.S. President Barack Obama delivers his inaugural address during inauguration ceremonies in Washington, January 21, 2013
  • Kelli Klarkson kuyladi
  • Beyonse kuyladi
  • Qasamyod marosimi ketidan Kongressda ziyofat
  • Obama uchun ikkinchi muddat boshlanib ketdi
  • Senator Jon Kerri Davlat kotibi, Oq Uy boshqaruvchisi Jekob Lu esa Moliya vaziri bo'ladi.
  • Inauguratsiyani tomosha qilishga to'plangan odamlar
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Urush faxriylari uchun maxsus uylar - Houses for war veteransi
X
31.10.2014 10:03
Iroq va Afg'onistondan 300 mingga yaqin askar majruhlanib qaytgan. AQSh Mudofaa vazirligi yirik bir kompaniya bilan hamkorlikda ularga qulay uylar qurib berishga kirishgan. Ruhan va jismonan nogiron insonlar uchun maxsus imoratlar.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Fotogalereya

Fotogalereya Quddus: arab va yahudiylar orasida to'qnashuvlar

Quddusdagi al-Aqsa masjidi bugun qisman ochiq. Isroil politsiyasi chorshanba kuni inshootni butunlay yopib qo'ygach, Falastin ma'muriyati buni urush e'lon qilishga qiyoslagan edi. Hududda hafta boshida ro'y bergan otishmada avval isroillik ruhoniy jarohatlangan; ketidan politsiya falastinlik bir shaxsni otib o'ldirgan edi. To'polon ko'tarilmasligi uchun musulmon va yahudiylar uchun muqaddas sanalgan masjid va uning atrofini vaqtincha to'sib qo'ydik, deydi Isroil huquq-tartibot xodimlari. 50 yoshgacha bo'lgan erkaklar hududga hamon yo'latilmayapti. G'azoda hukmron HAMAS va Isroil o'rtasida shu yil ro'y bergan ikki oylik urush ortidan yahudiy va falastinliklar munosabati hanuz tarang. Ixtilof 21 mingdan ziyod odam, asosan, g'azolik tinch aholini hayotdan olib ketgan edi.
Fotogalereya

Fotogalereya Burkina Fasoda xalq isyon ko'tardi, prezident ishdan ketdi

G'arbiy Afrikadagi davlat, Burkina Fasoda prezident Bleyz Kompraore 27 yillik boshqaruvdan keyin ishdan ketdi. Mamlakatda o'n minglab odamlar namoyishga chiqib, rahbarning iste'fosini talab qilayotgan edi. Chiqishlar qonli tus olgach, kecha armiya parlamentni tarqatib yuborib, muvaffaq hukumat tuzilishini ma'lum qilgan. 1987-yildan beri Burkina Fasoni boshqarayotgan Kompraore sal oldin parlamentda yangi qonunni olg'a surib, hokimiyatda uzoqroq qolishni ko'zlayotgan edi. Omma bundan norozi bo'lib isyon ko'targan. Sobiq rahbar hozir qayerda ekani, o'rniga kim tayinlanishi hali ma'lum emas. Ayrim manbalarda general Luame Loug vaqtli hukumatga bosh bo'lishi mumkin deyilmoqda. Kecha, payshanba kuni poytaxt Uagaduguda odamlar parlamentga o't qo'yib, boshqa davlat idoralariga bostirib kirgan. Politsiyaning aytishicha, o'lganlar va yaradorlar bor. Xalqni tinchlantirish uchun rasmiylar parlamentda olg'a surilgan konstitutsion o'zgarishlarni va bir necha soat oldin e'lon qilingan favqulodda holatni bekor qildi. Birlashgan Millatlar Tashkiloti Bosh kotibi Pan Gi Mun G'arbiy Afrikadagi bu davlatda vaziyatni xavotir bilan kuzatayapmiz, deydi. Bosh kotib tomonlarni tinchlanishga va zo'ravonlikdan tiyilishga chaqirmoqda.
Fotogalereya

Fotogalereya Peshmerga kuchlari Kobaniga yetib keldi

Iroq Kurdistonidan peshmerga jangchilarining bir qismi Suriyaning Kobani shahriga yetib borgan. Ular "Islomiy davlat" jangari guruhiga qarshi kurashda mahalliy kurdlar va xalqaro koalitsiyaga yordam beradi.
Fotogalereya

Fotogalereya Gavayi vulqoni aholi turar joylariga yetib keldi

Gavayida otilib chiqqan vulqon lavalari bir necha hafta o'tib Paxoa shaharchasiga yetib keldi. Sekin harakatlanayotgan lava "daryosi" yo'lda uchragan har qanday narsani kuydirib kulga aylantirmoqda. Shaharcha aholisi xavfsiz joyga evakuatsiya qilingan.
Fotogalereya

Fotogalereya Ebolaga qarshi global kurash

Dunyo bo'ylab Ebolaga qarshi kurash choralari kuchaytirilmoqda. Eboladan ogohlik oyligi doirasida turli mamlakatlarda xavfli kasallikka qarshi tayyorgarlik mashg'ulotlari o'tkazilmoqda.
Fotogalereya

Fotogalereya Afg'onistondagi missiya nihoyasiga yetayapti

Afg'onistonning Hilmand viloyatidagi yirik harbiy baza mahalliy armiya nazoratiga o'tdi. AQSh va Britaniya qo'shinlari missiyani yakunlab, o'lkani tark etishga hozirlik ko'rmoqda. 2015-yilda Afg'onistonda 12 ming xorijiy askar qoladi.
Fotogalereya

Fotogalereya Suriya va Iroq

G'arb qo'llab-quvvatlovini olgan kurd jangchilari Turkiya orqali Suriyaga 1300 safdoshini jo'natishga hozirlik ko'rayapti. Iroqda va Suriyada janglar davom etmoqda.
Fotogalereya

Fotogalereya Turkiya kurdlari qo'shni davlatdagi urushda o'lgan elatdoshlariga motam tutmoqda

Suriyaning Kobani shahri bir necha kundan beri jang maydoni. "Islomiy davlat" bilan qonli urush ketmoqda.
Fotogalereya

Fotogalereya Kanada parlamentida otishma, Ottavadan suratlar

Kanada poytaxtida urush qahramonlariga qo'yilgan yodgorlik oldida turgan askar otib ketilgan. Bu inshoot yaqinidagi parlament binosi ham xavf ostida degan ogohlantirishdan keyin evakuatsiya ishlari boshlangan. Harbiy soqchini nishonga olgan shaxs parlament tomon qochdi, deydi guvohlar. Imoratdan o'q ovozlari eshitilgan. Askarni otgan odam politsiya o'qidan o'lgan. Yaralangan askar ham kasalxonada jon bergan.

Interaktiv

SAYTGA KIRISHNING XAVFSIZ YO’LI