Shanba, 01-noyabr, 2014 Toshkent vaqti: 16:44

AQSh-Markaziy Osiyo

Afg'onistonlik ziyoli: Tolibonning mamlakatni qayta qo'lga olishga kuchi yetmaydi

Turkiyada Afg'oniston muammolariga bag'ishlangan anjuman o'tkazildi.
Turkiyada Afg'oniston muammolariga bag'ishlangan anjuman o'tkazildi.

Multimedia

Javdat Sayhon
AQSh yetakchiligidagi xalqaro kuchlar Afg’onistonni asta-sekin tark etar ekan, g’anim Tolibon mahalliy armiya, NATO askarlari va tinch aholiga qarshi xurujlarni avj oldirayotgani sezilmoqda. Shimoldagi vaziyatni kuzatayotgan mahalliy mutaxassislar kuni kecha Turkiyada uchrashib, shu haqda majlis o'tkazgan. Ular nazarida toliblar bilan muzokarada g’oyat ehtiyot bo’lish kerak. "Amerika ovozi" asli kelib chiqishi Maymanalik, hozirda Turkiya teleradiokompaniyasining Afg’oniston bo’limi boshlig’i Humoyun Xayri bilan shu mavzuda suhbatda bo'ldi.

Jurnalistning bizga aytishicha, Afg'oniston xalqi Tolibon bilan muzokaralar o'tkazilishiga qarshi emas, ammo barcha jinoyatchilarga umumiy avf e'lon qilinishini noto'g'ri deb biladi.

"Sulh jarayoniga hech bir zamon muxolif bo'lmaganmiz, - deydi afg'onistonlik ziyoli. - Lekin bu jarayonda ijtimoiy adolat va inson haq-huquqlari masalasi oyoqosti bo'lmasligi kerak. Afg'oniston xalqi insoniyatga qarshi jinoyatlarni sodir etgan ko'plab odamlarning shu sulh bahonasida qamoqlardan chiqishini istamaydi. Chunki bunday insonlar ozodlikka chiqsa, yana eski ishiga, yomon amallariga qaytadi. Hukumat ham, jarayonda ishtirok etayotgan boshqa tomonlar ham odam o'ldirgan qotillarning ozodlikka chiqib ketishiga yo'l qo'ymasligi kerak".

Humoyun Xayri 2014-yildan keyin Afg'onistonda vaziyat yaxshilanishiga umid qilishini aytadi.

Jurnalist Humoyun Xayri Anqara konferensiyasidaJurnalist Humoyun Xayri Anqara konferensiyasida
x
Jurnalist Humoyun Xayri Anqara konferensiyasida
Jurnalist Humoyun Xayri Anqara konferensiyasida
" 2014-yildan keyingi ahvol hozirgi holatdan yomonroq bo'ladi, deb o'ylamayman. Aslida Tolibonning jiddiy zarba beradigan kuchi yo'q. Ular o'z ishlarini yanada dahshatli ko'rsatishga urinadi. Matbuot buni bo'rttirib yoritadi. Xorijiy kuchlar Afg'onistonni tark etsa, Tolibon mamlakatni qayta o'z nazorati ostiga olishga hozir kuchi yetmaydi. Ularning uyushgan tashkilot sifatidagi holi ham yo'q. Terror yo'li bilan dahshat solishga, vahshat sochishga urinishadi, xolos. Shuning uchun 2014-yildan keyin ahvol yanada yomonlashishi mumkin, degan OAV gaplariga men qo'shilmayman", - deydi afg'onistonlik kuzatuvchi.

Yana uning aytishicha, Afg'oniston xalqi Tolinbonni yoqtirmaslikda yakdil bo'lsa-da, ammo mamlakatning turli millatli xalqlari birlashib, Tolibonga qarshi bir kuch bo'lib chiqishi amrimahol.

"Haqiqat shuki, tojiklar, o'zbeklar, turkmanlar yoki turkiy xalqlarni oladigan bo'lsak, birortasida uyushgan bir tashkilot yoki maqsad yo'q, - deydi jurnalist. - Manfaatlari bir-biriga qarama-qarshi, maqsadlari faqat hokimiyat talashish. Kuchi bor, lekin milliy maqsadi yoki shu yo'lda biror loyihasi yo'q. Qaniydi, ular bir bo'lib, millat taqdiri yuzasidan harakat boshlasalar. Afsuski, bu faqat orzu. Hammasi har tomonga tortadi, ularning birlashib biror harakat boshlashiga ishonmayman".

Afg'onistonlik ziyoli Markaziy Osiyodagi qo'shni mamlakatlarni Afg'onistonning o'zini tiklab olishida yordam ko'rsatishga chaqiradi.

"Istagim shuki, ular oyoqqa turib olishimizda yordamchi bo'lsalar, - deydi u. - Ulardan ko'p narsa kutish ham to'g'ri emas aslida. Masalan, O'zbekistonning ham o'zida ichki muammolari ko'p. Agar ulardan yordam olishning imkoni bo'lsa, birinchi navbatda, ta'lim va maorif sohasida Afg'onistonga yordam berishlarini istagan bo'lardim".
Humoyun Xayri bilan suhbat, Javdat Sayhon
Humoyun Xayri bilan suhbat, Javdat Sayhoni
|| 0:00:00
...
 
🔇
X
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Otalar uyda, bola boqadi; onalar ishda - Today's dadsi
X
31.10.2014 22:03
Bugun ko'plab erkaklar uyda bola tarbiyasi bilan band, onalar esa ishlab pul topadi. Buning nimasi yomon, deya so'raydi "Amerika Ovozi" bilan gaplashgan amerikaliklar.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Fotogalereya

Fotogalereya Quddus: arab va yahudiylar orasida to'qnashuvlar

Quddusdagi al-Aqsa masjidi bugun qisman ochiq. Isroil politsiyasi chorshanba kuni inshootni butunlay yopib qo'ygach, Falastin ma'muriyati buni urush e'lon qilishga qiyoslagan edi. Hududda hafta boshida ro'y bergan otishmada avval isroillik ruhoniy jarohatlangan; ketidan politsiya falastinlik bir shaxsni otib o'ldirgan edi. To'polon ko'tarilmasligi uchun musulmon va yahudiylar uchun muqaddas sanalgan masjid va uning atrofini vaqtincha to'sib qo'ydik, deydi Isroil huquq-tartibot xodimlari. 50 yoshgacha bo'lgan erkaklar hududga hamon yo'latilmayapti. G'azoda hukmron HAMAS va Isroil o'rtasida shu yil ro'y bergan ikki oylik urush ortidan yahudiy va falastinliklar munosabati hanuz tarang. Ixtilof 21 mingdan ziyod odam, asosan, g'azolik tinch aholini hayotdan olib ketgan edi.
Fotogalereya

Fotogalereya Burkina Fasoda xalq isyon ko'tardi, prezident ishdan ketdi

G'arbiy Afrikadagi davlat, Burkina Fasoda prezident Bleyz Kompraore 27 yillik boshqaruvdan keyin ishdan ketdi. Mamlakatda o'n minglab odamlar namoyishga chiqib, rahbarning iste'fosini talab qilayotgan edi. Chiqishlar qonli tus olgach, kecha armiya parlamentni tarqatib yuborib, muvaffaq hukumat tuzilishini ma'lum qilgan. 1987-yildan beri Burkina Fasoni boshqarayotgan Kompraore sal oldin parlamentda yangi qonunni olg'a surib, hokimiyatda uzoqroq qolishni ko'zlayotgan edi. Omma bundan norozi bo'lib isyon ko'targan. Sobiq rahbar hozir qayerda ekani, o'rniga kim tayinlanishi hali ma'lum emas. Ayrim manbalarda general Luame Loug vaqtli hukumatga bosh bo'lishi mumkin deyilmoqda. Kecha, payshanba kuni poytaxt Uagaduguda odamlar parlamentga o't qo'yib, boshqa davlat idoralariga bostirib kirgan. Politsiyaning aytishicha, o'lganlar va yaradorlar bor. Xalqni tinchlantirish uchun rasmiylar parlamentda olg'a surilgan konstitutsion o'zgarishlarni va bir necha soat oldin e'lon qilingan favqulodda holatni bekor qildi. Birlashgan Millatlar Tashkiloti Bosh kotibi Pan Gi Mun G'arbiy Afrikadagi bu davlatda vaziyatni xavotir bilan kuzatayapmiz, deydi. Bosh kotib tomonlarni tinchlanishga va zo'ravonlikdan tiyilishga chaqirmoqda.
Fotogalereya

Fotogalereya Peshmerga kuchlari Kobaniga yetib keldi

Iroq Kurdistonidan peshmerga jangchilarining bir qismi Suriyaning Kobani shahriga yetib borgan. Ular "Islomiy davlat" jangari guruhiga qarshi kurashda mahalliy kurdlar va xalqaro koalitsiyaga yordam beradi.
Fotogalereya

Fotogalereya Gavayi vulqoni aholi turar joylariga yetib keldi

Gavayida otilib chiqqan vulqon lavalari bir necha hafta o'tib Paxoa shaharchasiga yetib keldi. Sekin harakatlanayotgan lava "daryosi" yo'lda uchragan har qanday narsani kuydirib kulga aylantirmoqda. Shaharcha aholisi xavfsiz joyga evakuatsiya qilingan.
Fotogalereya

Fotogalereya Ebolaga qarshi global kurash

Dunyo bo'ylab Ebolaga qarshi kurash choralari kuchaytirilmoqda. Eboladan ogohlik oyligi doirasida turli mamlakatlarda xavfli kasallikka qarshi tayyorgarlik mashg'ulotlari o'tkazilmoqda.
Fotogalereya

Fotogalereya Afg'onistondagi missiya nihoyasiga yetayapti

Afg'onistonning Hilmand viloyatidagi yirik harbiy baza mahalliy armiya nazoratiga o'tdi. AQSh va Britaniya qo'shinlari missiyani yakunlab, o'lkani tark etishga hozirlik ko'rmoqda. 2015-yilda Afg'onistonda 12 ming xorijiy askar qoladi.
Fotogalereya

Fotogalereya Suriya va Iroq

G'arb qo'llab-quvvatlovini olgan kurd jangchilari Turkiya orqali Suriyaga 1300 safdoshini jo'natishga hozirlik ko'rayapti. Iroqda va Suriyada janglar davom etmoqda.
Fotogalereya

Fotogalereya Turkiya kurdlari qo'shni davlatdagi urushda o'lgan elatdoshlariga motam tutmoqda

Suriyaning Kobani shahri bir necha kundan beri jang maydoni. "Islomiy davlat" bilan qonli urush ketmoqda.
Fotogalereya

Fotogalereya Kanada parlamentida otishma, Ottavadan suratlar

Kanada poytaxtida urush qahramonlariga qo'yilgan yodgorlik oldida turgan askar otib ketilgan. Bu inshoot yaqinidagi parlament binosi ham xavf ostida degan ogohlantirishdan keyin evakuatsiya ishlari boshlangan. Harbiy soqchini nishonga olgan shaxs parlament tomon qochdi, deydi guvohlar. Imoratdan o'q ovozlari eshitilgan. Askarni otgan odam politsiya o'qidan o'lgan. Yaralangan askar ham kasalxonada jon bergan.

Interaktiv

SAYTGA KIRISHNING XAVFSIZ YO’LI