Yakshanba, 23-noyabr, 2014 Toshkent vaqti: 04:21

Yaqin Sharq

Tahlilchilar: Eron o’z yadro dasturini siyosiy qurol qilib olgan

Eron rasmiysi Said Jaliliy, Yevropa Ittifoqi mutasaddisi Ketrin Eshton Qozog'istondagi anjumanda. 26-fevral, 2013-yil
Eron rasmiysi Said Jaliliy, Yevropa Ittifoqi mutasaddisi Ketrin Eshton Qozog'istondagi anjumanda. 26-fevral, 2013-yil

Multimedia

Audio
Amerika Ovozi
Amerikalik tahlilchilar nazarida Eron o’z yadro dasturini siyosiy qurol sifatida qo’llashda davom etmoqda. Xalqaro guruh va Eron rasmiylari bugun Almatida uchrashib, yadroviy izlanishlar atrofidagi bahsga yechim izlayapti.

Eron yadro dasturi haqida mulohaza/Nasiba Tohir
Eron yadro dasturi haqida mulohaza/Nasiba Tohiri
|| 0:00:00
...    
🔇
X

Yaqin Sharq Institutiddan yetuk mutaxassis Aleks Vatanka so’zlariga ko’ra, Eronda BMT Atom energiyasi agentligini xotirjam qilish uchun qator imkoniyatlar bo’lgan.
 
“Amerika Ovozi” bilan gaplashgan ekspert fikricha, Tehron yadroviy izlanishlarini sir tutishini faqat siyosat bilan izohlash mumkin. Uningcha, mamlakat shu tariqa G’arbdan o’ziga foyda undirib olishga urinayapti.
 
“Nega gapga ko’nmayapti Eron? Elektr energiyasi ishlab chiqarishda emas gap, siyosatda”, - deydi olim.
 
Yana bir tahlilchi Emanuel Ottolengi ham bu fikrga qo’shiladi.

“Mana 30 yildan oshibdiki, Eron yadro dasturi yordamida energiya ishlab chiqarmoqchi ekanini aytib keladi, lekin xalq uchun loaqal bir vatt yaratgani yo’q”, - deydi ekspert.
 
BMT Atom energiyasi agentligining so’nggi hisobotiga ko’ra, Eron yaqinda Natanz zavodida zamonaviy sentrifugalarni o’rnatgan. Bu qurilma uranni boyitish jarayonini tezlatishi va mamlakat atom quroli yaratish uchun zarur mahsulotni qo’lga kiritishi osonlashishi mumkin.
 
Vatankaning aytishicha, rasmiy Tehron va G’arbning orasi tarang bo’lsa-da, Eron xalqining munosabati boshqa.

“Hammasini yadro dasturiga bog’lash to’g’ri emas, degan fikrlar yangramoqda. Qo’shma Shtatlar bilan boshqa yo’nalishlarda ham ishlash mumkin, degan tasavvur bor. Bu fikrlar inobatga olinayaptimi, yo’qmi, albatta, boshqa masala”, - deydi Vatanka.
 
Islomiy respublika yadroviy izlanishlar faqat tinch maqsadni ko’zlashini ta’kidlab, ilmiy tadqiqotlarga haqli ekanini aytib keladi. G’arb davlatlari mamlakatni yashirincha ommaviy qirg’in quroli ustida ishlayotganlikda ayblab, sanksiyalarni joriy etgan. Natijada Eron iqtisodiyoti, neft sanoati jiddiy ziyon ko’rmoqda.
 
Bugun Qozog’istonning Almati shahrida boshlangan muzokaralarda AQSh, Britaniya, Fransiya, Rossiya, Xitoy, Germaniya va Eron rasmiylari ishtirok etayapti. Yevropa Ittifoqi Tashqi ishlar vazirasi Ketrin Eshtonning matbuot kotibi Maykl Mann so’zlariga ko’ra, Almatidagi uchrashuv muammolarni hal qilishi gumon. Muzokara ikki kun davom etadi.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Yangi musulmonlar - Amerika hayotidan/New Muslims in Americai
X
21.11.2014 22:57
Amerikada islom diniga kirayotganlarning aksariyati hozir ispanzabonlar. Lotin Amerikasidan kelgani uchun ularni latinolar deb atashadi. Hozir AQShda besh millionga yaqin musulmon bo'lsa, ularning olti foizi latinolar.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Fotogalereya

Fotogalereya Sterilizatsiya hind ayollarini o'ldirdi

Hindistonda tug'ishning oldini olish uchun o'tkazilgan jarrohlik amaliyotidan so'ng 13 ayol jon bergan. Aholi sonini nazorat qilishga urinayotgan hukumat sterilizatsiyaga zo'r bermoqda. Hibsga olingan jarrohning aytishicha, ayollarning o'limiga amaliyotdan keyin berilgan dorilar sabab bo'lgan.
Fotogalereya

Fotogalereya Vashingtonda global festival

Poytaxtdagi Vashington markazida (The Washington Center) Global fuqaro kuni bayram qilinib, o'nlab davlatdan talabalar madaniyati, taomlari, kuy-qo'shiqlarini namoyish qildi.

Interaktiv

SAYTGA KIRISHNING XAVFSIZ YO’LI