Chorshanba, 03-sentyabr, 2014 Toshkent vaqti: 04:42

Xalqaro

Sanksiyalardan charchagan Eron muzokaraga tayyor

Eron Milliy banki
Eron Milliy banki

Multimedia

Audio
Amerika Ovozi
Eron yadro dasturi bo’yicha yirik davlatlar bilan xalqaro muzokaralarga qaytishga tayyor ekanini bildirmoqda. Muloqot oy oxirida o’tishi mumkin. Eronda uranni boyitish dasturi davom etar ekan, G’arb davlatlari islomiy respublikaga nisbatan iqtisodiy sanksiyalarni kuchaytirgan. Navbatdagi lavhada jazo choralarining Eron iqtisodiyotiga qanchalik ta’sir qilayotganini tahlil qilamiz.

AQSh prezidenti Barak Obama o’tgan hafta Eron energetika, yuk va transport jabhalarini nishonga oluvchi yangi sanksiyalarga “fotiha” berdi. Shu kunga qadar Eron banklari va neft sanoati faoliyatiga to’siq qo’yishga qaratilgan qator bir tomonlama va ko’p tomonlama sanksiyalar joriy etilgan.

Choralardan maqsad Eron yadro dasturini moliyadan ayirish. G’arb nazarida Eron atom qurolini yaratishga harakat qilmoqda, Tehron esa dastur tinch maqsadga qaratilganini aytib keladi.

Eron P5+1 guruhi bilan muzokaraga qaytish istagi borligini yaqinda bildirdi. Guruhga BMT Xavfsizlik Kengashining besh doimiy a’zosi – AQSh, Britaniya, Rossiya, Xitoy, Fransiya hamda doimiy a’zo bo’lmagan Germaniya kiradi.

Tahlilchi Jeymi Ingremning aytishicha, sanksiyalar Tehronni muzokaraga qaytishga majbur qilmoqda.

"Bu jazo choralari Eron hamyoniga jiddiy urmoqda. Importga qo’yilayotgan cheklovlar oziq-ovqat ta’minotini uzmoqda", - deydi Ingrem.

So’nggi oylarda Yevropa Ittifoqining Eron bilan savdo hajmi ancha qisqargan. Bunga sabab, deydi Eron bilan biznes qiluvchi firmalarga maslahat beradigan mutaxassis Nayjel Kushner, Yevropa banklarining AQSh qahridan hayiqishi.

"Amerikaliklar ulardan Eron bilan ish qilmaslikni so’raydi. Bu man etilmagan bo’lsa-da, banklar iltimosni yerda qoldira olmaydi. Shveysariyadagi bir bank xodimining aytishicha, ular Eronda sotilayotgan tibbiy va gumanitar mahsulotlar uchun pulni o’zlari orqali o’tkazishni istashadiyu, lekin AQShdan qo’rqishadi", - deydi Kushner.

Konsultantning aytishicha, Eron sanksiyalarga daxli yo’q mamlakatlar bilan ish qilishga harakat qilmoqda.

"Albatta, ayrimlari bilan ishlash noqulay, xarajati ko’p bo’lishi mumkin. Eron, asosan, Xitoy va Turkiyadan tovar sotib olmoqda", - deydi Kushner.

London universiteti tahlilchisi Ali Fathulla Najodga ko’ra, Eron bank tizimiga qaratilgan choralardan eng ko’p aziyat chekmoqda.

"Moliya sektori oqsadimi, bu iqtisodiyotning boshqa jabhalariga ham ta’sir qiladi", - deydi u.

Bu tahlilchi nazarida G’arb muzokaralarda sanksiyalardan unumli foydalanishi lozim. Boshqalarning aytishicha, bu safargi muloqot chog’ida muammoga yechim qidirgandan ko’ra, ishonch rishtalarini o’rnatishga urg’u bergan afzal.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
"Islomiy davlat" va Amerika/ US-Terrorismi
X
01.09.2014 23:52
AQSh Mudofaa vaziri Chak Xeyglning aytishicha, avvaliga o'zini “Iroq va Shom islomiy davlati” deb atagan va endilikda qisqacha “Islomiy davlat” deya yuritilayotgan guruh boshqa terror tashkilotlariga qaraganda yaxshiroq qurollangan va harbiy jihatdan puxta.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
  • Bosh vazirlikni topshirgan Nuri al-Malikiy Amirli shahrida xavfsizlik kuchlari va mahalliy fuqarolar davrasida, 1-sentabr, 2014-yil.
  • Peshmerga kuchlari Tikrit yaqinidagi Sulaymon Bek shahrining "Islomiy davlat" jangarilaridan tortib olinganini nishonlamoqda, 1-sentabr, 2014-yil.
  • Kurd peshmerga kuchlari hamda "Asaib Ahlul Haq" shia jangchilari Sulaymon Bek ustidan nazorat o'rnatdi, 1-sentabr, 2014-yil.
  • "Asaib Ahlul Haq" shia guruhi jangchisi otishmadan o'zini panaga olmoqda, 1-sentabr, 2014-yil.
  • Sulaymon Bek shaharchasida "Islomiy davlat" jangari guruhi hamda kurd va shia jangchilari o'rtasida kuchli to'qnashuv yuz berdi, 1-sentabr, 2014-yil.
  • Iroqning Inson huquqlari vaziri Muhammad Shia al-Sudaniy BMTning Yevropadagi idorasida o'tkazilgan Iroq bo'yicha maxsus yig'inda qatnashmoqda, Jeneva, 1-sentabr, 2014-yil.
  • Iroq xavfsizlik kuchlari Bag'dod yaqinidagi Amirli shahrini qo'riqlamoqda, 31-avgust, 2014-yil.
  • Amirli shahri aholisi vertolyotlarda tinch joyga evakuatsiya qilindi, 29-avgust, 2014-yil.
Fotogalereya

Fotogalereya "Islomiy davlat" jangarilariga qarshi kurash davom etmoqda

Jangarilarning Iroq poytaxti Bag'dod yaqinidagi Amirli shahriga qilgan hujumi to'xtatib qolingan. Shuningdek, kurd peshmerga kuchlari hamda shia jangchilari Sulaymon Bekni jangarilar nazoratidan tortib olgan.
Fotogalereya

Fotogalereya Bugungi Bishkek, suratlarda

Sovet davrida Frunze, ungacha esa Pishpek, bugungi kunda esa Bishkek, Qirg'iziston poytaxti, o'tgan o'n yillikda ikki inqilob va qator namoyishlarga guvoh bo'ldi. Markaziy Osiyoning boshqa biror markazi yaqin o'tmishda bu qadar siyosiy voqealarni boshdan kechirmagan. Biroq Bishkek bir qarashda Sovet davridan beri ko'p o'zgarmagandek. Imoratlar, ko'chalar eskirgan. Kommunizm nishonalarini ko'rasiz atrofda. Qizig'i, globalizatsiya bobida ham orqada qolmagan. 900 mingga yaqin aholisi bilan Bishkek Qirg'izistonning metropolisi.
Fotogalereya

Fotogalereya Kaliforniya shimolida zilzila, 6 balda

24-avgust kuni Kaliforniya shtati shimolida yer qimirladi. Uning kuchi 6 balni tashkil etgan. Hududda azaldan zilzila ehtimoli yuqori. Binolar vayron bo'lgan, yong'inlar va elektr tarmoqlarida uzilish kuzatilgan. Hech kim o'lmagan. Lekin tunda yuz bergan tabiiy ofat aholi orasida katta vahima uyg'otgan. Zilzila ayniqsa Napa shahrida qattiq sezilgan.
Fotogalereya

Fotogalereya O'zbek shoirasi Zulfiya Boboyeva xonadonida - Tojikistonning Mujun qishlog'idan fotolavha

Tojikiston aholisining 24 foizi, ikki millondan ortig’ini o’zbeklar tashkil etadi. Ular orasida yuzdan ortiq shoir va ijodkorlar bor. Respublika shimolining O’zbekiston va Qirg’iziston bilan chegaradosh G’onchi nohiyasining so’lim Mujun qishlog’ida o’zbek adabiyotining yorqin yulduzlaridan biri, shoira Zulfiya Boboyeva yashaydi. So’g’d viloyat o’zbeklar ma’naviyat va ma’rifat markazi tashabbusi va G’onchi nohiyasi raisi Zafar Ismoilzodaning joriy yil 30-iyulidagi qarori bilan Tojikiston yozuvchilar uyushmasi a’zosi, Maftun Jo’ra nomidagi adabiy mukofot laureati Zulfiya Boboyevaning 60 yoshlik yubiley tantanalari bo'lib o'tdi. Tadbir uning xonadonida kechdi. Shoira yura olmaydi. Boshlang’ich maktabda o'qib yurganidan beri aravachaga mixlanib qolgan. Ijod uning hayoti mazmuniga aylangan. Yosh qizaloq she'rga havas qo’yib, mustaqil o’qib o’rganadi, ma’lumotli bo’ladi. O’zining she’riy satrlarida bitganidek: Bo’ldilar she’rim bayotim-sabrim saodati, Yo’g’rildi shu sabab ishqqa ko’nglimning toati!
Fotogalereya

Fotogalereya Tripolidagi xalqaro aeroport jangarilar qo'liga o'tdi

Muxolifatdagi islomiy guruhning qurollangan vakillari Liviya poytaxti Tripolidagi xalqaro aeroportni egallab oldi. Ular amaldagi parlament faoliyatini noqonuniy deb hisoblab, avvalgi Milliy Kongressning qayta tiklanishini talab qilmoqda.

Interaktiv

SAYTGA KIRISHNING XAVFSIZ YO’LI