Payshanba, 30-oktyabr, 2014 Toshkent vaqti: 23:11

Yaqin Sharq

Oyatulla: AQSh bilan yuzma-yuz gaplashmaymiz

Multimedia

Audio
Amerika Ovozi
Eron oliy diniy rahnamosi mamlakat yadro dasturi borasida Amerika bilan bevosita muzokara qilish taklifini “befoyda” deya rad etgan. Uning aytishicha, muloqot hech narsani hal qilib bermaydi.

Eron: Amerika bilan gaplashishdan foyda yo'q
Eron: Amerika bilan gaplashishdan foyda yo'qi
|| 0:00:00
...
 
🔇
X

Oyatulla Ali Xomayniy bugun internetda e’lon qilgan bayonotida Amerika ham gaplashmoqchi, ham Eronga po’pisa qilishda davom etmoqda, deydi. Tehronni qo’rqita olmaysiz, deydi peshvo.
 
AQSh Vitse-prezidenti Jo Bayden shanba kuni Myunxendagi anjumanda so’zlab, Vashington Eron bilan yuzma-yuz gaplashishga tayyor ekanini bildirgan edi. Islomiy davlatning xohishi jiddiy bo’lsa bo’ldi, dedi Bayden.
 
Qo’shma Shtatlar Eron neft sanoatiga qo’ygan sanksiya shu hafta kuchga kirgan. Tehron yadro quroli yaratish yo’lidan qaytmas, inson huquqlarini oyog’osti qilishda davom etar ekan, Oq uy siquvni oshirish qarorida qat’iy.
 
G’arbda ayrim davlatlar va AQShning Eron yashirincha ommaviy qirg’in quroli ustida ishlayotganiga ishonchi komil. Tehron yadroviy tadqiqotlar faqat tinch maqsadni ko’zlashini ta’kidlamoqda.
 
Eron va xalqaro hamjamiyat vakillari ishtirokida bu borada navbatdagi muzokaralar oy oxirida Qozog’istonda o’tishi rejada. Uchrashuvda, xususan, AQSh, Britaniya, Xitoy, Fransiya, Rossiya va Germaniya ham qatnashadi.
 
Bu orada, Qo’shma Shtatlar kecha Eron davlati moliyalovchi ommaviy axborot vositasiga sanksiya joriy etgan. Eron Islomiy Respublikasi Teleradiokompaniyasi va uning rahbari Izzatulla Zargamiy jazolanib, ular AQSh moliya tizimidan foydalanishi man qilingan.
 
Bundan tashqari, sanksiyalar Eron kiber politsiyasi, aloqa-kommunikatsiya idorasi va elektronika sanoatini nishonga oladi.
 
Bu idoralar senzura, radio to’lqinlarni to’sish va ijtimoiy tarmoqlar orqali siyosiy faollarni qidirib topib, qamashda qatnashadi, deydi AQSh rasmiylari.
 
Davlat departamenti matbuot kotibi Viktoriya Nulandning aytishicha, sanksiyalar 26-fevralda Qozog’istonda belgilangan muzokaralar natija berishiga qaratilgan. “Quruq gap-so’zning keragi yo’q”, - deydi u.
 
Amerika qonunlariga ko’ra, Moliya vazirligi Eron jamoatchiligining axborot olish huquqini poymol qilayotgan har qanday odam va tashkilotni nishonga olishi mumkin.
 
2009-yilgi prezident saylovlari va “arab bahori” ketidan, deydi AQSh Moliya vazirligi rasmiylari, islomiy davlat xorij matbuoti, ayniqsa, Bi-Bi-Si va “Amerika Ovozi” dasturlarini to’sishga zo’r bergan.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Kongressga saylovlar - US Midterm Electionsi
X
30.10.2014 07:50
4-noyabr kuni Amerikada Kongress va mahalliy hokimiyatlarga saylovlar bo'lib o'tadi.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
  • Kurd peshmerga jangchisi Kobaniga yo'l olish oldidan mahalliy aholi bilan xayrlashmoqda, Iroq, 29-oktabr, 2014-yil.

  • "Islomiy davlat" jangarilariga qarshi kurashish maqsadida Suriyaning Kobani shahriga yo'l olayotgan peshmerga jangchilarini qo'llab-quvvatlash uchun minglab mahally kurdlar ko'chalarga chiqdi, Iroq, 29-oktabr, 2014-yil.

  • Kobanida jangari manzillariga qarshi AQSh yetakchiligidagi xalqaro koalitsiya havodan zarba berishda davom etmoqda, Kobani, Suriya, 29-oktabr, 2014-yil.

  • Kobanida jangari manzillariga qarshi AQSh yetakchiligidagi xalqaro koalitsiya havodan zarba berishda davom etmoqda, Kobani, Suriya, 29-oktabr, 2014-yil.

  • Peshmerga kuchlari joylashgan harbiy mashinalar Shonli Urfa xalqaro aeroportidan Kobani sari yo'lga chiqmoqda, Turkiya, 29-oktabr, 2014-yil.

Fotogalereya

Fotogalereya Peshmerga kuchlari Kobaniga yetib keldi

Iroq Kurdistonidan peshmerga jangchilarining bir qismi Suriyaning Kobani shahriga yetib borgan. Ular "Islomiy davlat" jangari guruhiga qarshi kurashda mahalliy kurdlar va xalqaro koalitsiyaga yordam beradi.
Fotogalereya

Fotogalereya Gavayi vulqoni aholi turar joylariga yetib keldi

Gavayida otilib chiqqan vulqon lavalari bir necha hafta o'tib Paxoa shaharchasiga yetib keldi. Sekin harakatlanayotgan lava "daryosi" yo'lda uchragan har qanday narsani kuydirib kulga aylantirmoqda. Shaharcha aholisi xavfsiz joyga evakuatsiya qilingan.
Fotogalereya

Fotogalereya Ebolaga qarshi global kurash

Dunyo bo'ylab Ebolaga qarshi kurash choralari kuchaytirilmoqda. Eboladan ogohlik oyligi doirasida turli mamlakatlarda xavfli kasallikka qarshi tayyorgarlik mashg'ulotlari o'tkazilmoqda.
Fotogalereya

Fotogalereya Afg'onistondagi missiya nihoyasiga yetayapti

Afg'onistonning Hilmand viloyatidagi yirik harbiy baza mahalliy armiya nazoratiga o'tdi. AQSh va Britaniya qo'shinlari missiyani yakunlab, o'lkani tark etishga hozirlik ko'rmoqda. 2015-yilda Afg'onistonda 12 ming xorijiy askar qoladi.
Fotogalereya

Fotogalereya Suriya va Iroq

G'arb qo'llab-quvvatlovini olgan kurd jangchilari Turkiya orqali Suriyaga 1300 safdoshini jo'natishga hozirlik ko'rayapti. Iroqda va Suriyada janglar davom etmoqda.
Fotogalereya

Fotogalereya Turkiya kurdlari qo'shni davlatdagi urushda o'lgan elatdoshlariga motam tutmoqda

Suriyaning Kobani shahri bir necha kundan beri jang maydoni. "Islomiy davlat" bilan qonli urush ketmoqda.
Fotogalereya

Fotogalereya Kanada parlamentida otishma, Ottavadan suratlar

Kanada poytaxtida urush qahramonlariga qo'yilgan yodgorlik oldida turgan askar otib ketilgan. Bu inshoot yaqinidagi parlament binosi ham xavf ostida degan ogohlantirishdan keyin evakuatsiya ishlari boshlangan. Harbiy soqchini nishonga olgan shaxs parlament tomon qochdi, deydi guvohlar. Imoratdan o'q ovozlari eshitilgan. Askarni otgan odam politsiya o'qidan o'lgan. Yaralangan askar ham kasalxonada jon bergan.
Fotogalereya

Fotogalereya Joko Vidodo, Indoneziya prezidenti qasamyod keltirdi

Indoneziyaning yangi rahbari, armiya yoki siyosiy elitaga aloqasi bo'lmagan, oddiy xalqdan chiqqan Joko Vidodo qasamyod keltirdi. 53 yoshli arbobni fuqaro Jokovi deb biladi, o'tmishda uy jihozlari sotib kun ko'rgan. Jakarta meri lavozimida islohotchi sifatida tanilgan.
Fotogalereya

Fotogalereya Kobanida janglar davom etmoqda - 20-oktabr, 2014-yil

Suriyaning Turkiya chegarasi yaqinidagi Kobani shahrida kurdlar va "Islomiy davlat" jangarilari o'rtasida kurash davom etmoqda. Turkiya Tashqi ishlar vaziri Mevlut Chavusho'g'lining aytishicha, Iroq kurdlarining "Islomiy davlat"ga qarshi kurashda Suriya kurdlariga ko'mak berish uchun Turkiya orqali chegarani kesib o'tishiga ruxsat berilmoqda.

Interaktiv

SAYTGA KIRISHNING XAVFSIZ YO’LI