Seshanba, 22-iyul, 2014 Toshkent vaqti: 16:21

Yaqin Sharq

Iroqda mazhablararo ixtilof kuchaymoqda

Dekabr oyidan beri Iroqda amaldagi hukumatga qarshi namoyishlar tingani yo'q.
Dekabr oyidan beri Iroqda amaldagi hukumatga qarshi namoyishlar tingani yo'q.
Amerika Ovozi
O’tgan oy o’n minglab iroqliklar Bosh vazir Nuri al-Malikiy hukumatiga qarshi norozilik namoyishlarida qatnashdi. Sunniy fuqarolar hukumatni ozchilikdagi bu mazhab vakillariga nisbatan ayirmachilik siyosatini yuritayotganlikda ayblamoqda.

Dekabr oyidan beri Iroqda hukumatga qarshi namoyishlar tingani yo’q. Sunniylar Bosh vazir Nuri al-Malikiyning iste’foga chiqishini talab qilmoqda. Ular, shuningdek, sud hukmisiz hibsda saqlanayotgan mahbuslarning ozod etilishini hamda sunniylarga qarshi ishlatilayotgan aksil-terror qonunining bekor qilinishini so’ramoqda.
 
Ayni paytda Malikiyning shia tarafdorlari ham hukumatni qo’llab-quvvatlab namoyishga chiqqan. Mamlakat mazhablararo to’qnashuv xavfiga yuz tutgan.
 
Londonlik tahlilchi Kris Doylning aytishicha, sunniylar uzoq yillardan beri mamlakatda o’zlarini shia hukumati tomonidan ajratib qo’yilgandek his qiladi.
 
“Sunniylar o’zlarini ikkinchi darajali fuqarolardek his qilyapti. Ular nazarida, Malikiy hukumati shialarning millatchi partiyasini aks etadi va sunniylar tashvishlari bilan umuman qiziqmaydi”, - deydi tadqiqotchi.
 
Hozir bo’layotgan namoyishlar sunniylardan bo’lgan Moliya vaziri Rafa al-Isaviyning tan soqchilari hibsga olinishi ortidan, asosan, sunniylar istiqomat qiluvchi Anbar viloyatida boshlangan.
 
Vitse-prezident Tariq al-Hoshimiy amaldan ketgandan beri Rafa al-Isaviy hukumatdagi eng ko’zga ko’ringan sunniy arbob edi. Xorijdan siyosiy boshpana olgan Hoshimiy qator qotilliklarni buyurganlikda ayblanib, Iroqda o’limga mahkum etilgan. Sobiq vitse-prezident unga qo’yilgan ayblovlarni bo’hton deb biladi va ortida siyosiy sabablar borligini aytadi.
 
Iroqning nufuzli shia diniy arbobi Muqtada al-Sadr namoyishchilarni qo’llab-quvvatlab, mazhablarni haqiqat yo’lida birlashishga chaqirdi.
 
Uning aytishicha, namoyishchilar o’z e’tirozlarini tinch va demokratik yo’l bilan ifoda etishga haqli. Har bir odam bunga to’g’ri munosabatda bo’lishi kerak, dedi u.
 
Bosh vazir Malikiy namoyishchilarning ayrim talablarini bajarishga rozi. Masalan, 700 nafar ayol mahbusni ozod etishga va’da bergan.
 
Yaqin Sharq bo’yicha mutaxassis Jeymi Ingremga ko’ra, Malikiy hozir ancha qiyin muammo bilan yuzlashmoqda.

“Nazarimda, Malikiy bunchalik bo’lishini kutmagandi. U Iordaniya bilan chegarani yopib, namoyishchilarga iqtisodiy bosim o’tkazishga va shu yo’l bilan vaziyatni tinchitishga urindi. Ammo bu namoyishchilarni battar g’azablantiradiganga o’xshaydi”, - deydi tadqiqotchi.
 
Arablar boshqaruvi ostidagi markaziy hukumat shimolda avtonom kurd o’lkasi bilan neft va yer talashib keladi. Kurd yetakchilari ham Iroq hukumatidan norozi. Kurd va sunniylardan bo’lgan vazirlar namoyishchilarni qo’llab-quvvatlab, hukumat yig’inlarida qatnashmaslikni lozim topdi.
 
AQSh kuchlari Iroqni tark etganidan beri o’tgan bir yil davomida mamlakatning shia, sunniy va kurd aholisi o’rtasida ziddiyatlar tobora kuchayib bormoqda.
 
“Inqiroz borgan sari chuqurlashmoqda. Agar o’zaro ziddiyatlarga yechim topilmasa, muammo yanada yiriklashadi”, - deydi tahlilchi Doyl.
 
Viloyatlar uchun saylovlar shu yilning aprel oyiga rejalangan. Ungacha vaziyatning yaxshilanishi qiyin, deydi tahlilchilar.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Amerika Manzaralari/Exploring America, July 21, 2014i
X
22.07.2014 03:10
Har dushanba Toshkent vaqti bilan 15:30 da sun'iy yo'ldosh orqali uzatiladigan 30 daqiqali ko'rsatuv Amerikadagi siyosiy, iqtisodiy va ijtimoiy manzara bilan tanishtiradi. Qolaversa, Qo'shma Shtatlar - Markaziy Osiyo davlatlari orasidagi aloqalarni tahlil qiladi.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
  • Barak Obama G'azo va Ukrainadagi ahvol borasida bayonot berayapti.
  • Ukraina
  • Ukraina
  • Ga'zoda yuz bergan Isroilning navbatdagi havo hujumidan so'ng. 20-iyul kuni kamida 50 falastinlik halok bo'lgan, hujum boshlangandan beri o'lganlar soni esa 400 dan oshdi.
  • "Kosta Konkordia" kemasi Giglio oroli yaqinida. Ushbu kema 2013-yil boshida suv osti qoyasiga urilib, yaroqsiz holga kelgan edi.
  • Germaniya Gran-prisi avtopoygasida ishtirok etayotgan braziliyalik Felipe Massa birinchi burilishda mashinasi bilan ag'darilib ketdi.
  • Indoneziyalik talabalar global yo'lbarslar kuni munosabati bilan yuzlariga Sumatra yo'lbarsi timsolini chizmoqda. Sumatra yo'lbarsi yo'qolish xavfi ostida bo'lgan hayvonlardan biri bo'lib, ushbu jonivordan dunyoda jami 400 dona qolgani aytiladi.
  • Hindistonning Bubanesvar shahrida dehqonlar ko'chat ekmoqda.
  • "Tour de France" velopoygasi ishtirokchilari qadimiy Sisteron viloyatidan o'tmoqda.
  • "Tour de France" velopoygasi muxlislaridan biri musobaqa sharafiga osib qo'yilgan velosipedni minmoqda.
  • Germaniyaning Uplevard shahrida loyda chana uchish bo'yicha chempionat bo'lib o'tmoqda.
  • Plastik idishlardan tayyorlangan qayiq atrof-muhit himoyasiga e'tibor qaratish uchun Chex respublikasidagi Nimburk shahridan Germaniyaning Xamburg shahriga borish maqsadida Elba daryosida safarga chiqdi.
  • Xitoy poytaxti Pekinning Yuyuantan parkiga ulkan baqa timsoli o'rnatildi. 22 metrli ulkan "oltin baqa" xitoy madaniyatidagi boylik va omad ramzini ifodalaydi.
  • Janubiy Ispaniyadagi qo'riqxonada ona flamingo ko'plab jo'ja flamingolar bilan.
Fotogalereya

Fotogalereya Kunning suratlari - 20-iyul, 2014-yil

Kunning muhim voqealari va dunyoning turli burchaklaridagi manzara suratlarda.
Fotogalereya

Fotogalereya O'zbekistonlik ustalar Santa Fe xalqaro festivalida

Amerikaning Nyu-Meksiko shtatidagi Santa-Fe shahrida har yili o’tadigan usta hunarmandlar festivali (Santa Fe International Folk Art Market) nufuzli davra hisoblanadi. Unga taklif qilingan chevar, kashtado’z yoki sozandaning ijodi so’zsiz tan olinadi. Qaysi davlatda bo’lmasin ularning mahsuloti darrov qo’lma qo’l bo’lib ketadi. Bu yilgi yarmarkada O’zbekistondan 25 kishi qatnashdi - eng katta jamoalardan biri. 11-13-iyul kunlari o’tgan tadbirda ustalar bir-biri bilan tanishdi, tajriba almashdi, mahsulotini sotdi, yangi xaridor va hamkorlar topdi va vatanga daromad bilan qaytdi. Bu esa, deydi hunarmandlar, yangi imkoniyatlarga yo’l ochadi. Yangi ish o’rinlari, ta’lim dasturlari, mustaqil faoliyat, erkin nafas va yurt taraqqiyoti uchun hissa degani bu.
Fotogalereya

Fotogalereya MH17 - Ukraina osmonida urib tushirilgan samolyot qoldiqlari va bugungi manzara

Ukraina hukumati Rossiyani ikki kun oldin Donetskda urib tushirilgan yo’lovchi samolyot qoldiqlari orasidan ashyoviy dalillarni yo’q qilishda separatistlarga yordam berayotganlikda ayblamoqda. Malayziya havo yo’llariga tegishli samolyot ichida 298 odam bo’lgan. Hammasi o’lgan. AQSh hukumatining tasdiqlashicha, samolyot yerdan nishonga olingan.
Fotogalereya

Fotogalereya Isroil piyoda kuchlari G'azoda hujumlarni davom ettirmoqda

8-iyulda boshlangan operatsiyada hozirgacha 300 dan oshiq falastinlik o’lgan. Uch kundirki, Isroil kuchlari G'azo sektorida yuzlab manzillarni o'qqa tutmoqda.
Fotogalereya

Fotogalereya Dunyo ahli Ukrainadagi fojeadan dahshatda, 295 odam halok bo'lgan

Yo'lovchilardan 173 nafari Niderlandiya, 44 kishi Avstraliya, 12 odam Indoneziya, shuningdek, Britaniya, Germaniya, Belgiya, Kanada, Yangi Zelandiya va Filippin fuqarolaridir. AQSh razvedka agentliklarining tasdiqlashicha, samolyot raketa bilan urib tushirilgan va aynan Ukraina sarhadidan turib nishonga olingan. Samolyot havoda portlagan. Ukraina qurolli kuchlari bunday vositaga ega emas, deydi Amerika rasmiylari. Gumon shuki, samolyotni o'qqa olganlar - rusparast bo'lginchilar.
Fotogalereya

Fotogalereya AQShga noqonuniy kirib kelayotgan muhojir bolalar

AQShning janubiy chegaralarida noqonuniy muhojirlar muammosi gumanitar inqiroz sifatida baholanmoqda. Chegarani kesib o'tganlar orasida 50 mingdan ortiq voyaga yetmagan bola bor. Ular mahalliy va federal hukumat uchun yangi muammolarni keltirib chiqarmoqda.
Fotogalereya

Fotogalereya Ukrainada Malayziya samolyoti quladi

Boeing-777 samolyoti 280 yo'lovchi va 15 ekipaj a'zolari bilan Amsterdamdan Kuala Lumpurga uchayotgan bo'lgan. Ukraina hukumati va isyonchilar bir-birini ayblamoqda.
Fotogalereya

Fotogalereya Isroil Falastin ahliga: tirik qolishni istasangiz, qoching!

Isroil G'azo sektorini havodan o'qqa tutishda davom etarkan, BMT uni va unga qarshi raketa otayotgan HAMASni sulh tuzishga undamoqda. AQSh vositachilik qilishga tayyor. Tomonlar murosadan yiroq. Isroil G'azo ahlini jon saqlash uchun uylarini tark etishga chaqirmoqda. HAMAS jangarilarini qirib tashlamaguncha, hujumlar to'xtamaydi, deya bildirmoqda bu davlat rasmiylari. Hozirgacha 200 dan oshiq odamning yostig'i qurigan.
Fotogalereya

Fotogalereya Slavyansk, Ukraina, 16-iyul, 2014

15-iyul kuni kechqurun Ukraina sharqida havo hujumlaridan 11 kishi o'lgan. Snijne shahrida binolar vayron bo'lgan. Hukumat separatistlarni ayblasa, separatistlar hukumatni ayblamoqda. Bugun Bosh vazir Arseniy Yatsenyuk Slavyanskda bo'lib, vaziyat bilan tanishdi. Rossiyani bo'lginchi kuchlar ortida turganlikda aybladi. Kreml nazarida esa barcha balolarda Kiyevning o'zi aybdor.

Interaktiv

SAYTGA KIRISHNING XAVFSIZ YO’LI