Seshanba, 23-sentyabr, 2014 Toshkent vaqti: 09:19

Din

Qizlar madrasasi, Suriyada suratga olingan film

Madrasa asoschisi Xuda al-Habash (o'ngda) talabasi bilan. Filmdan lavha.
Madrasa asoschisi Xuda al-Habash (o'ngda) talabasi bilan. Filmdan lavha.
Amerika Ovozi
So’nggi yillarda musulmon o’lkalarda ayollar orasida diniy ilm olishga qiziqish tobora kuchayib bormoqda. Qur’onni yod olish, tafsir va boshqa islomiy ilmlarda olima ayollar soni yanada ortgan. O’tgan yili amerikalik kinochilar Suriyadagi ayollar madrasasi haqida hujjatli film ishladi. Ayol kishi boshqaradigan mazkur ilm dargohida ayol va erkaklarning ilmda ham, hayotda ham teng huquqli ekani ta’lim beriladi.

Suriyalik voiz ayol Xuda al-Habash 1982-yil Damashqda qizlar uchun Qur’on maktabini tashkil etdi. Yaqinda uning 30 yillik faoliyati haqida “Ko’zlarida nur” nomli hujjatlli film suratga olindi.


Bu yerda qizlar Qur’on yodlaydi. Shuningdek, boshqa islomiy fanlardan ham saboq olishadi.

Amerikalik kinochilar Juliya Meltzer va Laura Niks Xuda al-Habash kabi musulmon ayollar qanday hayot kechirishi haqida film yaratishga qaror qildi.
 
“Xuda al-Habash ayollar ham masjidga borishi kerak, deb hisoblaydi. Xotin-qizlar jiddiy ta’lim olib, xohlagan joyida ishlashi mumkin, deydi u. Albatta, ba’zan urf-odatlar bunga yo’l qo’ymaydi. Bunday noto’g’ri qarashlarga, aynan, islom orqali chek qo’yish mumkin, deb hisoblaydi bu ayol”, - deydi kinematograf Laura Niks.
 
Al-Habashning aytishicha, islomda ilm olish ham ibodatdir. Ayollar uyda o’tirishi kerak degan qarashlar noto’g’ri, deydi u.

“Musulmonlarning o’zlari ayollarni hamma narsadan, hatto bilim olish, o’qitish va masjidga borish kabi huquqlardan mahrum qilib qo’ygan. Bu johillik, aslida dinda yo’q narsa”, - deydi Xuda al-Habash.
 
Al-Habash o’zini konservativ musulmon deb biladi. “Islomda buyurilgani uchun hijob o’rayman, uy yumushlari bilan ayol kishi shug’ullanishi kerak, ammo ular faqat bu bilan cheklanib qolmasligi kerak, ayollarning boshqa haq-huquqlari ham bor”, deydi u.

“Siz tanlash ixtiyoriga egasiz. O’ylashda, e’tiqod qilishda, hamma narsada erkinsiz. Ayollar o’quvchi ham, o’qituvchi ham bo’la oladi, qozilik ham qilishi mumkin. Din ayolning prezident bo’lishiga ruxsat beradimi? Albatta”, - deydi olima ayol.
 
Meltzer va Niks “Ko’zlarida nur” filmini 2011-yil Damashqda qo’zg’olon boshlanishidan bir oz avval suratga olgan. Hukumatdan ruxsat bo’lmagani uchun film yashirincha ishlandi.

“Xavf borligini sezmadik. Lekin har qanday paytda bizni to’xtatib so’roqqa tutishlari mumkinligini bilardik.  Masjidiga olib kirgani uchun, ayniqsa, Xudaga oson emasdi. Xavf u uchun kattaroq edi”, - deydi Meltzer.
 
“Ko’zlarida nur” filmi AQSh telekanallarida namoyish etildi. Zo’ravonlik avj olgach, al-Habash va uning oilasi 2012-yil o’rtalarida Suriyani tark etdi. Tinchlik o’rnatilgach, u o’z maktabini yana qayta ochish ilinjida.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Ebola epidemiyasiga qarshi kurash, yordam - US/Ebolai
X
22.09.2014 23:52
G’arbiy Afrika ebola virusi bilan olishar ekan, turli mamlakatlardan mutaxassislar yordamga bormoqda, shuningdek, dori-darmon yuborilayapti. Oddiy odamlar orasida ham ko’mak ko’rsatayotganlar ko’p.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Fotogalereya

Fotogalereya O'n minglab suriyaliklar Turkiyaga qochayapti

Suriyada "Islomiy davlat" jangari guruhining hamlasi ketidan o'n minglab kurdlar Turkiyaga qochayapti. Anqara qochqinlarni kiritish uchun 19-sentabrda Suriya bilan chegarani ochgan. Hozirning o'zida Turkiyada Suriyadagi urushdan bosh olib ketgan yuz minglab suriyalik jon saqlamoqda.
Fotogalereya

Fotogalereya Jalol-Obod, Arslonbob va O'zgan

Jalol-Obod viloyati bo'ylab sayohat... Shahardan Suzoq qishlog'i tomon boramiz. So'ngra Arslonbob to'glariga chiqamiz va sharsharalar tagida dam olamiz. Qishloqlarni kezamiz. Jamoatchilik bilan muloqotda bo'lamiz. Bozorlar, ko'chalar va hayot. Qirg'iziston janubida shu yilning avgustida olingan suratlarni tomosha qiling. Tafsilotlar mana bu blogda: http://blogs.voanews.com/uzbek/yoshlariston/2014/09/20/jalol-obod-arslonbob-va-ozgandagi-bebaho-lahzalar/
Fotogalereya

Fotogalereya "Islomiy davlat"ga qarshi kurash

Iroq va Suriyadagi "Islomiy davlat" jangarilariga qarshi xalqaro koalitsiya tuzish jarayoni davom etmoqda. Ko'plab davlatlar o'q-dori va qurollar yetkazish, shuningdek, Iroq va kurd askarlarini harbiy tayyorgarlikdan o'tkazish ishlarida yordam berishga va'da berdi.
Fotogalereya

Fotogalereya Shotlandiya kelajak uchun ovoz bermoqda

18-sentabr kuni Shotlandiyada Buyuk Britaniya va Shimoliy Irlandiya birlashgan qirolligi tarkibidan chiqish to'g'risida umumxalq referendumi bo'lib o'tadi. Agar unda aksariyat qatnashchilar qirollikdan ajrab chiqish uchun ovoz bersa, xaritada Shotlandiya deb ataluvchi yangi mustaqil davlat paydo bo'ladi. Besh milliondan oshiq aholiga ega o'lka.
Fotogalereya

Fotogalereya Sharqiy Ukrainaga kengroq avtonomiya berish haqida qonun qabul qilindi

Ukraina parlamenti sharqiy Ukrainaning Lugansk va Donetsk viloyatlariga kengroq avtonomiya berish haqida qonun qabul qildi. Rossiyaparast isyonchilar bilan davom etayotgan urushni to'xtatish maqsadida qabul qilingan ushbu qonun viloyatlarga bir qator siyosiy, madaniy va iqtisodiy erkinlik taqdim etib, ularning Rossiya bilan yaqin aloqa o'rnatishiga ruxsat beradi.
Fotogalereya

Fotogalereya Shanxay-6 Dushanbeda uchrashdi, tafsilotlar fotolarda

Xitoy, Rossiya, O'zbekiston, Qozog'iston, Qirg'iziston va Tojikiston a'zo Shanxay hamkorlik tashkiloti Dushanbeda 11-12 sentabr kunlari yillik sammitini o'tkazdi. Asosiy mavzu Ukraina bo'ldi va muhokama yopiq eshiklar ortida o'tdi. O'zbekiston rahbarining pozitsiyasi: Ukraina va Rossiya mojarosi bevosita, ikki tomonlama muzokara asosida hal etilishi kerak.
Fotogalereya

Fotogalereya Amerika 11-sentabr xurujlari va qurbonlarni xotirlamoqda

2001-yilning 11-sentabrida amalga oshirilgan terror hujumlari uch mingga yaqin odamni hayotdan olib ketgan.

Interaktiv

SAYTGA KIRISHNING XAVFSIZ YO’LI