Breaking News

Isroilda Netanyaxuning partiyasi g'olib, Falastin tomoni afsusda


Isroildagi parlament saylovlarida Bosh vazir Benyamin Netanyaxuning Likud partiyasi g'alaba qozongan. Netanyaxu kelasi ikki-uch haftada hukumat tuziladi, deydi.

Parlamentdagi 120 o'rindan 30 tasi "Likud" partiyasida. Raqib Sionistlar ittifoqi 24 o'rinni qo'lga kiritgan.

Netanyaxu kichik partiyalar bilan koalitsiya tuzishni va shu tariqa mutlaq ustunlikni ko'zlamoqda.

Yevropa Ittifoqi Tashqi ishlar vaziri Frederika Mogerini Isroilning yangi hukumati bilan ishlashga tayyormiz, deydi.

Netanyaxu shu hafta qilgan chiqishida Falastin davlatini aslo qo'llab-quvvatlamasligini ta'kidlagan. Holbuki, avvalroq u Falastin ma'muriyati bilan muzokaralar va murosaga moyil ekanini uqtirgan edi.

Falastin tomoni saylovlar natijasidan hafsalasi pir. Eski siyosat davom etadi.

Bu esa Isroil bosib olingan yerlardan bir qadam ham jilmaydi, Quddus Isroilning poytaxti bo'lib qolaveradi, tinchlik muzokaralari siljimaydi, degani deydi Falastin mutasaddilari.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG