Dushanba, 27-aprel, 2015 Toshkent vaqti: 12:06

Yaqin Sharq

2013-yilda Eron va Isroil o'rtasida ziddiyatlar yanada kuchayadi

Isroil Bosh vaziri Benyamin Netanyahu:
Isroil Bosh vaziri Benyamin Netanyahu: "Islomiy respublika ikki-uch oy ichida biz chizgan qizil chiziqdan o’tishiga shubha yo’q".
Amerika Ovozi
2012-yil oxirlab borar ekan, siyosatdonlar Isroil va Eron o’rtasidagi ziddiyatlar yanada avj olishini bashorat qilmoqda.


Isroil Bosh vaziri Benyamin Netanyaxu fikricha, Eron shu ketishda yaqin orada atom bombasi yasash uchun yetarlicha uran moddasiga ega bo’ladi.

“Bizning qarashlarimiz o’zgarmagan. Islomiy respublika ikki-uch oy ichida biz chizgan qizil chiziqdan o’tishiga shubha yo’q. Kelasi yilning yirik muammosi deb shuni bilaman”, - deydi Netanyaxu.

Yahudiy davlati Eronning atom inshootlarini yakson qilishga shay ekani hamda, agar zarur bo’lsa, bu operatsiyani AQSh quvvatlovisiz ham amalga oshira olishini bildirgan. Eron, o’z navbatida, har qanday hujumga qaqshatqich javob beramiz deb ogohlantiryapti.

“Isroil dag’dag’asini jiddiy qabul qilmaymiz. Lekin har narsaga tayyormiz”, - deydi prezident Mahmud Ahmadinejod.  

Tel-Avivdan tahlilchi Shlomo Brom nazdida Eron rahbariyati urush qilishni istamaydi. Lekin, deydi u, mojaro yuz bersa, Isroil harbiy jihatdan ustun kelishi aniq.

“Mojaroning siyosiy oqibatlari meni ko’proq xavotirga soladi”.

Agar Isroil hujumiga javoban Eron Fors ko’rfazidagi neft tashish yo’llarini nishonga olsa, mojaro G’arb davlatlarini ham o’z domiga tortishi mumkin. 

Sobiq harbiy razvedkachi Efraim Kam Eron yadro qurolini qo’lga kiritsa, mintaqa ostin-ustun bo’lib ketadi, deb hisoblaydi.

“Yaqin Sharqda yadro poygasi avj olib, mintaqada muvozanat buziladi. Misr, Saudiya Arabistoni, Turkiya, Suriya va bora-bora Iroq ham bu poygaga qo’shiladi”,  - deydi suhbatdosh.

Shlomo Bromning aytishicha, Isroil hukumatida ayrimlar xavfsizlikka tahdidni bo’rttirib ko’rsatyapti. 

“Xavfsizlik muhim masala, lekin vaziyat ayrim rahbarlar da’vo qilayotganidek yomon emas”.

Hozir Isroil hukumatining butun diqqati Eronning yadro dasturida. Vaholanki, deydi Brom, “arab bahori” natijasida tuzilgan zaif hukumatlar ham yahudiy davlatiga tahdid solishi mumkin.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
AQSh Kongressi va Eroni
X
26.04.2015 23:49
Eron va xalqaro hamjamiyat Venada yadro dasturi yuzasidan muzokaralarning yangi bosqichini boshladi. AQSh qonunchilari esa Eronning bitim shartlariga qanchalik rioya qilishini tekshirish imkoniyatlari haqida tinglov o'tkazdi.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
  • Nepalda zilzilada o'lganlarning jasadi yoqilmoqda
  • Nepal
  • Angliya
  • Eliud Kipchoge, Keniya sportchisi, Londonda o'tgan xalqaro marafonda yutdi
  • Prezident Obama Oq uy muxbirlar uyushmasi ziyofatida so'zlamoqda
  • Rossiya velosipedchilari Belarusdagi yodgorlik oldida
  • Tokioda parad
  • Chernobil fojiasi qurbonlariga atalgan yodgorlik oldida, Kiyev
  • Ruminiyada mushuklarning xalqaro musobaqasi
  • Germaniya bog'larida
  • Vatikan
  • Serbiyada futbol ishqibozlari gulxan yoqdi
  • Jinsiy zo'ravonlikka qarshi namoyish, Livan
  • Loyda musobaqa, Angliya

Interaktiv

SAYTGA KIRISHNING XAVFSIZ YO’LI