Payshanba, 30-oktyabr, 2014 Toshkent vaqti: 21:39

Yaqin Sharq

Isroilda yangi hukumat AQSh bilan qanday aloqada bo'ladi?

AQSh-Isroil/US-Israeli
X
05.02.2013 00:26
AQShning yaqin ittifoqchisi, strategik hamkori Isroilda yangi hukumat shakllanmoqda. Konservativ siyosatchi Benyamin Netanyaxu hokimiyatda qoladi, lekin parlament tarkibi ancha o'zgargan. Bu degani Amerika bilan oxirgi yillarda sovugan aloqalar biroz yaxshilanishi mumkin.

Multimedia

Audio
Amerika Ovozi
Yaqin Sharq tahlilchilariga ko’ra, Isroilda parlament saylovlari o’tib, endi yangi hukumat Vashington bilan aloqalarni yaxshilashga kirishadi. Falastin bilan tinchlik jarayonini jonlantirish, Eron yadro dasturiga qarshi chora ko’rish ham uchinchi muddatga saylangan Benyamin Netanyaxu zimmasida.

Yair Lapid Isroil siyosiy osmonida porlagan yangi yulduzlardan. 49 yoshli sobiq teleboshlovchi sentrist qarashlarga ega partiyasi bilan siyosiy maydonga kirib, saylovlarda marraga ikkinchi keldi. Yangi hukumat endi Lapid ishtirokisiz va fikrisiz tuzilmasligi aniq.

Tahlilchilar nazarida saylovlar Bosh vazir Benyamin Netanyaxu mavqeiga zarba bo’ldi. Uning konservativ partiyasi g’alaba qilgani bilan parlamentdagi bir necha o’rinni boy berdi.

Isroilda saylovlar o’tar ekan, Amerikada Barak Obama ikkinchi muddatga qasamyod keltirdi.

Kuzatuvchilar Obama qayta saylanganidan beri boshqaruvida shijoat ko’payganiga ishora qilmoqda.

Vashingtondagi Yaqin Sharq siyosati instituti rahbari Robert Satloffning aytishicha, Netanyaxuning yutuqlarini Obamaniki bilan solishtirib bo’lmaydi, biroq Isroil rahbari o’zgacha siyosiy muhitda ishlashga majbur.

Ikki rahbarning o’tmishdagi munosabatlarini silliq deb bo’lmaydi.

Biroq Netanyaxu falastinliklar bilan muzokaralarga ochiq hukumat tuza olsa, aloqalar yaxshilanishi mumkin.

Qudduslik tahlilchi Deyvid Richchi nazarida yangi hukumat mo’tadil bo’lmasligi mumkin, biroq xalqaro bosimga e’tiborliroq bo’lib, muzokaralar jonlanishi mumkin.

"AQSh prezidentiga esa aynan shunaqasi kerak", - deydi u.

Obamaning inauguratsiyasidan so’ng Oq uy matbuot kotibi Jey Karni uning siyosatini yana bir bor eslatib o’tdi.

"Ikki tomon bevosita muzokara qilib, tinchlikda yonma-yon yashaydigan ikki davlat maqomini maromiga yetkazishi lozim", - deydi u.

Biroq falastinliklar Isroil yangi hukumatidan foyda bo’lishiga ishonmaydi.

Falastin Tashqi ishlar vaziri Riyod Malkiyning aytishicha, Falastin rahbariyati aniq chegaralar asosida muzokara qilishga tayyor.

"Biroq Isroil istilo, mojaro va do’q-po’pisa yo’lidan qaytmoqchi emas", - deydi u.

Agar Isroilda qarashlari mo’tadil hukumat shakllansa, ichki kuchlar Netanyaxuni Eronga qarshi harbiy hujumga gijgijlatmasligi mumkin.

Obama ma’muriyati sanksiya va diplomatiya yordamida qurolli to’qnashuvning oldini olsa bo’ladi, degan umidda.

Tahlilchi Robert Satloff nazarida Isroil hozircha tashabbusni AQShdan, Obamadan olmoqchi emas.

"Uning strategiyasi nima ish berishini oxirigacha ko’rmoqchi, bu siyosat Eronni yadro dasturining harbiy komponentidan muzokara orqali qaytara oladimi, yo’qmi, ko’rmoqchi", - deydi mutaxassis.

Isroilda yangi hukumat tuzish uchun bir necha hafta ketishi mumkin va uning qanday bo’lishi ko’p jihatdan Yair Lapid pozitsiyasiga bog’liq bo’ladi.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Kongressga saylovlar - US Midterm Electionsi
X
30.10.2014 07:50
4-noyabr kuni Amerikada Kongress va mahalliy hokimiyatlarga saylovlar bo'lib o'tadi.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
  • Kurd peshmerga jangchisi Kobaniga yo'l olish oldidan mahalliy aholi bilan xayrlashmoqda, Iroq, 29-oktabr, 2014-yil.

  • "Islomiy davlat" jangarilariga qarshi kurashish maqsadida Suriyaning Kobani shahriga yo'l olayotgan peshmerga jangchilarini qo'llab-quvvatlash uchun minglab mahally kurdlar ko'chalarga chiqdi, Iroq, 29-oktabr, 2014-yil.

  • Kobanida jangari manzillariga qarshi AQSh yetakchiligidagi xalqaro koalitsiya havodan zarba berishda davom etmoqda, Kobani, Suriya, 29-oktabr, 2014-yil.

  • Kobanida jangari manzillariga qarshi AQSh yetakchiligidagi xalqaro koalitsiya havodan zarba berishda davom etmoqda, Kobani, Suriya, 29-oktabr, 2014-yil.

  • Peshmerga kuchlari joylashgan harbiy mashinalar Shonli Urfa xalqaro aeroportidan Kobani sari yo'lga chiqmoqda, Turkiya, 29-oktabr, 2014-yil.

Fotogalereya

Fotogalereya Peshmerga kuchlari Kobaniga yetib keldi

Iroq Kurdistonidan peshmerga jangchilarining bir qismi Suriyaning Kobani shahriga yetib borgan. Ular "Islomiy davlat" jangari guruhiga qarshi kurashda mahalliy kurdlar va xalqaro koalitsiyaga yordam beradi.
Fotogalereya

Fotogalereya Gavayi vulqoni aholi turar joylariga yetib keldi

Gavayida otilib chiqqan vulqon lavalari bir necha hafta o'tib Paxoa shaharchasiga yetib keldi. Sekin harakatlanayotgan lava "daryosi" yo'lda uchragan har qanday narsani kuydirib kulga aylantirmoqda. Shaharcha aholisi xavfsiz joyga evakuatsiya qilingan.
Fotogalereya

Fotogalereya Ebolaga qarshi global kurash

Dunyo bo'ylab Ebolaga qarshi kurash choralari kuchaytirilmoqda. Eboladan ogohlik oyligi doirasida turli mamlakatlarda xavfli kasallikka qarshi tayyorgarlik mashg'ulotlari o'tkazilmoqda.
Fotogalereya

Fotogalereya Afg'onistondagi missiya nihoyasiga yetayapti

Afg'onistonning Hilmand viloyatidagi yirik harbiy baza mahalliy armiya nazoratiga o'tdi. AQSh va Britaniya qo'shinlari missiyani yakunlab, o'lkani tark etishga hozirlik ko'rmoqda. 2015-yilda Afg'onistonda 12 ming xorijiy askar qoladi.
Fotogalereya

Fotogalereya Suriya va Iroq

G'arb qo'llab-quvvatlovini olgan kurd jangchilari Turkiya orqali Suriyaga 1300 safdoshini jo'natishga hozirlik ko'rayapti. Iroqda va Suriyada janglar davom etmoqda.
Fotogalereya

Fotogalereya Turkiya kurdlari qo'shni davlatdagi urushda o'lgan elatdoshlariga motam tutmoqda

Suriyaning Kobani shahri bir necha kundan beri jang maydoni. "Islomiy davlat" bilan qonli urush ketmoqda.
Fotogalereya

Fotogalereya Kanada parlamentida otishma, Ottavadan suratlar

Kanada poytaxtida urush qahramonlariga qo'yilgan yodgorlik oldida turgan askar otib ketilgan. Bu inshoot yaqinidagi parlament binosi ham xavf ostida degan ogohlantirishdan keyin evakuatsiya ishlari boshlangan. Harbiy soqchini nishonga olgan shaxs parlament tomon qochdi, deydi guvohlar. Imoratdan o'q ovozlari eshitilgan. Askarni otgan odam politsiya o'qidan o'lgan. Yaralangan askar ham kasalxonada jon bergan.
Fotogalereya

Fotogalereya Joko Vidodo, Indoneziya prezidenti qasamyod keltirdi

Indoneziyaning yangi rahbari, armiya yoki siyosiy elitaga aloqasi bo'lmagan, oddiy xalqdan chiqqan Joko Vidodo qasamyod keltirdi. 53 yoshli arbobni fuqaro Jokovi deb biladi, o'tmishda uy jihozlari sotib kun ko'rgan. Jakarta meri lavozimida islohotchi sifatida tanilgan.
Fotogalereya

Fotogalereya Kobanida janglar davom etmoqda - 20-oktabr, 2014-yil

Suriyaning Turkiya chegarasi yaqinidagi Kobani shahrida kurdlar va "Islomiy davlat" jangarilari o'rtasida kurash davom etmoqda. Turkiya Tashqi ishlar vaziri Mevlut Chavusho'g'lining aytishicha, Iroq kurdlarining "Islomiy davlat"ga qarshi kurashda Suriya kurdlariga ko'mak berish uchun Turkiya orqali chegarani kesib o'tishiga ruxsat berilmoqda.

Interaktiv

SAYTGA KIRISHNING XAVFSIZ YO’LI