Obama ma’muriyati Yevropa davlatlari qatorida Isroilni bosib olingan G’arbiy sohil va Sharqiy Quddusda minglab yangi imoratlar qurish rejasidan qaytishga undamoqda.
Falastin ahli hududni bo’lajak davlati uchun ko’zlab keladi.
Oq uy matbuot kotibi Jey Karni Isroil “ehtiyotkorlik bilan ish qilishi, rejani qayta ko’rib chiqishi kerak” deydi.
Falastin ma’muriyati o’tgan hafta BMT da “a’zo bo’lmagan kuzatuvchi davlat” maqomini olgach, Isroil qarshi chora sifatida yangi mahallalar qurish loyihasini e’lon qilgan.
Jey Karnining aytishicha, Isroilning qarori Falastin bilan orani yanada buzishi, tinchlik muzokaralariga pand berishi mumkin.
Isroil Bosh vaziri Benyamin Netanyaxu bu tanqidlarni inkor etib, rejadan qaytmaymiz, demoqda.