Juma, 18-aprel, 2014 Toshkent vaqti: 23:33

AQSh-Markaziy Osiyo

O'zbekiston rahbari AQSh yetakchi diplomatini qabul qildi

AQSh Davlat kotibi muovini Robert Bleyk Toshkentdagi elchi Jorj Krol bilan, 15-avgust, 2012. O'zA olgan surat.
AQSh Davlat kotibi muovini Robert Bleyk Toshkentdagi elchi Jorj Krol bilan, 15-avgust, 2012. O'zA olgan surat.

Multimedia

Audio
  • AQSh-O'zbekiston aloqalarida huquq faktori, amerikalik tahlilchi Joshua Foust bilan suhbat, Navbahor Imamova lavhasi

  • AQSh Davlat kotibi muovini Robert Bleyk bilan savol-javob, O'zbekiston va AQSh, Navbahor Imamova tahlili

  • AQSh bugun Markaziy Osiyoga nisbatan qanday siyosat yuritmoqda, Davlat kotibi muovini Robert Bleyk so'zlaydi/Navbahor Imamova lavhasi

Matn hajmi - +
Amerika Ovozi
AQSh Davlat kotibining Janubiy va Markaziy Osiyo bo'yicha muovini Robert Bleyk (Blake) Oqsaroyda O'zbekiston prezidenti Islom Karimov huzurida bo'ldi.

Ayni damda Toshkentda ikki davlat rasmiylari yillik maslahat kengashiga yig'ilgan. Xavfsizlikdan tortib Afg'oniston bo'yicha hamkorlik, savdo va sarmoya hamda huquq-demokratiya masalalari muhokamada.

Bleyk va Karimov hamkorlik, parlamentlararo munosabatlar, fuqarolik jamiyatlari bilan tajriba almashish borasida gaplashgan, deya xabar beradi O’zbekiston axborot agentligi.

Tomonlar xalqaro qo’shinlar 2014-yilda Afg’onistonni tark etgach, bu davlat va umuman mintaqada tinchlik va farovonlik istiqboli haqida to’xtalgan.

Shuningdek, Bleyk boshliq delegatsiya tarkibida borgan Tom Melia, Davlat departamentining huquq va demokratiya bo'yicha yetakchi diplomatlaridan biri, Toshkentdagi elchixonada fuqarolik jamiyati vakillari va mustaqil huquq himoyachilari bilan uchrashgan.

O’zbekistonda ishlashga qiziqqan AQSh kompaniya vakillari uchun ham tadbirlar o’tmoqda. 50 dan ortiq firma ishtirokida biznes forum tashkil etilgan.

Afg’onistondagi xalqaro koalitsiyaga yuk tashiladigan yo’nalish, Shimoliy Ta’minot Tizimi, O’zbekistondan ham o’tadi va respublika rahbariyati bu borada Vashington bilan hamkorlikni kengaytirish niyatida ekanini bildirgan.  
 
Bleyk O’zbekistonning bu boradagi roli muhim deydi. Lekin, deydi u, aloqa faqat shu bilan cheklanib qolmagan. Amerika iqtisodiy va madaniy hamkorlik hamda islohot va erkinlik targ’ibotiga ham e’tibor qaratmoqda, deydi diplomat.

Obama ma’muriyati Afg’oniston deb Markaziy Osiyo ahlining haq-huquqlari va demokratik harakatlarga ko’z yumayotganlikda, ularni o’z manfaatlari yo’lida qurbon qilganlikda ayblanadi. 

Amerikaga erkinlik va oshkoralik elchisi deb qaragan odamlar bugun uni lo’ttibozlikda, befarqlik va ikkiyuzlama siyosatda qoralaydi. Robert Bleyk deydiki, Vashingtonga nisbatan bunday tanqid o’rinsiz.
 
“Biz erkinlikni targ’ib qilishda davom etamiz. Region rahbarlari bilan inson huquqlari, demokratiya talabi, adolatli boshqaruv, fuqaro jamiyati singari muhim masalalar haqida ochiq gaplashamiz va shunday qilib kelayapmiz ham”,- dedi diplomat, yaqinda AQSh poytaxtida o'tgan muloqotda.  
 
Jamiyat olg’a siljishi va osuda yashashi uchun erkinlik eng muhim talablardan biri, deya eslatadi AQSh Davlat kotibi muovini.

Ammo kuzatuvchilar, xususan huquq faollari va xalqaro tashkilotlar nazarida Obama ma'muriyati gap bilan cheklanmoqda xolos, amalda vaziyatni yaxshilash uchun konkret chora ko'rmayapti.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Gollivudning diniy filmlari - Religious movies/Hollwoodi
X
18.04.2014
Amerikaliklarning aksariyati dindor emas lekin e'tiqodga qiziqish kuchli. Bu yil masalan Gollivudda jami 16 ta diniy film chiqishi kutilmoqda.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Fotogalereya

Fotogalereya Ukrainadan suratlar

Sharqdagi to'qnashuvlarda o'lganlar, jarohat olganlar bor.
Fotogalereya

Fotogalereya Boston fojiasini eslab

O'tgan yilning 15-aprelida 25 mingga yaqin kishini bir joyga to'plagan marafon paytida yuz bergan portlash uch kishini hayotdan olib ketgan va 260 dan ortiq odam jarohatlangan edi.
Fotogalereya

Fotogalereya Nigeriyada qonli kun

Fotogalereya

Fotogalereya Ukrainadan suratlar

Fotogalereya

Fotogalereya Vashingtonda olcha gulladi

Har yili aprel oyida Vashington shahri olcha gullari bilan burkanadi. Bir asr muqaddam Yaponiya tomonidan hadya qilingan ko’chatlar bugun Vashingtonning ramziy ko’rkiga aylangan. Olchaning gullash mavsumi har yili 10 kuncha davom etadi. Yilning bu davrida Vashington sayyohlar bilan to’ladi. Chunki ayni shu kunlarda poytaxt Olcha guli festivalini tashkil qiladi. Vashington bo’ylab yapon madaniyati kunlari o’tkaziladi. Musiqa va raqs, me’morchilik san’ati, urf-odatlar, kinolar namoyish etiladi. Yapon tili va adabiyoti ham targ’ib qilinadi. Yaponiyadan mehmonlar kelib, sahnada amerikaliklarni xushnud qiladi. Ikki xalq san’atini ifodalovchi asarlar namoyish etiladi.
Fotogalereya

Fotogalereya Janubiy Afrika Respublikasi notinch

BMT Xavfsizlik Kengashi tobora notinch Janubiy Afrika Respublikasiga keng ko’lamli tinchlikparvar qo’shin safarbar etadi. Salkam 12 ming kishilik missiya tinch aholini himoya qilib, insonparvarlik yordami qatnovini ta’minlaydi. Mamlakatda mazhablararo adovat va zo’ravonlik minglab odamlarni hayotdan olib ketdi. Afrikalik olti ming va fransiyalik ikki ming qo’shin tinchlikni saqlay oladi, deydi BMT rasmiylari. Xalqaro qo’shinlar 15-sentabrda ishga kirishadi. AQShning BMTdagi elchisi Samanta Pauer shu hafta Markaziy Afrika Respublikasida bo’ldi. Qo’shma Shtatlar Afrika ittifoqi qo’shinlarini qo’llab quvvatlaydi; jahon hamjamiyati bu davlatga dadilroq yordam berishi lozim, deydi elchi. BMT, xususan, Markaziy Afrika Respublikasida 19 ming musulmon hayoti jiddiy tahdid ostida va ular mamlakatning xavfsiz hududlariga yoki xorijiy davlatga ko’chirilishi kerak, deya ogohlantiradi. Nasroniy jangarilar musulmon aholiga qarshi qonli hujumlarni boshlagandan beri o’n minglab musulmon poytaxtni va g'arbiy viloyatlarni tark etgan. Ayrim mahalliy rasmiylarning aytishicha, aholini ko’chirish choralari ixtilofni yanada kuchaytirib, mamlakatni parchalab yuborishi mumkin.

Interaktiv

SAYTGA KIRISHNING XAVFSIZ YO’LI