Dushanba, 24-noyabr, 2014 Toshkent vaqti: 07:19

AQSh-Markaziy Osiyo

AQShda Qozog'istonning yangi elchisi ish boshladi

Kairat Umarov
Kairat Umarov

Multimedia

Audio
Amerika Ovozi
Kayrat Umarov (Kairat Umarov) - Qozog'istonning Qo'shma Shtatlardagi yangi elchisi. 

Umarov 14-yanvar kuni Amerika rahbari Barak Obama huzurida bo'lib, ishonch yorlig'ini topshirdi.

Obama u bilan qisqa suhbatda Qozog'istonni muhim strategik hamkor deb atadi. 

Prezidentning aytishicha, AQSh bu davlat bilan global va mintaqaviy xavfsizlik yo'lida birgalikda ishlashda davom etadi, ayniqsa yadroviy qurollar va materiallarga qarshi chora ko'rishda.

Elchi Umarov orqali Qozog'iston prezidenti Nursulton Nazarboyev Obamani prezidentlikning ikkinchi muddati bilan qutlagan va uni Ostonaga taklif qilgan.

Qozog'iston Markaziy Osiyoda Amerikadan eng ko'p sarmoya olgan davlat, asosan neft sohasida.

Vashington nazarida bugun mintaqada Qozog'iston iqtisodiy jihatdan yetakchi davlat va Obama ma'muriyati u bilan har tomonlama sheriklikdan manfaatdor.

Yangi elchi e'tiborni xavfsizlik, energetika, savdo va sarmoya, qishloq xo'jaligi, ilm-fan va texnologiya sohalaridagi hamkorlikka qaratmoqchi. Madaniy aloqalarni mustahkamlash ham asosiy vazifalardan biri, deya bildiradi elchixona.

Kayrat Umarov ko'p yillik diplomatik tajribaga ega. 1994-1996-yillarda u Vashingtondagi elchixonada birinchi kotib, elchi maslahatchisi bo'lib xizmat qilgan.

Qozog'iston Tashqi ishlar vazirligining rivojlanishida katta rol o'ynagan Umarov 2004-2009-yillarda Hindiston va Shri-Lankada elchilik qilgan.

2013-yilga qadar esa Tashqi ishlar vazirining muovini edi. Bu lavozimda u boshqa davlatlar qatorida aynan AQSh bilan aloqalarga ham mas'ul bo'lgan.

2007-2012-yillar orasida Qozog'istonning Vashingtondagi elchisi Erlan Idrissov edi. Bugungi kunda u mamlakatning Tashqi ishlar vaziri.

Diplomatlar ikki davlat orasidagi aloqalarni mustahkam deb ataydi. Amerika siyosiy doiralarida Qozog'iston kuchli lobbichilarga ega. Vashingtondagi elchixona siyosiy va madaniy jihatdan faolligi bilan tanilgan.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Yangi musulmonlar - Amerika hayotidan/New Muslims in Americai
X
21.11.2014 22:57
Amerikada islom diniga kirayotganlarning aksariyati hozir ispanzabonlar. Lotin Amerikasidan kelgani uchun ularni latinolar deb atashadi. Hozir AQShda besh millionga yaqin musulmon bo'lsa, ularning olti foizi latinolar.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Fotogalereya

Fotogalereya Sterilizatsiya hind ayollarini o'ldirdi

Hindistonda tug'ishning oldini olish uchun o'tkazilgan jarrohlik amaliyotidan so'ng 13 ayol jon bergan. Aholi sonini nazorat qilishga urinayotgan hukumat sterilizatsiyaga zo'r bermoqda. Hibsga olingan jarrohning aytishicha, ayollarning o'limiga amaliyotdan keyin berilgan dorilar sabab bo'lgan.
Fotogalereya

Fotogalereya Vashingtonda global festival

Poytaxtdagi Vashington markazida (The Washington Center) Global fuqaro kuni bayram qilinib, o'nlab davlatdan talabalar madaniyati, taomlari, kuy-qo'shiqlarini namoyish qildi.

Interaktiv

SAYTGA KIRISHNING XAVFSIZ YO’LI