Payshanba, 24-iyul, 2014 Toshkent vaqti: 22:01

Amerika

Jon Kerri: Sekvestr AQSh tashqi siyosatiga zarar

AQSh Davlat kotibi Jon Kerri Virjiniya universitetida so'zlamoqda, Sharlotsvil, Virjiniya, 20-fevral, 2013-yil.
AQSh Davlat kotibi Jon Kerri Virjiniya universitetida so'zlamoqda, Sharlotsvil, Virjiniya, 20-fevral, 2013-yil.
Amerika Ovozi
AQSh Davlat kotibi Jon Kerrining aytishicha, agar 1-martdan avtomatik byudjet qisqartirishlari kuchga kirsa, Qo’shma Shtatlar tashqi siyosati va sarmoya qudrati zarar ko’radi. Oq uy va Kongress byudjet sarfiyatlari bo’yicha haligacha kelisha olmagan.

Jon Kerri Virjiniya universitetida talabalar oldida so’zladi. Bu uning davlat kotibi lavozimiga tayinlanganidan beri ilk chiqishidir. Kerrining aytishicha, tashqi moliyaviy yordam kesilsa, dunyoda barqarorlik va taraqqiyot uchun xizmat qilayotgan dasturlar zarar ko’radi, xorijiy kompaniyalar bilan raqobat qilayotgan AQSh firmalari zaiflashadi, ittifoqchi davlatlar zarur mablag’dan ayriladi.

"Tashqi yordam bu xayriya ham, havoga sovurilayotgan pul ham emas. Bu Amerikani kuchli, dunyoni esa erkin qilish uchun zarur sarmoyadir. Tashqi yordam hisobiga ittifoqchilarimiz oyoqqa turib, biz bilan umumiy manfaatlar yo’lida hamkorlik qiladi", - dedi davlat kotibi.

Kerrining aytishicha, agar Qo’shma Shtatlar bu ishni uddalay olmasa, bo’sh qolgan maydonga boshqalar keladi.

"Ayrimlar bu dasturlar davlatga qimmatga tushmoqda, avval byudjet muammolarimizni hal qilaylik, deyishi mumkin, albatta, ammo muammolar tugamaydi, kelajak tomon dadil qadam bilan yurishimiz kerak".

Byudjet o’tgan yil oxirigacha qabul qilinishi kerak edi, ammo prezident Obama va Kongressdagi respublikachilar til topisha olmagach, tomonlar mudofaa, ijtimoiy va boshqa dasturlar uchun pulni yana uch oyga kesmaslikka qaror qildi. Biroq keyingi uch oyda ham siyosatchilar byudjet kamomadini yopish bo’yicha murosaga kelmagan ko’rinadi.

Vakillar Palatasining spikeri, respublikachi Jon Beynerning aytishicha, prezident sekvestrning oldini olmoqchi bo’lsa, ya’ni sarfiyatlarning avtomatik qisqarishini istamasa, murosa qilishga majbur.

Vashingtondagi Jons Xopkins nomidagi universitet professori Rut Vejvudning aytishicha, sekvestr kuchga kirsa, ikkinchi muddatga kirishgan prezidentning obro’siga dog’ tushadi.

"Buning oqibatlari qanday bo’lishini aytish qiyin", - deydi u.

Ayrim hisoblarga ko’ra, sekvestr byudjetni 85 milliard dollardan ayirishi mumkin. 750 mingga yaqin odam ishini yo’qotishi aytilmoqda.

Tahlilchilar nazarida respublikachilar byudjet kamomadi sekvestr hisobiga qisqarishiga umid qilmoqda, lekin shu bilan birga bu iqtisodiy tanazzulni yanada kuchaytirishi mumkin. Bunday vaziyatda saylovchilar Kongressni boshqarayotgan ko’pchilikni, ya’ni respublikachilarni aybdor deb biladi. Bu esa Oq uyga qo’l keladi.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
G'azoda tinch aholi orasida qurbonlar oshmoqdai
X
24.07.2014 12:14
Uch haftadirki, Isroil G’azoga raketa yog’dirishda davom etmoqda. Falastinliklar orasida o’lganlar soni 600 dan oshgan. Aksariyati oddiy fuqarolar, ayollar va bolalar. Isroil tomondan esa qurbonlar 30 ga yaqinlashgan.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
  • Samolyotda halok bo'lgan yo'lovchilarning yaqinlari Tayvanning Pengu orolida tashkil etilgan motam marosimida, 24-iyul, 2014-yil.
  • Samolyotda halok bo'lgan yo'lovchilarning yaqinlari Tayvanning Pengu orolida tashkil etilgan motam marosimida yig'lamoqda, 24-iyul, 2014-yil.
     
  • Samolyotda halok bo'lgan yo'lovchilarning yaqinlari Tayvanning Pengu orolida motam marosimiga tayyorlanmoqda, 24-iyul, 2014-yil.
     
  • Qutqaruvchilar samolyot halokati o'rnini tekshirmoqda, Pengu oroli, Tayvan, 24-iyul, 2014-yil.
Fotogalereya

Fotogalereya Tayvanda samolyot qulashi oqibatida 48 kishi halok bo'ldi

"TransAsia" havo yo'llariga qarashli samolyot yomon ob-havo tufayli Tayvanda qulab tushgan. Samolyot bortidagi 48 kishi halok bo'lgan, 10 kishi yaralangan. Halokat yerida yana besh kishi jarohatlangani aytilmoqda.
Fotogalereya

Fotogalereya BMT Xavfsizlik kengashi G'azoda otishmani zudlik bilan to'xtatishga chaqirdi

BMT Xavfsizlik kengashi Isroil va XAMASni o'zaro otishmani zudlik bilan to'xtatishga chaqiruvchi qaror qabul qildi. G'azoda ikki haftadan beri davom etayotgan havo hujumlarida 500 dan ziyod falastinlik halok bo'lgan, Isroil tomonidan esa bir necha askar o'lgan.
Fotogalereya

Fotogalereya Kunning suratlari - 20-iyul, 2014-yil

Kunning muhim voqealari va dunyoning turli burchaklaridagi manzara suratlarda.
Fotogalereya

Fotogalereya O'zbekistonlik ustalar Santa Fe xalqaro festivalida

Amerikaning Nyu-Meksiko shtatidagi Santa-Fe shahrida har yili o’tadigan usta hunarmandlar festivali (Santa Fe International Folk Art Market) nufuzli davra hisoblanadi. Unga taklif qilingan chevar, kashtado’z yoki sozandaning ijodi so’zsiz tan olinadi. Qaysi davlatda bo’lmasin ularning mahsuloti darrov qo’lma qo’l bo’lib ketadi. Bu yilgi yarmarkada O’zbekistondan 25 kishi qatnashdi - eng katta jamoalardan biri. 11-13-iyul kunlari o’tgan tadbirda ustalar bir-biri bilan tanishdi, tajriba almashdi, mahsulotini sotdi, yangi xaridor va hamkorlar topdi va vatanga daromad bilan qaytdi. Bu esa, deydi hunarmandlar, yangi imkoniyatlarga yo’l ochadi. Yangi ish o’rinlari, ta’lim dasturlari, mustaqil faoliyat, erkin nafas va yurt taraqqiyoti uchun hissa degani bu.
Fotogalereya

Fotogalereya MH17 - Ukraina osmonida urib tushirilgan samolyot qoldiqlari va bugungi manzara

Ukraina hukumati Rossiyani ikki kun oldin Donetskda urib tushirilgan yo’lovchi samolyot qoldiqlari orasidan ashyoviy dalillarni yo’q qilishda separatistlarga yordam berayotganlikda ayblamoqda. Malayziya havo yo’llariga tegishli samolyot ichida 298 odam bo’lgan. Hammasi o’lgan. AQSh hukumatining tasdiqlashicha, samolyot yerdan nishonga olingan.
Fotogalereya

Fotogalereya Isroil piyoda kuchlari G'azoda hujumlarni davom ettirmoqda

8-iyulda boshlangan operatsiyada hozirgacha 300 dan oshiq falastinlik o’lgan. Uch kundirki, Isroil kuchlari G'azo sektorida yuzlab manzillarni o'qqa tutmoqda.
Fotogalereya

Fotogalereya Dunyo ahli Ukrainadagi fojeadan dahshatda, 295 odam halok bo'lgan

Yo'lovchilardan 173 nafari Niderlandiya, 44 kishi Avstraliya, 12 odam Indoneziya, shuningdek, Britaniya, Germaniya, Belgiya, Kanada, Yangi Zelandiya va Filippin fuqarolaridir. AQSh razvedka agentliklarining tasdiqlashicha, samolyot raketa bilan urib tushirilgan va aynan Ukraina sarhadidan turib nishonga olingan. Samolyot havoda portlagan. Ukraina qurolli kuchlari bunday vositaga ega emas, deydi Amerika rasmiylari. Gumon shuki, samolyotni o'qqa olganlar - rusparast bo'lginchilar.
Fotogalereya

Fotogalereya AQShga noqonuniy kirib kelayotgan muhojir bolalar

AQShning janubiy chegaralarida noqonuniy muhojirlar muammosi gumanitar inqiroz sifatida baholanmoqda. Chegarani kesib o'tganlar orasida 50 mingdan ortiq voyaga yetmagan bola bor. Ular mahalliy va federal hukumat uchun yangi muammolarni keltirib chiqarmoqda.
Fotogalereya

Fotogalereya Ukrainada Malayziya samolyoti quladi

Boeing-777 samolyoti 280 yo'lovchi va 15 ekipaj a'zolari bilan Amsterdamdan Kuala Lumpurga uchayotgan bo'lgan. Ukraina hukumati va isyonchilar bir-birini ayblamoqda.

Interaktiv

SAYTGA KIRISHNING XAVFSIZ YO’LI