Juma, 31-oktyabr, 2014 Toshkent vaqti: 09:47

Amerika

Jon Kerri: Huquq himoyasi, diplomatlar xavfsizligi ustuvor vazifalar

Yangi Davlat kotibi/John Kerry - New Secretary of State i
X
11.02.2013 06:55
Jon Kerri AQSh bosh diplomati vazifasiga kirishdi. Xizmatning birinchi kunida u jahonda inson huquqlarini himoya qilish zaruratini eslatdi. Shuningdek, u dunyoning turli burchaklarida ishlayotgan AQSh diplomatlari xavfsizligini ta’minlashga va’da berdi.

Yangi Davlat kotibi/John Kerry - New Secretary of State

Amerika Ovozi
AQSh yangi Davlat kotibi Jon Kerri kechadan boshlab vazifasiga kirishdi. Xizmatning birinchi kunida u jahonda inson huquqlarini himoya qilish zaruratini eslatdi.
Kerri: Huquq, diplomatlar xavfsizligi ustuvor vazifalar
Jon Kerri: Huquq himoyasi, diplomatlar xavfsizligi ustuvor vazifalari
|| 0:00:00
...
 
🔇
X

Kerri dunyoning turli burchaklarida ishlayotgan AQSh diplomatlari xavfsizligini ta’minlashga va’da berdi. 

An’anaga ko’ra yangi davlat kotibi lavozimiga kirishgan kuniyoq vazirlik xodimlari bilan uchrashdi. Jon Kerri prezident Obamaning dunyo xavfsizligini ta’minlash rejasiga amal qilishga so’z berdi.
 
“Prezident sizning madadingiz bilan yuritayotgan bu siyosat, shubhasiz, Amerikaning sha’ni va xalqaro sahnadagi mavqeini qayta tikladi. Bir necha yillik mehnat mahsulini ko’rib turibmiz”, - deydi Jon Kerri.
 
Uning nazarida bu martabaning foydasi, savobi ko’p.
 
“Jahonda tinchlik qaror topishiga xizmat qilishimiz mumkin. Urushlar, mojarolar kammi bugun? Ziddiyatni qon to’kmay hal qilish mumkin-ku. Shu kuchimizni xalqlarni kambag’allikdan xalos etishga, kasalliklarni davolashga, inson huquqlari va so’z erkinligini himoya qilishga sarflasak bo’ladi-ku”, - deya mulohaza yuritdi diplomat.
 
Barak Obama prezidentlikning birinchi muddatida inson huquqlari, ayniqsa, xotin-qizlar huquqlarini ustuvor yo’nalish deb belgiladi. “Human Rights Watch” tashkiloti rasmiysi Sara Margon fikricha, Qo’shma Shtatlar ko’p narsaga qodir.
 
“Inson huquqlari kabi qadriyatlarni himoya qilishda dadilroq, samaraliroq harakat qilish mumkin. Umid qilamanki, Obama ma’muriyati kelasi to’rt yildan unumli foydalanib, haq-huquq masalasiga ko’proq diqqat qaratadi”, - deydi “Human Rights Watch” rasmiysi.
 
Jon Kerri yangi lavozimda Isroil prezidenti Shimon Perez va Bosh vaziri Benyamin Netanyaxu, Falastin prezidenti Mahmud Abbos bilan telefonlashdi. Isroil va Falastin o’rtasida totuvlikni ta’minlash – oldimizda turgan dolzarb vazifalardan, dedi Kerri.
 
Kerri Yaponiya va Janubiy Koreya tashqi ishlar vazirlari bilan ham telefon orqali gaplashdi. Diplomatning aytishicha, Shimoliy Koreya raketa sinovlarini bas qilmasa, jazo bilan yuzlashishi muqarrar.
 
Davlat departamentida so’zlagan Jon Kerri o’tgan yili Liviyaning Bing’ozi shahrida AQSh vakolatxonasiga hujumda halok bo’lgan safdoshlarni esladi.
 
“Kasbimiz xavf-xatar bilan bog’liq ekani sir emas. Xizmat paytida jon bergan hamkasblar Kris Stivens, Glen Dogerti, Tayron Vuds va Shon Smit xotiramizda abadiy qoladi”, - dedi Kerri.
 
Vashingtondagi Kato tahlil instituti olimi Malu Innosent Liviya muammosi hali hal bo’lganicha yo’q, deydi.

“Davlatni oyoqqa turg’izish bilan xalqni, millatni oyoqqa turg’izish o’rtasida farq katta. Liviyada jamiyat o’zligi, fuqaro ongi haqida gap ketayapti hozir. Sobiq rahbar Muammar Qaddafiy necha yil boshqardi bu xalqni? “Bo’lib, hukmronlik qil” shiori ostida davlatni yillar davomida boshqardi. Urushdan keyingi Liviyani hali ko’p sinovlar kutayapti”, - deydi ekspert.
 
Jon Kerridan avval davlat kotibi vazifasini ketma-ket ikki ayol bajargan – Xillari Klinton va Kondoliza Rays.

Klinton nimani epladi? Clinton Legacyi
X
11.02.2013 23:49
Xillari Klinton o’tgan hafta AQSh Davlat kotibi lavozimini Jon Kerriga topshirdi. Klinton xonim o’tgan to’rt yil ichida bosh diplomatlik qildi. Siyosatga qadam qo’yishidan avval u mohir advokat bo’lgan. Turmush o’rtog’i Bill Klinton Arkanzas shtati gubernatori etib saylangach, bu ayol karyerasini chetga surib, siyosatga sho’ngiydi. 1992-2000 yillar orasida, Bill Klinton prezidentlik qilgan davrda, Xillari Klinton dunyo kezib, xalqaro masalalarni izchil o’rgandi. 2000-yilda Nyu-York shtatidan Senatga saylandi. 2008-yilda esa prezidentlik uchun harakat qildi va shiddatli kurashda bu imkoniyatni Barak Obamaga boy berdi. 2009-yilda Obama prezidentlikni boshlar ekan, Xillari Klintondan tashqi ishlar vaziri, davlat kotibi, bo’lishni so’radi. O’tgan to’rt yil ichida u AQSh tashqi siyosatini yuritishdek murakkab bir vazifani bajardi.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Quyosh energiyasi - Solar poweri
X
30.10.2014 22:03
Amerikada muqobil energiya manbalaridan foydalanishga o'tayotganlar ko'p. Xususiy kompaniyalardan tortib universitetlargacha, qolaversa oddiy fuqarolar.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
  • Qizil ko'knor ko'rgazmasi, London

  • Amerika saylovlar arafasida

  • Afina, Gretsiya... Harbiy mashqlar

  • Turkiya-Suriya chegarasi

  • Filippin

  • Jamna daryosi bo'yida, Hindiston

  • Fransiya

  • Kanzas shahri, Missuri

  • Los Angeles, Kaliforniya

Fotogalereya

Fotogalereya Peshmerga kuchlari Kobaniga yetib keldi

Iroq Kurdistonidan peshmerga jangchilarining bir qismi Suriyaning Kobani shahriga yetib borgan. Ular "Islomiy davlat" jangari guruhiga qarshi kurashda mahalliy kurdlar va xalqaro koalitsiyaga yordam beradi.
Fotogalereya

Fotogalereya Gavayi vulqoni aholi turar joylariga yetib keldi

Gavayida otilib chiqqan vulqon lavalari bir necha hafta o'tib Paxoa shaharchasiga yetib keldi. Sekin harakatlanayotgan lava "daryosi" yo'lda uchragan har qanday narsani kuydirib kulga aylantirmoqda. Shaharcha aholisi xavfsiz joyga evakuatsiya qilingan.
Fotogalereya

Fotogalereya Ebolaga qarshi global kurash

Dunyo bo'ylab Ebolaga qarshi kurash choralari kuchaytirilmoqda. Eboladan ogohlik oyligi doirasida turli mamlakatlarda xavfli kasallikka qarshi tayyorgarlik mashg'ulotlari o'tkazilmoqda.
Fotogalereya

Fotogalereya Afg'onistondagi missiya nihoyasiga yetayapti

Afg'onistonning Hilmand viloyatidagi yirik harbiy baza mahalliy armiya nazoratiga o'tdi. AQSh va Britaniya qo'shinlari missiyani yakunlab, o'lkani tark etishga hozirlik ko'rmoqda. 2015-yilda Afg'onistonda 12 ming xorijiy askar qoladi.
Fotogalereya

Fotogalereya Suriya va Iroq

G'arb qo'llab-quvvatlovini olgan kurd jangchilari Turkiya orqali Suriyaga 1300 safdoshini jo'natishga hozirlik ko'rayapti. Iroqda va Suriyada janglar davom etmoqda.
Fotogalereya

Fotogalereya Turkiya kurdlari qo'shni davlatdagi urushda o'lgan elatdoshlariga motam tutmoqda

Suriyaning Kobani shahri bir necha kundan beri jang maydoni. "Islomiy davlat" bilan qonli urush ketmoqda.
Fotogalereya

Fotogalereya Kanada parlamentida otishma, Ottavadan suratlar

Kanada poytaxtida urush qahramonlariga qo'yilgan yodgorlik oldida turgan askar otib ketilgan. Bu inshoot yaqinidagi parlament binosi ham xavf ostida degan ogohlantirishdan keyin evakuatsiya ishlari boshlangan. Harbiy soqchini nishonga olgan shaxs parlament tomon qochdi, deydi guvohlar. Imoratdan o'q ovozlari eshitilgan. Askarni otgan odam politsiya o'qidan o'lgan. Yaralangan askar ham kasalxonada jon bergan.
Fotogalereya

Fotogalereya Joko Vidodo, Indoneziya prezidenti qasamyod keltirdi

Indoneziyaning yangi rahbari, armiya yoki siyosiy elitaga aloqasi bo'lmagan, oddiy xalqdan chiqqan Joko Vidodo qasamyod keltirdi. 53 yoshli arbobni fuqaro Jokovi deb biladi, o'tmishda uy jihozlari sotib kun ko'rgan. Jakarta meri lavozimida islohotchi sifatida tanilgan.

Interaktiv

SAYTGA KIRISHNING XAVFSIZ YO’LI