AQSh yangi Davlat kotibi Jon Kerri ilk xorijiy safarga otlanmdi. Bugun u Britaniyada bo'ladi. Kerri 11 kun davomida to’qqiz mamlakatni aylanadi.
Davlat departamentiga ko’ra, safari chog’ida AQSh rasmiysi Suriyadagi vaziyat xususida gaplashadi, Suriya muxolifati rahbarlari bilan uchrashuv rejalangan.
Londondan so’ng Kerri Germaniya, so’ng Fransiyaga borib, bu davlatning Malida barqarorlikni tiklashga qaratilgan harakatlari va AQShning bu boradagi ko’magini muhokama qiladi.
Kerri Italiya, Gretsiya va Misrda ham bo’lib, Qohirada davlat kotibi Arab Ligasi rahbariyati bilan muloqot qiladi. So’ng AQSh rasmiysi Saudiya Arabistoni, Birlashgan Arab Amirliklari va Qatarga ham safar qiladi.