Shanba, 01-noyabr, 2014 Toshkent vaqti: 08:10

Markaziy Osiyo

Qirg'iziston parlamenti raisi: Xalqqa xizmat qilishni o'rganayapmiz

Asilbek Jeenbekov, Qirg'iziston parlamenti raisi
Asilbek Jeenbekov, Qirg'iziston parlamenti raisi
Qirg’iziston parlamenti, Jogorku Kenesh raisi Asilbek Jeenbekov (Асылбек Жээнбеков) boshchiligidagi delegatsiya Vashingtonga safar qilib, AQSh qonunchilari va Markaziy Osiyo bilan aloqalarga mas’ul rasmiylar bilan muloqot qildi.




Kongress kutubxonasida atoqli yozuvchi, jahon adabiyotiga ulkan hissa qo’shgan Chingiz Aytmatovning byusti qo’yildi.

Asilbek Jeenbekov tahlilchilar va jurnalistlar bilan yuzma-yuz suhbatlashib, yurtidagi vaziyatni muhokama qildi.

21-sentabr kuni Qirg’iziston parlamenti raisi AQSh Demokratiya Instituti va Jorj Vashington Universitetida so’zladi. Auditoriyada asosan ekspertlar, diplomatlar, matbuot xodimlari va mintaqani o’rganayotgan yoshlar. Vashingtonga kelgan har bir siyosiy mehmonni odatda shular qarshilaydi.
 
Qirg’iziston xalqi erkinlikni sevadi, yangilikka intiladi, to’siqlarga toqati yo’q, deydi Jeenbekov.
 
“Ko’p liderlarni ko’rdik – yulg’ich, yeb to’ymas, vijdonsiz va mas’ulyatsiz. Ular davlatni va xalqning mulkini yemirdi... Oshkoralik va farovonlik tomon yetaklamadi. Na iqtisod, na jamiyat olg’a siljidi. Boyligimiz rohatini rahbarlarimiz va ularning oilalari ko’rdi. Xalq qayta-qayta bosh ko’tardi... Qon to’kildi, ulkan zarar ko’rildi. Ikki inqilobni boshdan kechirib endigina qaddimizni rostlayotgan edik, janub xunrezlik maydoniga aylandi. Azaldan bir zaminda yashab kelgan ikki elat, qirg’iz va o’zbek, orasiga nifoq solishdi. Uni tekshirgan xalqaro va mahalliy komissiyalar bu fojia ortida yovuz kuchlar turganini isbotladi... Bu siyosiy maqsadlarni ko’zlagan hujum, ektremistlar, qoradori savdogarlari va ajnabiy kuchlardan iborat guruh ishi ekani ayon bo’ldi. Begunoh insonlar o’lib ketdi. Farg’ona vodiysi - Markaziy Osiyo yuragi. Bu yerni beqarorlashtirish butun mintaqani tahlikaga soladi, hiylakorlar buni yaxshi bilgan. Elatlarimiz ham buni tushunadi, ayb oddiy odamlarda emas”, - deya so’zlaydi Asilbek Jeenbekov.
 
Spiker deydiki, adolatni ta’minlash davlat oldidagi asosiy vazifa. Jinoyatchilar qonun oldida javob berishi kerak. Lekin bu juda murakkab ish, deydi Jeenbekov.
 
Asli O’shdan bo’lgan sotsial-demokrat Qirg’iziston shimol va janubga bo’linib qolgani, millatchilik avj olgani, odamlar hamon qo’rqinchda yashayotgani va inson huquqlari muntazam ravishda buzilayotganini ochiq tan oladi. 
 
Huquq-tartibot, adliya va xavfsizlik tizimlari korrupsiyaga botgan, chirigan tizimlar. Ularni tubdan yangilash, mas’uliyatli organlarga aylantirish kerak. Bu esa katta mablag’, ilm va malaka, uzoq vaqt talab qiladi, deydi u.
 

Parlament boshqaruviga asoslangan yangi tuzumni rivojlantirish uchun birinchi navbatda korrupsiya ildiziga bolta urish kerak, deydi Jeenbekov. Lekin jamiyatning har bir jabhasini qamrab olgan, tirikchilikka aylangan yulg’ichlikdan qutulish osonmi? Mamlakat iqtisodiyoti ba’goyat zaif, sanoatlar rivojlanmagan, infrastruktura xarob. Jokorgu Kenesh Almazbek Atambayev boshliq hukumatning har bir qadamini kuzatib turibdi va asosiy e’tiborni iqtisodga ber deya undamoqda, deydi spiker.
 
Qirg’iziston uchun Rossiya, Xitoy va Amerika hamda qo’shni davlatlar bilan har tomonlama hamkorlik suv va havodek zarur, deydi spiker. 

Tashqi siyosat faqat chet el harbiy bazalariga bog’liq deb o’ylash noto’g’ri, deydi u.

Rossiya harbiy inshooti mamlakatda uzoq vaqt qoladi. Amerika havo tranzit markazi kelajakda tijoriy ko’rinishga ega bo’lishini istaymiz, deydi Jeenbekov.

Xitoy bilan savdo-sotiq tirikchilikni tebratmoqda. Qozog’iston, O’zbekiston va Tojikiston bilan siyosiy-iqtisodiy aloqalarni kuchaytirib, barcha sohalarda birga ishlashni istaymiz, deydi spiker.

Suvga boy Qirg’iziston kelajakda 90 ta kichik gidroelektrostansiya qurmoqchi. Qo’shnilarni hamkorlikka undamoqda. Markaziy Osiyo iqtisodiy jihatdan birdam bo’lishini istaymiz, deydi Jeenbekov.
 
Amerika siyosatdonlari bilan uchrashar ekan, Qirg’iziston parlamenti raisi “har jihatdan rivojlanishga moyil davlatmiz” deydi.

“Siyosiy va iqtisodiy taraqqiyot bobida AQShdan o’rnak olamiz”, - deya qo’shadi u.

Chingiz Aytmatov byusti, Kongress kutubxonasiChingiz Aytmatov byusti, Kongress kutubxonasi
x
Chingiz Aytmatov byusti, Kongress kutubxonasi
Chingiz Aytmatov byusti, Kongress kutubxonasi
Respublikada hukumat yaqinda yana yangilandi. Bishkek siyosiy jihatdan beqaror degan xavotirlarga Jeenbekov “hammasi joyida” deb javob beradi.

Siyosatchilar tortishayotgani, bir-biriga ta’na toshlari otayotgani rost, deydi u, bu hech qachon to’xtamasa kerak.

Lekin, deya ta’kidlaydi spiker, siyosat bu xalqqa xizmat qilish ekanini ham o’rganishayapti. Qirg’izistonda bu burchni ado eta olmaganning kuni bitadi.​

Qirg'iziston parlamenti raisi Vashingtonda/Navbahor Imamova
Qirg'iziston parlamenti raisi Vashingtonda/Navbahor Imamovai
|| 0:00:00
...
 
🔇
X
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Otalar uyda, bola boqadi; onalar ishda - Today's dadsi
X
31.10.2014 22:03
Bugun ko'plab erkaklar uyda bola tarbiyasi bilan band, onalar esa ishlab pul topadi. Buning nimasi yomon, deya so'raydi "Amerika Ovozi" bilan gaplashgan amerikaliklar.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Fotogalereya

Fotogalereya Quddus: arab va yahudiylar orasida to'qnashuvlar

Quddusdagi al-Aqsa masjidi bugun qisman ochiq. Isroil politsiyasi chorshanba kuni inshootni butunlay yopib qo'ygach, Falastin ma'muriyati buni urush e'lon qilishga qiyoslagan edi. Hududda hafta boshida ro'y bergan otishmada avval isroillik ruhoniy jarohatlangan; ketidan politsiya falastinlik bir shaxsni otib o'ldirgan edi. To'polon ko'tarilmasligi uchun musulmon va yahudiylar uchun muqaddas sanalgan masjid va uning atrofini vaqtincha to'sib qo'ydik, deydi Isroil huquq-tartibot xodimlari. 50 yoshgacha bo'lgan erkaklar hududga hamon yo'latilmayapti. G'azoda hukmron HAMAS va Isroil o'rtasida shu yil ro'y bergan ikki oylik urush ortidan yahudiy va falastinliklar munosabati hanuz tarang. Ixtilof 21 mingdan ziyod odam, asosan, g'azolik tinch aholini hayotdan olib ketgan edi.
Fotogalereya

Fotogalereya Burkina Fasoda xalq isyon ko'tardi, prezident ishdan ketdi

G'arbiy Afrikadagi davlat, Burkina Fasoda prezident Bleyz Kompraore 27 yillik boshqaruvdan keyin ishdan ketdi. Mamlakatda o'n minglab odamlar namoyishga chiqib, rahbarning iste'fosini talab qilayotgan edi. Chiqishlar qonli tus olgach, kecha armiya parlamentni tarqatib yuborib, muvaffaq hukumat tuzilishini ma'lum qilgan. 1987-yildan beri Burkina Fasoni boshqarayotgan Kompraore sal oldin parlamentda yangi qonunni olg'a surib, hokimiyatda uzoqroq qolishni ko'zlayotgan edi. Omma bundan norozi bo'lib isyon ko'targan. Sobiq rahbar hozir qayerda ekani, o'rniga kim tayinlanishi hali ma'lum emas. Ayrim manbalarda general Luame Loug vaqtli hukumatga bosh bo'lishi mumkin deyilmoqda. Kecha, payshanba kuni poytaxt Uagaduguda odamlar parlamentga o't qo'yib, boshqa davlat idoralariga bostirib kirgan. Politsiyaning aytishicha, o'lganlar va yaradorlar bor. Xalqni tinchlantirish uchun rasmiylar parlamentda olg'a surilgan konstitutsion o'zgarishlarni va bir necha soat oldin e'lon qilingan favqulodda holatni bekor qildi. Birlashgan Millatlar Tashkiloti Bosh kotibi Pan Gi Mun G'arbiy Afrikadagi bu davlatda vaziyatni xavotir bilan kuzatayapmiz, deydi. Bosh kotib tomonlarni tinchlanishga va zo'ravonlikdan tiyilishga chaqirmoqda.
Fotogalereya

Fotogalereya Peshmerga kuchlari Kobaniga yetib keldi

Iroq Kurdistonidan peshmerga jangchilarining bir qismi Suriyaning Kobani shahriga yetib borgan. Ular "Islomiy davlat" jangari guruhiga qarshi kurashda mahalliy kurdlar va xalqaro koalitsiyaga yordam beradi.
Fotogalereya

Fotogalereya Gavayi vulqoni aholi turar joylariga yetib keldi

Gavayida otilib chiqqan vulqon lavalari bir necha hafta o'tib Paxoa shaharchasiga yetib keldi. Sekin harakatlanayotgan lava "daryosi" yo'lda uchragan har qanday narsani kuydirib kulga aylantirmoqda. Shaharcha aholisi xavfsiz joyga evakuatsiya qilingan.
Fotogalereya

Fotogalereya Ebolaga qarshi global kurash

Dunyo bo'ylab Ebolaga qarshi kurash choralari kuchaytirilmoqda. Eboladan ogohlik oyligi doirasida turli mamlakatlarda xavfli kasallikka qarshi tayyorgarlik mashg'ulotlari o'tkazilmoqda.
Fotogalereya

Fotogalereya Afg'onistondagi missiya nihoyasiga yetayapti

Afg'onistonning Hilmand viloyatidagi yirik harbiy baza mahalliy armiya nazoratiga o'tdi. AQSh va Britaniya qo'shinlari missiyani yakunlab, o'lkani tark etishga hozirlik ko'rmoqda. 2015-yilda Afg'onistonda 12 ming xorijiy askar qoladi.
Fotogalereya

Fotogalereya Suriya va Iroq

G'arb qo'llab-quvvatlovini olgan kurd jangchilari Turkiya orqali Suriyaga 1300 safdoshini jo'natishga hozirlik ko'rayapti. Iroqda va Suriyada janglar davom etmoqda.
Fotogalereya

Fotogalereya Turkiya kurdlari qo'shni davlatdagi urushda o'lgan elatdoshlariga motam tutmoqda

Suriyaning Kobani shahri bir necha kundan beri jang maydoni. "Islomiy davlat" bilan qonli urush ketmoqda.
Fotogalereya

Fotogalereya Kanada parlamentida otishma, Ottavadan suratlar

Kanada poytaxtida urush qahramonlariga qo'yilgan yodgorlik oldida turgan askar otib ketilgan. Bu inshoot yaqinidagi parlament binosi ham xavf ostida degan ogohlantirishdan keyin evakuatsiya ishlari boshlangan. Harbiy soqchini nishonga olgan shaxs parlament tomon qochdi, deydi guvohlar. Imoratdan o'q ovozlari eshitilgan. Askarni otgan odam politsiya o'qidan o'lgan. Yaralangan askar ham kasalxonada jon bergan.

Interaktiv

SAYTGA KIRISHNING XAVFSIZ YO’LI