Payshanba, 02-oktyabr, 2014 Toshkent vaqti: 13:24

AQSh-Markaziy Osiyo

Qirg'iziston-Amerika: “Manas” kelajagi va Afg’onistondagi loyihalar

AQSh Davlat kotibining Janubiy va Markaziy Osiyo masalalari bo’yicha muovini Robert Bleyk Qirg’izistonga tashrif buyurdi. Rahbariyat bilan uchrashuvlarda o’zaro munosabatlar, siyosiy, iqtisodiy, madaniy va xavfsizlik sohalarida hamkorlikni rivojlantirish xususida gaplashilgan.

AQSh-Qirg'iziston/Ulug'bek Sokin
AQSh-Qirg'iziston/Ulug'bek Sokini
|| 0:00:00
...
 
🔇
X

Qirg’iziston prezidenti Almazbek Atambayev Bleyk bilan uchrashuv paytida kelasi yil “Manas” aeroportidagi tranzit yuk tashish markazi haqidagi bitimning muddati tugashini eslatib o’tdi.

Qirg’iziston rahbari 2014-yildan so’ng zikr qilingan havo portida harbiy yo’nalish bo’lmasligi lozimligini ta’kidladi. Ushbu xabar mahalliy axborot vositalarining asosiy mavzularidan biri bo’layotir.

Mahalliy tahlilchi, xavfsizlik masalalari bo’yicha mutaxassis Imomberdi Jalilov deydiki:

“2014-yilda Afg’onistondan Amerika bosh bo’lgan harbiy koalitsiya kuchlari chiqariladigan bo’lsa, “Manas” aeroportidagi harbiy baza o’z ahamiyatini yo’qotadi. Ayni paytda dunyoda iqtisodiy aloqalar rivojlanayotgan bir vaqtda, logistika nuqtai-nazardan, ushbu manzil katta imkoniyatlarga ega. Ikkinchidan, bir o’lkada ikki tarafning harbiy bazalari joy olishi mantiqqa to’g’ri kelmaydi, deb o’ylayman. Qolaversa, Qirg’iziston Kollektiv Xavfsizlik shartnomasi tashkiloti a’zosi. Ushbu tashkilot nizomi esa xorijiy bazalarning qay bir mamlakat hududida joylashishi uchun tashkilotning barcha a’zolari roziligi zarurligini taqozo qiladi”.

Prezident Atambayev va Bosh vazir Satibaldiyev janob Amerika diplomati bilan uchrashuvlar paytida iqtisodiy aloqalarni rivojlantirish masalalariga to’xtaldi.

Bosh vazir janoblari Amerika tomonini Qirg’iziston iqtisodiyotiga sarmoyalar kiritishga chorladi. Rasmiy ma’lumotlarga binoan, hozirda o’zaro savdo ko’lami katta emas.

Tahlilchi Imomberdi Jalilov fikricha, tomonlar, jumladan, Afg’oniston iqtisodiyotini tiklash bo’yicha qator yirik loyihalarda hamkorlik qilishi mumkin.

“Ushbu loyihalarni amalga oshirishda asosiy rolni Amerika o’ynaydi. Qirg’iziston bu yo’nalishda Amerika biznesi bilan hamkorlik qilish imkoniyatiga ega. Tashqi sarmoyalarga kelsak, Qirg’izistonda barqarorlik hukm sursa, demokratik taraqqiyot ta’minlansa, inflyatsiya ko’lami pasaytirilsa, sarmoyalar himoya qilinsa, Amerika ishbilarmonlari o’z pullarini qirg’iz iqtisodiyotiga kiritishi tabiiy hol bo’ladi”, - deydi suhbatdosh.

AQSh diplomati Robert Bleyk Qirg'iziston rahbariyatidan mamlakatda millatlararo totuvlikni va etnik hamjihatlikni ta'minlashga alohida diqqat qaratishni so'ragan. 2010-yilgi qonli voqealar yuzasidan adolat ta'minlanishi zarur, deydi mehmon.

Bishkekdagi muzokaralar davomida AQSh tomoni CASA-1000 loyihasini qo’llashini bildirgan. Ushbu loyiha Qirg’iziston va Tojikiston elektrostansiyalari ishlab chiqargan quvvatning bir qismini Afg’oniston va Pokistonga uzatishni ko’zda tutadi.

Mahalliy kuzatuvchilarning aytishicha, AQSh Davlat departamenti vakilining Markaziy Osiyoga tez-tez tashrif buyurishi ayrim yirik davlatlar, jumladan, Rossiya matbuotida turli sharh va ma’lum tashvishlarga sabab bo’lmoqda.

Ayni paytda aksar qirg’izistonlik suhbatdoshlar bunday safarlar va muzokaralarni tabiiy diplomatik jarayon, deb baholaydi.

AQSh-Markaziy Osiyo-Afg'oniston/US-Central Asia-Afghanistani
X
22.01.2013 22:14
AQShning Janubiy va Markaziy Osiyo bo'yicha bosh diplomati Robert Bleyk o'tgan hafta Qirg'iziston va Turkmanistonda bo'ldi. Mintaqa taraqqiyoti va xavfsizligidan Amerika cheksiz manfaatdor, deydi u. Ashgabat va Bishkekdagi uchrashuvlarda asosan Afg'onistondan keyingi maqsadlar haqida gap ketdi.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
AQSh: oziq-ovqat va tirikchilik US/Food Aidi
X
01.10.2014 21:37
AQSh Qishloq xo’jaligi vazirligining xulosa qilishicha, otgan yili 17 million odam, ya’ni har yetti amerikalikdan biri to’yib ovqat yemagan. 2008-yildan buyon bu raqam o’zgarmay keladi. Moliyaviy inqiroz tugab, iqtisodiy o’sish kuzatilayotganiga qaramay, Amerikada kambag’allar kamaymayapti.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
  • Ashraf G'ani( markazda) prezidentlikni qabul qilib olish marosimiga kelmoqda, 29-sentabr, 2014-yil.

  • Prezident Ashraf G'ani Kobuldagi Amani maktabiga tashrif buyurdi, 30-sentabr, 2014-yil.

  • Prezident Ashraf G'ani Kobuldagi Amani maktabiga tashrif buyurdi, 30-sentabr, 2014-yil.

  • Prezident Ashraf G'ani Kobuldagi Amani maktabiga tashrif buyurdi, 30-sentabr, 2014-yil.

  • Abdulla Abdulla bosh vazirlik lavozimini qabul qilib olish uchun tantanali marosimga tashrif buyurmoqda, 29-sentabr, 2014-yil.

  • Sobiq prezident Hamid Karzay o'z lavozimini Ashraf G'aniga topshirish uchun tantanali marosimga tashrif buyurmoqda, 29-sentabr, 2014-yil.

  • Ashraf G'ani (chapda) prezident sifatida qasamyod keltirmoqda, 29-sentabr, 2014-yil.

  • Prezident sifatida qasamyod keltirgan Ashraf G'ani Afg'oniston Oliy sudi raisi Abdul Salom Azimiy bilan qo'l berib ko'rishmoqda, 29-sentabr, 2014-yil.

Fotogalereya

Fotogalereya Ashraf G'ani - Afg'onistonning yangi prezidenti

Uzoq davom etgan saylov mashmashasidan so'ng Ashraf G'ani Afg'onistonning yangi prezidenti deb e'lon qilindi. Saylovda unga qarshi kurash olib borgan Abdulla Abdulla, o'zaro siyosiy kelishuvdan so'ng, yangi hukumatning bosh vaziri etib tayinlandi. Yangi hukumat ishga tushishi bilan Hamid Karzay davrida AQSh bilan tuzilgan xavfsizlik bitimini imzoladi.
Fotogalereya

Fotogalereya Gonkongda norozilik namoyishlari

Gonkong politsiyasi ko'zdan yosh oqizuvchi gaz qo'llab, namoyishchilarni tarqatishga urinishiga qaramay, aholi ko'chalarni tark etmayapti. Ular Pekinning siyosiy islohotni cheklashga qaratilgan choralaridan norozi.
Fotogalereya

Fotogalereya Ebola epidemiyasi suratlarda

Ebola epidemiyasi kengayishda davom etmoqda. BMT Bosh Assambleyasi yig'inida ham shu mavzuga alohida e'tibor qaratildi.
Fotogalereya

Fotogalereya Varshava, Polsha: O'zbekistonda inson huquqlari va siyosiy mahbuslar

Nyu-Yorkda asoslangan xalqaro tashkilot, inson huquqlari bo'yicha "Human Rights Watch" (HRW) o'zining 121 betlik yangi hisobotida tahlil qilishicha, O’zbekiston inson huquqlari keng ko’lamda poymol etiladigan davlat; so'z va fikr erkinligi faqat qog'ozda; bu huquqlarni amalda qo'llash - qamoq va qiynoq tomon yo'l. Tahlilnoma Varshavada e'lon qilindi. Yevropada Xavfsizlik va Hamkorlik Tashkiloti u yerda inson huquqlari bo'yicha yillik majlisini o'tkazmoqda. Unda O'zbekistonning taniqli huquq himoyachilari Vasila Inoyatova va Mo'tabar Tojiboyeva singari faollar so'zga chiqqan va qamoqxonalardagi vaziyat haqida tanqidiy hisobotlar bergan. Konferensiya doirasida siyosiy mahbuslarning ozod etilishiga chaqiruvchi namoyishlar ham o'tmoqda.
Fotogalereya

Fotogalereya Minglab odamlar iqlim himoyasiga otlandi

Yakshanba kuni minglab odamlar namoyishga chiqib, siyosat ahlini iqlimdagi salbiy o'zgarishlarga qarshi dadilroq harakat qilishga chaqirdi.
Fotogalereya

Fotogalereya O'n minglab suriyaliklar Turkiyaga qochayapti

Suriyada "Islomiy davlat" jangari guruhining hamlasi ketidan o'n minglab kurdlar Turkiyaga qochayapti. Anqara qochqinlarni kiritish uchun 19-sentabrda Suriya bilan chegarani ochgan. Hozirning o'zida Turkiyada Suriyadagi urushdan bosh olib ketgan yuz minglab suriyalik jon saqlamoqda.
Fotogalereya

Fotogalereya Jalol-Obod, Arslonbob va O'zgan

Jalol-Obod viloyati bo'ylab sayohat... Shahardan Suzoq qishlog'i tomon boramiz. So'ngra Arslonbob to'glariga chiqamiz va sharsharalar tagida dam olamiz. Qishloqlarni kezamiz. Jamoatchilik bilan muloqotda bo'lamiz. Bozorlar, ko'chalar va hayot. Qirg'iziston janubida shu yilning avgustida olingan suratlarni tomosha qiling. Tafsilotlar mana bu blogda: http://blogs.voanews.com/uzbek/yoshlariston/2014/09/20/jalol-obod-arslonbob-va-ozgandagi-bebaho-lahzalar/
Fotogalereya

Fotogalereya "Islomiy davlat"ga qarshi kurash

Iroq va Suriyadagi "Islomiy davlat" jangarilariga qarshi xalqaro koalitsiya tuzish jarayoni davom etmoqda. Ko'plab davlatlar o'q-dori va qurollar yetkazish, shuningdek, Iroq va kurd askarlarini harbiy tayyorgarlikdan o'tkazish ishlarida yordam berishga va'da berdi.

Interaktiv

SAYTGA KIRISHNING XAVFSIZ YO’LI