Juma, 31-oktyabr, 2014 Toshkent vaqti: 20:38

Markaziy Osiyo

Qirg’izistonda yangi gidro-loyihalar ishga tushmoqda

Multimedia

Audio
Qirg’izistonda yaqinda ma’qullangan dastur doirasida qator yirik suv inshootlari qurish va eski kanallarni zamon talablari asosida yangilash ishlari boshlangan. 
Qirg'izistonda yangi suv inshootlari/Ulug'bek Sokin
Qirg'izistonda yangi suv inshootlari/Ulug'bek Sokini
|| 0:00:00
...
 
🔇
X

Ushbu proyektlar minglab gektar yerni o’zlashtirish, suvdan ayab foydalanish va hosildorlikni oshirishni ko’zlaydi, deydi mutasaddilar.

Botken viloyatining qo’riq Burgandi vohasida qurilayotgan kanal yil oxirigacha ishga tushishi kerak. Ushbu hududda yana bir necha yirik suv inshooti qurilishi ko’zda tutilgan.

Botken ma’muriyatining iqtisod va sarmoyalar jalb qilish bo’limi boshlig’i Solijon Hamraboyevning aytishicha, davlat dasturida suv inshootlari qurilishiga urg’u berilgan. Ushbu dastur doirasida Botken viloyatida olti yirik suv inshooti barpo etilmoqda.

“Masalan, Qadamjoy tumanida Boz-Qora-Qishloq kanaliga qariyb 230 million so’m sarflangan, Burgandi dyukeriga 380 million so’m ketadi. Qulundi kanali, Ravot suv basseyni va shunga o’xshagan boshqa obyektlar ustida ish olib borilmoqda. Zikr qilingan kanallar ishga tushsa, ja’mi 20 ming gektar yangi yerlar o’zlashtiriladi”, - deydi Hamraboyev.

Ayni paytda Qirg’izistonning janubiy viloyatlarida eski sug’oruv tizimi, asosan kanallarni qayta ta’mirlash va yangilash ishlari olib borilmoqda.

Qirg’iziston suv xo’jaligi departamenti loyihalarni amalga oshirish bo’limining yetakchi mutaxassisi Abdikerim Ajimatovga ko’ra, O’sh, Jalol-Obod, Botken viloyatlarida yetti-sakkiz suv inshootlari qayta tiklanmoqda.

“Gap shundaki, ko’p kanallar loyqalangan yoki ishdan chiqqan. O’nlab kanallar qarovsiz qolib ketgan, beton qirg’oqlar nuray boshlagan. Oqibatda yer maydonlari suvsizlanib foydalanilmay qolgan. O’sha joylarga suv yetkazib berish bilan mashg’ulmiz. Bu yilning yozida bir necha sug’oruv obyektlari yana ishlay boshlaydi. Dehqonchilik yana rivoj topadi”, - deydi suhbatdosh.

Aytish joizki, mustaqillik yillarida Qirg’iziston ko’plab tabiiy suv havzalari xavfsizligini oshirishga erishgan. Ayni paytda yangi sug’oruv va ichimlik suvi tarmoqlarini barpo etish yo’lida keng ko’lamli ish olib borilayotir. Ushbu loyihalar asosan xalqaro moliya tizimlari tomonidan qo’llab-quvvatlanadi.

Rasmiylarga ko’ra, sugo’ruv sistemasidagi loyihalar 85 foiz Jahon banki tomonidan, 15 foiz esa qirg’iz hukumati tomonidan sarmoyalanmoqda.

Mutaxassislar fikricha, Qirg’izistonda oqin suv tizimining yangilanishi suv manbalaridan samarali foydalanish, yangi yerlarni o’zlashtirish, qishloq xo’jaligini yuksaltirish imkonini beradi. Ayni paytda qator ijtimoiy masalalarni yechish borasida so’z ketayotir. Jumladan, yangi ish o’rinlari yaratish, uy-joy qurilishi uchun yer ajratish xususida.

Botken ma’muriyatining iqtisod va sarmoyalar jalb qilish bo’limi boshlig’i Solijon Hamraboyevning aytishicha, yangi yerlarda yosh oilalar uchun uy-joy solish maqsadida maydonlar ajratiladi.

“Bu joylarda bog’dorchilik, dehqonchilikni rivojlantirish imkoni tug’iladi”, - deydi u.

Suv xo’jaligi mutaxassisi Abdikerim Ajimatov iste’molchilar suvdan samarali foydalanishni o’rganishini ta’kidlaydi.

“Suvni tejamkorlik bilan ishlatish birinchi vazifa. Aytaylik, kanallar qayta ta’mirlangandan keyin oqin suvdan foydalanish samaradorligi keskin oshmoqda. Masalan, ma’lum miqdordagi suvimiz avval 500 gektarni sug’orishga yetgan bo’lsa, endi shu suv bilan 1000 gektarni sug’orish mumkin”, - deydi u.

Qirg’iz matbuotida bot-bot suv xo’jaligi uchun xorijdan jalb qilinayotgan yirik sarmoyalar taqdiri haqida turli savollar va shubhalar ko’tarilib keladi. O’z navbatida mulozimlar mablag’dan samarali foydalanilayotganini ta’kidlaydi.

Rasmiylar izohicha, Jahon banki va boshqa xalqaro moliya idoralari ajratilayotgan mablag’larning Qirg’izistonda qanday ishlatilayotganini nazorat qilib turadi. Ammo keng omma tekshiruv natijalaridan bexabar.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Urush faxriylari uchun maxsus uylar - Houses for war veteransi
X
31.10.2014 10:03
Iroq va Afg'onistondan 300 mingga yaqin askar majruhlanib qaytgan. AQSh Mudofaa vazirligi yirik bir kompaniya bilan hamkorlikda ularga qulay uylar qurib berishga kirishgan. Ruhan va jismonan nogiron insonlar uchun maxsus imoratlar.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Fotogalereya

Fotogalereya Quddus: arab va yahudiylar orasida to'qnashuvlar

Quddusdagi al-Aqsa masjidi bugun qisman ochiq. Isroil politsiyasi chorshanba kuni inshootni butunlay yopib qo'ygach, Falastin ma'muriyati buni urush e'lon qilishga qiyoslagan edi. Hududda hafta boshida ro'y bergan otishmada avval isroillik ruhoniy jarohatlangan; ketidan politsiya falastinlik bir shaxsni otib o'ldirgan edi. To'polon ko'tarilmasligi uchun musulmon va yahudiylar uchun muqaddas sanalgan masjid va uning atrofini vaqtincha to'sib qo'ydik, deydi Isroil huquq-tartibot xodimlari. 50 yoshgacha bo'lgan erkaklar hududga hamon yo'latilmayapti. G'azoda hukmron HAMAS va Isroil o'rtasida shu yil ro'y bergan ikki oylik urush ortidan yahudiy va falastinliklar munosabati hanuz tarang. Ixtilof 21 mingdan ziyod odam, asosan, g'azolik tinch aholini hayotdan olib ketgan edi.
Fotogalereya

Fotogalereya Peshmerga kuchlari Kobaniga yetib keldi

Iroq Kurdistonidan peshmerga jangchilarining bir qismi Suriyaning Kobani shahriga yetib borgan. Ular "Islomiy davlat" jangari guruhiga qarshi kurashda mahalliy kurdlar va xalqaro koalitsiyaga yordam beradi.
Fotogalereya

Fotogalereya Gavayi vulqoni aholi turar joylariga yetib keldi

Gavayida otilib chiqqan vulqon lavalari bir necha hafta o'tib Paxoa shaharchasiga yetib keldi. Sekin harakatlanayotgan lava "daryosi" yo'lda uchragan har qanday narsani kuydirib kulga aylantirmoqda. Shaharcha aholisi xavfsiz joyga evakuatsiya qilingan.
Fotogalereya

Fotogalereya Ebolaga qarshi global kurash

Dunyo bo'ylab Ebolaga qarshi kurash choralari kuchaytirilmoqda. Eboladan ogohlik oyligi doirasida turli mamlakatlarda xavfli kasallikka qarshi tayyorgarlik mashg'ulotlari o'tkazilmoqda.
Fotogalereya

Fotogalereya Afg'onistondagi missiya nihoyasiga yetayapti

Afg'onistonning Hilmand viloyatidagi yirik harbiy baza mahalliy armiya nazoratiga o'tdi. AQSh va Britaniya qo'shinlari missiyani yakunlab, o'lkani tark etishga hozirlik ko'rmoqda. 2015-yilda Afg'onistonda 12 ming xorijiy askar qoladi.
Fotogalereya

Fotogalereya Suriya va Iroq

G'arb qo'llab-quvvatlovini olgan kurd jangchilari Turkiya orqali Suriyaga 1300 safdoshini jo'natishga hozirlik ko'rayapti. Iroqda va Suriyada janglar davom etmoqda.
Fotogalereya

Fotogalereya Turkiya kurdlari qo'shni davlatdagi urushda o'lgan elatdoshlariga motam tutmoqda

Suriyaning Kobani shahri bir necha kundan beri jang maydoni. "Islomiy davlat" bilan qonli urush ketmoqda.
Fotogalereya

Fotogalereya Kanada parlamentida otishma, Ottavadan suratlar

Kanada poytaxtida urush qahramonlariga qo'yilgan yodgorlik oldida turgan askar otib ketilgan. Bu inshoot yaqinidagi parlament binosi ham xavf ostida degan ogohlantirishdan keyin evakuatsiya ishlari boshlangan. Harbiy soqchini nishonga olgan shaxs parlament tomon qochdi, deydi guvohlar. Imoratdan o'q ovozlari eshitilgan. Askarni otgan odam politsiya o'qidan o'lgan. Yaralangan askar ham kasalxonada jon bergan.

Interaktiv

SAYTGA KIRISHNING XAVFSIZ YO’LI