Shanba, 01-noyabr, 2014 Toshkent vaqti: 17:29

Iqtisodiyot

Qirg'iziston va Tojikiston ortiqcha quvvatni Janubiy Osiyoga sotish niyatida

Multimedia

Audio
Xalqaro moliyaviy musassasalar yordami bilan Tojikiston va Qirg’iziston elektr quvvatini Janubiy Osiyoga eksport qilish masalasi yana muhokamada.

Loyihada Qirg’iziston, Tojikiston, Afg’oniston hamda Pokiston ishtirok etadi. Mutaxassislarning aytishicha, tashabbusdan Markaziy Osiyo mintaqasi manfaatdor. Qirg’iziston hukumati proyektni puxta tahlil qilish uchun yaqinda ishchi guruhi tuzgan. 
           
CASA-1000 deb nomlangan bu loyiha borasida amaliy harakatlar bir qadar faollashgan.

May oyida Birlashgan Arab Amirliklarida Qirg’iziston, Tojikiston, Afg’oniston va Pokiston energetiklari uchrashgan edi.

Qirg’izistonlik mutaxassis Muslim Iminov ko’p yillar bu sohada faoliyat yuritgan.
           
“Ushbu proyekt Qirg’iziston va Tojikistonda ishlab chiqarilayotgan elektr quvvatining ortiqcha qismini Afg’oniston, Pokiston va mintaqaning boshqa mamlakatlariga yaxshi narxlarda eksport qilishga imkon beradi. Iste’mol bozori ham kengayadi”, - deydi Iminov.
           
Aytish joizki, loyiha ustida ishlar besh yil muqaddam boshlangan edi. Rejaga ko’ra, 1343 kilometrlik elektr quvvati uzatish tarmog’i qurilishi darkor. Uning uchdan bir qismi Qirg’iziston hududida barpo etilishi ko’zda tutilgan. Qurilish qator xalqaro tizimlar tomonidan moliyalashtiriladi.

CASA-1000, Markaziy Osiyo energiyasi/Ulug'bek Sokin
CASA-1000, Markaziy Osiyo energiyasi/Ulug'bek Sokini
|| 0:00:00
...
 
🔇
X

        
Elektr quvvati ishlab chiqaruvchi va eksport qiluvchi Tojikiston hamda Qirg’iziston katta foyda ko’rishi mumkin.

x
“Albatta, bizda eksport qilish imkoniyati paydo bo’lgani yaxshi narsa, ammo Tojikistonda yirik elektr quvvati ishlab chiqaruvchi stantsiyalar, masalan Rog’un GESi paydo bo’lgandan keyin, bizning mahsulot ortiqcha bo’lib qolishi mumkin. Ya’ni, tojik tomoni birinchi navbatda o’z elektr quvvatini sotishga harakat qiladi”, - deydi energetik Muslim Iminov. 

“Ne bo’lganda ham yaqin 10-15 yil uchun istiqbol yomon emas”, - deya davom etadi u.

Qirg’iziston mahsuloti Tojikiston orqali o'tar ekan, bu davlat tranzit uchun to’lov qo’yadi. Bu hol esa Qirg’iziston olishi mumkin bo’lgan foydani ozaytiradi.
           
Iminov fikricha, Qirg’iziston uchun Oloy Tog’lari orqali tog’ridan-to’g’ri Afg’onistonga chiqish afzal bo’lar edi. Xitoy orqali Pokistonga chiqish rejasi ham bo’lgan, ammo hamkorlar tomonidan qo’llab-quvvatlanmagan.
           
Hozirda Qirg’izistonda to’rt yirik suv elektr stantsiyasi va qator o’rta quvvatli inshootlar faoliyat ko’rsatadi. Loyihada esa Qambar-Ota-1 GESi mavjud. Mutaxassislar Norin daryosida yana qator elektr stantsiyalari barpo etish imkoni borligini urg’ulaydi. Bu esa o’z navbatida Qirg’izistonning elektr quvvati eksport qilish salohiyati tobora o’sib borishini ta’minlaydi, deydi ekspertlar.

Jahon Banki yaqinda Birlashgan Arab Amirliklarida o’tgan uchrashuvda CASA-1000 loyihasi faol bosqichga kirganini ta’kidlab, muzokara olib boruvchi xalqaro guruhni kuchaytirishni taklif qilgan.

Kuni-kecha Qirg’iziston milliy elektr tarmog’i rahbari Medetbek Aytqulov proyekt muhokamada ekanini aytgan. Lekin, deydi rasmiy, loyiha amaliyoti borasida so’z yuritishga hali erta.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Otalar uyda, bola boqadi; onalar ishda - Today's dadsi
X
31.10.2014 22:03
Bugun ko'plab erkaklar uyda bola tarbiyasi bilan band, onalar esa ishlab pul topadi. Buning nimasi yomon, deya so'raydi "Amerika Ovozi" bilan gaplashgan amerikaliklar.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Fotogalereya

Fotogalereya Quddus: arab va yahudiylar orasida to'qnashuvlar

Quddusdagi al-Aqsa masjidi bugun qisman ochiq. Isroil politsiyasi chorshanba kuni inshootni butunlay yopib qo'ygach, Falastin ma'muriyati buni urush e'lon qilishga qiyoslagan edi. Hududda hafta boshida ro'y bergan otishmada avval isroillik ruhoniy jarohatlangan; ketidan politsiya falastinlik bir shaxsni otib o'ldirgan edi. To'polon ko'tarilmasligi uchun musulmon va yahudiylar uchun muqaddas sanalgan masjid va uning atrofini vaqtincha to'sib qo'ydik, deydi Isroil huquq-tartibot xodimlari. 50 yoshgacha bo'lgan erkaklar hududga hamon yo'latilmayapti. G'azoda hukmron HAMAS va Isroil o'rtasida shu yil ro'y bergan ikki oylik urush ortidan yahudiy va falastinliklar munosabati hanuz tarang. Ixtilof 21 mingdan ziyod odam, asosan, g'azolik tinch aholini hayotdan olib ketgan edi.
Fotogalereya

Fotogalereya Burkina Fasoda xalq isyon ko'tardi, prezident ishdan ketdi

G'arbiy Afrikadagi davlat, Burkina Fasoda prezident Bleyz Kompraore 27 yillik boshqaruvdan keyin ishdan ketdi. Mamlakatda o'n minglab odamlar namoyishga chiqib, rahbarning iste'fosini talab qilayotgan edi. Chiqishlar qonli tus olgach, kecha armiya parlamentni tarqatib yuborib, muvaffaq hukumat tuzilishini ma'lum qilgan. 1987-yildan beri Burkina Fasoni boshqarayotgan Kompraore sal oldin parlamentda yangi qonunni olg'a surib, hokimiyatda uzoqroq qolishni ko'zlayotgan edi. Omma bundan norozi bo'lib isyon ko'targan. Sobiq rahbar hozir qayerda ekani, o'rniga kim tayinlanishi hali ma'lum emas. Ayrim manbalarda general Luame Loug vaqtli hukumatga bosh bo'lishi mumkin deyilmoqda. Kecha, payshanba kuni poytaxt Uagaduguda odamlar parlamentga o't qo'yib, boshqa davlat idoralariga bostirib kirgan. Politsiyaning aytishicha, o'lganlar va yaradorlar bor. Xalqni tinchlantirish uchun rasmiylar parlamentda olg'a surilgan konstitutsion o'zgarishlarni va bir necha soat oldin e'lon qilingan favqulodda holatni bekor qildi. Birlashgan Millatlar Tashkiloti Bosh kotibi Pan Gi Mun G'arbiy Afrikadagi bu davlatda vaziyatni xavotir bilan kuzatayapmiz, deydi. Bosh kotib tomonlarni tinchlanishga va zo'ravonlikdan tiyilishga chaqirmoqda.
Fotogalereya

Fotogalereya Peshmerga kuchlari Kobaniga yetib keldi

Iroq Kurdistonidan peshmerga jangchilarining bir qismi Suriyaning Kobani shahriga yetib borgan. Ular "Islomiy davlat" jangari guruhiga qarshi kurashda mahalliy kurdlar va xalqaro koalitsiyaga yordam beradi.
Fotogalereya

Fotogalereya Gavayi vulqoni aholi turar joylariga yetib keldi

Gavayida otilib chiqqan vulqon lavalari bir necha hafta o'tib Paxoa shaharchasiga yetib keldi. Sekin harakatlanayotgan lava "daryosi" yo'lda uchragan har qanday narsani kuydirib kulga aylantirmoqda. Shaharcha aholisi xavfsiz joyga evakuatsiya qilingan.
Fotogalereya

Fotogalereya Ebolaga qarshi global kurash

Dunyo bo'ylab Ebolaga qarshi kurash choralari kuchaytirilmoqda. Eboladan ogohlik oyligi doirasida turli mamlakatlarda xavfli kasallikka qarshi tayyorgarlik mashg'ulotlari o'tkazilmoqda.
Fotogalereya

Fotogalereya Afg'onistondagi missiya nihoyasiga yetayapti

Afg'onistonning Hilmand viloyatidagi yirik harbiy baza mahalliy armiya nazoratiga o'tdi. AQSh va Britaniya qo'shinlari missiyani yakunlab, o'lkani tark etishga hozirlik ko'rmoqda. 2015-yilda Afg'onistonda 12 ming xorijiy askar qoladi.
Fotogalereya

Fotogalereya Suriya va Iroq

G'arb qo'llab-quvvatlovini olgan kurd jangchilari Turkiya orqali Suriyaga 1300 safdoshini jo'natishga hozirlik ko'rayapti. Iroqda va Suriyada janglar davom etmoqda.
Fotogalereya

Fotogalereya Turkiya kurdlari qo'shni davlatdagi urushda o'lgan elatdoshlariga motam tutmoqda

Suriyaning Kobani shahri bir necha kundan beri jang maydoni. "Islomiy davlat" bilan qonli urush ketmoqda.
Fotogalereya

Fotogalereya Kanada parlamentida otishma, Ottavadan suratlar

Kanada poytaxtida urush qahramonlariga qo'yilgan yodgorlik oldida turgan askar otib ketilgan. Bu inshoot yaqinidagi parlament binosi ham xavf ostida degan ogohlantirishdan keyin evakuatsiya ishlari boshlangan. Harbiy soqchini nishonga olgan shaxs parlament tomon qochdi, deydi guvohlar. Imoratdan o'q ovozlari eshitilgan. Askarni otgan odam politsiya o'qidan o'lgan. Yaralangan askar ham kasalxonada jon bergan.

Interaktiv

SAYTGA KIRISHNING XAVFSIZ YO’LI