Shanba, 01-noyabr, 2014 Toshkent vaqti: 08:09

Markaziy Osiyo

Qirg'iziston musulmonlari: Diniy idora isloh qilinsin

Multimedia

Audio
Qirg’iziston din ishlari bo’yicha davlat komissiyasida musulmonlar qurultoyi o’tmoqda.  Maqsad so’nggi paytlarda yuzaga kelgan nizolarga yechim topish.

Anjumanda yangi nizom qabul qilinishi hamda ulamolar kengashining yangi tarkibi tasdiqlanishi va yangi muftiy saylanishi kutilmoqda.


Qirg’iziston musulmonlari diniy idorasi atrofidagi munozaralar so’nggi besh-olti yildan beri jamoatchilikni tashvishga solib keladi. Ayrim mutaxassislar fikricha, diniy idora tizimida islohot o’tkazish vaqti kelgan. Musulmonlarning navbatdagi qurultoyida shu masala ham ko’tarilishiga umid qilinmoqda.

Din ishlari bo’yicha davlat komissiyasining janubiy bo’limi boshlig’i Qurbonali Uzoqov ham shu fikrda.

“Strukturasidan tortib hammasini o’zgartirish kerak. Din yo’lida xizmat qiladigan yaxshi islohotlarni amalga oshirish vaqti keldi deb o’ylayman”, - deydi u.
 
So’nggi uch yil ichida Qirg’iziston diniy idorasi rahbari to’rt marta almashdi. Kuzatuvchilar idorada tarafkashlik, bir-birini ayblash kabi illatlar kuchayganini aytadi. Haj uchun pora olish kabi hodisalarning yuz bergani muftiyat obro’siga ancha putur yetkazdi, deydi ular.
 
Jaloloboddagi “Islom ta’limi markazi” nodavlat tashkiloti rahbari Dilmurod hoji O’rozovga ko’ra, hajga odam yuborish faoliyatini sayyohlik kompaniyalariga topshirish kerak.
 
“Velosipedni qayta kashf qilishning keragi yo’q. Boshqa davlatlar tajribasidan o’rganish kerak. Ya’ni, hajni sayyohlik kompaniyalari ixtiyoriga topshirish kerak. Ular shundan foyda ko’radi, foydadan davlatga soliq to’laydi. Hajga borish-kelish tartiblarini muftiyat belgilab berishi kerak”, - deydi mahalliy olim.
 
Dindorlar ham, davlat rasmiylari ham bu borada samarali yo’l topish lozimligi borasida yakdil. Qurultoy ishtirokchisi, O’shdagi “Islom hamkorligi markazi” nomli jamoatchilik jamg’armasi rahbari Sodiqjon Kamolov ham islohotlar tarafdori.
 
“Musulmonlarning xizmatini qiladigan, musulmonlarning kelajagini o’ylaydigan, javobgarligi, mas’uliyati juda katta bo’lgan bunday ishlarni olib keta oladigan odamlar kelsa, nizomlar o’zgarsa, qolgan ishlar yaxshi bo’lib ketadi. Gap musulmonlarning o’zida qoldi”, - deydi u.
 
Haj marosimi kabi yirik moliya oqimidan iborat ishlar diniy idora nazoratidan olinishi kerak, deb hisoblovchilar talaygina.
 
“Moliya masalasi aralashgan ish xalq ko’zi oldida, ochiq bo’lishi kerak. Shunda korrupsiyaning oldi olinadi”, - deydi bir mahalliy kuzatuvchi.
 
Dilmurod hoji O’rozovning aytishicha, musulmonlar idorasi asosiy vazifalarini esdan chiqaryapti.
 
“Undan ko’ra, yoshlar tarbiyasi bilan shug’ullanishsa yaxshi bo’lardi, - deydi u. – Ishlab turgan, yillar davomida jonini fido qilib din uchun mehnat qilayotgan imomlarning bilim va saviyalarini ko’tarishga e’tibor qaratishlari kerak. Odamlarga haqiqiy islomni o’rgatishlari kerak. Davlat ham chetda jim qarab turmasligi kerak. Ertaga bu davlat uchun muammoga aylanib ketishining oldini olish uchun ham davlat e’tibor qilib, tartibga solib berishi kerak”.
 
Ammo oddiy musulmon aholi orasida qurultoyning mavjud muammolarga ijobiy yechim topishiga umid qiluvchilar ko’p.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Otalar uyda, bola boqadi; onalar ishda - Today's dadsi
X
31.10.2014 22:03
Bugun ko'plab erkaklar uyda bola tarbiyasi bilan band, onalar esa ishlab pul topadi. Buning nimasi yomon, deya so'raydi "Amerika Ovozi" bilan gaplashgan amerikaliklar.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Fotogalereya

Fotogalereya Quddus: arab va yahudiylar orasida to'qnashuvlar

Quddusdagi al-Aqsa masjidi bugun qisman ochiq. Isroil politsiyasi chorshanba kuni inshootni butunlay yopib qo'ygach, Falastin ma'muriyati buni urush e'lon qilishga qiyoslagan edi. Hududda hafta boshida ro'y bergan otishmada avval isroillik ruhoniy jarohatlangan; ketidan politsiya falastinlik bir shaxsni otib o'ldirgan edi. To'polon ko'tarilmasligi uchun musulmon va yahudiylar uchun muqaddas sanalgan masjid va uning atrofini vaqtincha to'sib qo'ydik, deydi Isroil huquq-tartibot xodimlari. 50 yoshgacha bo'lgan erkaklar hududga hamon yo'latilmayapti. G'azoda hukmron HAMAS va Isroil o'rtasida shu yil ro'y bergan ikki oylik urush ortidan yahudiy va falastinliklar munosabati hanuz tarang. Ixtilof 21 mingdan ziyod odam, asosan, g'azolik tinch aholini hayotdan olib ketgan edi.
Fotogalereya

Fotogalereya Burkina Fasoda xalq isyon ko'tardi, prezident ishdan ketdi

G'arbiy Afrikadagi davlat, Burkina Fasoda prezident Bleyz Kompraore 27 yillik boshqaruvdan keyin ishdan ketdi. Mamlakatda o'n minglab odamlar namoyishga chiqib, rahbarning iste'fosini talab qilayotgan edi. Chiqishlar qonli tus olgach, kecha armiya parlamentni tarqatib yuborib, muvaffaq hukumat tuzilishini ma'lum qilgan. 1987-yildan beri Burkina Fasoni boshqarayotgan Kompraore sal oldin parlamentda yangi qonunni olg'a surib, hokimiyatda uzoqroq qolishni ko'zlayotgan edi. Omma bundan norozi bo'lib isyon ko'targan. Sobiq rahbar hozir qayerda ekani, o'rniga kim tayinlanishi hali ma'lum emas. Ayrim manbalarda general Luame Loug vaqtli hukumatga bosh bo'lishi mumkin deyilmoqda. Kecha, payshanba kuni poytaxt Uagaduguda odamlar parlamentga o't qo'yib, boshqa davlat idoralariga bostirib kirgan. Politsiyaning aytishicha, o'lganlar va yaradorlar bor. Xalqni tinchlantirish uchun rasmiylar parlamentda olg'a surilgan konstitutsion o'zgarishlarni va bir necha soat oldin e'lon qilingan favqulodda holatni bekor qildi. Birlashgan Millatlar Tashkiloti Bosh kotibi Pan Gi Mun G'arbiy Afrikadagi bu davlatda vaziyatni xavotir bilan kuzatayapmiz, deydi. Bosh kotib tomonlarni tinchlanishga va zo'ravonlikdan tiyilishga chaqirmoqda.
Fotogalereya

Fotogalereya Peshmerga kuchlari Kobaniga yetib keldi

Iroq Kurdistonidan peshmerga jangchilarining bir qismi Suriyaning Kobani shahriga yetib borgan. Ular "Islomiy davlat" jangari guruhiga qarshi kurashda mahalliy kurdlar va xalqaro koalitsiyaga yordam beradi.
Fotogalereya

Fotogalereya Gavayi vulqoni aholi turar joylariga yetib keldi

Gavayida otilib chiqqan vulqon lavalari bir necha hafta o'tib Paxoa shaharchasiga yetib keldi. Sekin harakatlanayotgan lava "daryosi" yo'lda uchragan har qanday narsani kuydirib kulga aylantirmoqda. Shaharcha aholisi xavfsiz joyga evakuatsiya qilingan.
Fotogalereya

Fotogalereya Ebolaga qarshi global kurash

Dunyo bo'ylab Ebolaga qarshi kurash choralari kuchaytirilmoqda. Eboladan ogohlik oyligi doirasida turli mamlakatlarda xavfli kasallikka qarshi tayyorgarlik mashg'ulotlari o'tkazilmoqda.
Fotogalereya

Fotogalereya Afg'onistondagi missiya nihoyasiga yetayapti

Afg'onistonning Hilmand viloyatidagi yirik harbiy baza mahalliy armiya nazoratiga o'tdi. AQSh va Britaniya qo'shinlari missiyani yakunlab, o'lkani tark etishga hozirlik ko'rmoqda. 2015-yilda Afg'onistonda 12 ming xorijiy askar qoladi.
Fotogalereya

Fotogalereya Suriya va Iroq

G'arb qo'llab-quvvatlovini olgan kurd jangchilari Turkiya orqali Suriyaga 1300 safdoshini jo'natishga hozirlik ko'rayapti. Iroqda va Suriyada janglar davom etmoqda.
Fotogalereya

Fotogalereya Turkiya kurdlari qo'shni davlatdagi urushda o'lgan elatdoshlariga motam tutmoqda

Suriyaning Kobani shahri bir necha kundan beri jang maydoni. "Islomiy davlat" bilan qonli urush ketmoqda.
Fotogalereya

Fotogalereya Kanada parlamentida otishma, Ottavadan suratlar

Kanada poytaxtida urush qahramonlariga qo'yilgan yodgorlik oldida turgan askar otib ketilgan. Bu inshoot yaqinidagi parlament binosi ham xavf ostida degan ogohlantirishdan keyin evakuatsiya ishlari boshlangan. Harbiy soqchini nishonga olgan shaxs parlament tomon qochdi, deydi guvohlar. Imoratdan o'q ovozlari eshitilgan. Askarni otgan odam politsiya o'qidan o'lgan. Yaralangan askar ham kasalxonada jon bergan.

Interaktiv

SAYTGA KIRISHNING XAVFSIZ YO’LI