Juma, 31-oktyabr, 2014 Toshkent vaqti: 16:20

Xalqaro

Faollar davlatlarni minalardan voz kechishga chaqirmoqda

Amerika Ovozi
Jenevada minalarni man qilishga bag’ishlangan xalqaro anjuman boshlandi. 1997-yilda qabul qilingan bitim qayta ko’rilmoqda. Faollar va minadan jabr ko’rgan odamlar ularni batamom man qilishga chaqirmoqda. Tadbirda 100 dan ortiq hukumatlar vakillari ishtirok etyapti. Ular minalarni tayyorlash, borlarini yo’q qilish hamda minalashtirilgan hududlarni ulardan tozalash ishlaridagi yutuqlarni sarhisob qilmoqda.

Dunyoni minalardan xoli qilishga chaqirayotgan guruhlarga ko’ra, xalqaro bitim 1997-yilda Kanada poytaxti Ottavada qabul qilinganidan beri 160 davlat unga qo’shildi. Bu barcha mamlakatlarning 80 foizdan oshig’i degani.

Faollar qolgan davlatlarni ham bitimni imzolashga va shu bilan odamlar hayoti va sog’lig’ini asrashga da’vat etmoqda.

Xalqaro Qizil Xoch qo’mitasi prezidenti Piter Maurerning aytishicha, Minalarni man qilish haqidagi bitimni kengaytirish, a’zo davlatlar majburiyatlarini amalda bajarishi lozim.

Yaqinda chiqqan hisobotda aytilishicha, hujjat qabul qilinganidan beri minalardan halok bo’lganlar soni ancha kamaydi. Biroq ko’rsatkichlar hali ham yuqori. O’tgan yili 4000 odam o’lgan yoki majruh bo’lgan.

"Ayrim davlatlarning o’z majburiyatlarini bajarishga shoshmayotgani bizni tashvishga solmoqda. Ko’p mamlakatlar hududlarni minalardan tozalash uchun belgilangan jadvaldan ortda qolmoqda, natijada qurbonlar bor, mayib-majruhlar bor, yerni o’zlashtirishning iloji bo’lmayapti", - deydi Maurer.

Faollar ma’lumotiga kora, 19 davlat o’zini minalardan butunlay xoli deya e’lon qilgan. Kongo Respublikasi, Daniya, Iordaniya va Uganda esa shu hafta oxirigacha ularning safiga qo’shilishi, Polsha esa Ottava Konvensiyasini imzolashi kutilmoqda. Bitim tufayli shu kungacha 46 milliondan ziyod minalar ombori yo’q qilingan.

Faollar portlashda omon qolgan odamlar uchun yordam dasturlari qisqarayotganidan nolimoqda. So’nggi hisobotga ko’ra, yordam puli 30 foizga kamaygan.

Tinchlik uchun Nobel mukofoti laureati Jodi Uilyamsning aytishicha, mablag’ning aksariyati minadan tozalashga sarflanmoqda.

"Chunki bu ish oson. Minani yer ostidan chiqarishingiz bilan ish bitdi. Jabrdiydalarga esa yillab, o’n yillab qarash kerak. Davlat byudjetiga og’ir kelayotgan bo’lishi mumkin. Shunga qaramasdan mamlakatlardan mablag’ni kesmaslikni, aksincha, ko’paytirishni so’ragan bo’lardik", - deydi Uilyams.

Faollarning aytishicha, joriy yilda faqat bir davlat mina qo’ygan – Suriya. Isroil, Liviya va Birma o’tgan yilgi ro’yxatdan chiqdi. Jodi Uilyams Qo'shma Shtatlarni Ottava Konventsiyasini qabul qilishga chaqirmoqda.

Anjumanda minalarning nafaqat davlatlar, balki Afg’oniston, Kolumbiya, Birma, Pokiston, Tailand va Yamanda hukumatga qarshi kurashayotgan qurolli kuchlar tomonidan ishlatilishi ham muhokama etilmoqda.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Urush faxriylari uchun maxsus uylar - Houses for war veteransi
X
31.10.2014 10:03
Iroq va Afg'onistondan 300 mingga yaqin askar majruhlanib qaytgan. AQSh Mudofaa vazirligi yirik bir kompaniya bilan hamkorlikda ularga qulay uylar qurib berishga kirishgan. Ruhan va jismonan nogiron insonlar uchun maxsus imoratlar.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
  • Qizil ko'knor ko'rgazmasi, London

  • Amerika saylovlar arafasida

  • Afina, Gretsiya... Harbiy mashqlar

  • Turkiya-Suriya chegarasi

  • Filippin

  • Jamna daryosi bo'yida, Hindiston

  • Fransiya

  • Kanzas shahri, Missuri

  • Los Angeles, Kaliforniya

Fotogalereya

Fotogalereya Peshmerga kuchlari Kobaniga yetib keldi

Iroq Kurdistonidan peshmerga jangchilarining bir qismi Suriyaning Kobani shahriga yetib borgan. Ular "Islomiy davlat" jangari guruhiga qarshi kurashda mahalliy kurdlar va xalqaro koalitsiyaga yordam beradi.
Fotogalereya

Fotogalereya Gavayi vulqoni aholi turar joylariga yetib keldi

Gavayida otilib chiqqan vulqon lavalari bir necha hafta o'tib Paxoa shaharchasiga yetib keldi. Sekin harakatlanayotgan lava "daryosi" yo'lda uchragan har qanday narsani kuydirib kulga aylantirmoqda. Shaharcha aholisi xavfsiz joyga evakuatsiya qilingan.
Fotogalereya

Fotogalereya Ebolaga qarshi global kurash

Dunyo bo'ylab Ebolaga qarshi kurash choralari kuchaytirilmoqda. Eboladan ogohlik oyligi doirasida turli mamlakatlarda xavfli kasallikka qarshi tayyorgarlik mashg'ulotlari o'tkazilmoqda.
Fotogalereya

Fotogalereya Afg'onistondagi missiya nihoyasiga yetayapti

Afg'onistonning Hilmand viloyatidagi yirik harbiy baza mahalliy armiya nazoratiga o'tdi. AQSh va Britaniya qo'shinlari missiyani yakunlab, o'lkani tark etishga hozirlik ko'rmoqda. 2015-yilda Afg'onistonda 12 ming xorijiy askar qoladi.
Fotogalereya

Fotogalereya Suriya va Iroq

G'arb qo'llab-quvvatlovini olgan kurd jangchilari Turkiya orqali Suriyaga 1300 safdoshini jo'natishga hozirlik ko'rayapti. Iroqda va Suriyada janglar davom etmoqda.
Fotogalereya

Fotogalereya Turkiya kurdlari qo'shni davlatdagi urushda o'lgan elatdoshlariga motam tutmoqda

Suriyaning Kobani shahri bir necha kundan beri jang maydoni. "Islomiy davlat" bilan qonli urush ketmoqda.
Fotogalereya

Fotogalereya Kanada parlamentida otishma, Ottavadan suratlar

Kanada poytaxtida urush qahramonlariga qo'yilgan yodgorlik oldida turgan askar otib ketilgan. Bu inshoot yaqinidagi parlament binosi ham xavf ostida degan ogohlantirishdan keyin evakuatsiya ishlari boshlangan. Harbiy soqchini nishonga olgan shaxs parlament tomon qochdi, deydi guvohlar. Imoratdan o'q ovozlari eshitilgan. Askarni otgan odam politsiya o'qidan o'lgan. Yaralangan askar ham kasalxonada jon bergan.
Fotogalereya

Fotogalereya Joko Vidodo, Indoneziya prezidenti qasamyod keltirdi

Indoneziyaning yangi rahbari, armiya yoki siyosiy elitaga aloqasi bo'lmagan, oddiy xalqdan chiqqan Joko Vidodo qasamyod keltirdi. 53 yoshli arbobni fuqaro Jokovi deb biladi, o'tmishda uy jihozlari sotib kun ko'rgan. Jakarta meri lavozimida islohotchi sifatida tanilgan.

Interaktiv

SAYTGA KIRISHNING XAVFSIZ YO’LI