Shanba, 01-noyabr, 2014 Toshkent vaqti: 11:47

Ilm-fan

Galladet Universiteti - kar va soqovlar uchun dunyoda yagona oliy o'quv yurti

Amerika Ovozi
Vashingtondagi Galladet Universiteti (Gallaudet University) kar va soqovlar uchun mo’ljallangan dunyoning yagona oliy o’quv yurti hisoblanadi. Bu yerda ijtimoiy yo’nalish va ta’lim sohasida kar va soqov talabalarga yuqori sifatli bilim berish yo’lga qo’yilgan.


Talabalar internet orqali xorijlik profesor bilan imo-ishoralar tilida suhbatlashishyapti:

“Buni oila sadoqati deyishadi. AQShda buning muqobili yo’q. Balki sadoqat uncha to’g’ri so’zmasdir. Mustaqillik deb atasak to’g’riroq bo’lar?”

Londondek olis bir joydagi professor bilan bog’lanib, bunday muloqotlarni olib borish Galladet Universiteti uchun odatiy hol. Talabalar bu yerda o’zaro muloqotning turli usul va vositalaridan foydalanadi. “Skayp”da kamera orqali gaplashish shulardan biri. Universitet bergan ma’lumotga ko’ra, darslarning 90 foizdan ziyodi interaktiv usulda o’tadi.

Professor Jin Mayrusning aytishicha, raqamli texnologiya bugun sinf xonalarining ajralmas qismiga aylangan.

“Televizor, kamera va boshqa shunga o’xshash vositalar bor. Ular yordamida talabalar o’z loyihalarini uylarida yoki shu yerda tayyorlashlari mumkin. Kompyuter texnologiyalari, kamera va shu kabi uskunalardan ko’p foydalanamiz”, - deydi professor.
 
Internet dunyoni global shaharchaga aylantirgan bo’lsa, Galladet Universiteti global jamiyatga aylangan. Bu yerda butun dunyodan talabalar bor. Shu bilan birga universitet 53 mamlakatda filial ochgan.

Sonam Jeyn shri-lankalik. Bu yerda o’rganganlarim butunlay boshqacha, deydi u.
 
“Shri-Lanka shtatlardan iborat. Kar va soqovlar uchun umumiy imo-ishora standarti yaratilmagan. AQShda esa har bir narsa uchun alohida belgi bor. Shri-Lankada bunday emas. Shuning uchun u yerda ko’p mavzular haqida gapirishga qiynalar edim”, - deydi osiyolik talaba.

Ikki tilli oilada o’sgan bir talaba Galladetda muomala qilish qobiliyati kengayganini aytadi.
 
“Yoshligimda ingliz tiliga o’xshatib imo-ishora qilardim. Bu yerda esa haqiqiy amerikacha imo-ishora tilini o’rgandim. Uning yordamida aloqa qilish ancha oson. Universitetda hayot qaynaydi”, - deydi talaba.

Professor Mayrusning aytishicha, bu yerda aloqa qilishni yaxshi o’rgangan talabalar uchun imkoniyat eshiklari ochiladi.

“Talabalarda o’ziga ishonch ortadi. O’zaro aloqa qurollarini egallab, universitetni haqiqiy dunyoga tayyor bo’lib tark etishadi”, - deydi u.
 
Galladet Universitetida akademik va ijtimoiy tadbirlar ko’p bo’ladi. Belgilar tili bo’yicha muallim bo’lishga hozirlanayotgan bir magistrantning aytishicha, bu yerda hayot doim gavjum.

“Odamlar bilan tanishib, aloqa qilish mumkin. Bu yerda menga namuna bo’la oladigan ko’p odamlarni uchratdim. Biz uchun mashg’ulotlar uyushtirishadi. Ko’plab sport va madaniy tadbirlarda ham ishtirok etdim”, - deydi talaba.
 
Universitetda eshita oladigan talabalar ham bor. Ammo ularga kam o’rin ajratilgan. Bundaylar barcha talabalarning besh foizini tashkil etadi, xolos.

Kar va soqovlar uchun oliygoh/Gallaudet Universityi
X
30.03.2013 00:19
Vashingtondagi Galladet Universiteti kar va soqovlar uchun mo'ljallangan va dunyoda shu turdagi yagona oliy o'quv yurti. Yuqori sifatli bilim berib bu insonlarni jamiyatning to'laqonli a'zosi sifatida hayot kechira olishini ta'minlash - asosiy va ezgu bir maqsad.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Otalar uyda, bola boqadi; onalar ishda - Today's dadsi
X
31.10.2014 22:03
Bugun ko'plab erkaklar uyda bola tarbiyasi bilan band, onalar esa ishlab pul topadi. Buning nimasi yomon, deya so'raydi "Amerika Ovozi" bilan gaplashgan amerikaliklar.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Fotogalereya

Fotogalereya Quddus: arab va yahudiylar orasida to'qnashuvlar

Quddusdagi al-Aqsa masjidi bugun qisman ochiq. Isroil politsiyasi chorshanba kuni inshootni butunlay yopib qo'ygach, Falastin ma'muriyati buni urush e'lon qilishga qiyoslagan edi. Hududda hafta boshida ro'y bergan otishmada avval isroillik ruhoniy jarohatlangan; ketidan politsiya falastinlik bir shaxsni otib o'ldirgan edi. To'polon ko'tarilmasligi uchun musulmon va yahudiylar uchun muqaddas sanalgan masjid va uning atrofini vaqtincha to'sib qo'ydik, deydi Isroil huquq-tartibot xodimlari. 50 yoshgacha bo'lgan erkaklar hududga hamon yo'latilmayapti. G'azoda hukmron HAMAS va Isroil o'rtasida shu yil ro'y bergan ikki oylik urush ortidan yahudiy va falastinliklar munosabati hanuz tarang. Ixtilof 21 mingdan ziyod odam, asosan, g'azolik tinch aholini hayotdan olib ketgan edi.
Fotogalereya

Fotogalereya Burkina Fasoda xalq isyon ko'tardi, prezident ishdan ketdi

G'arbiy Afrikadagi davlat, Burkina Fasoda prezident Bleyz Kompraore 27 yillik boshqaruvdan keyin ishdan ketdi. Mamlakatda o'n minglab odamlar namoyishga chiqib, rahbarning iste'fosini talab qilayotgan edi. Chiqishlar qonli tus olgach, kecha armiya parlamentni tarqatib yuborib, muvaffaq hukumat tuzilishini ma'lum qilgan. 1987-yildan beri Burkina Fasoni boshqarayotgan Kompraore sal oldin parlamentda yangi qonunni olg'a surib, hokimiyatda uzoqroq qolishni ko'zlayotgan edi. Omma bundan norozi bo'lib isyon ko'targan. Sobiq rahbar hozir qayerda ekani, o'rniga kim tayinlanishi hali ma'lum emas. Ayrim manbalarda general Luame Loug vaqtli hukumatga bosh bo'lishi mumkin deyilmoqda. Kecha, payshanba kuni poytaxt Uagaduguda odamlar parlamentga o't qo'yib, boshqa davlat idoralariga bostirib kirgan. Politsiyaning aytishicha, o'lganlar va yaradorlar bor. Xalqni tinchlantirish uchun rasmiylar parlamentda olg'a surilgan konstitutsion o'zgarishlarni va bir necha soat oldin e'lon qilingan favqulodda holatni bekor qildi. Birlashgan Millatlar Tashkiloti Bosh kotibi Pan Gi Mun G'arbiy Afrikadagi bu davlatda vaziyatni xavotir bilan kuzatayapmiz, deydi. Bosh kotib tomonlarni tinchlanishga va zo'ravonlikdan tiyilishga chaqirmoqda.
Fotogalereya

Fotogalereya Peshmerga kuchlari Kobaniga yetib keldi

Iroq Kurdistonidan peshmerga jangchilarining bir qismi Suriyaning Kobani shahriga yetib borgan. Ular "Islomiy davlat" jangari guruhiga qarshi kurashda mahalliy kurdlar va xalqaro koalitsiyaga yordam beradi.
Fotogalereya

Fotogalereya Gavayi vulqoni aholi turar joylariga yetib keldi

Gavayida otilib chiqqan vulqon lavalari bir necha hafta o'tib Paxoa shaharchasiga yetib keldi. Sekin harakatlanayotgan lava "daryosi" yo'lda uchragan har qanday narsani kuydirib kulga aylantirmoqda. Shaharcha aholisi xavfsiz joyga evakuatsiya qilingan.
Fotogalereya

Fotogalereya Ebolaga qarshi global kurash

Dunyo bo'ylab Ebolaga qarshi kurash choralari kuchaytirilmoqda. Eboladan ogohlik oyligi doirasida turli mamlakatlarda xavfli kasallikka qarshi tayyorgarlik mashg'ulotlari o'tkazilmoqda.
Fotogalereya

Fotogalereya Afg'onistondagi missiya nihoyasiga yetayapti

Afg'onistonning Hilmand viloyatidagi yirik harbiy baza mahalliy armiya nazoratiga o'tdi. AQSh va Britaniya qo'shinlari missiyani yakunlab, o'lkani tark etishga hozirlik ko'rmoqda. 2015-yilda Afg'onistonda 12 ming xorijiy askar qoladi.
Fotogalereya

Fotogalereya Suriya va Iroq

G'arb qo'llab-quvvatlovini olgan kurd jangchilari Turkiya orqali Suriyaga 1300 safdoshini jo'natishga hozirlik ko'rayapti. Iroqda va Suriyada janglar davom etmoqda.
Fotogalereya

Fotogalereya Turkiya kurdlari qo'shni davlatdagi urushda o'lgan elatdoshlariga motam tutmoqda

Suriyaning Kobani shahri bir necha kundan beri jang maydoni. "Islomiy davlat" bilan qonli urush ketmoqda.
Fotogalereya

Fotogalereya Kanada parlamentida otishma, Ottavadan suratlar

Kanada poytaxtida urush qahramonlariga qo'yilgan yodgorlik oldida turgan askar otib ketilgan. Bu inshoot yaqinidagi parlament binosi ham xavf ostida degan ogohlantirishdan keyin evakuatsiya ishlari boshlangan. Harbiy soqchini nishonga olgan shaxs parlament tomon qochdi, deydi guvohlar. Imoratdan o'q ovozlari eshitilgan. Askarni otgan odam politsiya o'qidan o'lgan. Yaralangan askar ham kasalxonada jon bergan.

Interaktiv

SAYTGA KIRISHNING XAVFSIZ YO’LI