Shanba, 01-noyabr, 2014 Toshkent vaqti: 13:51

Markaziy Osiyo

Savodsizlik, diskriminatsiya - Rossiyada muhojirlar yuzlashayotgan muammolar

"Malakali kadr o’z yo’lini topib ketishi mumkin, albatta. Sabr-toqatli, diskriminatsiyaga bardosh bera oladigan, rus tilini yaxshi biladigan va o’zini kamsitishga yo’l qo’ymaydigan odamlar yo’lini topib ketadi", - deydi Rano Hamroyeva.
"Malakali kadr o’z yo’lini topib ketishi mumkin, albatta. Sabr-toqatli, diskriminatsiyaga bardosh bera oladigan, rus tilini yaxshi biladigan va o’zini kamsitishga yo’l qo’ymaydigan odamlar yo’lini topib ketadi", - deydi Rano Hamroyeva.

Multimedia

Audio
Rossiyada millionlab ishchi muhojirlar mehnat qiladi. Ayrim hollarda ularning huquqlari buziladi, biroq muhojirlarni himoyasi uchun mas’ul tashkilotlar, xususan, kasaba uyushmalari zaif va himoyaga qurbi yetmaydi.

Rossiya va muhojirlar/Ra'no Hamroyeva bilan suhbat
Rossiya va muhojirlar/Ra'no Hamroyeva bilan suhbati
|| 0:00:00
...
 
🔇
X

Moskvadagi Davlat xizmatchilarining malakasini oshirish institutida dars berayotgan Ra’no Hamroyeva shunday deydi. Asli o’zbekistonlik mutaxassisning “Amerika Ovozi” bilan suhbatda aytishicha, Rossiyaga borgan ishchi muhojir sabrli, mahalliy kadrlardan bir pog’ona malakaliroq bo’lib, o’zini kamsitishga yo’l qo’ymasa, oyoqqa turadi. 

Ra’no Hamroyeva psixologiya bo’yicha mutaxassis, Markaziy Osiyodan borgan ishchi muhojirlarga maslahat bilan yordam berib keladi. Uning aytishicha, mintaqadan oqib kelayotgan malakali migrantlar orasida vrachlar, farmatsevtlar, yuristlar, o’qituvchilar kam emas.

“Malakali kadr o’z yo’lini topib ketishi mumkin, albatta. Sabr-toqatli, diskriminatsiyaga bardosh bera oladigan, rus tilini yaxshi biladigan va o’zini kamsitishga yo’l qo’ymaydigan odamlar yo’lini topib ketadi. Lekin takrorlashga majburman – sabr-toqat kerak, o’z sohasida boshqalarga nisbatan bir pog’ona baland bo’lishi kerak. Shundagina bu yerdagi mutaxassislar sizni tan oladi”, - deydi u.
 
Muhojirlar muvaffaqiyat qozongan misollar kam emas, deydi suhbatdosh:
 
“O’zbekistondan kelgan yosh yuristimiz bor. U diplomini Toshkentda olgan, bu yerda o’z firmasini tuzib, o’zimizning migrantlarga yuridik xizmatlar ko’rsatayapti. Ikkinchi misol, ikki yil oldin nafaqaga chiqqan vrach ayol. Besh-yetti yilcha oldin kelgan Rossiyaga. Bu vaqt ichida oyoqqa turib, diplomini nostrifikatsiya qildirib, hozir o’z mutaxassisligi bo’yicha ishlayapti. Bir o’zi, yolg’iz, faqat ikki bolasi bilan kelgan edi, juda ko’p qiynaldi”.
 
Ra’no Hamroyevaning aytishicha, ishchi migrantlar yuzlashadigan og’ir sinovlardan biri kamsitish. “Hammasiga chidasa bo’ladi, lekin bunga chidab bo’lmaydi”, - deydi u.
 
Hamroyeva safarga otlanishdan oldin migrantlar bilishi kerak bo’lgan jihatlarni sanab o’tadi.
Huquqiy savodsizlik aholi orasida juda yuqori. Rossiyada ham, O’zbekistonda ham shu manzara.


“Ishchi muhojir, birinchidan, tilni bilsin. Rossiya migratsiya qonun-qoidalari, xorijliklarga tegishli bandlaridan xabardor bo’lsa, ancha yengil tortadi. Bundan tashqari, Rossiyaga kelishdan oldin qo’nar joyi bo’lsa, ishi tayin bo’lsa, o’ziga oson. Aks holda darbadar bo’lib yuraveradi. Bir hafta ichida registratsiyadan o’tishi kerak, aks holda nolegal migrant hisoblanadi va u ma’muriy va jinoiy jazoga tortilishi mumkin”, - deydi muallim.
 
Hamroyeva bugun ishchi muhojirlar yuzlashayotgan qiyinchilik sabablaridan yana biri savodsizlik, deydi:
 
“Hozir bir tashkilotga konsultatsiya berib yuribman. Bu tashkilot “LG” zavodlari uchun ishchilar yollayapti, asosan, markaziy osiyoliklar orasidan. Odamlar 12-14 soatdan ishlayapti konveyerda. Ularni ovqat, yotish-turish joyi bilan ta’minlashmaydi. Soatiga 70-80 rubl haq olishadi. Odamlar uch-to’rt hafta uzluksiz, dam olishsiz ishlaydi. Konveyerning yonida holsizlanib, yiqilib qolgan holatlar ham bo’lgan”.
Sabr-toqat kerak, o’z sohasida boshqalarga nisbatan bir pog’ona baland bo’lishi kerak. Shundagina bu yerdagi mutaxassislar sizni tan oladi.


Mutaxassis so’zlariga qaraganda, Moskvada migrant kadrlar himoyasi bilan shug’ullanadigan kasaba uyushmalari bor. Lekin…
 
“Migrantlar qo’lida hujjati bo’lmagani uchun o’zini himoya qila olmaydi. Lekin muhojirlarning huquqlari buzilsa, profsoyuz ularni himoya qilolmaydi, chunki juda zaif bir tashkilot. Migrantlarni himoya qilish uchun mablag’ kerak, katta mablag’ zarur. Muhojirlar juda ko’p, lekin uyushma kichik bo’lib, ularni eplashga kuchi, qurbi yetmaydi”, - deydi suhbatdosh.

Rossiya Migrant ishchilar kasaba uyushmasi raisi Renat Karimovning aytishicha, kasaba uyushmasi har bir a'zosining sa'y-harakatlariga tayanadi.

"Biror tashkilotni mablag'ga ko'mib tashlashingiz mumkin, texnik yordam ajratishingiz mumkin. Biroq tashkilotning har bir a'zosi o'zi, mustaqil ravishda harakat qila boshlamasa, o'z haq-huquqini himoya qilishni o'rganmasa, birlashib, bir yoqadan bosh chiqarib harakat qilmasa, chetdan yordamning mutlaqo foydasi yo'q. Masalan, hozir kasaba uyushmamizda 30 ming a'zo bor, holbuki migrant ishchilarning soni millionlarni tashkil etadi. Kuchimiz yetmayotgani tabiiy", - deydi Renat Karimov.
 
Migrantlarning o’zi juda savodsiz, deydi Hamroyeva. “Ekspluatatsiya qilinayotganidan bexabar va himoyaga haqli ekanini hatto bilmaydi”, - deydi u.
 
“Huquqiy nigilizm degan tushuncha bor. Sovet davridan qolgan asoratlar bu. Huquqiy savodsizlik aholi orasida juda yuqori. Rossiyada ham, O’zbekistonda ham shu manzara. Qishloq joylarda ahvol undan ham qo’rqinchli. Vaholanki, muhojir ishchilarning aksariyati qishloqlardan kelayapti”, - Rossiyada Davlat xizmatchilarining malakasini oshirish instituti muallimi, konsultant Ra’no Hamroyeva.

Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Otalar uyda, bola boqadi; onalar ishda - Today's dadsi
X
31.10.2014 22:03
Bugun ko'plab erkaklar uyda bola tarbiyasi bilan band, onalar esa ishlab pul topadi. Buning nimasi yomon, deya so'raydi "Amerika Ovozi" bilan gaplashgan amerikaliklar.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Fotogalereya

Fotogalereya Quddus: arab va yahudiylar orasida to'qnashuvlar

Quddusdagi al-Aqsa masjidi bugun qisman ochiq. Isroil politsiyasi chorshanba kuni inshootni butunlay yopib qo'ygach, Falastin ma'muriyati buni urush e'lon qilishga qiyoslagan edi. Hududda hafta boshida ro'y bergan otishmada avval isroillik ruhoniy jarohatlangan; ketidan politsiya falastinlik bir shaxsni otib o'ldirgan edi. To'polon ko'tarilmasligi uchun musulmon va yahudiylar uchun muqaddas sanalgan masjid va uning atrofini vaqtincha to'sib qo'ydik, deydi Isroil huquq-tartibot xodimlari. 50 yoshgacha bo'lgan erkaklar hududga hamon yo'latilmayapti. G'azoda hukmron HAMAS va Isroil o'rtasida shu yil ro'y bergan ikki oylik urush ortidan yahudiy va falastinliklar munosabati hanuz tarang. Ixtilof 21 mingdan ziyod odam, asosan, g'azolik tinch aholini hayotdan olib ketgan edi.
Fotogalereya

Fotogalereya Burkina Fasoda xalq isyon ko'tardi, prezident ishdan ketdi

G'arbiy Afrikadagi davlat, Burkina Fasoda prezident Bleyz Kompraore 27 yillik boshqaruvdan keyin ishdan ketdi. Mamlakatda o'n minglab odamlar namoyishga chiqib, rahbarning iste'fosini talab qilayotgan edi. Chiqishlar qonli tus olgach, kecha armiya parlamentni tarqatib yuborib, muvaffaq hukumat tuzilishini ma'lum qilgan. 1987-yildan beri Burkina Fasoni boshqarayotgan Kompraore sal oldin parlamentda yangi qonunni olg'a surib, hokimiyatda uzoqroq qolishni ko'zlayotgan edi. Omma bundan norozi bo'lib isyon ko'targan. Sobiq rahbar hozir qayerda ekani, o'rniga kim tayinlanishi hali ma'lum emas. Ayrim manbalarda general Luame Loug vaqtli hukumatga bosh bo'lishi mumkin deyilmoqda. Kecha, payshanba kuni poytaxt Uagaduguda odamlar parlamentga o't qo'yib, boshqa davlat idoralariga bostirib kirgan. Politsiyaning aytishicha, o'lganlar va yaradorlar bor. Xalqni tinchlantirish uchun rasmiylar parlamentda olg'a surilgan konstitutsion o'zgarishlarni va bir necha soat oldin e'lon qilingan favqulodda holatni bekor qildi. Birlashgan Millatlar Tashkiloti Bosh kotibi Pan Gi Mun G'arbiy Afrikadagi bu davlatda vaziyatni xavotir bilan kuzatayapmiz, deydi. Bosh kotib tomonlarni tinchlanishga va zo'ravonlikdan tiyilishga chaqirmoqda.
Fotogalereya

Fotogalereya Peshmerga kuchlari Kobaniga yetib keldi

Iroq Kurdistonidan peshmerga jangchilarining bir qismi Suriyaning Kobani shahriga yetib borgan. Ular "Islomiy davlat" jangari guruhiga qarshi kurashda mahalliy kurdlar va xalqaro koalitsiyaga yordam beradi.
Fotogalereya

Fotogalereya Gavayi vulqoni aholi turar joylariga yetib keldi

Gavayida otilib chiqqan vulqon lavalari bir necha hafta o'tib Paxoa shaharchasiga yetib keldi. Sekin harakatlanayotgan lava "daryosi" yo'lda uchragan har qanday narsani kuydirib kulga aylantirmoqda. Shaharcha aholisi xavfsiz joyga evakuatsiya qilingan.
Fotogalereya

Fotogalereya Ebolaga qarshi global kurash

Dunyo bo'ylab Ebolaga qarshi kurash choralari kuchaytirilmoqda. Eboladan ogohlik oyligi doirasida turli mamlakatlarda xavfli kasallikka qarshi tayyorgarlik mashg'ulotlari o'tkazilmoqda.
Fotogalereya

Fotogalereya Afg'onistondagi missiya nihoyasiga yetayapti

Afg'onistonning Hilmand viloyatidagi yirik harbiy baza mahalliy armiya nazoratiga o'tdi. AQSh va Britaniya qo'shinlari missiyani yakunlab, o'lkani tark etishga hozirlik ko'rmoqda. 2015-yilda Afg'onistonda 12 ming xorijiy askar qoladi.
Fotogalereya

Fotogalereya Suriya va Iroq

G'arb qo'llab-quvvatlovini olgan kurd jangchilari Turkiya orqali Suriyaga 1300 safdoshini jo'natishga hozirlik ko'rayapti. Iroqda va Suriyada janglar davom etmoqda.
Fotogalereya

Fotogalereya Turkiya kurdlari qo'shni davlatdagi urushda o'lgan elatdoshlariga motam tutmoqda

Suriyaning Kobani shahri bir necha kundan beri jang maydoni. "Islomiy davlat" bilan qonli urush ketmoqda.
Fotogalereya

Fotogalereya Kanada parlamentida otishma, Ottavadan suratlar

Kanada poytaxtida urush qahramonlariga qo'yilgan yodgorlik oldida turgan askar otib ketilgan. Bu inshoot yaqinidagi parlament binosi ham xavf ostida degan ogohlantirishdan keyin evakuatsiya ishlari boshlangan. Harbiy soqchini nishonga olgan shaxs parlament tomon qochdi, deydi guvohlar. Imoratdan o'q ovozlari eshitilgan. Askarni otgan odam politsiya o'qidan o'lgan. Yaralangan askar ham kasalxonada jon bergan.

Interaktiv

SAYTGA KIRISHNING XAVFSIZ YO’LI