Yakshanba, 20-aprel, 2014 Toshkent vaqti: 13:17

Markaziy Osiyo

MTS-O'zbekiston: Ayblovlar asossiz, hukumat bizdan qutulmoqchi

Matn hajmi - +
O’zbekistonda o’tgan sakkiz yil davomida muvaffaqiyatli ishlab, 10 millionga yaqin kishini uyali aloqa bilan ta’minlagan MTS kompaniyasi (O'zdunrobita) faoliyati O’zbekiston hukumati qarori bilan bekor qilingan.

Respublika bosh prokuraturasi Rossiyada asoslangan, aksiyalari London va Nyu-York birjalarida sotiladigan bu kompaniyani qalloblikda, davlat moliya va biznes qonunlarini buzganlikda ayblab, 80 million dollar jarima solgan.

MTS O’zbekistonda 1400 ishchiga ega, aksariyati mahalliy fuqarolar. To’rt kishi hibsda, o'nlab xodimlar so’roq qilingan, ko’pining pasporti olib qo’yilgan. 

"AMERIKA OVOZI" MTS vitse-prezidenti MAYKL XEKKER (MICHAEL HECKER) bilan Toshkentda ketayotgan tergov ishlari, so’nggi qarorlar va kelajak haqida suhbatlashdi.

“AMERIKA OVOZI”: Toshkentdan so’nggi xabar shuki, MTS faoliyati butkul to’xtatiladi… Shundaymi?
 
XEKKER: Ha, afsuski, shunday. Faoliyatimiz uch haftadan beri to’xtatilgan. O’zbekiston hukumati xatti-harakatlariga qarab, Toshkent berayotgan signalga qarab shuni aytish mumkinki, yaqin orada MTS-O’zbekiston noqonuniy ravishda tortib olinadi, unga tegishli barcha mol-mulk musodara qilinadi.   
 
“AMERIKA OVOZI”: Shu yilning iyun oyigacha kompaniya respublikadagi biznesdan xursand edi, shundaymi? Tergovga nima turtki berdi?
 
XEKKER: Biz ham hayronmiz. O’zbekistonda 2004-yildan beri ishlab kelamiz. Biz juda mustahkam, jadal o’sishga qodir bir biznes barpo etdik. 10 millionga yaqin kishini uyali telefon xizmati va internet aloqa bilan ta’minlab kelayotgan edik. O’zbekiston va xalqaro qonunlarga rioya qilib keldik. Biror noto’g’ri qadam tashlaganimiz yo’q. To’satdan shu yilning iyun oyida O’zbekiston hukumati bizga qarshi sistematik kampaniya boshladi. Maqsad boshidan faoliyatimizni to’xtatish va bizni tamoman yopish. 
 
“AMERIKA OVOZI”: Iyun oyigacha hukumat bilan aloqalaringiz qanday edi? Biror kelishmovchilik yoki mojaroli hol bo’lganmidi?
 
XEKKER: Biz mavjud qonun-tartibga bosh egib kelganmiz. Biror qoidani buzmaganmiz. Soliqlarni to’liq to’laganmiz. Doimiy auditdan o’tganmiz. Barcha qonuniy talablarni qondirganmiz va faoliyatimiz har tomonlama normal edi. Lekin iyun oyida hukumat kutilmaganda tekshir-tekshir boshladi. Maqsad darrov ayon bo’ldi – bizdan qutulish.
 
“AMERIKA OVOZI”: O’zbekiston hukumati bu ishni korrupsiyaga qarshi kurash deb atamoqda. Kompaniyangizga qarshi jiddiy ayblovlar qo’yilmoqda. Siz ularni rad etib, ma’muriyatni g’araz maqsadlarda ayblayapsiz.
 
XEKKER: Bizning nazarimizda, MTS-O’zbekistonga qarshi ayblovlarning hammasi tuhmat, soxta va iqrornomalar majburan yozdirilgan. O’zbekiston hukumati doimo shunday qilib kelgan, bu yangilik emas. Investorlarni mol-mulkdan ayirish uchun rahbariyat bu usulni anchadan beri qo’llab keladi. Biz bunga uchragan birinchi biznes emasmiz. Bizdan oldin hukumat ko’plarni qaqshatgan. Ayblovlar g’irt safsata. Masalan tizim sifati yaxshi emasmish. Bizning xizmat sifatimiz aslida ikki baravar yaxshi. Soliq bo’yicha ayblovlar ham asossiz. Biz ularni doimo vaqtida va to’liq to’lab kelganmiz. Hozir hibsda o’tirgan xodimlarimizga qo’yilayotgan ayblovlarning ham birortasi asosli emas. Shu qadar to’qimaki, izohlashga so’z topish qiyin. O’zbekistonda bunday soxta ayblovlar doimiy hol ekanini bilamiz. Aytganimdek, maqsad bizni musodara qilish va kompaniyadan qutulish.
 
“AMERIKA OVOZI”: Siz shu qadar yaxshi va samarali ishlab, aholining uchdan biriga xizmat ko’rsatgan bo’lsangiz, sizdan qutulib, nimaga erishishi mumkin bu davlat?
 
XEKKER: Biz ham shuni tushunishga urinayapmiz. Bizdan qutulib, hukumat nima qilmoqchi? Faqat taxmin qilish mumkin. Kompaniya mulkini tortib olib, o’zlashtirish yoki boshqaga sotib pul qilish. Bu borada biror narsa deyish qiyin hozir. Shunisi aniqki, biz O’zbekistonda barcha qonunlarga rioya qilganmiz. Va bizga qarshi biror asos va sababsiz tergov ishi ochishdi. Ayni damda to’rt menejerimiz hibsda, hammasi O’zbekiston fuqarolari. Iyul oyidan beri ular qamoqda. Bu insonlarga nisbatan munosabat na respublika va na xalqaro talablarga javob beradi. Bundan tashqari xodimlarimiz sistematik tarzda bosimga olinmoqda, tazyiqqa uchramoqda. Ular advokatsiz so’roq qilinmoqda, ularni aybga majburan iqror qilishga urinishmoqda. Ularning huquqlari poymol etilmoqda. Biror yoqqa chiqa olmaydi, erkin harakat qila olmaydi, chunki pasportlari olib qo’yilgan.    
 
“AMERIKA OVOZI”: Xodimlarga qanday yordam berishingiz mumkin?
 
XEKKER: Ularning huquqiy himoyasi juda muhim. Biz mahalliy advokatlar topib, ularga ko’maklashish harakatidamiz. Lekin bu juda qiyin. Qamoqdagi xodimlar bilan bog’lanish oson emas. Boshqa xodimlarga ham har tomonlama madad ko’rsatishga urinayapmiz. Aytganimdek, ular organlarning kuchli bosimi ostida.
 
“AMERIKA OVOZI”: Kompaniya egalari kimlar? Xalqaro faoliatingiz haqida gapirib bering.
 
XEKKER: MTS aksiyalari 10 yildan beri Nyu-York birjasida sotiladi. Kompaniyaning 50 foizga yaqini Rossiyada asoslangan SISTEMA korporatsiyasiga tegishli. Uning qimmatbaho qog’ozlari London birjalarida turadi. 47-48 foizga yaqini erkin bozorda. 30 foizga yaqini Amerika investorlariniki. Ular turli tashkilotlar, pensiya jamg’armalari va boshqa sarmoyachilar. MTS Group deb ataymiz buni va O’zbekistondagi kompaniya 100 foiz bu guruh qo’lida. MTS Markaziy Osiyoda eng yirik uyali telefon, telekommunikatsiya va internet kompaniyasi. Faoliyatimiz to’xtatilgani millionlab odamlarni aloqasiz qoldirdi va zarar ko’lami bag’oyat katta. Aholi qiynalmoqda, chunki boshqa operatorlar talabni qondira olmaydi. Odamlar MTS qayta ishga tushsin deb talab qilib, filiallarimiz oldida turganini bilamiz. Afsuski, buning iloji yo’q, chunki hukumat qonunga xilof ravishda bizning ishimizni to’xtatdi. MTS ishlamayotgani jamiyatni qanchalik qiynayotganiga qaramay hukumat bunga ko’z yumadi, chunki uning asl maqsadi bizni yo’q qilish. 
 
MTS vitse-prezident Maykl Xekker (Michael Hecker) bilan suhbat/Navbahor Imamova
MTS vitse-prezident Maykl Xekker (Michael Hecker) bilan suhbat/Navbahor Imamovai
|| 0:00:00
...
 
🔇
X

Interview with Michael Hecker, MTS vice president/Navbahor Imamova VOA Uzbek
Interview with Michael Hecker, MTS vice president/Navbahor Imamova VOA Uzbeki
|| 0:00:00
...
 
🔇
X


“AMERIKA OVOZI”: Hukumat yoki hukumat ortida turganlar bilan biror janjalli masala yo’q edi deb bemalol ayta olasizmi?
 
XEKKER: Yo’q edi, aytganimdek, ishimizni to’g’ri olib borganmiz. Shu yil  boshida soliq auditidan o’tganmiz. Biror muammo chiqmagan. Qo’shimcha to’lashingiz kerak deyishgan, biz darrov to’laganmiz. Bizga qarshi tergov ishi ochilib, yopib qo’yilganimiz biz uchun umuman kutilmagan hol.
 
“AMERIKA OVOZI”: Amerika hukumatidan yordam so’rayapsiz. Vashington nima qila oladi?
 
XEKKER: AQShdan umidimiz shuki, Vashington bu masala haqida O’zbekiston rahbariyati bilan gaplashib, uni to’g’ri yo’lga boshlaydi. Chunki Amerika bu masala hal bo’lishidan manfaatdor. Birinchidan, MTSning 30 foiziga AQSh investorlari egalik qiladi. Eng muhimi, inson huquqlari poymol etilmoqda. Begunoh xodimlarimiz O’zbekiston qamog’ida. Ularning qo’yib yuborilishiga ishonish qiyin. Ko’plab xodimlarimiz bevosita bosim ostida.
 
“AMERIKA OVOZI”: Qancha xodimingizga rasman ayblovlar qo’yilgan?  
 
XEKKER: To’rt kishi qamoqda va ularga qarshi konkret ayblov nima ekanini tushunish qiyin. Juda umumiy va mavhum. Biror isbot-dalil yo’q ularni ayblashga. Shunday ekan, bu insonlar xuddi garovga olingandek. Boshida besh kishi hibsga olingan edi. Biri Rossiya fuqarosi edi. Uni qo’yib yuborishdi, lekin mamlakatdan chiqa olmaydi. Qolgan to’rt kishi o’rta va yuqori lavozimdagi menejerlar. Hammasi O’zbekiston fuqarolari.   
NI: 100 ga yaqin xodim so’roq qilingan degan ma’lumot qanchalik to’g’ri?
 
XEKKER: Bu haqiqat. O’nlab xodimlarimiz chaqirilgan va huquqiy himoyasiz so’roq qilingan. Uch soatlab olib o’tirilgani ma’lum. Orada besh minut advokatga ruxsat beriladi, kamera yoqilib, xo’jako’rsinga uning oldida so’roq qilinadi, keyin esa chiqarib yuboriladi. Ularni uzoq yilga qamalasan deb qo’rqitishayapti, ayblovni majburan bo’yniga oldirishmoqchi, xodimlarimizning uyiga ataylab qoradori tashlab, ularni jinoyatda ayblashmoqchi… Xullas, soxta ayblovlarga iqror bo’lishga zo’rlashayapti.  
 
“AMERIKA OVOZI”: Rossiya hukumatidan nima kutayapsiz? 
 
XEKKER: Rossiya hukumatidan shuni so’rayapmizki, O’zbekiston hukumati bilan bu borada ochiqchasiga gaplashishsin. Birinchidan xodimlarimiz qo’yib yuborilishida yordam berishsin. Boshqa xodimlarimizga bosim bas qilinsin. Kompaniyaga nisbatan barcha tazyiq to’xtatilsin. Va faoliyatimizni qayta boshlash uchun imkoniyat yaratilsin. 
 
“AMERIKA OVOZI”: Lekin O’zbekiston bunga ko’nmasachi? Bosh prokuraturaga ko’ra, MTS qonunni buzgani, qora ishlar qilgani haqida isbot-dalil yetarli va sizni sudlashmoqchi.
 
XEKKER: Bizga qarshi yangrayotgan ayblovlarning hammasi yolg’on. Biror asos yo’q ularda. Majburan yozdirilgan iqrornomalarni ro’kach qilishi mumkin. Faktlar yo’q ularda. Mantiq yo’q bu ishda. Rasman, bizni telekommunikatsiya qonunlarini buzganlikda, soliq va valyuta qonunlarini buzganlikda, monopoliyaga qarshi qonunlardan chetga chiqqanlikda ayblashayapti. Sakkiz yillik faoliyatimizda O’zbekistonda biror qonunni buzmaganmiz. Biznesimiz oshkora edi. Audit va boshqa tekshiruvlardan o’tganmiz va biror jinoiy harakat kuzatilmagan. Hukumat nima deyishidan qat’iy nazar bu ish uydirma, sahnalashtirilgan ish. Kompaniyani yo’q qilish, uni tilka pora qilib tashlash. Bundan kim jabr ko’rayapti? Qamoqdagi xodimlar, bosim ostidagi ishchilarimiz va ko’p jihatdan O’zbekiston aholisi, bizning xizmatimizga tayangan millionlab odamlar. Uyali telefonsiz qiynalayotgan 9,5 million xaridorimiz. Turmush, ish, xizmatlar, hammasi uyali telefonga bog’langan axir.
 
“AMERIKA OVOZI”: O’zbekistondagi biznes doiralar bilan aloqa qanday edi?
 
XEKKER: Faoliyatimizni kengaytirish uchun mavjud imkoniyatlarni o’rganganmiz, qanday xizmatlar ko’rsatishimiz ustida o’ylab, sharoitga qarab ish tutganmiz. Muayyan shaxslar bilan biznes qilmaganmiz. Kompaniyamiz mintaqada eng yirigi edi. Ishimizdan mamnun edik.
 
“AMERIKA OVOZI”: Ikki yilcha avval Turkmanistonda ham muammoga uchragan edingiz, shundaymi?
 
XEKKER: Turkmanistonda hozirda ishimizni qayta boshlaganmiz, juda kichik muammo edi u. O’zbekistondagi holatdan ko’p farq qiladi. O’zbekistonda sistematik kampaniyaga uchradik. Ishchilarimiz bosim va tazyiq ostida.
 
“AMERIKA OVOZI”: O’zbekistonda sizni tomosha qilib, tinglab o’tirgan odamlarga, MTS ochilarmikan yana deb o’ylanayotganlarga nima deysiz?
 
XEKKER: Xizmatimizdan foydalangan odamlarga nima bo’layotganini tushuntirish, ishimiz to’xtatilayotgani haqida axborot berishga deyarli ulgurmadik. Xaridorlarimizga shuni aytardimki, biz xizmatni tiklash uchun qo’ldan kelgan barcha ishni qilayapmiz. Biz O’zbekistonda 9,5 million odam xizmatida ekanimizdan faxrlanib kelganmiz, buni sharaf deb bilganmiz. MTS odamlar hayotining ajralmas qismiga aylanganini bilamiz. Biz faoliyatimizni davom ettirishni istaymiz. Xaridorlarimiz buni tushunadi degan umiddamiz. Hukumat bizga qarshi ayovsiz, asossiz kampaniya boshladi. Biz albatta afsusdamiz. O’zbekiston ahli buni biladi deb o’ylaymiz.

MTS-O'zbekiston: Kompaniya vitse-prezidenti Maykl Xekker (Michael Hecker) bilan suhbati
|| 0:00:00
X
11.08.2012
O’zbekistonda o’tgan sakkiz yil davomida muvaffaqiyatli ishlab, 10 millionga yaqin kishini uyali aloqa bilan ta’minlagan MTS kompaniyasi faoliyati O’zbekiston hukumati qarori bilan bekor qilingan. Respublika bosh prokuraturasi Rossiyada asoslangan, aksiyalari London va Nyu-York birjalarida sotiladigan bu kompaniyani qalloblikda, davlat moliya va biznes qonunlarini buzganlikda ayblab, 80 million dollar jarima solgan. MTS O’zbekistonda 1400 ishchiga ega, aksariyati mahalliy fuqarolar. To’rt kishi hibsda, yuzlab xodimlar so’roq qilingan, ko’pining pasporti olib qo’yilgan. Navbahor Imamova MTS vitse-prezidenti Maykl Xeker (Michael Hecker) bilan Toshkentda ketayotgan tergov ishlari, so’nggi qarorlar va kelajak haqida suhbatlashdi.

Original/Interview with Michael Hecker, MTS VP

MTS Uzbekistan: Interview with Michael Hecker, VPi
|| 0:00:00
X
11.08.2012
Russia-based MTS says its Uzbek subsidiary, Uzdunrobita, accused of violating anti-monopoly rules, consumer protection laws and advertising regulations, is facing termination... In an exclusive interview with Navbahor Imamova of Voice of America's Uzbek Service, Vice president Michael Hacker says that the charges are unwarranted and that the company has become victim of a systematic expropriation campaign engineered by the authorities in Uzbekistan. Uzdunrobita's license has been suspended and four employees remain in prison. Around 10 million of Uzbekistan's 25 million mobile phone users are MTS customers.
Mazkur forum yopiq.
Izohlarni tartiblashtirish
Izohlar
     
Fikr bildiruvchi: Абду
22.08.2012 05:33
Бу Каримовнинг навбатдаги сиёсий уйини.Хозирги пайтда АКШ б-н Узбекистон орасидаги якинлик бошланиши арафасида. Урта-Осиёда АКШ уз мавкеини мустахкамлаш у-н харакат килаётир. МТС 100% чет-эл компанияси булганлиги у-н бу Узбекистон рахбариятини анча пайтдан бери жигига тегиб келаётган булса керак. Бу кимор -уртадаги уйинчилар АКШ, Россия ва Узбекистон. Каримов МТС ни кандайдир карта сифатида уртага ташлади ва кузатади ким кандай бунга этибор беришини, Россияни хам АКШни хам бу компанияда манфаати (интереси) бор. Кайси бири индамай ютиб кетаркин, кайси бири келажакдаги катта уйиндан МТСга кузини юмаркин. Президентимиз карта, шахмат, домино, шашка ва бошка уйинлани уйнашни кийворади.


Fikr bildiruvchi: Farruh E-mail adresingiz: UAE
21.08.2012 04:32
Ganisher gapiz to'g'ri, Ucell xarakatini boshlagan.Beline xam!
Imkoniyatla yetarli, yomonlash onson qilish qiyin, Yaxshi bo'lish qiyin Yomon bo'lish juda onson. Bu qarama qarshilikla xamma joyda mavjudligini korishimiz mumkin.
Man xoxlirdim Uzbekistonimiz barqaror bo'lishini, xech kimdan kam bo'masligimizani. Avvalo raqobatni shunaqa yaratib qoyilganidan xursandman. MTS sindi chunki juda kotta pulni ob chiqib ketgan UZB dan. Kamaytirib etishvotti shundayam. Mayli buyogini oylash kere endi. Orgin Xodimlarimizaga barbir rahmat etish kere, Xammasi Vatan uchun qivotti shu ishlani.
Kimsan disa O'zbekman dimiza!!! Lekin ildizimizani yomonlab bolta urishimiza yaxshimas!
Shuncha yilda ozmuncha ish qilishmadi,shaxsan man qoyil qolaman.


Fikr bildiruvchi: Ganisher E-mail adresingiz: Yevropa
18.08.2012 18:31
Bir tarixga qarasak.Ovozli Pochta asta sekin MTSda yo'q bo'ldi. Hozirda uncha talabga javob bermasa ham Ucellda bor! Menga Qo'ngiroq Qil xizmati pulli bo'ldi. Har bir SMSga 0.01$ 9000000 dan 30% foizi 3000000*0.01=30000$. Har kuni keladigan pul, xizmat yaxshilanmadi (Beeline,Ucell da Boshqacha 2 tadan tekin). E-mailni bevosita olish yo'qoldi. (Ucellda bor). Sifat juda yomonlashdi. Tekshiruvchilar kelib elka qisib ketdi (Antenna o'rnatish kerak deb ketishdi, Toshkent viloyati, Zangiota, Tuzel Boshlanishida va h.z.).Bu ro'yxatni davom ettirish mumkin. Pul kelaverdi, ish bajarilmay tura Berdi). Bularga kim ma'sul va kim ish haqi oldi. Bu oddiy mijozninig ayrim fikrlaridir


Fikr bildiruvchi: Gani E-mail adresingiz: Toshkent
15.08.2012 19:53
Men to'lagan pulni KIM TO'LAYDI?? Pulimni va xizmat haqini prokuratura to'laydimi yoki kIm?? Qaytarib bering!! Aldov cherasizmi?


Fikr bildiruvchi: nom'alum E-mail adresingiz: noma'lum
14.08.2012 20:14
MTS bir tiyinga qimmat kompaniya edi. Ishlatganman, internet xizmati shunaqangi dabdala. Ertaga 30$ qarz bo'lasiz, bir oydan keyin qog'oz kelib turadi qarzingizni to'lang deb.


Fikr bildiruvchi: Jaxongir E-mail adresingiz: UAE
12.08.2012 22:05
Shaxsan o'zim Toshkentdaligimda ko'p bor MTS operatorlariga qo'ng'iroq qilib, shikoyatlar bilan chiqqanimda manga nisbatan behurmat munosabatda bo'lishardi. Topvogan gapi "Hurmatli abonent", bu so'zniyam juda do'q qilib gapirishardi. Ustidan shikoyat qilib telefon qilsam, na menejer bor, na boshqasi. Mana oxiri ****** suv quyishgandan keyin Maykl niyam ko'rvommiza, boshqasiniyam. Shaxsan manga issig'iyam yo'q sovuug'iyam! Haqiqat baribir g'alaba qozonadi. Shaxsan mani fikrlarim chiqarmidi shu "Amerika Ovozi" da, chunki maqsad bilan ishlaydi, odamlani agitatsiya qilish. Hammani omadini bersin, lekin buyoda mol-mulk bilan ishi bo'lganda allaqachon olingan bo'lardi. MTS haqiqatda noqonuniy ishlarni oborgani ma'lum. O'zi aytib turibti 9,5 million odamga xizmat ko'rsatganman deb. Lekin nalog shunaqa darajada to'lanmagan. Tekshiruv jarayonlarida soxta hujjatlar taqdim qilinvurgan. Opani oldidan otishomi oxiri suyakka borib taqalgan shekilli. Endi ahamiyat berishgan. O'zbekiston prokraturasi kech qolgani ayon. Man bunaqa ishchilarni bo'shatgan bo'lardim. Yaxshi ishlamaydi, mana Amerikadan turib O'zbekistonga noqonuniy ma'lumot bemalol bervotti. Haqiqat bo'lsa borsin advokatini ko'tarib, mana betta pistachi xotinlarga o'xshab gapirmasdan.


Fikr bildiruvchi: Bunyod E-mail adresingiz: Toshkent
11.08.2012 23:23
Pora berib turish kerak edi, Maykl aka. Sakkiz yidayam shuni tushunib yetmapsilade.


Fikr bildiruvchi: Bahodir Ahmedov
11.08.2012 23:21
Хаммаси ****** Гулнорани иши. Пул килаетган компанияни куролмай шунака йуллар билан узиники килиб олмокчи. МТСдагилар буни яхши билади. Экспроприация килишади деяптику мана, демак, билади булаям.

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
AQShda farzand boqib olgan o'zbekistonlik ona bilan suhbat- Boston, Massachussetts shtatii
X
19.04.2014
Boston va uning atrofida o'zbeklar boshqa katta shaharlarga qaraganda unchalik ko'p emas. Dunyoning bu qismlariga asosan talabalar kelib ketadi. Lekin bugun o'zbekistonlik oilalar yetib bormagan joy yo'q.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Fotogalereya

Fotogalereya Ukrainadan suratlar

Sharqdagi to'qnashuvlarda o'lganlar, jarohat olganlar bor.
Fotogalereya

Fotogalereya Boston fojiasini eslab

O'tgan yilning 15-aprelida 25 mingga yaqin kishini bir joyga to'plagan marafon paytida yuz bergan portlash uch kishini hayotdan olib ketgan va 260 dan ortiq odam jarohatlangan edi.
Fotogalereya

Fotogalereya Nigeriyada qonli kun

Fotogalereya

Fotogalereya Ukrainadan suratlar

Fotogalereya

Fotogalereya Vashingtonda olcha gulladi

Har yili aprel oyida Vashington shahri olcha gullari bilan burkanadi. Bir asr muqaddam Yaponiya tomonidan hadya qilingan ko’chatlar bugun Vashingtonning ramziy ko’rkiga aylangan. Olchaning gullash mavsumi har yili 10 kuncha davom etadi. Yilning bu davrida Vashington sayyohlar bilan to’ladi. Chunki ayni shu kunlarda poytaxt Olcha guli festivalini tashkil qiladi. Vashington bo’ylab yapon madaniyati kunlari o’tkaziladi. Musiqa va raqs, me’morchilik san’ati, urf-odatlar, kinolar namoyish etiladi. Yapon tili va adabiyoti ham targ’ib qilinadi. Yaponiyadan mehmonlar kelib, sahnada amerikaliklarni xushnud qiladi. Ikki xalq san’atini ifodalovchi asarlar namoyish etiladi.
Fotogalereya

Fotogalereya Janubiy Afrika Respublikasi notinch

BMT Xavfsizlik Kengashi tobora notinch Janubiy Afrika Respublikasiga keng ko’lamli tinchlikparvar qo’shin safarbar etadi. Salkam 12 ming kishilik missiya tinch aholini himoya qilib, insonparvarlik yordami qatnovini ta’minlaydi. Mamlakatda mazhablararo adovat va zo’ravonlik minglab odamlarni hayotdan olib ketdi. Afrikalik olti ming va fransiyalik ikki ming qo’shin tinchlikni saqlay oladi, deydi BMT rasmiylari. Xalqaro qo’shinlar 15-sentabrda ishga kirishadi. AQShning BMTdagi elchisi Samanta Pauer shu hafta Markaziy Afrika Respublikasida bo’ldi. Qo’shma Shtatlar Afrika ittifoqi qo’shinlarini qo’llab quvvatlaydi; jahon hamjamiyati bu davlatga dadilroq yordam berishi lozim, deydi elchi. BMT, xususan, Markaziy Afrika Respublikasida 19 ming musulmon hayoti jiddiy tahdid ostida va ular mamlakatning xavfsiz hududlariga yoki xorijiy davlatga ko’chirilishi kerak, deya ogohlantiradi. Nasroniy jangarilar musulmon aholiga qarshi qonli hujumlarni boshlagandan beri o’n minglab musulmon poytaxtni va g'arbiy viloyatlarni tark etgan. Ayrim mahalliy rasmiylarning aytishicha, aholini ko’chirish choralari ixtilofni yanada kuchaytirib, mamlakatni parchalab yuborishi mumkin.

Interaktiv

SAYTGA KIRISHNING XAVFSIZ YO’LI