Juma, 31-oktyabr, 2014 Toshkent vaqti: 21:14

Xalqaro

NATO afg'on kuchlari tayyorgarligidan mamnun

Xillari Klinton NATO tashqi ishlar vazirlari majlisida qatnashmoqda, Bryussel, 4-dekabr, 2012-yil.
Xillari Klinton NATO tashqi ishlar vazirlari majlisida qatnashmoqda, Bryussel, 4-dekabr, 2012-yil.
Amerika Ovozi
NATO Afg’onistonda xavfsizlik bobida katta yutuqlarga erishgani haqida ma’lum qilmoqda. Koalitsiya kuchlarining qo’mondoni general Jon Allen bu haqda NATO tashqi ishlar vazirlariga hisobot berdi. Tafsilotlar bilan Odil Ruzaliev.

TEXT
AQSh generali Jon Allen NATOga a’zo davlatlar tashqi ishlar vazirlariga teleko’prik orqali murojaat qilib, Afg’onistonning shu kungacha mahalliy kuchlar nazoratiga o’tgan hududlarida zo’ravonliklar keskin kamayganini aytdi. Bu hududlarda mamlakat aholisining 70 foizi yashaydi.

NATO Bosh kotibi Anders Fog Rasmussenning Bryusselda o’tgan majlisda aytishicha, alyans Afg’onistonda xavfsizlik bo’yicha nazoratni kelasi ikki yilda mahalliy kuchlarga topshirishga hozirlanar ekan, ish belgilangan jadval bo’yicha ketmoqda.

"Strategiyamiz samara berayotganini ko’rib turibmiz. Jarayon bosqichma-bosqich amalga oshirilmoqda. Afg’on xavfsizlik kuchlari vazifani a’lo uddalamoqda", - dedi Rasmusen.

Shunga qaramay, NATO rasmiylarining tan olishicha, Tolibon hali ham jiddiy kuch, yirik hujumlar uyushtirishga qodir. 2014-yil oxirigacha koalitsiya qo’shinlari mamlakatni birin-ketin tark etishi kutilsa-da, NATO harbiylarining bir qismi Afg’onistonda qolishi ma’lum. Ular mahalliy armiya va politsiyani tayyorgarlikdan o’tkazadi, maslahat beradi, ayrim operatsiyalarda hamkorlikda ishtirok etadi.

Bryusseldagi majlisda AQSh Davlat kotibi Xillari Klinton ham qatnashdi. Uning aytishicha, Qo’shma Shtatlar Afg’onistonga 2014-yildan keyin ham yordam berishda davom etadi.

Bu o’rtada esa, deydi Klinton, mamlakatdagi barcha siyosiy kuchlar o’zaro kelishib, mojaroga barham berishi lozim.

"Buning uchun ular zo’ravonlikdan voz kechishi, siyosiy jarayonlarga qo’shilishi, barqarorlikni ta’minlashi, inson huquqlarini e’zozlashi zarur", - deydi AQSh davlat kotibasi.

Matbuotdagi xabarlardan ma’lum bo’lishicha, Qo’shma Shtatlar afg’onlar orasida tinchlik jarayonini jonlantirish uchun yangi tashabbus bilan chiqqan. Bryusseldagi NATO majlisi doirasida Klinton rejani Pokiston tashqi ishlar vazirasi bilan muhokama qilgan.

Biroq bu tashabbusga yangi yildan so’ng yangi davlat kotibi bosh-qosh bo’ladi. Klinton Obamaning birinchi prezidentlik muddati yakunida iste’foga chiqishiga ishora qilmoqda.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Urush faxriylari uchun maxsus uylar - Houses for war veteransi
X
31.10.2014 10:03
Iroq va Afg'onistondan 300 mingga yaqin askar majruhlanib qaytgan. AQSh Mudofaa vazirligi yirik bir kompaniya bilan hamkorlikda ularga qulay uylar qurib berishga kirishgan. Ruhan va jismonan nogiron insonlar uchun maxsus imoratlar.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Fotogalereya

Fotogalereya Quddus: arab va yahudiylar orasida to'qnashuvlar

Quddusdagi al-Aqsa masjidi bugun qisman ochiq. Isroil politsiyasi chorshanba kuni inshootni butunlay yopib qo'ygach, Falastin ma'muriyati buni urush e'lon qilishga qiyoslagan edi. Hududda hafta boshida ro'y bergan otishmada avval isroillik ruhoniy jarohatlangan; ketidan politsiya falastinlik bir shaxsni otib o'ldirgan edi. To'polon ko'tarilmasligi uchun musulmon va yahudiylar uchun muqaddas sanalgan masjid va uning atrofini vaqtincha to'sib qo'ydik, deydi Isroil huquq-tartibot xodimlari. 50 yoshgacha bo'lgan erkaklar hududga hamon yo'latilmayapti. G'azoda hukmron HAMAS va Isroil o'rtasida shu yil ro'y bergan ikki oylik urush ortidan yahudiy va falastinliklar munosabati hanuz tarang. Ixtilof 21 mingdan ziyod odam, asosan, g'azolik tinch aholini hayotdan olib ketgan edi.
Fotogalereya

Fotogalereya Burkina Fasoda xalq isyon ko'tardi, prezident ishdan ketdi

G'arbiy Afrikadagi davlat, Burkina Fasoda prezident Bleyz Kompraore 27 yillik boshqaruvdan keyin ishdan ketdi. Mamlakatda o'n minglab odamlar namoyishga chiqib, rahbarning iste'fosini talab qilayotgan edi. Chiqishlar qonli tus olgach, kecha armiya parlamentni tarqatib yuborib, muvaffaq hukumat tuzilishini ma'lum qilgan. 1987-yildan beri Burkina Fasoni boshqarayotgan Kompraore sal oldin parlamentda yangi qonunni olg'a surib, hokimiyatda uzoqroq qolishni ko'zlayotgan edi. Omma bundan norozi bo'lib isyon ko'targan. Sobiq rahbar hozir qayerda ekani, o'rniga kim tayinlanishi hali ma'lum emas. Ayrim manbalarda general Luame Loug vaqtli hukumatga bosh bo'lishi mumkin deyilmoqda. Kecha, payshanba kuni poytaxt Uagaduguda odamlar parlamentga o't qo'yib, boshqa davlat idoralariga bostirib kirgan. Politsiyaning aytishicha, o'lganlar va yaradorlar bor. Xalqni tinchlantirish uchun rasmiylar parlamentda olg'a surilgan konstitutsion o'zgarishlarni va bir necha soat oldin e'lon qilingan favqulodda holatni bekor qildi. Birlashgan Millatlar Tashkiloti Bosh kotibi Pan Gi Mun G'arbiy Afrikadagi bu davlatda vaziyatni xavotir bilan kuzatayapmiz, deydi. Bosh kotib tomonlarni tinchlanishga va zo'ravonlikdan tiyilishga chaqirmoqda.
Fotogalereya

Fotogalereya Peshmerga kuchlari Kobaniga yetib keldi

Iroq Kurdistonidan peshmerga jangchilarining bir qismi Suriyaning Kobani shahriga yetib borgan. Ular "Islomiy davlat" jangari guruhiga qarshi kurashda mahalliy kurdlar va xalqaro koalitsiyaga yordam beradi.
Fotogalereya

Fotogalereya Gavayi vulqoni aholi turar joylariga yetib keldi

Gavayida otilib chiqqan vulqon lavalari bir necha hafta o'tib Paxoa shaharchasiga yetib keldi. Sekin harakatlanayotgan lava "daryosi" yo'lda uchragan har qanday narsani kuydirib kulga aylantirmoqda. Shaharcha aholisi xavfsiz joyga evakuatsiya qilingan.
Fotogalereya

Fotogalereya Ebolaga qarshi global kurash

Dunyo bo'ylab Ebolaga qarshi kurash choralari kuchaytirilmoqda. Eboladan ogohlik oyligi doirasida turli mamlakatlarda xavfli kasallikka qarshi tayyorgarlik mashg'ulotlari o'tkazilmoqda.
Fotogalereya

Fotogalereya Afg'onistondagi missiya nihoyasiga yetayapti

Afg'onistonning Hilmand viloyatidagi yirik harbiy baza mahalliy armiya nazoratiga o'tdi. AQSh va Britaniya qo'shinlari missiyani yakunlab, o'lkani tark etishga hozirlik ko'rmoqda. 2015-yilda Afg'onistonda 12 ming xorijiy askar qoladi.
Fotogalereya

Fotogalereya Suriya va Iroq

G'arb qo'llab-quvvatlovini olgan kurd jangchilari Turkiya orqali Suriyaga 1300 safdoshini jo'natishga hozirlik ko'rayapti. Iroqda va Suriyada janglar davom etmoqda.
Fotogalereya

Fotogalereya Turkiya kurdlari qo'shni davlatdagi urushda o'lgan elatdoshlariga motam tutmoqda

Suriyaning Kobani shahri bir necha kundan beri jang maydoni. "Islomiy davlat" bilan qonli urush ketmoqda.
Fotogalereya

Fotogalereya Kanada parlamentida otishma, Ottavadan suratlar

Kanada poytaxtida urush qahramonlariga qo'yilgan yodgorlik oldida turgan askar otib ketilgan. Bu inshoot yaqinidagi parlament binosi ham xavf ostida degan ogohlantirishdan keyin evakuatsiya ishlari boshlangan. Harbiy soqchini nishonga olgan shaxs parlament tomon qochdi, deydi guvohlar. Imoratdan o'q ovozlari eshitilgan. Askarni otgan odam politsiya o'qidan o'lgan. Yaralangan askar ham kasalxonada jon bergan.

Interaktiv

SAYTGA KIRISHNING XAVFSIZ YO’LI