Breaking News

Nepalda vayronalardan to'rt odam tirik chiqdi


Nepaldagi zilziladan o'lganlar soni 7200 dan oshgan. Poytaxt Katmandu va boshqa hududlardagi binolar vayron bo'lganiga bir haftadan oshiq vaqt bo'ldi, ammo bugun yana to'rt odam tirik topilgan. Ulardan biri 101 yashar qariya.

Qo'shma Shtatlar qidiruv va qutqaruv ishlarida faol yordam bermoqda. Kecha Nepalda Amerikadan to'rt samolyot qo'ngan. Ular og'ir uskuna, parvozlarni boshqarish uchun dispetcherlar olib kelgan. 25-apreldan beri chekka hududlarga yordam yetkazish qiyin bo'lyapti, havo dispetcherlari yetishmayapti.

Nepal vaziri Surayyo Prasad Silvalning aytishicha, xorijdan kelayotgan yordam chekka hududlarga tarqatiladi, samolyot va vertolyotlar evakuatsiyaga muhtoj odamlarni eng katta zarar ko'rgan rayonlardan chiqaradi.

Qidiruv ishlari hali ham davom etmoqda. Tiriklarni topish umidi kun-sayin so'nib bormoqda. Minglab odam haligacha vayronalar ostida.

BMT hisobiga ko'ra, zilzila sakkiz million odamning hayotiga ta'sir qildi, ikki millioni uyini tashlab chiqishga majbur bo'ldi.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG