Dushanba, 22-dekabr, 2014 Toshkent vaqti: 18:24

Amerika

AQShda oziq-ovqat xavfsizligiga qo'yilgan talablar kuchaytirildi

AQShda yanvar oyidan oziq-ovqat sanoatini nazorat qiluvchi yangi qoidalar kuchga kirdi.
AQShda yanvar oyidan oziq-ovqat sanoatini nazorat qiluvchi yangi qoidalar kuchga kirdi.
Amerika Ovozi
AQShda oziq-ovqat sanoatini nazorat qiluvchi yangi qoidalar kuchga kirdi. Kuzatuvchilar fikricha, bu o’tgan asrning 30-yillaridan beri sohada kuzatilayotgan eng katta ijobiy o’zgarish. Yangi choralar har yili bir milliondan ortiq odam oziq-ovqatdan xastalanishining oldini olishi kutilmoqda.


Yangi qoidalar prezident Barak Obama Oziq-ovqat xavfsizligini modernizatsiyalash haqidagi qonunga imzo chekkanidan ikki yil o’tib joriy etilmoqda. Bu qonun ijrosini ta’minlashga qaratilgan dastlabki muhim qadam sifatida baholanmoqda. Endilikda sanoat ustidan nazoratni amalga oshiruvchi Oziq-ovqat va dori-darmon boshqarmasi shikoyat tushishini kutmasdan oldindan ehtiyot choralarini tatbiq etish vakolatiga ega bo’ladi.
 
Oziq-ovqat qonuni Amerikada yuzlab odamlarning konservalangan va qadoqlangan ismaloq, yeryong’oq moyi kabi mahsulotlardan zaharlanishi ortidan qabul qilingan edi. Qonun shu kabi baxtsiz hodisalarning oldini olishga xizmat qiladi, deydi Oziq-ovqat va dori-darmon boshqarmasi rasmiysi Margaret Gamburg.
 
“Ilgari shunday choralar bo’lmagani uchun zaharlanish hollari ro’y bergan. Endi bu borada jiddiy o’zgarish bo’lishiga ishonamiz”,- deydi u.
 
Yangi qoidalarga ko’ra, oziq-ovqat ishlab chiqaruvchilar zaharlanishga olib borishi mumkin bo’lgan sabablarni oldindan aniqlab, ularga qarshi chora ko’rishi lozim. Meva va sabzavotlarni xavfsiz yetishtirish uchun ma’lum andozalar belgilangan.

Kongress qoshidagi Byudjet idorasi hisobiga ko’ra, qonun ijrosi hukumatga 1,4 milliard dollarga tushadi. Soha vakillari chorani qo’llab-quvvatlamoqda, ammo ularning eng yirik uyushmasi – Amerika oziq-ovqat ishlab chiqaruvchilari yangi o’zgarishlar ularga qanchaga tushishi haqida ma’lumot bermoqchi emas.
 
Har yili olti amerikalikdan biri oziq-ovqatdan kasallanar ekan, sarflanayotgan mablag’ o’zini oqlaydi, deydi Oziq-ovqat va dori darmon idorasi vakili Maykl Teylor.
 
“Kasallanganlar soni kamayishining o’zi katta gap. Bundan tashqari, oziq-ovqat yetkazishda ro’y beradigan uzilishlar, iste’molchilar ishonchini yo’qotish kabi holatlarning oldi olinishini hisobga olsak, foydasi xarajatdan ko’ra ko’proq bo’ladi”, - deydi rasmiy.
 
Qoidalar bir yilga kechikdi, ammo, baribir, qabul qilinganidan xursandmiz, deydi Oziq-ovqat xavfsizligi jamoatchilik markazi rahbari Karolina Deval.
 
Lekin ko’rilayotgan choralar yetarli emas, deya qo’shimcha qiladi u.
 
“Import mahsulotlar haqidagi qoidalar qani? Ular hali ham qabul qilinmadi”, - deydi u.
 
Federal Oziq-ovqat idorasi ma’lumotiga ko’ra, AQShda iste’mol qilinadigan yeguliklarning 15 foizi chetdan keltiriladi. Lekin ularning miqdori yildan yilga o’sib bormoqda. Xorijdan keladigan oziq-ovqat mahsulotlariga ham mahalliy mahsulotlarga joriy etilgani kabi bir xil talablar qo’yilishi qonunda tilga olingan. Ammo bu boradagi qoidalar hali e’lon qilingani yo’q.
 
Yangi qoidalarning qabul qilinishi uchun kamida bir yil vaqt kerak bo’ladi.  Ular, avval, jamoatchilik e’tiboriga havola etiladi, so’ng bildirilgan takliflar asosida tegishli o’zgartirishlar kiritilishi mumkin.
 
Shuningdek, Kongress yangi qoidalarning amalga oshishi uchun ketadigan sarf-xarajatlarni hukumat bo’yniga yuklashi kerak. Og’ir  iqtisodiy sharoitda buning ham amalga oshishi qiyin.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Amerika Manzaralari/Exploring America, December 22, 2014i
X
22.12.2014 10:30
Har dushanba Toshkent vaqti bilan 15:30 da sun'iy yo'ldosh orqali uzatiladigan 30 daqiqali ko'rsatuv Amerikadagi siyosiy, iqtisodiy va ijtimoiy manzara bilan tanishtiradi. Qolaversa, Qo'shma Shtatlar - Markaziy Osiyo davlatlari orasidagi aloqalarni tahlil qiladi.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
  • AQShdan panoh topgan diniy yetakchi Fathulla Gulen tarafdorlari hukumatga qarshi namoyishda, Turkiya
  • Isroil askarlari Falastin qishlog'ida
     
  • Gavana, Kuba
  • Peshavor, Pokiston
  • Bangalor, Hindiston
  • Indoneziya
  • Xitoy
  • Chexiya
  • Tailand
  • Litva
  • Yaponiya
  • Abu Dabi, Birlashgan Arab Amirliklari
  • Quvayt
  • Germaniya

Interaktiv

SAYTGA KIRISHNING XAVFSIZ YO’LI