Shanba, 01-noyabr, 2014 Toshkent vaqti: 17:28

AQSh-Markaziy Osiyo

AQSh matbuoti: O'zbekiston harbiy tuhfadan umidvor

Amerika Ovozi
"Nyu-York Tayms" (The New York Times) gazetasining yoritishicha, O'zbekiston hukumati afg'on urushida ishlatilgan harbiy vositalarning bir qismini unga qoldirishni so'ramoqda.

Xalqaro koalitsiya 2014-yil oxirigacha afg'on zaminini butunlay tark etishga bel bog'lagan. Undan keyin Amerika bu mamlakatda qanday va qancha kuchga ega bo'ladi, bu hali mavhum.

Hozirgi asosiy vazifalardan biri o'tgan 11 yil ichida ishlatilgan harbiy vositalar, materiallar va uskunalarni olib chiqish. Buning uchun esa qo'shni davlatlarning hududlaridan, xususan O'zbekistondan o'tishga to'g'ri keladi.

Bunday hamkorlik evaziga esa Toshkent o'z talabini ayon qilgan, deya yozadi "Nyu-York Tayms".

O'zbekiston xususan zirhlangan mashinalar (BTR), mina topadigan moslamalar, vertolyotlar, navigatsiya vositalari va tunda ko'radigan binokllar so'ramoqda.

Ekspertlar fikrini o'rgangan gazeta e'tiborni O'zbekistonda korrupsiya chuqur ildiz otgani, repressiya kuchli ekani, inson huquqlari muntazam ravishda poymol etilishi, rahbariyat xalqi oldida mas'uliyat sezmasligiga qaratadi.

Islom Karimov va uning ma'muriyati bilan hamkorlik qilayotgan G'arb davlatlari yuqorida tilga olingan talabdan o'zini noqulay his etmoqda, ammo respublika bilan til topishishga majbur, deya sharhlaydi "Nyu-York Tayms".

AQSh Davlat departamenti va Pentagon, Mudofaa vazirligi, bu borada savolga tutilganida mujmal javob beriladi. Rasmiylar qisqa qilib, "bu borada hali gapirishga erta" deyishadi.

Inson huquqlari bilan bog'liq ahvol talabga javob bermaydi deya O'zbekistonga nisbatan sanksiyalar qo'ygan AQSh Kongressi 2012-yilda cheklangan tarzda harbiy yordam ko'rsatishga ruxsat bergan edi. O'zbekiston Afg'onistonga yuk tashiydigan Shimoliy Ta'minot Tizimining ajralmas qismi ekan, Vashington bu ko'mak bilan Toshkentga rahmat aytgan.

Harbiy vositalar nafaqat Amerika, balki Yevropa davlatlari, jumladan Britaniya va Germaniyadan ham so'ralmoqda, deya yozadi "Nyu-York Tayms".

Karimov rahbariyati bu borada hech narsa oshkor etmagan.

Inson huquqlari tashkilotlari nazarida har qanday harbiy ko'mak xalq tinchligini emas, aynan hukumat xavfsizligini ta'minlash uchun xizmat qiladi. Amerika va NATO bu borada uzoqni o'ylab qaror qilishi kerak, deya undaydi ular.

Yaqinda mintaqaga safar qilgan yetakchi diplomatlardan biri Vendi Sherman Bishkekda savolga tutilganida, Obama ma'muriyati hali biror qarorga kelmagan, dedi.

Shunisi aniqki, deydi rasmiy, Amerika hech kimga qurol-aslaha bermaydi, biror narsa hadya qilinsa ham u no-jangovar vosita bo'ladi.
Mazkur forum yopiq.
Izohlarni tartiblashtirish
Izohlar
     
Fikr bildiruvchi: Baxtiyor E-mail adresingiz: Lapasov
06.02.2013 01:14
Нима учун узбекистонда шунга ухшаш курол ярок кашф этишни бизни хукуматлар кизикишмиди .tunda kurish asbobi, va mena axtaradigon harbiy asboblar,Биз узбек халки бобокалонларимиз билан фахирланамиз. биз хам шулардик кучли давлат булишимиз мумкинку ?.


Fikr bildiruvchi: Baxtiyor E-mail adresingiz: Lapasov
06.02.2013 01:05
Узбекистон шу харбий техникаларга ихтиёжи бор экан.нима шунчалик узбек армияси кучсизми . Колаверса 11 йил афгон худудида жанг килган техникалар эскириб тамон булгану ?

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Otalar uyda, bola boqadi; onalar ishda - Today's dadsi
X
31.10.2014 22:03
Bugun ko'plab erkaklar uyda bola tarbiyasi bilan band, onalar esa ishlab pul topadi. Buning nimasi yomon, deya so'raydi "Amerika Ovozi" bilan gaplashgan amerikaliklar.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Fotogalereya

Fotogalereya Quddus: arab va yahudiylar orasida to'qnashuvlar

Quddusdagi al-Aqsa masjidi bugun qisman ochiq. Isroil politsiyasi chorshanba kuni inshootni butunlay yopib qo'ygach, Falastin ma'muriyati buni urush e'lon qilishga qiyoslagan edi. Hududda hafta boshida ro'y bergan otishmada avval isroillik ruhoniy jarohatlangan; ketidan politsiya falastinlik bir shaxsni otib o'ldirgan edi. To'polon ko'tarilmasligi uchun musulmon va yahudiylar uchun muqaddas sanalgan masjid va uning atrofini vaqtincha to'sib qo'ydik, deydi Isroil huquq-tartibot xodimlari. 50 yoshgacha bo'lgan erkaklar hududga hamon yo'latilmayapti. G'azoda hukmron HAMAS va Isroil o'rtasida shu yil ro'y bergan ikki oylik urush ortidan yahudiy va falastinliklar munosabati hanuz tarang. Ixtilof 21 mingdan ziyod odam, asosan, g'azolik tinch aholini hayotdan olib ketgan edi.
Fotogalereya

Fotogalereya Burkina Fasoda xalq isyon ko'tardi, prezident ishdan ketdi

G'arbiy Afrikadagi davlat, Burkina Fasoda prezident Bleyz Kompraore 27 yillik boshqaruvdan keyin ishdan ketdi. Mamlakatda o'n minglab odamlar namoyishga chiqib, rahbarning iste'fosini talab qilayotgan edi. Chiqishlar qonli tus olgach, kecha armiya parlamentni tarqatib yuborib, muvaffaq hukumat tuzilishini ma'lum qilgan. 1987-yildan beri Burkina Fasoni boshqarayotgan Kompraore sal oldin parlamentda yangi qonunni olg'a surib, hokimiyatda uzoqroq qolishni ko'zlayotgan edi. Omma bundan norozi bo'lib isyon ko'targan. Sobiq rahbar hozir qayerda ekani, o'rniga kim tayinlanishi hali ma'lum emas. Ayrim manbalarda general Luame Loug vaqtli hukumatga bosh bo'lishi mumkin deyilmoqda. Kecha, payshanba kuni poytaxt Uagaduguda odamlar parlamentga o't qo'yib, boshqa davlat idoralariga bostirib kirgan. Politsiyaning aytishicha, o'lganlar va yaradorlar bor. Xalqni tinchlantirish uchun rasmiylar parlamentda olg'a surilgan konstitutsion o'zgarishlarni va bir necha soat oldin e'lon qilingan favqulodda holatni bekor qildi. Birlashgan Millatlar Tashkiloti Bosh kotibi Pan Gi Mun G'arbiy Afrikadagi bu davlatda vaziyatni xavotir bilan kuzatayapmiz, deydi. Bosh kotib tomonlarni tinchlanishga va zo'ravonlikdan tiyilishga chaqirmoqda.
Fotogalereya

Fotogalereya Peshmerga kuchlari Kobaniga yetib keldi

Iroq Kurdistonidan peshmerga jangchilarining bir qismi Suriyaning Kobani shahriga yetib borgan. Ular "Islomiy davlat" jangari guruhiga qarshi kurashda mahalliy kurdlar va xalqaro koalitsiyaga yordam beradi.
Fotogalereya

Fotogalereya Gavayi vulqoni aholi turar joylariga yetib keldi

Gavayida otilib chiqqan vulqon lavalari bir necha hafta o'tib Paxoa shaharchasiga yetib keldi. Sekin harakatlanayotgan lava "daryosi" yo'lda uchragan har qanday narsani kuydirib kulga aylantirmoqda. Shaharcha aholisi xavfsiz joyga evakuatsiya qilingan.
Fotogalereya

Fotogalereya Ebolaga qarshi global kurash

Dunyo bo'ylab Ebolaga qarshi kurash choralari kuchaytirilmoqda. Eboladan ogohlik oyligi doirasida turli mamlakatlarda xavfli kasallikka qarshi tayyorgarlik mashg'ulotlari o'tkazilmoqda.
Fotogalereya

Fotogalereya Afg'onistondagi missiya nihoyasiga yetayapti

Afg'onistonning Hilmand viloyatidagi yirik harbiy baza mahalliy armiya nazoratiga o'tdi. AQSh va Britaniya qo'shinlari missiyani yakunlab, o'lkani tark etishga hozirlik ko'rmoqda. 2015-yilda Afg'onistonda 12 ming xorijiy askar qoladi.
Fotogalereya

Fotogalereya Suriya va Iroq

G'arb qo'llab-quvvatlovini olgan kurd jangchilari Turkiya orqali Suriyaga 1300 safdoshini jo'natishga hozirlik ko'rayapti. Iroqda va Suriyada janglar davom etmoqda.
Fotogalereya

Fotogalereya Turkiya kurdlari qo'shni davlatdagi urushda o'lgan elatdoshlariga motam tutmoqda

Suriyaning Kobani shahri bir necha kundan beri jang maydoni. "Islomiy davlat" bilan qonli urush ketmoqda.
Fotogalereya

Fotogalereya Kanada parlamentida otishma, Ottavadan suratlar

Kanada poytaxtida urush qahramonlariga qo'yilgan yodgorlik oldida turgan askar otib ketilgan. Bu inshoot yaqinidagi parlament binosi ham xavf ostida degan ogohlantirishdan keyin evakuatsiya ishlari boshlangan. Harbiy soqchini nishonga olgan shaxs parlament tomon qochdi, deydi guvohlar. Imoratdan o'q ovozlari eshitilgan. Askarni otgan odam politsiya o'qidan o'lgan. Yaralangan askar ham kasalxonada jon bergan.

Interaktiv

SAYTGA KIRISHNING XAVFSIZ YO’LI