Payshanba, 02-oktyabr, 2014 Toshkent vaqti: 17:26

Xalqaro

Prezident Obama Tailandda. Kambodjada ASEAN sammiti boshlandi

Prezident Barak Obama Tailand Bosh vazirasi Yingluk Shinavatra bilan uchrashuv chog'ida, Bangkok, 18-noyabr, 2012-yil.
Prezident Barak Obama Tailand Bosh vazirasi Yingluk Shinavatra bilan uchrashuv chog'ida, Bangkok, 18-noyabr, 2012-yil.
Amerika Ovozi
Prezident Barak Obama Osiyo qit’asiga safari davomida bugun Tailandga borgan. AQSh rahbari Bangkokda Bosh vazir Yingluk Shinavatra bilan uchrashdi. Bu Obamaning qayta saylanganidan so’ng ilk xorijiy safari. U Birma va Kambodjada ham bo’lishi rejalangan.

Obama saylov kampaniyasida iqtisodiyotni kuchaytirishga so’z bergan ekan, Osiyo bilan siyosiy va iqtisodiy munosabatlarni chuqurlashtirish AQSh tashqi siyosatining yangi va muhim yo’nalishlaridan biriga aylanmoqda.

Obama Birmaga safar qilgan ilk Amerika prezidenti bo’ladi. U ko’p yillik harbiy diktaturadan so’ng siyosiy islohotlarga qo’l urgan Birma hukumatiga dalda bermoqchi.

Obama bu mamlakat prezidenti Teyn Sheyn va muxolifat rahbari Aun San Su Chi bilan uchrashadi.

Ayrim huquq tashkilotlariga ko’ra, Amerika rahbari Birmaga safar qilishda bir oz shoshdi. Avval islohotlarning chuqurlashishini, barcha siyosiy mahbuslarning ozod etilishini, etnik va diniy guruhlar o’rtasidagi nizolarga barham berilishini kutish kerak edi, deydi ular.

Biroq Obamaning aytishicha, uning safari AQSh Birma hukumati siyosatini olqishlaydi degani emas.

"Birmada haqiqiy o’zgarishlarga hali ancha bor. Buni tan olamiz. Ammo ular bilan muloqot uchun Birmaning haqiqiy demokratiyaga aylanishini kutadigan bo’lsak, uzoq kutishga to’g’ri keladi", - deydi Obama.

AQSh rahbari tashrif bahonasida shu paytgacha erishilgan yutuqlarni olqishlab, bu davlatga yo’l-yo’riq ko’rsatmoqchimiz, dedi. Kambodjada Obama Janubi-sharqiy Osiyo davlatlari uyushmasi, ASEAN yig’ilishida ishtirok etadi.

Sammit Kambodja poytaxti Pnompenda o’tmoqda. Ayrim a’zo mamlakatlarda inson huquqlari ahvoli, hududiy bahslar, iqtisodiy hamkorlik, Birmadagi qonli milliy nizolar muhokama etilmoqda.

Bugun anjumanning birinchi kuni. 10 davlat a’zo ASEAN tashkiloti Xitoyning Janubiy Xitoy dengizidagi da’volariga qarshi birgalikda harakat qilmoqchi. Pekin tabiiy resurslarga boy zonani o’ziniki deb biladi. Ammo Vyetnam, Filippin, Malayziya, Bruney va Tayvan ham dengizning bir qismi bizga tegishli, deydi.

Bugun a’zo-davlatlar qo’shma bayonot qabul qilib, mintaqada inson huquqlarini himoya qilishga va’da bergan. Ammo huquq tashkilotlari nazarida hujjat xom tayyorlangan.

Sammit davomida Birmada buddistlar va musulmonlar o’rtasidagi nizolar ham muhokama etiladi. Zo’ravonliklar natijasida iyun oyidan beri 22 mingdan ziyod odam uyini tashlab chiqishga majbur bo’lgan.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
AQSh: oziq-ovqat va tirikchilik US/Food Aidi
X
01.10.2014 21:37
AQSh Qishloq xo’jaligi vazirligining xulosa qilishicha, otgan yili 17 million odam, ya’ni har yetti amerikalikdan biri to’yib ovqat yemagan. 2008-yildan buyon bu raqam o’zgarmay keladi. Moliyaviy inqiroz tugab, iqtisodiy o’sish kuzatilayotganiga qaramay, Amerikada kambag’allar kamaymayapti.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
  • Qutqaruvchilar va rossiyaparast isyonchilar otishmada halok bo'lgan odamning jasadini olib ketmoqda, Donetsk, sharqiy Ukraina, 1-oktabr, 2014-yil.

  • Snaryad kelib tushgan maktab sinfxonasining ko'rinishi, Donetsk, sharqiy Ukraina, 1-oktabr, 2014-yil.

  • Otishmada halok bo'lgan biologiya o'qituvchisining jasadi maktab zalida yotibdi, Donetsk, sharqiy Ukraina, 1-oktabr, 2014-yil.

  • Donetskdagi isyonchilar rahbari Aleksandr Zaxarchenko (markazda) shikastlangan maktab binosini ko'zdan kechirmoqda, 1-oktabr, 2014-yil.

  • O'quvchi va ota-onalar otishma payti maktab yerto'lasida jon saqlamoqda, 1-oktabr, 2014-yil.

  • Otishma yuz bergan hududdan quyuq tutun chiqmoqda, Donetsk, sharqiy Ukraina, 1-oktabr, 2014-yil.

  • Ukrainalik o'quvchilar yangi o'quv yili boshganlanini nishonlamoqda, Makivka, sharqiy Ukraina, 1-oktabr, 2014-yil.

Fotogalereya

Fotogalereya Ukraina inqirozi kengayishda davom etmoqda

Sharqiy Ukrainada isyonchilar va hukumat kuchlari o'rtasida otishma davom etmoqda. Donetskda yuz bergan so'nggi to'qnashuvda maktab binosiga snaryad kelib tushib, to'rt kishi, jumladan, ikki o'qituvchi va ota-onalardan biri halok bo'lgan.
Fotogalereya

Fotogalereya Ashraf G'ani - Afg'onistonning yangi prezidenti

Uzoq davom etgan saylov mashmashasidan so'ng Ashraf G'ani Afg'onistonning yangi prezidenti deb e'lon qilindi. Saylovda unga qarshi kurash olib borgan Abdulla Abdulla, o'zaro siyosiy kelishuvdan so'ng, yangi hukumatning bosh vaziri etib tayinlandi. Yangi hukumat ishga tushishi bilan Hamid Karzay davrida AQSh bilan tuzilgan xavfsizlik bitimini imzoladi.
Fotogalereya

Fotogalereya Gonkongda norozilik namoyishlari

Gonkong politsiyasi ko'zdan yosh oqizuvchi gaz qo'llab, namoyishchilarni tarqatishga urinishiga qaramay, aholi ko'chalarni tark etmayapti. Ular Pekinning siyosiy islohotni cheklashga qaratilgan choralaridan norozi.
Fotogalereya

Fotogalereya Ebola epidemiyasi suratlarda

Ebola epidemiyasi kengayishda davom etmoqda. BMT Bosh Assambleyasi yig'inida ham shu mavzuga alohida e'tibor qaratildi.
Fotogalereya

Fotogalereya Varshava, Polsha: O'zbekistonda inson huquqlari va siyosiy mahbuslar

Nyu-Yorkda asoslangan xalqaro tashkilot, inson huquqlari bo'yicha "Human Rights Watch" (HRW) o'zining 121 betlik yangi hisobotida tahlil qilishicha, O’zbekiston inson huquqlari keng ko’lamda poymol etiladigan davlat; so'z va fikr erkinligi faqat qog'ozda; bu huquqlarni amalda qo'llash - qamoq va qiynoq tomon yo'l. Tahlilnoma Varshavada e'lon qilindi. Yevropada Xavfsizlik va Hamkorlik Tashkiloti u yerda inson huquqlari bo'yicha yillik majlisini o'tkazmoqda. Unda O'zbekistonning taniqli huquq himoyachilari Vasila Inoyatova va Mo'tabar Tojiboyeva singari faollar so'zga chiqqan va qamoqxonalardagi vaziyat haqida tanqidiy hisobotlar bergan. Konferensiya doirasida siyosiy mahbuslarning ozod etilishiga chaqiruvchi namoyishlar ham o'tmoqda.
Fotogalereya

Fotogalereya Minglab odamlar iqlim himoyasiga otlandi

Yakshanba kuni minglab odamlar namoyishga chiqib, siyosat ahlini iqlimdagi salbiy o'zgarishlarga qarshi dadilroq harakat qilishga chaqirdi.
Fotogalereya

Fotogalereya O'n minglab suriyaliklar Turkiyaga qochayapti

Suriyada "Islomiy davlat" jangari guruhining hamlasi ketidan o'n minglab kurdlar Turkiyaga qochayapti. Anqara qochqinlarni kiritish uchun 19-sentabrda Suriya bilan chegarani ochgan. Hozirning o'zida Turkiyada Suriyadagi urushdan bosh olib ketgan yuz minglab suriyalik jon saqlamoqda.
Fotogalereya

Fotogalereya Jalol-Obod, Arslonbob va O'zgan

Jalol-Obod viloyati bo'ylab sayohat... Shahardan Suzoq qishlog'i tomon boramiz. So'ngra Arslonbob to'glariga chiqamiz va sharsharalar tagida dam olamiz. Qishloqlarni kezamiz. Jamoatchilik bilan muloqotda bo'lamiz. Bozorlar, ko'chalar va hayot. Qirg'iziston janubida shu yilning avgustida olingan suratlarni tomosha qiling. Tafsilotlar mana bu blogda: http://blogs.voanews.com/uzbek/yoshlariston/2014/09/20/jalol-obod-arslonbob-va-ozgandagi-bebaho-lahzalar/
Fotogalereya

Fotogalereya "Islomiy davlat"ga qarshi kurash

Iroq va Suriyadagi "Islomiy davlat" jangarilariga qarshi xalqaro koalitsiya tuzish jarayoni davom etmoqda. Ko'plab davlatlar o'q-dori va qurollar yetkazish, shuningdek, Iroq va kurd askarlarini harbiy tayyorgarlikdan o'tkazish ishlarida yordam berishga va'da berdi.

Interaktiv

SAYTGA KIRISHNING XAVFSIZ YO’LI