Seshanba, 01-sentyabr, 2015 Toshkent vaqti: 06:47

Siyosat

Obama: Soliq bo'yicha va'damning ustidan chiqdim

Amerikani
Amerikani "moliyaviy jarlik"dan xalos etgan qonun qabul qilinganidan so'ng prezident Barak Obama jilmaymoqda, Oq Uy, Vashington, 1-yanvar, 2013-yil.
Amerika Ovozi
AQSh prezidenti Barak Obama boylar manfaatiga xizmat qiluvchi soliq tizimini o’zgartirishga muvaffaq bo’lganini e’lon qildi.

Kongress tomonidan qabul qilingan yangi qonun mamlakatni “moliyaviy jarlik”dan xalos qilgani aytilmoqda.

Prezident Obama har ikki partiya vakillariga, xususan, vitse-prezident Jo Baydenga soliqlarning oshishi va hukumat xarajatlarining qisqarishiga yo’l qo’ymagani uchun o’z minnatdorligini izhor etdi.

“Byudjet bo’yicha biz erishgan kelishuv shuni ko’rsatyaptiku, siyosatga emas, balki mamlakat uchun nima muhimligiga e’tibor qaratsak, birga olg’a siljishimiz mumkin”, - dedi davlat rahbari.
 
Obama prezidentlik uchun olib borgan kurashida o’rta qatlam uchun soliqlarni oshirmaslikka, ammo boylarni bunday imtiyoz bilan siylamaslikka va’da bergan edi.
 
Uning aytishicha, mamlakatning kamomadi juda yuqori va qarz olish chegarasini yana ko’tarish bo’yicha Kongress bilan ortiq murosaga bormaydi.
 
“Buning butun global iqtisodiyot uchun asorati juda yomon bo’ladi. “Moliyaviy jarlik”dan ham ko’ra falokatliroq bo’ladi”, - dedi prezident.
 
Davlat rahbarining ta’kidlashicha, defitsitni muvozanatni saqlagan holda kamaytirib borish kerak. Toki men prezident ekanman, shu maqsadga og’ishmay rioya qilaman, dedi u.
 
Kecha Kongressda bo’lib o’tgan ovoz berishdan so’ng Obama har ikki partiya vakillarini daromadni oshirish va xarajatlarni qisqartirish masalasida birga ishlashga chaqirdi. Ayni paytda muhim ijtimoiy dasturlarni saqlab qolish kerak, dedi u.

“Biz bu munozarani hal eta olamiz. Butun vaqtimiz va energiyamizni unga sarflamasligimiz kerak. Oldinda bizni boshqa muhim muammolar ham kutib turibdi. Ish o’rinlarini yaratish, daromadlarni oshirish, infratuzilmani sozlash, immigratsiya tizimini isloh qilish, sayyoramizni iqlim o’zgarishi asoratlaridan himoya qilish, mahalliy energiya ishlab chiqarishni kengaytirish va farzandlarimizni qurol zo’ravonligidan himoya qilish ham muhim vazifalarimiz”, - dedi prezident Obama.
 
Shunday ekan, oldinda Kongressni ahamiyati “moliyaviy jarlik”dan kam bo’lmagan bir qator vazifalar kutib turibdi, deyish mumkin.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Saylov-2016: Prezidentlikka nomzodlar xalq ko'nglini ovlamoqdai
X
31.08.2015 23:21
Saylov 2016-yilning 8-noyabrida. Partiyaviy saralash jarayoni kelasi yil boshida avj oladi.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
  • Iordan daryosining G'arbiy sohilida Isroil politsiyasi to'siqlarga qarshi chiqqan falastinlikni do'pposlamoqda
  • Yaponiyada hukumatga qarshi namoyishlar, omma Bosh vazir Shinzo Abe mudofaa borasida taklif qilayotgan qonun loyihalaridan norozi
  • Norvegiya dengiz kuchlari O'rta dengizda
  • Yaman poytaxti Sano Saudiya Arabistoni boshchiligida havo hujumlari ostida. Shia o'choqlari nishonda.
  • Malayziyada hukumatga qarshi namoyishchi
  • Hindistonda diniy bayram
  • Novogrudok, Belarus
  • Ispaniya o'rmonlarida yong'in
  • Minsk, Belarus
  • Shvetsiya
  • Tokio ko'chalarida festival, Yaponiya
  • To'lin oy, Portugaliya. Poytaxt Lissabonda Moliya vazirligi joylashgan tarixiy bino.

Interaktiv

SAYTGA KIRISHNING XAVFSIZ YO’LI