Dushanba, 24-noyabr, 2014 Toshkent vaqti: 08:45

Amerika

Obama: Hujumkor qurollarni taqiqlash kerak

Amerika Ovozi
Konnektikut shtatidagi fojiadan besh kun o’tib, prezident Barak Obama Kongressdan hujumkor qurollarni man etishni so’ramoqda.


14-dekabr kuni Sendi Xuk nomidagi boshlang’ich maktabda ro’y bergan voqea mamlakat tarixidagi eng qonlilaridan. Qatliomda 26 kishi halok bo’lgan, 20 nafari 6-7 yoshdagi bolalar. 

Ikkinchi muddatini boshlayotgan Obama qurol nazoratini kuchaytirish uchun prezident vakolatini to’la ishga solishini aytdi. 2013-yilning yanvariga qolmasdan Kongressga bir qator konkret takliflar yuboriladi. Vitse-prezident Jo Bayden bu harakatlarga bosh-qosh bo’ladi.

“Maktabdagi fojiaga nima yetaklagani bizga noma’lum, lekin shuni bilamizki, qurollar bilan bog’liq zo’ravonlik har kuni kimnidir hayotdan olib ketadi. Jamiyat uchun naqadar dahshatli bu. Buning oldini olish uchun barchamiz mas’ulmiz”, - deydi prezident.  

Vakillar Palatasida ko’pchilikni tashkil etuvchi respublikachilar va ularning tarafdorlari nazarida qurolga egalik huquqi konstitutsiya bilan kafolatlangan. Hukumatning cheklov qo’yishga haqqi yo’q, deydi tashabbusga qarshi chiqayotgan qonunchilar.

Obamaning demokrat safdoshlari harbiy turdagi, sig’imi katta avtomatik qurollar savdosini taqiqlashga qaratilgan loyihalar ustida ish boshlagan.

Ovora bo’lib o’tirmang, baribir ovozdan o’tmaydi, deya javob beradi aksar respublikachilar.

Oq uydan so’zlagan Barak Obama muammo qonunlar bilangina hal bo’lmaydi, dedi. Ruhiy muolaja markazlarini ko’paytirish va bu muassasalarda davolanishni osonlashtirish kerak, deydi u.

Konnektikut shtatining Nyutaun shaharchasida motam. Shahar ahli fojiada halok bo’lgan o’qituvchilar, go’daklar bilan vidolashmoqda.

20-yoshli Adam Lanza avval uyda o’z onasini otgan. So’ngra qurollar bilan maktabga kelib, sinfma-sinf hammaga hujum qilgan.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Yangi musulmonlar - Amerika hayotidan/New Muslims in Americai
X
21.11.2014 22:57
Amerikada islom diniga kirayotganlarning aksariyati hozir ispanzabonlar. Lotin Amerikasidan kelgani uchun ularni latinolar deb atashadi. Hozir AQShda besh millionga yaqin musulmon bo'lsa, ularning olti foizi latinolar.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Fotogalereya

Fotogalereya Sterilizatsiya hind ayollarini o'ldirdi

Hindistonda tug'ishning oldini olish uchun o'tkazilgan jarrohlik amaliyotidan so'ng 13 ayol jon bergan. Aholi sonini nazorat qilishga urinayotgan hukumat sterilizatsiyaga zo'r bermoqda. Hibsga olingan jarrohning aytishicha, ayollarning o'limiga amaliyotdan keyin berilgan dorilar sabab bo'lgan.
Fotogalereya

Fotogalereya Vashingtonda global festival

Poytaxtdagi Vashington markazida (The Washington Center) Global fuqaro kuni bayram qilinib, o'nlab davlatdan talabalar madaniyati, taomlari, kuy-qo'shiqlarini namoyish qildi.

Interaktiv

SAYTGA KIRISHNING XAVFSIZ YO’LI